منتديات القاهرة اليوم

المشكلة ان المصريين دلوقتى فاهمين الحرية و الديمقراطية الى بينادو بيها غلط مش معنى الحرية ان الى يطلع فى دماغى لازم يتنفد و فورا و الا بينتج عنه وسائل ضغط كثيرة ده اسمه بلطجة و ارهاب و مش معنى الديمقراطية انى امنع حد معين من الترشح لانه كان من الفلول؟؟؟ (يعنى ايه فلول ده مصرى الجنسية يتمتع باى حقوق او واجبات زى اى واحد مصرى .... بعد الثورة ما حدش على راسه ريشة).... او كان دو منصب سابق انا ارى ان من حقنا اننا يكون لنا راى فى الموضوع و اننا الى نقول مين اه و مين لأ بصناديق الانتخاب و على فكرة انا ما كنتش حانتخب لا عمر سليمان و لا احمد شفيق و لا الشيخ حازم و لا الشاطر انتو بتقولوا ان المصريين ازكى شعب طيب ليه بنتزاكى على بعض و نوجه الجماهير و نلعب على مشاعرهم و عواطفهم و ما يصحش انهم يكونو الوصى علينا بدل ما يعملو مظاهرات و اعتصامات المفروض انهم يكسبو تاييدنا المفروض انهم يعملو حملات نظافة او توزيع انابيب البوتاجاز او انشاء حدائق او محو امية علشان نقول بجد انهم يستحقو و بدأو من قبل ما يكونو رؤساء و اثبتولنا انهم بيحبو مصر انا اقسم ان فى من عامة الشعب الى يستحق انه يكون الرئيس بجد و ان احنا مش عارفينه و لانه مكبر دماغه واحد زى ده بيكون من حزب الكنبة الى بنتمى انا اليه و الى هو مكبر من كل حاجة زى مثلا الانتخابات و المظاهرات و الاخوان و السلفيين و اليبراليين و غيره و غيره اتحدى اى حزب فى مصر انه يكون له غالبية زى حزبنا اى الكنبة و الحزب ده بيضم حوالى 60 مليون مصرى لان كل الى بيصوتو على حسب معرفتى 20 مليون وطبعا الحزب ده حيتحرك يوم الانتخابات الرئاسية لانه لازم يكون لينا دور فى الحاجات المهمة و لاننا ازكى شعب فان حزبنا حيتحرك اليوم ده و الموازين و التوقعات كلها حتبقى فشنك انشاء الله