السـؤال المحــرج (الدخول اجبارى) !!؟ [الأرشيف] - منتديات القاهرة اليوم

Aymn samir

18-08-2008, 04:00 PM

الموضوع هو ان كل واحد هيختار سؤال محرج ويسأله

واللى يدخل بعديه يجاوب عليه.. ويختار سؤال يجاوب عليه

اللى بعديه .. وكده يعني
بس بشروط

1-
مهما كان السؤال محرج ليك لازم تجاوب عليه
2-
مش مسموح لحد انه يدخل يقرأ السؤال
ولو لقا السؤال معجبوش يخرج ويزوغ ويقول محدش شافنى (انت وضميرك)

3-
مش معنى ان الاسئله محرجه هنخرج عن نطاق الادب. احنا ناس مؤدبه :thumbs_up:

4-
على الاخ اللى دخل الموضوع يذهب الى اخر صفحة رد...؟؟؟

وانا اللى هبدأ بأول سؤال............. يلا جاااااااااااهزين ؟؟؟؟

اللى بعدى.. بتعيش قصة حب حاليا ولا لا؟؟؟؟
متنسوش ان اللي هيجاوب على السؤال ده
هحيط سؤال للعضو اللي بعده اوكي
يلا ابتدواااا

TITO2M

18-08-2008, 04:04 PM

والله يا ايمن يا اخويا انا لاقيت بره يافطة بين قوسين الدخول اجباري قلت ادخل اسلم واطلع تاني

Aymn samir

18-08-2008, 04:05 PM

طب ومقريتش السؤال ؟
:rolleyes:

Aymn samir

18-08-2008, 04:13 PM

والله يا ايمن يا اخويا انا لاقيت بره يافطة بين قوسين الدخول اجباري قلت ادخل اسلم واطلع تاني

انت اخترقت قوانين اللعبة من اولها
:furious:

Aymn samir

18-08-2008, 04:32 PM

طب سماح ياتيتو باشا
اتفضل اختار انت السؤال الاول طالما السوال بتاعي شايفة محرج قول سؤالك ؟

AHMED-AMER

18-08-2008, 08:39 PM

انا هجاوب يا أيمن
تقدر تقول اه
:D

فشلت في قصه حب قبل كدا
؟؟

فاطمة الزهراء

18-08-2008, 11:44 PM

لا الحمد لله ولا اتمنى هذا مطلقا

السؤال بتاعى لو بنت هل ممكن تتزوجى شاب اصغر منك
او شاب هل ممكن تتزوج فتاه اكبر منك

الفرق يكون كام سنه

سؤال بسيط خالص خالص انا مش احب احرج حد خالص

حلو الموضوع ده يا ايمن

سندريلا

19-08-2008, 01:03 AM

فاطمة الزهراء

19-08-2008, 01:08 AM

لو فكر بس مجرد تفكير ان شاء الله اقطعه احطه فى اكياس بس الاول اضربه علقة موت وسيبك انتى بقى انا مش عشان محاميه اقول الكلام ده لا ابدا

انا عندى اخويا وزوجته وخالى وبنت عمتى وبعض اصحابى كل هؤلاء محامين تخيلى ممكن يحصل ايه

انت ممكن تغفر الماضى لحبيبك

نانو

19-08-2008, 01:14 AM

اه
عشاان هو حبيبى

كدبت قبل كده ؟

AHMED-AMER

19-08-2008, 01:17 AM

لا خالص يا فاطمة
علشان نظريا انا شوفت صحابي عملوا كده وتعبوا جدا في حياتهم
وكمان علنيا عقل البنت بيكون اكبر من الراجل في نفس سنها
يبقي لازم يكون الراجل اكبر من البنت علشان يحتويها ويفهموا بعص

أسمحيلي يا سندريلا الكلام ده غلط
وبتضايق جدا لما بسمع الكلام ده مش غيره ولا حاجه لاء والله بس لانه غلط وملوش أساس من الصحه
وسيبك من النظريات والكلام ده
القرآن حكم في الكلام ده ولو عايزه تتأكدي أسألي شيخ
علشان كان قبلني نفس السؤال ده قبل كدا من فتره
واحترت كتير وفي الاخر سألت شيخ أيام ما كنت في السعوديه
والحقيقه الكلام ده كان من فتره فمش فاكر نص الاياه الكريمه اللي قلهالي واللي بتثبت العكس
واللي اقناعني تماما بدون أدنى شك بعدم صحه الكلام ده
وأظن مفيش كلام يتصدق أو يتاخد بيه بعد كلام الله سبحانه وتعالى
:)

لو فكر بس مجرد تفكير ان شاء الله اقطعه احطه فى اكياس بس الاول اضربه علقة موت وسيبك انتى بقى انا مش عشان محاميه اقول الكلام ده لا ابدا
انا عندى اخويا وزوجته وخالى وبنت عمتى وبعض اصحابى كل هؤلاء محامين تخيلى ممكن يحصل ايه
انت ممكن تغفر الماضى لحبيبك

ايه ده كله يا فاطمه
يا نهارد أبيض دأنتي صعبه أوي:D
المهم
بصي يا فاطمه انا ليا طريقه تفكير مختلفه شويا عن شبان اليومين دول
الشاب من دول عايز يلف ويتصرمح طول حياته ويجي في الاخر يتجوز واحده مخرجتش من بيتهم
اده لنفسه حق وحرمه على غيره ولو عرف انها كانت ترعف شاب قبله يقول ازاي مينفعش نكمل والكلام ده
انا من راي ان الماضي ده يخص كل واحد لوحده ومش من حقي اني أسأل عليه
بس ميكونش جريمه لسمح الله
الماضي العادي
لان أنا مكنتش ملاك قبل ما ارتبط بالانسانه دي
ولو في رغبه من الطرف التاني انه يحكي لوحده اوك مفيش يبقى ده شئ ميخصنيش
اللي يهمني من ساعه ما عرفتني هيا بقت ايه
بس
;)

سندريلا

19-08-2008, 01:18 AM

مافيش حد كامل يا نهي
أكيد الواحد ساعات بيكدب علشان يطلع من ورطة

بس انا مشكلتي صراحتي يا نهي
وبصراحة دي كارثة

هتقول للأنسان اللي هترتبط بيك انك كنت معجب بحد قبله

نانو

19-08-2008, 01:40 AM

لا
عشان ممكن تكون دماغه ضيقه
فاشترى دماغى احسن والمشكله انك ممكن تكونى مش معجبه بحد اصلا
وبرضه هتقولى لا وهو احتمال ميصدقكيش يبفى يروح يسال بقا

لو عرفت ان انتيمك بيحب اللى انت بتحبه تعمل؟

Aymn samir

19-08-2008, 10:07 AM

هشوف هي بتحب مين

كنت بتغش في امتحاناتك الثانوية العامة او الكلية او اى امتحانات عدت علييك ؟

TITO2M

19-08-2008, 11:38 AM

طبعا طبعا بس مش شرط اني كنت مش عارف الإجابة بس تقدر تقول كانت جمعية في الإمتحانات في الثانوي يا ايمن
اصل اللجنة كلها كانت دي هوايتها

