ايه اللى بيعجبك في عمرو أديب؟

[Sniper]

http://www.up4world.com/images/store10/6ea9679da1.jpg


كل واحد يقول اللى بيعجبة فى عمرو اديب والبرنامج عموما وبيشدة وبدون مجاملات مش عشان فى موقعه يعني
:)

[Mr MohameD]

جرأته و خفه دمه فى الحديث و انه مبيخافش من اى حد ايا كان اسمه فى مصر او فى اى حته
و بيتكلم براحته عالآخر و كمان عقله المتفتح الكبير اوى و الى لسه فيه جواه حاجات كتير يقدمهالنا
شكرا ليك عالموضوع

[Sniper]

شكرا على ردك يامودي
:)

[MIZO]

انا كنت بحب كل حاجه فيه والله لحد ماتريق على الاهلي
كان بايخ جدا واستخف دمه قوي وبجد يعنى كنت هكرهه

[BLaLO]

جرىء ودمه خفيف ..بدرجة كبيره بيتكلم عن اللى جوا الشعب المصرى
ومش متكلف

[Mohamed Kareem]

راجل بجد ودا واضح بالناس اللى بتتصل بيه عشان مساعدات وكدا ... مبيخافش فى الحق ... بيقول كل اللى في نفسة وعفوي كدا .. عمرو اديب م الاخر افضل مذيع وصاحب احسن برنامج يستحق اننا نعمله موقع ونتعب عشانة :):)

شكرا ياخالد والموضوع مثبت يامعلم
:thumbsup:

[RasheeD]

كل حاجة في عمرو اديب تستحق الاشادة وكل النجاح اللى وصلة
:)

[habibyya_2012]

عمرو كل حاجة في البرنامج جامدة وهو كمان استاذواعلامي نجاح يستحق التقدير واعجاب الجميع

[المقدم بطيشة]

اللى بيعجبنى فى
عمرو أديب
:bstwish:
كلة على كلة
واللى بيشدينى فى
القاهرة اليوم
:goodluck: كلة على كلة

[nazlycat]

مابحبش فى عمرو انه بيكره الستات المحجبات غير انه بيظهر عكس كده

[hala]

تصليت الضوء على اهم الاحداث اللي بتحصل
دمه خفيف و بيقدم البرنامج بطريقة حلوة
بصراحة كل حاجة بتعجبني
لانه اعلامي ناجح و دؤوب

[BasseM]

هو حلو في كل حاجه بس فيه عيب
انا عن نفسي بستقتل دمه لما يتريق علي الاهلي
شكرا للثريد
:wub:

[Romioo]

هو حلو في كل حاجه بس فيه عيب
انا عن نفسي بستقتل دمه لما يتريق علي الاهلي
شكرا للثريد
:wub:

:mfr_lol::mfr_lol:انا عكسك خالص ياجدع

[د0تامرعزت]

عمووووووووووووور
زي العسل

وربنا يهديه


للصالح

[islam_x22]

القاهرة اليوم من غير عمرو اديب برنامج فاشل

[sally]

انا بحب حاجات كتير اوى فى عمرو بس اكتر حاجة طيبته اتفرجوا عليه لما بيشوفعمل ايه و بيتكلم ازاى بجد عمرو قلبه كبير اوى بس انا عايزة اعلق على حاجة لو تسمحولى على انه مش بيحب المحجبات معتقدش لان عمرو مامته محجبة و مراة عماد محجبة

[sally]

لما بيشوف طفل تعبان بيعمل ايه

[shadowhisper]

بحب فى عمرو .. طبيعته ,خفة دمه , حضوره ,قدرته على التأثير والاقناع
البرنامج بحبه كله بس اوقات اما بيكتر من المواضيع السياسيه ما بحبوش
بحبه اما يتكلم عن كل حاجه .. سياسه ,دين ,اجتماعيات ,أدب
شكرااااااااااا يا سنيبر

[AHMED-AMER]

اكتر حاجه بحبها فى عرمو اديب عن ودى عن طريق تقديمه للبرنامج لو معاه ضيف مبيحولش يظهر نفسه اكتر من الضيف زى البتعمله والبيعمله كتير من مقدمى البرامج بالاضافه الى لباقته فى الكلام قدره على عرض الموضيع في صوره فكاهه وقدره على الاقناع
وشكرا ليك اسنيبر

