أيه اللي رمااك على المر ؟

[AshraF]

ماافيش مصري ممكن يكره بلده ، ماافيش مصري مايتمناش يكمل ويكبر وسط أهله ووسط نااسه
ماافيش مصري يحب يتمرمط ويتبهدل بره بلده ، ماافيش مصري ماايجبش يضيع عمره كله في سبيل إن بلده تبقاا أحسن بلد في الدنياا


بس للأسف في نااس بقت قادره ومسيطره على البلد ، كل هدفهاا تحقيق أهدافهاا الشخصيه وبس _ وفي سبيل كده ممكن يتشرد 70 مليون مواطن مصري بيحبوا البلد دي بجد



طول عمري كنت برفض فكره السفر بره والمرمطه في يلداان العالم
بس للأسف والحقيقه فعلا ان الوضع الحالي في بلد بقا زفت زفت زفت _ ويوم عن يوم الحال بيتدهور أكتر وأكتر



ماقولنااش للحكومه شغليناا عندك ، ولا قولناا لحد إديناا فلوس نشتغل بيهاا ، ولا قولناا لحد قولناا نشتغل إزاي _ وبرغم كده عافرنا وكافحنا وحاولناا نعمل لنفسناا شغل ، وبرضو ماسابوناش في حالناا ، :thumbs_up: قولنالهم والله لو سبتوناا هنعمرهاا ونخليهاا أحسن بلد في الدنياا كلهاا ،،، :thumbs_down: قرفوناا بالقوانين المصطنعه ، هدواا الصناعه عشان تفضل فئه معينه هي اللى محتكراهاا ومسيطره عليناا




ملعون أبو الغربه 100 مره والمرمطه في بلاد غريبه _ بس نعمل أيه ؟
قال أيه اللي رماالك على المر ؟؟؟ ... قال اللى أمر منه


أسف لو الكلام ده مااكنش مفهوم أو مالوش معني
بس إعتبروهاا فضفضه حتى لو كاانت فضفضه غبيه

[FaroQ]

اولا صباح الفل يا أشرف :)
تانى حاجة موضوعك اجبرنى انى ادخل ارد علية لانة ببساطة
مش فضفضة شخصية ممكن تكون عايز تقولها عشان دة حالك والسلام
لاة هو موضوعك ببساطة يعتبر فضفضة جماعية يعنى
مثلا اغلب الشباب فى مصر بيفكرو بس من غير صوت فى الكلام اللى انت كاتبة دة انت بدات الموضوع بشوية جمل نفى مهمةجدا
محدش عايز يسيب مصر محدش عايز يتغرب محدش مش عايز يشتغل ويكبر
برة بلدة وبعيد عن اهلة
بس هتعمل اية قصدى هنعمل اية ؟
هو فية مثلا واقع تانى واحنا اتنكنا علية ومش عايزين نعيشة ؟
ولا مثلا الكلام دة مش هو الواقع واحنا بنألف من دماغنا ؟
ولا اية ولا اية ؟ اسئلة كتيرة ياريت نلاقى عند حد
فى البلد دى اجابة عليها
بس يا اشرف ادام دة الواقع (ومن نظرنى التفاؤلية فى الحياة )لازم
نحاول نتأقلم معاة ومنسبش نفسنا للظروف وللواقع اللى للأسف
سىء جدا يعنى سافرت برة بلدك وسبت أهلك وصحابك
وذكرياتك وخلاص اتغربت حاول وبقولك حاول تعيش حياتك
بنظرة تفاؤلية يعنى مش تقضيها وخلاص وتقول
اهى حياة بنقضيها وخلاص( زى ما قولتلى قبل كدة )لأة
لية متحاولش بردو تعيش حياتك عادى جدا برة بلدك مع انى عارف انة دة فى الاول
صعب وصعب جدا بس حاول:yes:
يمكن تتأقلم مع الواقع ويمكن تحبة
ومتقوليش بأة يا متفائل ويا منفض والكلام دة
عشان انا من اكتر الناس اللى لو سافرت هتعب جدا
بس صدقنى هحاول اندمج مع الواقع وهحاول ابص على ايجابياتة وهحاول
اتعود علية وهحاول احبة
وفية مثل بحبة اوى على اد ما هو بسيط على اد ما هو جميل
(اللى تخاف منة ميجيش احسن منة)
وحاول يا اشرف زى ما كلنا هنحاول نتعايش مع الواقع :yes:
والله الموفق:bstwish:

[RIKA]

هو من حيث السفر يا أشرف دة شىء أنا رافضة تماما
أنا إتعرض عليا أشتغل فى السعودية جالى عقد عمل تبع الشغل بتاعى
ومرتب مكنتش احلم بية وكنت أقدر فى خلال سنتين أكون نفسى تماما ومايبقاش ناقصنى أى حاجة بس للأسف الناس إللى نفسها تسافر ماجربتش الغربة بمعناها الحقيقى . انا ليا اصحابى حاكولى بالاوى وخاصة المعالمة السيئة للمصرين الغلابة إللى هربانين من سوء الاحوال هنا وراحو يشتغلوا برة وطبعاً اكيد إنتا عارف معاملة العرب
فى الدول الاوربية عاملة ازاى
أعتقد إن أفضل فى بلدى أرحم مليون الف مرة من أى مكان برة
على الأقل أبقى جمب اهلى والناس إللى بيحبونى وعلى قد مأقدر أواجة مشاكلى تجاة بلدى وأحاول إنى اتغلب عليها وأحلها وأبقى إسمى عملت إللى عليا

مبدأ لازم نمشى علية ونؤمن بية : إن مافيش بلد مافهاش سلبيات
بس انا أتفق معاك تماما إن مصر سلبياتها كترت جداً فى الفترة الأخيرة وناس كتير مضايقة ومخنوقة ونفسها تسافر وتعمل أى حاجة فى سبيل إنها تشتغل وتكون نفسها وتأمن مستقبلها
بس لو انا سافرت عشان ادور على حلول لنفسى برة بلدى يبقى انا كدة بهرب من مشاكلى لان دى مهما كان بلدى بصرف النظر عن الناس إللى وماسكينها وناهبين خيراتها وللأسف الناس بيتناسوا إسم مصر إللى هيا البلد وبتهون عليهم ودة كلة بسبب الناس إللى ماسكينها ومشوهين صورتها وبقت الناس مش عارفا تفرق بين الوطن وبين الناس إللى ماسكين الوطن

[Kokillennium]

مقدرش أقول أكتر من إن دي فعلا ضريبة الحياة في مصر .. أنت عايش في بلد بيفرم في الطبقة المتعلمة اللي زينا عشان غيرنا يكسب مننا و من ورانا ملايين و يعيش مرتاح و يحكم بكل بجاحة علينا إننا نفضل دايرين في ساقية لحد ما نموت .
إتحكم عليك إنك تعيش في بلد غبي بيشوط ولاده بره عشان نطلع بره و الناس تنبهر بذكائنا الفذ و نخلل بره عشان نعيش في مستوي محترم في بلدنا لما تغور الغربة بقرفها بعد سنين من اللهث وراء أمنية تأمين المستقبل و تلاقي نفسك في الأخر عدي عليك الحاضر بكل حلاوته و راح معظم المستقبل و فاضل في العمر حاجات بسيطة تقضيها في عبادة اللي خلقك عشان أكيد خلال اللهث حتكون أثرت في حقه أوي !

و أرجع و أقول لك كاس مر و مقرف و لازم حنذوقه كلنا أو معظمنا بس علي قد ما تقدر ما تشربهوش للأخر و حاول تكون ذكي .. سافر و أشتغل و كسر الدنيا بره زي كل مصري و أنت عينك علي حلمك اللي حلمت بيه في بلدك و ساعة ما تحس إنك قادر تعمله .. إرجع و أسحب كل أمنياتك و أحلامك في حضن بلدك .. في مصر

شكرا أشرف علي الموضوع الجميل

[AshraF]

شكرا ليك يااعمرو
وعندك حق فعلا انك لازم تعيش حياتك في وضعها الجديد وتحاول تأقلم نفسك معاهاا
حتى لو كنت كارهاا _ بس حااول عشان فعلا ماتبقاش الغربه أصعب وأصعب