هو انت/ي حشري/ة؟

Aymn samir

19-08-2008, 11:53 AM

لالا الحمد لله
لو شوفت واحدة بتتعاكس في الشارع وبطريقة شبة تحرش من شباب وعضلاتهم سبقاهم هتدخل ولا هتقول وانا مالي ؟

Action.Z

19-08-2008, 01:26 PM

حدخل طبعا ما احنا بنروح الجيم برضة
تعمل أية لو أنت عازم خطيبتك فى مطعم و أكتشفت أنك نسيت الفلوس و هى مش عاملة حسابها

فاطمة الزهراء

19-08-2008, 01:57 PM

ينفع اجاوب او ده سؤال خاص بالشباب فقط لو ينفع حد يرد عليا بس

Action.Z

19-08-2008, 02:27 PM

أتفضلى يافاطمة جاوبى برحتك بس تكتبى فى الاخر نفس السؤال عشان نعرف راى الشباب

فاطمة الزهراء

19-08-2008, 02:30 PM

خلاص بلاش اجابه نسمع راى الشباب جاوب انت يا اكشن

TITO2M

19-08-2008, 04:59 PM

حتصل باقرب صاحب ليا اقوله يجي يدفع وبعدين ابقى احسابه

تعمل ايه لو في فرحك لقيت عروستك شغلت اغنية بحبك يا حمار؟

فاطمة الزهراء

20-08-2008, 11:32 AM

يا سلام بتقى تحفه يلا حد من الشباب نفسى اسمع اجابات ضرب ناروبعدين لو حد عاوز يروح القسم اختكم فاطمه تحت امركم بس عاوزه ضرب نار

AHMED-AMER

20-08-2008, 11:43 AM

والله العمليه متتقس كداا يا جماعه
وبعدين يعني هيا العروسه هيا اللي بتشغل الاغاني على مزجها
وحتى لو فرضا وحصل تبقى هيا مهززأه
ولا بتحترم نفسها أولا ولا بتحترم اللي هتجوزه
فبالنسبالي مش متصورش ان ده يحصل
بس حقيقي مش هعرف وقتها ممكن أعمل ايه
:D

نفس السؤال

Action.Z

20-08-2008, 02:16 PM

حسيب الفرح و مش حوريها وشى تانى بقى الواحد بيدور على واحدة رومانسية تبقى نهايتة كدة
نفس السؤال

فاطمة الزهراء

20-08-2008, 02:18 PM

ايه يا اكشن مافيش ضرب او قتل ليه يا بنى انا قلت انك الزملكاوى الجدع اللى ممكن اجيب من وراك شغل

غيروا السؤال عشان اعرف اجاوب

AHMED-AMER

20-08-2008, 02:21 PM

لو طلع عليك حرامي وانت ماشي وعايز يقللبك
:D
هتعمل ايه

فاطمة الزهراء

20-08-2008, 02:23 PM

AHMED-AMER

20-08-2008, 02:29 PM

ايه يا عم السؤال الجامد ده عاوز يقتلنى ياعم يلا يمكن عدد سكان مصر يقل
طبعا ادافع عن نفسى وممكن اقتله ويبقى دفاع شرعى
بس هو فين الشارع اللى ممكن يكون فيه حرامى وعاوز يقتلنى ومافيش ناس فيه يا حماده الشوراع زحمه جدا جدا
نفس السؤال

لا لا لا لا لا
بعد الشر عليكي يا بطه
امال يعني الزمالك تجيب جون ازاي من غيرك:p
تعالى عندنا يا ستي
في مليون شارع مفيهاش لا ناس ولا نور
وانا واحد من اللي جربت امشي فيهم من فتره وكنت هتقلب
بس الحمد الله
الجيم نفعني وقتها
والا كان زماني طالع من غير الساعه
:D:D:D
انا جوبت ع السؤال تقريبا اهوه
لان الحوار حصل معايا من فتره مش بعيده
بس جدت سليمه
;)

Action.Z

20-08-2008, 02:48 PM

لو راكب أتوبيس و نسيت الفلوس فى البيت هتعمل أية

AHMED-AMER

20-08-2008, 02:51 PM

هتشتغل دور مع الاتوبيس
عتبه عتبه رمسيس
:D:D:D
ايه السؤال العجيب ده يا أكشن
عموما انا قبل ما بركب اي موصله بتأكد ان معايا فلوس ولا لاء
ولو معيش وطلبه معايا موصله بنزل في المنطقه عندنا وباخد فلوس من أي حد وأحاسب

نفس السؤال

Action.Z

20-08-2008, 03:10 PM

حبعت للكمسرى رصيد بثمن التذكرة
لو ماشى انت و مراتك و جت حبيبتك القديمة تسلم عليكوا

AHMED-AMER

20-08-2008, 03:13 PM

حبعت للكمسرى رصيد بثمن التذكرة
لو ماشى انت و مراتك و جت حبيبتك القديمة تسلم عليكوا

يا سلاااام أفرض مكنش معاك رصيد يا حلو:p
عادي هسلم عليها انا ومارتي بمنتها البرود
عادي

انت هتعمل ايه اوعى تقولي هتضرب لخمه
:p

Action.Z

20-08-2008, 03:46 PM

لا أنا حعمل نفسى مش فاكرها
طب تعمل اية .... متسأل أنت بقى

AHMED-AMER

20-08-2008, 03:50 PM

لا أنا حعمل نفسى مش فاكرها
طب تعمل اية .... متسأل أنت بقى

:D:D:D
لاء حلوى

ماشي يا عم
لو عرفت انك قعدت فتره كبيره جدا تحب من طرف واحد
وانك معيش نفسك في وهم كبير بدون دلائل
:wub::wub:

Action.Z

20-08-2008, 04:09 PM

أنا مبحبش غير لما اتأكد ان الطرف التانى هو اللى وقع
نفس السؤال

AHMED-AMER

20-08-2008, 04:12 PM

أنا مبحبش غير لما اتأكد ان الطرف التانى هو اللى وقع
نفس السؤال

:D:D:D:D
يا واد يا تقيل
مش ديما يا أكشن ساعات بتلاقي نفسك بتتشدر لأنسانه غصب عنك
أكيد طبعا هتصدم

تعمل ايه لو بعد ما حبيت واحده بسنتين
جت وقالت ليك
اسفه مش هقدر أكمل احنا مينفعش نكمل

:wub::wub::wub:

Action.Z

20-08-2008, 04:18 PM

أستمارة 6 و اللى بعدة هههههههه ردود صادمة صح
هى الخسرانة يابنى فى بنات كتير بتحب تخلع فتقولك البؤين دول فمع نفسها
حتعمل أية لو أنت نازل رايح فرح و لابس بدلة و اخر شياكة و جة واحد أبن ........... و عدى بالعربية من جنبك و غرقلك البدلة بمية من اللى ع الارض

AHMED-AMER

20-08-2008, 04:25 PM

هرجع البيت اغير واروح ألحق الفرح
:D:D:D:D

نفس السؤال
لما أشوف هتعمل ايه
؟؟

TITO2M

20-08-2008, 04:25 PM

اولا حدعي على كل اللي في العيلة عنده وبعدين حروح طبعا اغير واروح الفرح
طيب تعمل ايه انت بقى لو انت شتمته راح واقف بالعربية وطلعت واحدة اللي سايقة ونزلتلك وطلعت واطية وراحت رصتلك كلام اوطى منها والناس اتلمت عليك؟

