لحظة تامل للى فاتك

[tamar]

هاى يا جماعه و ازيكو كووووووووووووووووووولكم :) ...د اول بوست ليا و اتمنى كل الناس تشاركنى فيه و يارب يعجبكم و يلاقى ردود فعل جديره بل .....ههههههههههه اصلى لسه كنت على الجزيره و الاهبار ماثره فيا شويه :mfr_lol:
نيجى للمهم..


كلنا ساعات بنقول ياريت صح؟ياريتنا عملنا دى بدل دى او روحنا هنا و هنا لا كدا يعنى
لو جت الفرصه لكل حد فينا يغير 3 قرارات بس اخدها فى حياته ايه ال 3 قرارات دى و ازاى هو شايف انها ح تنفعه لو اتغيرت؟
طبعا د مش اعتراض على نشيئة الله ولا حاجه الحمد لله على كل حال
بس نحاول نتعلم من اخطائنا سوا يمكن حد فينا يفيد التانى :yes:
و ح ابدا بنفسى
القرار الاول- اجتهد اكتر فى الجامعه و ماكنتش ح احسن ثانويه عامه و اهمل الجامعه كده... عشان بجد انا ماعرفتش قيمتها الا لما اتخرجت...ياجماعه مهما كنت مش بتحب مجال دراستك اعمل كل اللى عليك و بس
القرار التانى-انى ما اتخطبش للشخص اللى اتخطبت له د لان اختيارى كان غلط من اول لحظة و انا كنت عارفه بس عندت
القرار التالت-الجرأه...كان لازم اتجرأ من زمان و ابطل خجل و كسوف لان د عطلنى كتير فى حياتى


دى اهم حاجات لو رجع بيا الزمن ح اغيرها
يلا بقى الدور عليكو :bstwish:

[BasseM]

انا بقي يا ستي
مش عايز اغير حاجه في حياتي
انا سايبها علي ربنا
و اللي يجيبو كويس
لكن اغير حاجات في شخصيتي اه اغير شويه حاجات
الخجل حبه مع الجنس الناعم:wub: :whistling:
و شويه غباوه كده اشيلهم



شكرا يا تماار موضوعك حلو:yes: :bstwish:

[Hima4]

كنت اشد حيلي شوية في الثانوية العامة واهتم اروح الدروس ومكنتش انفضلها :(
انى كنت انظم حياتي اكتر لان في حاجات راحت مني في لحظات كدا
اخر حاجة شوية ناس كنت فاكرهم اصحاب ليا ياريتني ماكنت اتصاحبت عليهم ولا عرفتهم


وشكرا ليكي ياتمارا ع الموضوع موضوع جميل

[tamar]

ميرسى يا هيما خالص و ان شاء الله تشد حيلك فى اللى جاى و كله ح يقى تمام و كمان ربنا اكيد ح يعوضك عن اللى كنت فاكرهم اصحاب

[tamar]

ههههههههههه
ليه بتقول على نفسك كده يا باسم بس
و بعدين الظاهر ان كل الناس ح يطلع عندها خجل ولا ايه؟؟
طيب كويس مش انا لوحدى
ربنا يديلك كل اللى نفسك فيه

[AshraF]

الأول : كنت أشد في ثاانويه عامه عشاان أخش هندسه بترول
كنت بذاكر والله طول السنه بس جيت في الأخر ولعبت ونفضت خاالص
وحتى لما دخلت جاامعه كنت مقصر جداا ، كل صحابي أخدوا كورساات مع فتره الجاامعه ، واناا مااخدتش لانى كنت كااره كليتي جداا _ كليه التجااره

التااني : أشخااص كانوا عزاز علياا جداا ، الأياام بعدتناا عن بعض واناا للأسف ماحاولتش أكون على صله داائمه بعلاقتناا _ مش قله أصل مني أد ماالواحد ساعات كتير بيسيب نفسه للأياام

التاالت : هوه قراار حاالي ( بخصوص أمرين ) أناا حالياا محتار فيهم ، ولساا بشكل كبير مش قاادر أخد القراار الصحيح _ وربناا يستر وماارجعش أندم وأقول ياريتني مااكنتش أخدت القراار ده

شكراا ياتماار _ موضوعك جميل

[اسكندرانيه]

نفسي لو الي فات يعود تاني كنت هغير حاجات كتيره وقرارات وتصرفات مكنتش هعملها ابد ونفسي اقدر واكمل دراستي الجامعيه وابطل اقدم اعتذار عن الامتحان في الكليه ونفسي ارجع واعيش حياتي زي الاول :no:

[tamar]

ميرسى خالص يا اشرف و طبعا انت شايف الشبه بينا فى الحكايتين الاولنيين :)))) و انا اكتر حد مقدرهم و الله :)
و ان شاء الله التالته تكون كلها خير و توصل للى انت عاوزه و اللى يسعدك

[tamar]

اسكندرانيه بقى دى بنت بلدى يا جماعه :)))
نورتى البوست يا ستى و ميرسى خالص على المشاركه بس لو ممكن تدينا 3 قرارات نفسك تغيريهم لو رجعت بيكى الايام !!

يا جماعه لو اى حد حابب نناقش معاه قرار اخده و بيغيره او قرار نفسه ياخده يقول
احنا اكيد ح نتعلم كتير من بعض

[اسكندرانيه]

انا متشكره على استقبالك ليا بالكلمات الحلوه ديه
أما بالنسبه للقرارات الثلاثه الي نفسي اغيرها لو رجعت بيا الايام
اولا كنت هفضل في البلد الي اتولدت فيها
ثانيا مكنتش هفكر في الارتباط ابدا
ثالثا ماتهونش في حقي ابدا

[BasseM]

نورتى البوست !!



بصي يا تمار
انا لاحظت الحكايه ديه اللي انتي فيه ده اسمو ثريد:yes:
و الرد اسمو بوست
و شكرا ليكي :yes: :thumbsup: