تتجوز اجنبيه

[اسكندرانيه]

:no: انا اعرف كتير من الشباب بيتزوجوا اجانب لأسباب مختلفه ومعظمها تكون بسبب السفر للخارج واخذ الجنسيه الي هيا بتحملها بس انا عايزه اسئل كل واحد منكم ايه رائيكم وهل لو انتو اتعرض عليكم الزواج من اجنبيه هيكون ايه رد فعلكم وخصوصا" احنا عارفين الفشل الي ممكن تواجهوه في الارتباط ده وخصوصا" مع اختلاف طبعنا الشرقيه والاخلاق الدينيه الي احنا متربين عليها والي ممكن يحصل في الغربه

[Mr MohameD]

والله انا عن نفسى ارفض انى اتجوز واحده اجنبيه (يعنى من اوروبا او امريكا) ..لكن مفيش مانع انى اتجوز واحده من خارج بلدى (دول عربيه يعنى)..زى لبنان و سوريا و السعوديه و كده يعنى ..عاداتهم تقريبا بتبقى زينا و مفيش فرق كبير ..
بس طبعا بيبقى صعب لإن عشان الواحد يتجوز واحده معاه فى بلده بيسأل عليها و كده يعنى و هيه بردو و بيبقى الموضوع سهل ..مابالك بقه لو الواحد اتجوز واحده من بره بلده حيسأل عليها ازاى ..؟و هيه حتسأل عليه ازاى ..فبيبقى الموضوع صعب شويه ..
لكن فيه ناس بتبقى عاوزه مصلحتها هيه و خلاص فبتعمل اى حاجه عشان توصل للى هيه عاوزاه فممكن تلاقى الى اتجوز واحده اجنبيه و ميعرفش حاجه عنها و ده عشان تشغله بره او تديله الجنسيه او عشان فلوسها..الخ الخ ..
لكن الى بيفكر صح و عاوز يعمل اسره صح بيتجوز من بلده او بيتجوز من دوله عربيه اسلاميه و يكون عارف البنت كويس و عارف اهلها (ممكن مثلا واحد شفال فى السعوديه او اى دوله عربيه بقاله 10 سنين) و بالتالى بيبقى عارف اهل البنت دى كويس
شكرا ع الموضوع الجميل ده يا اسكندرانيه :thumbsup:

[AshraF]

في حاله وااحده بس
أني أتجوزهاا ونعيش في بلد تالته غير بلدها وبلدي
بطباع جديده وعادات جديده تماماا


جو الغربه اللى هيجمعناا بعض هيخليناا نخاف على بعض ونتناازل عشان نرضي بعض لأنناا مش هيكون ليناا غير بعض في البلد دي ،
كماان هنكون وسط مجتمع جديد يعني عاداتى وعاداتهاا مش هنكون مرتبطين بيهاا _ وأناا أصلا ماابقتنعش بحاجه اسمهاا عادات وتقاليد
أمور الدين بس هي طبعاا اللى مش هيكون فيهاا إختلاف
لو كاانت مسلمه _ هتكون سهله وماافيش إختلاف
لو على دياانه أخرى _ هيكون فيهاا صعوبه طبعاا عشان نتوصل لنقطه إتفااق
بس اعتقد يعني المرحله اللى توصل بناا لقرار الجواز ، في أمور كتير بتكون حسمت واتفقناا عليهاا
عشاان كده اعتقد يعني هنكون متفقين على الامور دي


عموماا أناا مش رافض فكره الزوااج من أجنبيه طالماا كنت بحبهاا فعلا وماافيش ماانع لكده وطالماا الدين أجازهاا
مش زوااج مصلحه والسلام _ لأن ده أصلا حراام


شكراا ليكي ، :thumbsup: موضوعك جاامد

[BasseM]

لو جامده اتجوزها:wub:
يعني بنات بلدي بقو تقريبا كلهم هبل فاختار من بره افضل و اللي يحصل يحصل

[bob]

و الله كل واحد ما جربش التجربه بنفسه بيقول بس اسافر و انا هعمل و السوي و لاكن طبعا احنا شعب مش عاوز اقول انه بتاع مصلحته ..........بس
فانا رئيي ان ((مابني علي باطل فهو باطل ))يعني الي هيبدا غلط هينتهيعلي غلط

[المقدم بطيشة]

انا بشجع
منتجات بلدى
ع الأقل مخلصين للراجل
:bstwish:
ولاكن الاجنبية
يالهوووووووووووووى
غضااااااااااااارة
فبلاش الجواز اللى فية
خسااااااااااارة
:thumbsup: :thumbsup: :thumbsup: :thumbsup: :thumbsup: :thumbsup: :thumbsup: :thumbsup: :thumbsup: :thumbsup: :thumbsup:
وشكر ع الموضوع الجامد دة
يا اسكندرانية
:bstwish: :bstwish: :bstwish: :bstwish: :bstwish:

[محمد شريف]

الموضوع ده فاشل لان اغلبه بيكون جواز مصلحه مش اساسه الحب او الموده انما علشان شاب غلبان وطهقان نفسه يلاقي لقمه طريه يسد بيها جوعه سواء جنسيا او ماديا وطبعا الجواز عندنا زي ما كل الناس عارفه بقي صعب جدا
والاجانب ملهموش طلبات في اول الجواز بس الواحد لو جه يطلقها تقلعه هدومه لانها ممكن تاخد اكتر من نصف الي هو كسبه طول حياته
انا شخصيا كان عندي فرصه اتجوز واحده المانيه بس مفكرتش خالص في الموضوع ده لان اختلاف الثقافات يؤدي الي خلافات مدمره ونتيجته النهائيه هي الفشل الذريع
واخيرا هدانا وهداهم الله