AHMED-AMER

20-08-2008, 04:27 PM

كميه الناس الوطيه اللي انت جبتها دي يا تيتو
أكيد هطلع أجري
ونصيحه مني
اوقعه تقف قدام واحده ست سواء واطيه او عاليه
في الحالتين هتطلع غلطان
في الواطيه هتتهزء ويتمسح بكرامتك الارض
وتطلع غلطان بردوا
وفي العاليه هيقولولك حد قالك تمشي في الشارع
:D:D:D:D

نفس السؤال

Action.Z

20-08-2008, 04:29 PM

هههههههههه موقف محرج فعلا بس بدام الناس حتتلم يبقى لما حيعرفوا الحكاية حيقوموا ضاربينها هى و بدام هى نزلت بقى تقب ب100 تعويض
نفس السؤال

AHMED-AMER

20-08-2008, 04:31 PM

هههههههههه موقف محرج فعلا بس بدام الناس حتتلم يبقى لما حيعرفوا الحكاية حيقوموا ضاربينها هى و بدا هى نزلت بقى تقب ب100 تعويض
نفس السؤال

دأنت متفائل أوي
بيقولك واطيه تقولي لسه هتحكي ويعرفوا الحكايه
وكمان تقب ب100 جنيه
هيا هتقب ب 100 بس مش جنيه
شبشب
:D:D:D:D
هتجيلي تاخد أسطوانه الويندوز ولا ايه يا بو 100 جنيه
:p

Action.Z

20-08-2008, 04:39 PM

مترفعها ع السايت أسهل بدل الشحططة
لو أشتريت حاجة و لقيتها مضروبة فجيت ترجعها قالك البضاعة المباعة لا ترد و لا تستبدل

AHMED-AMER

20-08-2008, 04:40 PM

هنط في زماره رقبته

نفس السؤال

Action.Z

20-08-2008, 04:42 PM

عوضى على الله حعمل اية
مقولتليش ها هترفع الويندز و لا اية

AHMED-AMER

20-08-2008, 05:02 PM

عوضى على الله حعمل اية
مقولتليش ها هترفع الويندز و لا اية

هحاول تاني والله يا أكشن
بس مش أقدر أوعدك بحاجه دلوقتي
يس هجرب تاني لاني حولت قبل كدا وفشلت
دول 400 ميجا يا ريس
:D:D

لسه مصمم اني ارفعهالك
:D:D:D
:p:p

Action.Z

20-08-2008, 05:17 PM

خلاص ياباشا ححاول أتصرف
حتعمل اية لو خطيبتك غلطت فى اسمك و قالت اسم تانى

AHMED-AMER

20-08-2008, 05:20 PM

خلاص ياباشا ححاول أتصرف
حتعمل اية لو خطيبتك غلطت فى اسمك و قالت اسم تانى
يأ عم انا بهظر انت صدقت ولا ايه:D
انا أقدر اتأخر عنك بردوا يا عمنا;)
دأنا اجبهالك لغايه عندك:yes:
اتقل بس عليا شويا لغايه لما أشوف صرفه في رفعها

مش عارف بس أكيد هتضايق جدا
ومش عارف احدد تصرفي هيبقى ايه وقتها
بس أكيد هسألها مين الاسم اللي قلته ده

Action.Z

20-08-2008, 05:45 PM

بص يا معلم بدام قالت اسمة يبقى لسة بتفكر فية ساعاتها صعب اكمل
أسال انت انا معنديش اسئلة حاليا

AHMED-AMER

20-08-2008, 05:47 PM

بص يا معلم بدام قالت اسمة يبقى لسة بتفكر فية ساعاتها صعب اكمل
أسال انت انا معنديش اسئلة حاليا

يا عم قالت اسمه ايه بس
ما يمكن يطلع اسم ابوها ولا حاجه يا عمنا
وبعدين مينفعش تبقى كدااا خالص
وتقول مينفعش تكمل دي خطيبتك يعني مش بالساهل كدا تقولها مع السلامه
الكلام ده لو مفيش ما بينكوا ارتباط رسمي
اقولك ممكن
انما لما هيا مش عيزاك كانت وفقت عليك ليه
لازم تفكر شويا يا أكشن
ومش تبقى متسرع زي
:wub::wub::wub:

Action.Z

20-08-2008, 05:59 PM

لا أنا قصدى انها نادتك باسم واحد كانت مصحباة او مخطوبالة قبل كدة الحكاية مش تسرع يابوحميد ماشى عشان خطرك ممكن أسيبها يومين لحد ما تعتذر
المهم ماتخدنيش فى دوكة انت الدور عليك تسأل

AHMED-AMER

20-08-2008, 06:09 PM

لا أنا قصدى انها نادتك باسم واحد كانت مصحباة او مخطوبالة قبل كدة الحكاية مش تسرع يابوحميد ماشى عشان خطرك ممكن أسيبها يومين لحد ما تعتذر
المهم ماتخدنيش فى دوكة انت الدور عليك تسأل

:D:D:D:D
ماشي يا عمنا
بس هو ايه ده انا الدور عليا ي كل الثريدات اسأل
المهم
مبخبطش حد قبل كدا بعربيتك
وقعد يدعي عليك
:D:D:D

Action.Z

20-08-2008, 06:13 PM

ياة أيام ما كنت لسة بتعلم سواقة كانت كل خروجة بدعوة
حتعمل اية لو سواق التاكسى محبكة معاة ياخد 5 جنية فى مشوار أخرة 3 جنية

AHMED-AMER

20-08-2008, 06:17 PM

ياة أيام ما كنت لسة بتعلم سواقة كانت كل خروجة بدعوة
حتعمل اية لو سواق التاكسى محبكة معاة ياخد 5 جنية فى مشوار أخرة 3 جنية

بالنسبه لعندنا هنا في طنطا بقوم مديله بوندرته
الجنيه المصري 100 قرش
:D:D:D
مبحبش الطماع او الجشع
لاني انا بقدر المشوار وعمري ما بديله أقل من الشوار ولما السواق بيبقى ذوق كمان بدي بذياده انما هيبقى جشع وطماع
لاء ملكش غير بوندرتك

وانت هتعمل ايه

Action.Z

20-08-2008, 06:22 PM

أنا حديلة الفلوس و أمشى لو قعد ينادى مش حرد علية
دورك اسأل

AHMED-AMER

20-08-2008, 06:24 PM

أنا حديلة الفلوس و أمشى لو قعد ينادى مش حرد علية
دورك اسأل
هو انت بتحدد دوري على مزاجك
:D:D:D
ماشي
لو حصل نفس الموقف بقى بس لو معاك الجو هتعمل ايه يا معلم
:p:p:p

Action.Z

20-08-2008, 06:43 PM

فدى ماشى حدفع ماانا مش مخرجها عشان تتبهدل برضة
لو أنت بتجرى فى الشارع ووقعت و فجاة سمعت الناس بتضحك عليك ماذا ستفعل