شكراا ليك ياامحمد
وهي مسأله صبر وقدره تحمل وظروف متابينه بتختلف من شخص لأخر
وزي مااقولتلك ياامحمد مااحدش بيكره بلده ولا بيقرر يسيبهاا الا فعلا بعد ماايكون شااف الكتير قوي حتى لو كاان لساا صغير

شكراا ليك ياكريم
ياريت ياكريم فعلا الواحد يقدر ماايشربش الكاس ده لأخره ، مش عايز أكتب أي كلام يحبط أي شخص مساافر
بس فعلا يااكريم لو الوااحد قدر يعملك بكلامك ده يبقاا بجد وفر على نفسه كتير ولحق شوياا من عمره

شكراا لكل الردود

[RasheeD]

الانسان الذكي هو اللى يقدر يحول من غربته لمكان هو يقدر يحبه
لو هتسافر وانت حاطت في دماغك انك مغترب وهتتعب يبقا تقعد احسن
ان كنت قبل ماتسافر وانت مهيأ نفسك لكده ، امال هتعمل ايه لما تروح هناك فعلا ؟
حاول تتعايش مع الغربه يااشرف وتشوف فين مميزاتها ونميها وماتبصش خالص لعيوبها
ولو ده وضع اتفرض عليك يبقا ماتسلمش ليه ، ياتحارب الوضع ده وتقعد ، يااما تتأقلم معاه
وانا من رايي انك تتأقلم معاه
السفر في حد ذاته شيء جميل بيعلمك حاجات جديده وبتقابل ثقافات وفكر جديد
انوي خير وان شاء الله ربنا يجازيك خير
وربنا يوفقك

[tamar]

:cry: للاسف عندك حق فى كل كلمه يتقولها عن البلد يا اشرف
كلنا عملنا زيك بس احنا يا بنات بقى مش عارفين نسيبها و نمشى...انتو مشيتو عشان تدورو على مستقبل وحياة
واحنا لغاية دلوقت بنحاول ندور هنا على اللى فاضل من احلامنا -وبنحاول كمان نعمل الدورين ،دورنا و دوركم وادينا بنضيع عمرنا فى ساقيه زى م انت قلت و ماحدش عارف هو رايح على فين
الوضع بقى غريب اللى بيلاقى وظيفة دلوقت بيعتبر نفسو حقق حلم حياتوووو و بينسى اى حاجه تانيه بقى عشان بس يفضل باقى على الوظيفة دى
احلام ايه؟؟؟؟؟؟؟؟؟؟
مصر خلاص بقت فى جيوبهم و ماحدش عارف يخلصها ولا يخلصنا :cry:

[mido4nona]

بص يا اشرف انت لو خليت حياتك عباره عن فترات زمنيه حتتعب وحتلاقي العمر حيمر قدام عنيك


يعني كل شويه الواحد يفكر ويقول انا حعمل كذا وكذا بعد لما اتخرج من الكليه وبعد ما يدخل الجيش يفضل عايش في هم ويقول حعمل وحسوي بعد ما خلص الجيش ولما يسافر يتغرب يقعد معيش نفسه في هم مستني الاجازه وبعد ما يرجع من الاجازه يعيش نفسه في هم لغايه مستني الاجازه اللي بعدها وهوب يلاقي نفسه العمر عدا من غير ما يتمتع بيه
علشان خلى حياته عباره عن فترات زمنيه بيشطب عليها


لكن لازم تأقلم حياتك مع الغربه وتكون صداقات ومعارف جديده ممكن تبقى من احسن الناس اللي عرفتها وتعيش كل لحظه بلحظتها لانك مش عارف فاضل في العمر قد ايه سواء في مصر او بره


وبالنسبه اللي بيقولك بيعاملوا المصريين بره معامله سيئه اقولك ان اسوء معامله للمصري للاسف بتبقى في مصر
لانهم مش بيعتبروك انسان بيعتبروك مجرد رقم من تعداد السكان


لكن بره مصر بيعتبروك انسان صحيح مش بتاخد امتيازات ابن بلدهم - وده الطبيعي - لكن بتبقى عايش بكرامتك وليك حقوق وتقدير خصوصا كمان لو اثبت نفسك