[Mohamed Kareem]

انا اعرف ناس متجوزين اجانب وعايشين برة والحياه تمام اوي وبقالهم سنين وزوجتة انسانة محترمة وأسلمت كمان عشانة انا لو قدامي واحدة اجنبية ومحترمة كدا وتسلم هتجوزهاا ونعيش هنا مفيش مشكلة بس المشكلة ان المعظم فعلا مبيكونش محترمين لانهم في مجتمع هناك ااقل حاجة عندهم وبيعملوها عادي عندنا تبقي حرام فا بيبقي صعب انك تلاقي واحدة اجنبية لقطة بس بتحصل يعني وبيكون جواز ناجح وفي المقابل بتحصل جوازات بتبقي فاشلة وللاسف نسبة الجواز الفاشل من اجانب أعلي من نسبة الجواز الناجح

[Salma]

في حاله وااحده بس

أني أتجوزهاا ونعيش في بلد تالته غير بلدها وبلدي
بطباع جديده وعادات جديده تماماا


جو الغربه اللى هيجمعناا بعض هيخليناا نخاف على بعض ونتناازل عشان نرضي بعض لأنناا مش هيكون ليناا غير بعض في البلد دي ،
كماان هنكون وسط مجتمع جديد يعني عاداتى وعاداتهاا مش هنكون مرتبطين بيهاا _ وأناا أصلا ماابقتنعش بحاجه اسمهاا عادات وتقاليد
أمور الدين بس هي طبعاا اللى مش هيكون فيهاا إختلاف
لو كاانت مسلمه _ هتكون سهله وماافيش إختلاف
لو على دياانه أخرى _ هيكون فيهاا صعوبه طبعاا عشان نتوصل لنقطه إتفااق
بس اعتقد يعني المرحله اللى توصل بناا لقرار الجواز ، في أمور كتير بتكون حسمت واتفقناا عليهاا
عشاان كده اعتقد يعني هنكون متفقين على الامور دي


عموماا أناا مش رافض فكره الزوااج من أجنبيه طالماا كنت بحبهاا فعلا وماافيش ماانع لكده وطالماا الدين أجازهاا
مش زوااج مصلحه والسلام _ لأن ده أصلا حراام



شكراا ليكي ، :thumbsup: موضوعك جاامد

w leeh kol el3azab da yabny ? :mfr_lol:
ana 2n nafsy rafda elfekra tamaman :yes:

[mido4nona]

لا أجنبيه ولا حتى مصريه

[mido4nona]

علشان انا متجوز اساسا

:whistling: :whistling: :whistling:

[MAHMOUD]

لا أجنبيه ولا حتى مصريه

:D على رأيك

بالنسبه للموضوع معظم الناس ردت هنا وقاللوا اللى فيها

بالنسبالى انا هتجوز واحده اجنبيه من قله البنات المصريين مثلا ولا من قله البياض
:p
ولما اخلف منها اطفال هتعلمهم ايه!؟

[nemo]

طيب نفرض ان الجواز تم ومفيش اي مشاكل والحياه
لونها وردى المشاكل بعد كده فى الاولاد مع ان من
المفروض ان يكونوا على جنسية الاب ولاكن بتحصل
مهازل والمفروض تضيفي النقطة دى كمان لانها هامة
:bstwish: وشكرا على الموضوع:bstwish:

[salah]

جواز الاجانب عامة مصلحة
و واحد من عشرة فى المليون
عن حب

[islam_3011]

سبحان الله الدين الاسلامي مسبش حاجة الى واتكلم فيها حتى موضوع اختيار الزوجة زي حديث الرسول صلى الله علية وسلم الي اشار الى ان المرأة تنكح لاربع اسباب وزكر الجمال والمال والنسب ثم قال اظفر بزات الدين تربة يداك
انا عن نفسي لولقيت المرأة المناسبة المتدينة اجنبية او غير اجنبية هتجوزها

[hadia ta7n]

لو جامده اتجوزها:wub:
يعني بنات بلدي بقو تقريبا كلهم هبل فاختار من بره افضل و اللي يحصل يحصل
Mesh ba2olak ka2eeb:whistling: Ya sateir :mfr_lol:

[Shaymaa_AdeeB]

يعني همابنات مصر اتهبلوا من شوية ما هما شايفين حالة الولاد بقت تقطع القلب
هههههههه

لأ انا من رأيي ان كل شخص حر في اختيارشريكة حياته او شريك حياتها طالما كان كل واحد منهم مسئول عن اختياره وقراراه وانا شخصيا لي اخ حيتجوز فعلا من بنت مغربية ومقتنع بيها تماما مش في حد اعترض على اختياره للبنت دي طالما هو اللي اختارها بنفسه

وفي النهاية كل واحد مش بياخد غير اللي ربنا كتبهوله وربنا يسعد كل الناس

شكرا على موضوعك الهايل يا اسكندرانية

[ego]

وااله القلب ومايريد مصرية اجنبية مش هتفرق مدام انا مقتنع بيها ومرتاح معاها
وفى الاخر كل واحد حر فى اختيارة