AHMED-AMER

20-08-2008, 06:46 PM

ولا هعبرهم لو كتير
لو واحد ولا اتنين هروح اهرسهم
:D

وانت

Action.Z

20-08-2008, 06:53 PM

حقوم أقف و انفض هدومى و أقولهم بصوت عالى بتضحكوا على أية ساعتها حايتكسفوا و يمشو
دورك

AHMED-AMER

20-08-2008, 06:57 PM

:D:D:D
بتحب تركب عجل

Action.Z

20-08-2008, 07:29 PM

زمان أة دلوقتى لا
شعورك و أنت جاى تشرب عروستك شربات رحت موقعة عليها و فستانها بقع

AHMED-AMER

20-08-2008, 07:30 PM

هسيب الفرح وأجري
:D
دي تبقى منظرها بايخ أوي يا عم أكشن
على الاقل في نظر المعزيم

وانت هتعمل ايه

سندريلا

20-08-2008, 07:45 PM

همسك الكوباية التانية وأكوبها علي حضرتك
علشان كلنا نكون في الهوا سوا

هتعمل أيه لو العربية اللي المفروض هتعمل الزفة بعد ماأتزينت بالور وبقت تمام
عطلت
والعروسة قالت لا العربية أم ورد يا أما بلاش

AHMED-AMER

20-08-2008, 07:51 PM

هقولها نصيبك انك تتزفي على عجله
:D
ورد مين يا ام ورد
احنا بتوع ورد بردوا دي شكليات بس مش أكتر

نفس السؤال

فاطمة الزهراء

20-08-2008, 08:05 PM

سيبكم من السؤال ده

لو معاك باقة ورد حمرا كبيره اوى تهديها لمين

Shaymaa_AdeeB

20-08-2008, 10:43 PM

حلو أوي السؤال ده
طالما هي كبيرة قوي
يبقى أهديها لكل عضو وعضوة أنا بحبهم هنا
أينعم هما كتير أوي ومش هينفع اكتبهم كلهم ..لكن هما عارفين نفسهم

نفس السؤال ... مع ذكر 7 شخصيات على الأقل بالأسماء ؟؟؟؟؟
:D

سندريلا

20-08-2008, 11:28 PM

كل اصحابي في المنتدي وبردوا هما عارفين نفسهم كويس
وكل واحد عارف الوردة بتاعته شكلها أيه

نفس السؤال

Action.Z

21-08-2008, 08:57 AM

الى كل الاعضاء المحترمين اللى فى السايت اللىبقوا زى اخواتى بالظبط
حتعمل اية لو
أنت فى فرحك و أنت جاى تقطع التورتة بتاعة الفرح رحت عطست وأنت جاى تعطس أفتكرت ان التورتة قدامك مش عاوز تلوثها رحت مودى وشك الناحية التانية فجت العطسة فى وش العروسة

فاطمة الزهراء

21-08-2008, 10:22 AM

ايه القرف ده يا اكشن

لو انا العروسه هانظر له نظره جامده وغبيه يمكن يفرقع منها النظره دى بس مش عارفه اعمل ايه

نفس السؤال

TITO2M

21-08-2008, 04:42 PM

اكيد الموضوع حيعدي بضحك وهزار دي بتبقى من غير قصد والعروسة اللي تقرف من عريسها او العكس وهما لسه في فرحهم طبعا غبية غبية او مستهبلة اوي او عبيطة جدا

طيب لو انت واقف في الزفة والهيصة وجه واحد من الشارع ما تعرفهوش وجه في ودنك وقالك عروستك حلوة وجامدة اوي حتعمل ايه؟

Aymn samir

21-08-2008, 06:55 PM

ههههههههه هقولة انت مين يالا وايه اللي انت بتقولة دا ؟انت تعرفني عشان تقولي الكلام دا ؟وايه اللي دخلك الفرح يالا اطلع بررررررررررررة
نفس السؤال للي بعدي

AHMED-AMER

21-08-2008, 08:51 PM

طيب لو انت واقف في الزفة والهيصة وجه واحد من الشارع ما تعرفهوش وجه في ودنك وقالك عروستك حلوة وجامدة اوي حتعمل ايه؟
ميرسي يا جميل كلك ذوقك
:D:D:D
يعني هقوله ايه يعني يا تيتو

نفس السؤال
:noanswer:

فاطمة الزهراء

23-08-2008, 12:55 AM

طبعا مش ينفع اجواب على السؤال ده بس ممكن اغير السؤال

عارف اغنية على بالى بتاعة شيرين ياترى تحب تهديها لمين فى هذه اللحظه

AHMED-AMER

23-08-2008, 01:00 AM

طبعا مش ينفع اجواب على السؤال ده بس ممكن اغير السؤال
عارف اغنية على بالى بتاعة شيرين ياترى تحب تهديها لمين فى هذه اللحظه

:shy::shy::shy::shy:
مش بقولك مصره تحرجيني يا بطه
عموما انا بهديها لأنسانه قبلتها من سنه تقريبا
:rolleyes::rolleyes:
وحبتها جداا جداا جداا;)
أي خدمه يا ستي اديني اعترفت اهوه
لاء محاميه شطره فعلا
:D:D:D

نفس السؤال يا بطه

فاطمة الزهراء

23-08-2008, 01:06 AM

ربنا يخليها لك يا حماده ونفرح بيكم ان شاء الله

بجد والله العظيم مافيش اى حد وعلى فكره لو فى انا سهل جدا انى اقول

ياترى انت زعلان من اى حد الان

AHMED-AMER

23-08-2008, 01:19 AM

ربنا يخليها لك يا حماده ونفرح بيكم ان شاء الله
بجد والله العظيم مافيش اى حد وعلى فكره لو فى انا سهل جدا انى اقول
ياترى انت زعلان من اى حد الان

اجمل وأحلى دعوه
وأكتر امنيه بتمناها من ربنا يا فاطمه
ربنا يخليكي يا بطه ويكرمك
ماشي يا بطه هنعديها المره دي مفيش اي حد:p

في نفسي مش زعلان من أي حد والله
بس بيبقى في شويا شكليات لابد منها

انا بقى معتقدش انك زعلانه من اي حد يا بطه
لانك طيبه وقلبك كبير
ولا ايه
:wub::wub::wub:

فاطمة الزهراء

23-08-2008, 01:22 AM

الحمد لله انا مش اعرف ازعل من اى حد بجد والله

مش غرور لكن بجد انا احاول انى احافظ على مشاعر كل الناس ومش احب اى حد يزعل منى خالص

مين اكتر انسان بتكون معاه على راحتك

AHMED-AMER

23-08-2008, 01:28 AM

الحمد لله انا مش اعرف ازعل من اى حد بجد والله
مش غرور لكن بجد انا احاول انى احافظ على مشاعر كل الناس ومش احب اى حد يزعل منى خالص
مين اكتر انسان بتكون معاه على راحتك

أكتر أنسان بكون معاه على رحتي بجد هو انا
يعني لاني من النوع اللي مش بيحب يتقل أو يرمي همومه على حد
فعلشان كدا ديما أحب أقعد قدام بحر وأبص في السما واشكي همومي لنفسي
:wub::wub::wub:
نفس السؤال