لكن للاسف في بلدنا العكس صحيح ابن البلد هو الغريب
والسياح والعرب بيتعاملوا احسن مننا


ولو مش مصدق شوف ابسط حاجه نقطه تفتيش من نقط تفتيش شرم الشيخ
ودي حصلتلي شخصيا
واحنا راجعين من شرم


كان معانا واحد بريطاني اتعرفت عليه هناك في القريه بالصدفه عارف بيشتغل ايه ؟؟ حداد مسلح
والعبد لله بيشتغل مهندس مدني
واتفرج يا زمان على البلد يا سلام
العامل البريطاني قاعد في السوبر جيت حاطط رجل على رجل
والمهندس المدني بيتفتش بره الاتوبيس تفتيش ذاتي
يعني اللي يشوف الصوره دي يفتكرنا من 70 سنه ايام الاحتلال البريطاني


قال ويقولك المصريين بيتعاملوا بره بلدهم وحش

[اسكندرانيه]

اكلامك كله مظبوط فعلا حال الشباب ميسرش ابدا عارف انا بشوف شباب عندها طاقه وعقليه جباره في مجالات مختلفه بس للأسف مش عارفين يخرجو كل الي جواهم بالرغم من انهم لو لقوا الفرصه والدعم بجد هيخلو البلد ديه حاجه تانيه لانهم هيفدوه كتير
وبعدين بتلاقي ناس بتشتغل وبتتمرمط ومفيش مقابل سواء مادي او معنوي
عارفين انا كنت عايشه في دوله تانيه وتولدت فيها وكبرت هناك ولما كنت بسمع عن بلدي كنت اتباها بيها وبأهلها في الغربه وبمرور الوقت مبقتش اعمل كده لاني لقيت شباب بلدي في نفس البلد الي كنت فيها وللأسف ادو صوره وحشه قوي عننا بسبب البهدله واكسرت النفس الي كانو بيعانو منها في الغربه وانا مكنتش مقدره زي زي الغريب ومكنتش فاهمه ايه الي رماهم على كده بس لما رجعت بلدي وشوفت الي بيعانو منه الشباب والناس كلهم بجد بجد عذرتهم
بس انا نفسي اقول حاجه الي أي شاب عايز يسيب بلده عايزه اقوله فكر وفكر في اهلك وفي حياتك وفي اسرتك واولادك بعد كده صدقني احساسك واحساسهم بالغربه هيكون مر وصعب
وبعدين لوحتي اتأقلمت مع الغربه من طول السنين الي هتقضيها هناك صدقوني لما هتيجو وترجعو بلدكم هتحسوا انكم اغراب
فياريت الي عايز يشقى ويتبهدل يبقا بلده احسن على الاقل هيبقا بين اهله وناسه
وربنا يعنا ويعنكم ويقويكم ياشبابنا

[محمد شريف]

حقيقي الغربه مره انا متأكد لاني عشتها صحيح جوة مصر بس عشتها اربع سنين عايش لوحدي الاسره كلها في الاسكندريه وانا لوحدي في طنطا وكانوا عذاب ومكنتش بابطل اتصال بماما وبابا في اسكندريه كل نص ساعه او كل ساعه مابالك بقي ببره مصر صحيح النت خلت الموضوع اسهل بس برضه مازال فيه الكثير من الصعوبات عموما لوعرفت تشتغل هنا بنص الي يتعرض عليك بره اهي دقني لو لقيت شغل
اسف اقصد لو لقيت عرض زي كده متسافؤرش وخليك هنا مصر محتاجه كل واحد من اولادها يقعد جنبها لحد مايطلع علي المعاش وهو في حضنها
متقولشي ايه اديتنا مصر)اكيد كلنا عارفين)انما قول ايه هنديه لمصر وانت مش هتلاحق ضرايب عامه وضرايب مبيعات وممكن ضرايب علي الهوا في الخطه الخمسيه القادمه
عموما يابني المستقبل مكتوب وهو الي هيكون موجود المقسوم مقسوم
ورب هنا رب هناك
وهدانا وهداهم الله