[sameh_ig]

عمرو و خيرى و احمد موسى و رجاء و عزت كلهم ما شاء اللة ناس زى العسل

و البرنامج رائع

مشكلتى بدات اما بداء يذيع من بورتمارينا ؟؟؟؟
كان اية لزمتها الحلقات دية
حسيت انة مش عايش و شايف البلد زيهم برضة

[nemo]

شكرا

[yazoal]

بصراحه .. راجل سكره و انا بحبه جداً

[marwa salih]

بيعجبنى فى عمرو انه تعليقاته هى تعليقاتى انا وصحابى بجد والله بحسه واحد من الشله بتاعتنا اسلوبه تهريجه كله كله .غير انه عقرب برضه زينا بجد بحس وانا بتفرج على البرنامج انه شخص قريب جدا منى وانى اعرفه شخصيا[]

[nubianeng]

احلى 3 حاجات فى عمرو أديب انه جرئ و أنه خفيف الدم جدا لابعد الحدود و عليه اقفشات تجنن و أنه زملكاوى

[freska]

رأى هيكون غريب شوية بس اللى هيفكر فية هيلاقية واقعى جدا ........

انا شايفة انة عمرو انسان ممتاز جدا من خفة دمة لجرأتة لواقعيتة و حاجات كتييير قوى تانيةبس دة فى الظاهر او قصدى دة اللى بيبان فى الشاشة لكن لو كمان كان كدة فى حياتة العامة و الشخصية هيكون بجد انسان ولا فى الاحلام

[beba]

ألى بيعجبنى فية اولا انةجرىء و فى نفس الوقت ذكى لانة بيعرف يقول كل ألى هو عايزة من غير ما حد يمسك علية غلطة . ثانيا انة مثقف جيدا والاهم انة عندة قدرة غريبة انة يجبر الناس تسمعة و هو بيتكلم فى اى موضوع حتى لو انتى مش مهتم بية لكن اكيد هتسمعة منة لان ياما فى ناس على قدر كبير من الثقافة لكن ما عندهمش فن الحوار . و اخيرا انة على قد ما هو بيكلم و بيتعامل مع اكبر الشخصيات و المسؤلين فى مصر او خارج مصر لكنة دائما يحافظ على وضعة و كرامتة مش زى بعض الاعلامين ألى بيهللوا ويكبوا فى الناس و يحقروا نفسهم يعنى زى ما هو قال مرة بالبلدى كدة انا ما بطبلش لحد . اجمالا هو بالنسبة لى الشخصية الاقرب للمثالية

[Shaymaa_AdeeB]

كاظم الساهر قالها كلمة حكمة..كلك على بعضك حلو
:mfr_lol:

بجد عمرو شخصية رائعة ومحترمة ويستاهل كل خيرhttp://alqaheraalyoum.net/forums/images/icons/icon14.gif

شكرا على الموضوع

[okaa]

اخر المذيعين الجادين المحترمين

[Mazen7up]

اللى بيعجبنى فى عمرو انو من اجمد اعلامى فى الووووووطن العربى والشرق الاوسط ودة سبب اسلوبوا الجامد فى طريقة الكلام وطريقة عرض موضوعاتة ومناقشاتة وهو نموذج مشرف لمصر ان فى اعلامى جااااامد زيك يا عمووووورة ومن اشد المعجبين بيك وبشخصيتك الرائعة وتناول الموضوعات بكل جراءة

[LOVE]

اكترحاجه عجبتني الي عمله لأهل العريش واسوان دائما بيبقى نفسنا نعمل حاجه حلوه ونساعداخواتنا واهالينا بس مبنقدرش وبنلاقي الي بيعوق حركتناويفقدناصوابنا في الوصول لمانتمناه لكن هو عارف هو عاوزايه وبيقدرباذن الله يحققه وربنايجزيه خيرويوفقه يارب

http://www.uaekeys.com/fwasel/www.uaekeys.com39.gif

[شيرى اسكندريه]

عنيه حلوه