فاطمة الزهراء

23-08-2008, 01:35 AM

AHMED-AMER

23-08-2008, 01:38 AM

ايه ده يا حماده انت طلعت اخويا فى الحكايه دى انا فعلا احب اكون مع نفسى وعندى اتنين من الاصدقاء كمان غاليين عليا اوى هما الورقه والقلم يعنى لما احب افضفض مع حد امسك ورقه وقلم واقعد اكتب
لما بتكون فى فرح او سهره ياترى بتكون باين كده وواضح او شخص عادى من ضمن الناس اللى موجوده وخلاص

إحنا أخوات من غير حاجه يا بطه;)
على حسب الفرح يا بطه
يعني لو صله قرابه قويه بتبقى الليله ليلت:Dي
انما لو مجرد جران مثلا او قرابه من بعيد ببقى شخص عادي:p
أصلي انا بحب اجامل الناس ومش بحب حد يعزمني وانفض
:wub::wub:
نفس السؤال

فاطمة الزهراء

23-08-2008, 01:41 AM

مش انا قلت لك انت اخويا نفس الاجابه

منذ حوالى 4 شهور كده كان فرح ابن خالنى عقبالك يارب انت والانسانه التى تتمنها تصدق انى كنت باينه عن العريس والعروسه اصل بصراحه اختك فاطمه عندها كاريزما عاليه اوى

ما هى الا ايه قليله جدا جدا ونستقبل شهر رمضان كل سنه وانت طيب ياترى مين اول انسان تهدى له هذا الكارت

http://www.3shgan.net/vb/imgcache/17982.imgcache

AHMED-AMER

23-08-2008, 01:50 AM

مش انا قلت لك انت اخويا نفس الاجابه

منذ حوالى 4 شهور كده كان فرح ابن خالنى عقبالك يارب انت والانسانه التى تتمنها تصدق انى كنت

:shy::shy::shy:
ياااا رب يا فاطمه يا رب أدعيلي

باينه عن العريس والعروسه اصل بصراحه اختك فاطمه عندها كاريزما عاليه اوى

يا واد يا وااد
:p

ما هى الا ايه قليله جدا جدا ونستقبل شهر رمضان كل سنه وانت طيب ياترى مين اول انسان تهدى له هذا الكارت

[/URL][URL="http://www.3shgan.net/vb/imgcache/17982.imgcache"]http://www.3shgan.net/vb/imgcache/17982.imgcache (http://www.3shgan.net/vb/imgcache/17982.imgcache)

أكيد طبعا لولدتي ولولدي
ولكل أصحابي والاعضاء الجميله اللي هنا في السايت
وكارت خصوصي ليكي يا بطه;)

نفس السؤال

فاطمة الزهراء

23-08-2008, 02:05 AM

AHMED-AMER

23-08-2008, 02:15 AM

شكرا يا حماده

الكارت طبعا لماما واسلام

اكيد طبعا لاخويا احمد عامر

لو انت راكب السفينه دى تحب تكون رايح فين ومين يكون راكب معاك

لو مش عاوز تقول مين راكب معاك بلاش

http://abbd1990.jeeran.com/natural-pic/24.jpg (http://abbd1990.jeeran.com/natural-pic/24.jpg)

:wub::wub::wub:
ميرسي ع الكارت يا بطه;)
أكيد يعني انا والأنسانه اللي بحبها يا بطه:D
بس على فكره المنظر ده شكله تحفه بجد:thumbs_up:
وقت الغروب والشروق ده بصراحه بعشقه

نفس السؤال ليكي يا بطه
:wub::wub:

Action.Z

23-08-2008, 11:20 AM

أحبها تبقى رحلة عائلية مع كل اللى بنبسط معاهم فى الرحلات اللى زى دى
لو انت قاعد فى كوفى شوب مثلا و ضحكت ضحكة بصوت عالى فكل اللى فى الكافية بصللك و سمعت واحد بتقول توء توء توء أية دة

AHMED-AMER

23-08-2008, 12:58 PM

أحبها تبقى رحلة عائلية مع كل اللى بنبسط معاهم فى الرحلات اللى زى دى
لو انت قاعد فى كوفى شوب مثلا و ضحكت ضحكة بصوت عالى فكل اللى فى الكافية بصللك و سمعت واحد بتقول توء توء توء أية دة

مش هرد عليه والله يا أكشن
او هحرجه بالذوقك:thumbs_up:
لان انا ديما بحب ابقى بطبعتي ومش بحب اتجمل على حسب المكان اللي أنا فيه;)
علشان كدااا اللي يعرفني من اي حته
تلاقيني بتعامل بنفس الاسلوب وبنفس الشخصيه:)
مش بتشكل يعني على حسب الناس اللي بكلمهم

نفس السؤال

فاطمة الزهراء

23-08-2008, 01:15 PM

بالنسبه لسؤال المركب تكون معايا ماما وبس واحب المركب تكون متجه الى مكان انا انفسى اعمل فيه ومعلش مش ناويه اقول المكان غير لما يردوا عليا وطبعا انتم اول ناس لازم تعرفوا ان شاء الله

بالنسبه للسؤال بتاع اكشن انا اصلا ضحكتى عاليه شويه ولما ابقى فى مكان احاول قدر الامكان انى مش اضحك بصوت عالى ولو حصل كانى مش سامعه اى حاجه او اى تعليق

سؤالى هل لديك اصدقاء من الشباب والبنات

Action.Z

23-08-2008, 01:23 PM

أة الحمد لله و اللى زود من أصحابى فى الكلية موضوع الاسر دة بنعمل فية حاجات مفيدة كتير و رحلات
و احلى حاجة ان فى واحد صاحبى كان معايا من اعدادية و شأت الظروف انة يبقى معايا فى الكلية و ان شاء الله نشتغل مع بعض كمان

لو فى يوم صادفت شحات و قعد يعمل الشويتين بتوع الشحاتين فادتلة اللى فية النصيب و عدى يومين و لاقيتة شغال عامل فى السوبرماركت اللى انت بتشترى منة طلباتك حتواجهة؟

AHMED-AMER

23-08-2008, 01:34 PM

هواجهه بس مبجرد النظر بس
ساعات النظره بتبقى أحد من أي كلام

نفس السؤال

Action.Z

23-08-2008, 01:45 PM

مظنش انة حيبقى فاكرنى بس انا حكتفى انى احذر صاحب السوبر ماركت و اقولة ان الواد دة ممكن يسرقك
نفس السؤال

فاطمة الزهراء

23-08-2008, 11:40 PM

ممكن اعمل له فضيحه جامده جدا واقول لصاحب السوبر ماركت

نفرض كده يوم فرحك اكتشفت وانت على باب الشقه ان المفتاح مش موجود تعمل ايه

AHMED-AMER

24-08-2008, 12:58 AM

هروح أبات في بيت ابويا
:D
لاء ده فعلا سؤال محرج يا بطه
طيب نفس السؤال للشباب والبنات
يعني انت هيكون رد فعلك ايه وانتي هيكون رد فعلك ايه
:D:D:D
هنولعها

