فكرت تعمل مشروع تجاري قبل كده ؟ [الأرشيف] - منتديات القاهرة اليوم

مشاهدة النسخة كاملة : فكرت تعمل مشروع تجاري قبل كده ؟

AshraF

27-05-2007, 04:25 AM

فكرت تشتغل في التجااره وتعمل مشروع تجااري قبل كده ؟

كاانت أيه الفكره ؟ وأيه اللى منعك عن تنفيذهاا ؟

طب أيه المشروع اللى في بالك دلوقتي ونفسك تعمله ؟

مش شرط تكون فعلا هتعمله ، لكن ايه اللى انتاا بتحلم بيه ومتخيل إنه هيكون مشروح مربح لو عملته ؟

RIKA

27-05-2007, 06:57 AM

فكرت تشتغل في التجااره وتعمل مشروع تجااري قبل كده ؟

أة طبعاً فكرت وعملت الحمد لله بس مكانش إللى بحلم بية

كاانت أيه الفكره ؟ وأيه اللى منعك عن تنفيذهاا ؟

كانت الفكرة إللى بحلم بيها إنى أعمل ورشة تصنيع كبيرة بس للأسف مكانش فى ساعتها الناس إللى ينفع تشتغل معايا وتكون فاهمة طبيعة الشغل كويس

طب أيه المشروع اللى في بالك دلوقتي ونفسك تعمله ؟

نفسى اشترى محل فى خان الخليلى او فى أى منطقة سياحية
بس للأسف عايز مبلغ وقدرة
مش شرط تكون فعلا هتعمله ، لكن ايه اللى انتاا بتحلم بيه ومتخيل إنه هيكون مشروح مربح لو عملته ؟
:D:pمانا قولت فى الاسئلة إللى فوق هى شغلانة ولا إية

CAppO

27-05-2007, 07:03 AM

فكرت اه انا وناس صحاب نعمل محل للملابس الرياضيه .... بس عشان لسه بدرس ماحدش في البيت تشجع للفكره

نفس الفكره برضو في بالي انا اعمل محل ملابس رياضيه او اخد توكيل لمحل ملابس رياضي كبير زي اديداس كده :cry: بلاش نايكي عشان بكرهه

شكرا ياعم المتاجر على مواضيعك المربحه دي على الصبح :p

BasseM

27-05-2007, 04:06 PM

RasheeD

27-05-2007, 08:39 PM

فكرت اعمل انا وجوز اختى من سنتين تقريبا
كان مركز لغسيل الكيلا
هي الفكره اتنفذت فعلا بس مش انا اللى مباشرها دلوقتي
بس المركز موجود والحمد لله فكره ناجحه بس محتاجه وجود دكتور ماهر ومكان مناسب جدا وراس مال قوي
شكرا ياشرف

spider fares

12-06-2007, 06:41 AM

يوووووووووووووووووووه كتير كره كافتيريا ومره جاليري بس كان بيفشل بسبب الشركاء اللي هما اصدقائي بسم الله ما شاء الله كلام وبس

محمد شريف

20-06-2007, 04:54 PM

انا عملت مشروع تجاره اجهزه كهربائيه
والحمدلله خسرت فيه مبلغ محترم
نصيحه يا شباب احترسوا من المشاريع التجاريه والتي لها صله بلجهات الحكوميه مثل ضرائب المبيعات
وعموما السوق بيعيا ومابيموتش علي رأي الحاج الله يرحمه
عموما الي يعرف يشتغل بشهادته حاليا ملك غير متوج كفايه بعدك عن الجهات الرقابيه الحكوميه والي هي معتبره ان التاجر ده بيكبش من بحر فلوس ولازم يديهم
والهي لو كنت اعرف ان اشتغالي بلتجاره هتكون نتيجته كده كنت اشتغلت بلليسانس بتاعي وكان زماني نائب احكام مش تاجر معرض للاحكام
عموما الخيره فيما اختاره الله
وهدانا وهداكم الله

فاطمة الزهراء

21-06-2007, 05:35 PM

انا فعلا فكرت وعملت مشروع كان يهتم بالاكسسورات الحريمى وكل ما يهم الفتاه من مكملات اللبس سواء للبنت المحجبه او اللى غير وكان معايا شريكه ربنا ما يبلى حد عنيها وحشه جدا جدا وفظلت صابره وكان مكسب المشروع حلو اوى بس الفلوس اللى منظوره بتضيع بسرعه وفشل طبعا المشروع بسبب الشريكه ومن وقتها قررت انى ما افكرش اعمل مشروع مع اى حد