فاطمة الزهراء

24-08-2008, 01:17 AM

اه ممكن نولعها صح

رايى اننا ممكن نقضى الليله فى اى فندق وعلى فكره حصلت مع صديق لنا وسوف احكى لكم ماذا فعل فى المره القادمه ان شاء الله

نسمع وجهات نظر مختلفه

AHMED-AMER

24-08-2008, 01:27 AM

مفيش غير انا وانتي يا بطه
ففكري انتي في سؤال
لحسن انا دماغي راحت مشوار ولسه مرجعتش
:D:D

Aymn samir

24-08-2008, 08:57 AM

تعمل ايه لو أتخنقت و انضربت قدام زمايلك البناااات ؟؟

Action.Z

24-08-2008, 09:15 AM

عادى خناقة شباب المهم مين اللى غلب فى الاخر
حتعمل اية لو انت ماشى مع اختك و فجاة عدى من جنبيكوا واد راكب فيزبا و راح واخد شنطة اختك اللى فيها 5 الاف جنية

semsemsemos

24-08-2008, 09:29 AM

sorry 4 eng...m3ndseh 3rby fe comp...lo asdk kdbt fe 7ob ah kdbt bs msh 3lshan 3iz akdb ...3lshan a7'ly almokaf y3dy... sowaaaly ana ynf3 tkdb 3lshan ma dygesh 7bebk?

Aymn samir

24-08-2008, 09:38 AM

لااااااا هقول الحقيقة ولو عاجبهااااااا
سؤالي : ترضي انك تصاحب واحدة وتخليها تسافر معاك مثلا اى رحلة ؟

AHMED-AMER

24-08-2008, 10:43 AM

لاء
بصراحه أنا ضد كدااا
وخصوصا لو كانت رحلات فرديه
أنما لو رحلات جماعيه
مش هقولها متجيش
:D
وده رأي

نفس السؤال

Action.Z

24-08-2008, 11:23 AM

لا مرضاش بكدة غير لو كان فى أرتباط رسمى
حتعمل اية لو انت ماشى مع اختك و فجاة عدى من جنبيكوا واد راكب فيزبا و راح واخد شنطة اختك اللى فيها 5 الاف جنية

AHMED-AMER

24-08-2008, 03:08 PM

لا مرضاش بكدة غير لو كان فى أرتباط رسمى
حتعمل اية لو انت ماشى مع اختك و فجاة عدى من جنبيكوا واد راكب فيزبا و راح واخد شنطة اختك اللى فيها 5 الاف جنية

بص يا أكشن انا أساسا معنديش أخوات بنات;)
هتقولي أفترض انك ليك أختك:D
هقولك لما بمشي مع اي حد بمشي انا بره وبخليه هو جوه:p
هتقولي أفرض ان هيا مشيت بره:rofl:
هقولك انا عملت دراسه عن الموضوع ده
ولاقيت ان اي حرامي علشان يعرف يعلق حاجه من حد
لازم يهدي شويا:yes:
وبالطريقه دي تبقى محلوله:thumbs_up:
اخوك شاطر في الجري ومغامر شويا:D
هتلاقيني جاري ورا الفيزبا وناطط عليها
وهسقطه أرضا
:rolleyes::rolleyes::rolleyes:
بس يا سيدي ده كل اللي هعمله

نفس السؤال

TITO2M

24-08-2008, 03:22 PM

اخوك شاطر في الجري ومغامر شويا:D
هتلاقيني جاري ورا الفيزبا وناطط عليها
وهسقطه أرضا

معلش يا احمد سؤال ليك هو انت كام سلندر؟

AHMED-AMER

24-08-2008, 03:32 PM

اخوك شاطر في الجري ومغامر شويا:D
هتلاقيني جاري ورا الفيزبا وناطط عليها
وهسقطه أرضا

معلش يا احمد سؤال ليك هو انت كام سلندر؟
مش بكام سلندر يا تيتو بالعقل بس مش أكتر;)
يعني انت الفيزبا وهيا ماشيه علشان يعلق منك حاجه هيبقى ماشي على كان يعني:unsure:
على 60 ولا 70 أكيد لاء
مش أكتر من 20 او 30
وفي الحاله دي انا أقدر أجيبه يا باشا
ومتنساش اني نازل تأهيل عسكري يعني مطلوب مني أجري 2 كيلو يا ريس
عرفت بقى أنا كام عقل
أي خناقه
:D:D:D

فاطمة الزهراء

24-08-2008, 03:43 PM

كده يا حماده انت بتقول مش عندك اخوات بنات

انا زعلانه هو مش احنا اتفقنا انى اختك الكبيره

AHMED-AMER

24-08-2008, 03:52 PM

كده يا حماده انت بتقول مش عندك اخوات بنات
انا زعلانه هو مش احنا اتفقنا انى اختك الكبيره

لا والله أبدا يا بطه:shy:
انتي أختي الكبيرة طبعا يا بطه وانا أتشرف وبعتز بده:yes:
بس هو بيتكلم على موقف لا يمكن يحصل معانا:smart:
وبعدين خلاص توبه اني أقول معنديش أخوات بنات تاني يا بطتي
مش تزعلي مني بقى;)
صافي يا لبن
:p:p

Action.Z

24-08-2008, 04:01 PM

حد يسأل سؤال انا سئلت كتير

فاطمة الزهراء

24-08-2008, 04:54 PM

حليب يا قشطه

ماهى اكتر اغنيه تعبر عن الحب من وجهة نظرك

AHMED-AMER

24-08-2008, 05:16 PM

حليب يا قشطه
ماهى اكتر اغنيه تعبر عن الحب من وجهة نظرك

:rolleyes::rolleyes::rolleyes:
بتختلف من مغني لآخر يا بطتي
يعني مثلا عمرو دياب صدقني خلاص وريحه الحبايب:thumbs_up:
محمد فؤاد متعديش الحب الحقيقي الله عليك طمني عليك;)
وحليم طبعا أول مره تحب يا قلبي وعلى قد الشوق و أنا لك على طول وبحلم بيك:thumbsup:
وناس تانيه كتير بس حقيقي مفيش اغنيه واحده نقدر نقول انها أكتر اغنيه بتعبر عن الحب
لان في أغاني كتير جميله:yes:
:rolleyes::rolleyes::rolleyes::rolleyes:
نفس السؤال

Action.Z

24-08-2008, 05:57 PM

بالنسبالى
لمستك عمرو مصطفى

تعمل اية لو انت كنت بتصيف و قدام حمام السباحة فى مسابقة عوم و ساعة ما السباق بدء جة واحد صحبك و راح شالك و حدفك فى حمام السباحة قدام كل المتفرجين

AHMED-AMER

24-08-2008, 06:17 PM

عادي يعني يا أكشن هعمل ايه
انا مع اصحابي بتوقع منهم أي تصرف وبيتوقعوااا مني أي تصرف
علشان كدااا والحمد الله
مش بنزعل مع بعض كتير

نفس السؤال

Action.Z

24-08-2008, 07:59 PM

يابنى دى مسابقة و ليها جوايز و صاحبك اللى حدفك فى حمام السباحة ضيع عليك فرصة انك تكسب السباق لسة عادى برضة

AHMED-AMER

24-08-2008, 08:20 PM

يابنى دى مسابقة و ليها جوايز و صاحبك اللى حدفك فى حمام السباحة ضيع عليك فرصة انك تكسب السباق لسة عادى برضة

لاء كدااا الوضع أختلف:smart:
بس معتقدش يا أكشن ان حد من أصحابي يتمنالي الشر:no:
الحمد الله كلنا مبنتمناش لبعض غير الخير
:yes:

فاطمة الزهراء

24-08-2008, 11:38 PM

فين السؤال يا جماعه

http://alazhar.gov.eg/islam/events/ramadan/images/fanos.gif

Aymn samir

25-08-2008, 05:52 AM

الله اكرمم
السؤال اهووووووو
كنت بتفطر في رمضان وتقول اانا صايم ؟ وانت صغير او وانت كبيييييير

Action.Z

25-08-2008, 11:51 AM

AHMED-AMER

25-08-2008, 12:49 PM

لا الحمد لله انا من ثاثلتة ابتدائى و انا بصوم و الحمد لله عمرى مكدبت فى الموضوع دة لان الصيام حاجة بين العبد و ربة

لو انت ماشى بالعربية و والدتك جانبك فقالتلك هو دة المحل اللى عايزينك تنزلنا عندة فرحت انت بصيت يمين على اساس تشوف المحل فرحت خابط فى شنطة عربية سواق تاكس كان ماشى قدامك و لاقيتة طالع من العربية شكلة ناوى ع الشر

تبقى مانتش سواق بريمو يا أكشن باشا:p
لأن أول درس من دروسي لما باجي أعلم حد السواقة:exclaim:
لو أبوك نده عليك وانت ماشي بالعربية
متبصلوش:D
إلا لما تشوف ظروف الطريق أيه:yes:
فالحمد الله انا باخد بالي من الموضوع ده كويس أوي:)
وبعدين كبيرها هصلحله عربيته هو ليه عندي ايه غير كدااا:smart:

نفس السؤال
:thumbs_up:

Action.Z

25-08-2008, 02:40 PM

أفرض انت ساعتها سرحت ثانيا يعنى هو التصليح بالساهل

AHMED-AMER

25-08-2008, 02:43 PM

أفرض انت ساعتها سرحت ثانيا يعنى هو التصليح بالساهل

أديك قولت يا أكشن سرحت
يعني أنت اللي غلطان يبقى تتحمل نتيجه غلطك:yes:
وبعدين تمام التصليح مش بالساهل يا عمنا
بس تصلح ولا تنضرب:smart:
اختار انت بقى:shy:
وسواقين التاكس ميعرفوش أبوهم:wallbash:
عارف لو ملاكي كنت قولتلك هسيبه وأمشي
وأعلاه ما في خيله يركبه
:D:D:D:D

Action.Z

25-08-2008, 02:54 PM

أجابة سديدة أسال أنت بقى

AHMED-AMER

25-08-2008, 02:57 PM

أجابة سديدة أسال أنت بقى

أي خدمه يا نجم
انت جيت في سؤال يعني:smart:
لو انت ماشي مع خطيبتك
وجيه ناس يترخمواا عليكواا
هتعمل ايه يا وحش:cool:
لاء ومش أي ناس أبغله
:D:D:D:D

فاطمة الزهراء

25-08-2008, 02:58 PM

هههههههههههههههههههههههههه

سؤال جامد جاوب يا اكشن

Action.Z

25-08-2008, 03:06 PM

حركبها تاكسى و أتصرف انا معاهم و ربنا يستر
نفس السؤال

AHMED-AMER

25-08-2008, 03:22 PM

انت هتركبها تاكس دي معاك حق فيها
يمكن تلحق
:D
انما تتصرف معاهم دي انت تفشر فيها
لأنها مفيهاش تصرف هتنضرب هتنضرب
:D:D:D:D
هقولك على حاجه يا أكشن
مش بمدح ولا بتفشخر بنفسي ولا حاجه
بس لو عالم معقوله هعرف والحمد الله
أتصرف معاهم
انما لو النوعيه اللي قولتلك عليها
:D
يبقى هعمل اللي انت قولت عليه
بالاضافه الا اننا احنا الاتنين هناكل علقه
مكلهاش ....... في مطلع
:D
ومش هتشوف خطيبتك لمده شهر
:D
هتكلمها تليفونات بس
وتقعد بقى تحكيلها ع اللي اتعمل فيك
يوووووه
قصدي اللي انت عملته فيهم
:D:D:D
:D:D
:D

Action.Z

25-08-2008, 03:26 PM

هههههه منا عارف انى مش حسد معاهم انت مسمعتنيش بقول ربنا يستر كما اكيد حيبقى فى و لاد حلال فى الشارع حيلموا المسألة ولا اية

أسال انا ولا لسة عندك أسئلة (لذيذة)تانية

AHMED-AMER

25-08-2008, 03:33 PM

ماشي يا أكشن
ربنا يكرمك
جواب ع السؤال ده عقبال ما أرجع بقى
ده أزاى رجعت
لو انت تحب واحده وخطبتها
وبعد الخطوبه بفتره قالتلك
إنها بتحب واحد تاني
هتتصرف أزاي بالتفاصيل لو سمحت
:D:D:D

Action.Z

25-08-2008, 04:03 PM

حقولها مقلتيش لية كدة من الاول انت متأكدة من مشاعرك دى ع العموم خليكى فاكرة انك انت اللى ناهيتى حكايتنا بأيدك و مترجعيش تندمى و تقوليلى بحبك تانى لان ساعتها مش حتلاقينى

حتعمل اية لو لاقيت واحد ماشى من ظهرة رحت انت لاطشة على قفاة و قولتلة انت فين ياراجل (على أساس انك فاكرة واحد صحبك)فلما لف و بصلك لقيتة واحد تانى و قالك أنت بتستهبل يلا ؟

AHMED-AMER

29-08-2008, 11:56 PM

حصلت معايا قبل كدااا
وكأنك بتحكي نفس الموقف بالظبط
وكنت هاكل علقه يوميها
:D:D
لولا اني كنت في المنقطه عندنا
ولما لاقى العيال اصحابي كلهم حوليا
مقدرش يتكلم
:D
بس اعتزرتله طبعا وقتها وقلتله اني مش كنت اقصده هوه
مش هنبقى غلطنين ونتبلطج ع الناس كمان
:D:D:D

نفس السؤال

Aymn samir

30-08-2008, 11:33 AM

هقوووووووووولة والله العظيم اسف وهحاول ارضية طبعا لاني غلطان في حقة جامد

لو واقف مع واحد صحبك ممكن يكون مش مسلم وفي رمضان وبيشرب سيجارة والناس بتبص عليكم هتمشي وتسيبة ولا هتكمل واقفة معاه عادي؟

AHMED-AMER

30-08-2008, 08:18 PM

أنا أساسا مبسمحش لنفسي أني اقف مع أحد من أصحابي بيشرب سجائر حاليا
لو راجل كبير مثلا وانا قاعد جنبه وولع سجاره
بقوم من جنبه
بيني وبينك يا أيمن االصحه مش مستحمله
:D
كفايه اللي واحد فيه

نفس السؤال

فاطمة الزهراء

02-09-2008, 03:53 AM

نغير السؤال بقى

ما هى العاده التى تتمنى ان تغيرها فى نفسك

AHMED-AMER

02-09-2008, 04:00 AM

بصراحه
العصبيه والخلك الضيق
بجد أكتر حاجه بكرهم في نفسي
بس مش أعرف اغيرهم

وانتي يا بطتي

فاطمة الزهراء

02-09-2008, 04:01 AM

بجد اكثر عاده سيئه فيا انى صريحه جدا جدا ونفسى اغير العاده دى شويه

تصبح على خير بقى يا حماده

ما هو اجمل حلم انت حلمته وانت نايم طبعا

Mohamed Hassaan

02-09-2008, 04:58 AM

Anne Atgwzt :D lol

eh aktr 7aga betdeke dafe3 w 2amal le alle gai ?

Action.Z

20-09-2008, 11:49 PM

سؤال للبنات بقى
حتعملى اية لو انت جاية تطلبى رقم ع التليفون و سرحتى و رحتى كاتبة رقم خطيبك اللى انفصلتى عنة و رد عليكى و شاف نمرتك ظاهرة عندة؟

فاطمة الزهراء

21-09-2008, 01:16 AM

ههههههههههههههههههههههه

سؤال جامد وفى الجون يا اكشن

بكل هدوء اقفل السكه ومش ارد يلا عادى بقى لو هو عاوز يتصل خلاص يتصل هو يفهم ليه انا اتصلت به يعنى اغرم تمن مكالمه لحد كان ماضى وراح

سؤال جامد نفس السؤال للشباب برضه

Aymn samir

10-10-2008, 11:45 AM

عادي هقولها ببساطة انا مكنش قصدي اطلبك بس واسلم عليها وهقفل عادي.
لو شوفت واحد للبنات او لو شوفت واحدة للولاد وعجبتك اوووي كانت حاجة موز يعني
هتروح تكلمها ولا هتعمل نفسك مش واخد بالك ؟

فاطمة الزهراء

10-10-2008, 03:46 PM

سؤال جامد يا ايمن على فكره مقاييس الجمال تختلف من شخص لاخر بس لو شفت حد وشكله عجبنى ممكن الاول اسال مين ده واعرف اى حاجه عنه وبعدين ممكن اقرر ااذ كنت اكلمه او عادى
نفس السؤال

AHMED-AMER

11-10-2008, 03:49 AM

لأاء أنا بحب أجيب من الأخر
:D
بس مش حصلت معايااا إلا مره واااحده بس
وبعدين مش أي حاجه تخليك ترروح تتكلم على طوول يا أيمن
مع نااس معينه بس
ومبيبقااش مجرد أعجاااب عاادي
لا يا بيه دأنت بتبقى رجلك جت خلااااص يا ريس
:D:D:D:D

نفس السؤال
سؤال جاامد على فكره

فاطمة الزهراء

11-10-2008, 06:02 PM

انا جاوبت

ممكن تذكر اكتر موقف محرج تعرضت له وتمنيت فى هذه اللحظه ان تنشق الارض وتبلعك

AHMED-AMER

11-10-2008, 07:32 PM

انا اساسا مبحبش أضع نفسي في مواقف محرجه
بس الموااقف دي كترت معاياا أوي اليومين دول
وأقربهاا وانا داخل لسه الكليه
تلاقي وااحد جاي يسلم عليكي وايه يا ابو حميد واخبارك وعامل ايه
وانا مش عارفه أو على الأقل مش عارف اسمه
يا نهااار أبيض ع الموقف ده
:D
ببقى عايزه يمشي بسرعه بأي طريقه
ليقولي أنت عرفني
وقتهااا بجد مش هعرف أنا هقوله ايه
لأني فعلا مببقاااش عارفه خالص
بس الحمد الله لغايه دلوقتي الموقف ما بيكملش معايا للأخر
وبيمشواا على طوول من غير ما يطولوااا
:D:D:D:D

نفس السؤال
جااامد يا بطه

فاطمة الزهراء

11-10-2008, 10:49 PM

اى خدمه يا حماده :D
انت عارف انا اصلا مشكله مش كده :p
وعلى فكره يا حماده النسيان ده شئ طبيعى جدا ;)
انا تعرضت لمواقف كتيره اوى محرجه بس انا احاول بقدر الامكان اهرب من احراجى بسرعه
اخر مره كان فى شهر 7 تقريبا وكنت اخد كورس فوجئت ان المحاضر يتحدث معى انه يريد ان يرتبط بى طبعا انا كنت محرجه جدا جدا لانى لسه لم انتهى من الكورس وقررت ان ارفضه وانتظرت لما اخبره بردى الا يوم الامتحان قلت له انى مش موافقه بس بعيد عنكم كنت محرجه جدا جدا لانى كنت خايفه انه يعمل تقدير مش كويس بس الحمد لله كان انسان متحضر جدا

نفس السؤال ما هو اكتر موقف محرج تعرضت له

Action.Z

12-10-2008, 01:07 PM

انا يمكن قولتة قبل كدة كنت مرة قبل كدة فى الاتوبيس و حطيت ايدى فى جيبى و ملاقيتش موبايلى فاول حاجة عملتها قولت للى جنبى بصوت عالى فين الموبايل قالى موبايل اية فانا اتعصبت و قولتةلو سمحت ممكن اشوفة فى جيوبك و كان الموقف ال ... انى ملقيتش حاجة و الله يسامحة اللى شأط الموبايل و كت

تعمل اية لو انت ركبت تاكسى و انت قايل للسواق على عنوان معين و بعد حوالى نص ساعة تلاقى نفسك فى حتة تانية خالص غير اللى انت عايزها فتقولة هو احنا كدة فى (العنوان اللى انت طلبتة) فهو يقولك (أنت مش قولت كذا اللى هى حتة تانية خالص)الموقف دة تجربة شخصية

فاطمة الزهراء

12-10-2008, 08:41 PM

بص ممكن اقوله ماشى وانزل بس اعطى له اقل من الاجره وممكن اعمل معه مشكله ولو زودها شويه نروح القسم على طول ونبقى نشوف فى القسم ايه اللى يحصل

نفس السؤال

Aymn samir

12-10-2008, 09:09 PM

مش عارف علي حسب السواق بس ممكن اديلة زيادة شوية عن الاجرة العادية بس مش تمن المشورين

كنت مشاغب وانت في سنين المدرسة ؟

فاطمة الزهراء

13-10-2008, 12:53 AM

مش مشاغبه بس كنت مشهوره جدا جدا طبعا بسبب اسمى وكل شويه حد يقولى انتى قريبة عبد الحليم وكمان لانى كان لى انشطه فى كل حاجه فى المدرسه وحتى لما كنت مشاغبه كانوا المدرسين بيحبوا مشاغبتى جدا جدا

نفس السؤال

Action.Z

13-10-2008, 04:46 PM

يعنى مش دايما على حسب المدرس بس كانت ايام و الله كنا خاربينها
تعمل اية لو اتصلت بواحد صاحبك أو واحدة صاحبتك و رد عليك فقلتلة ياندل انت اية ياعم محدش بيشوفك لية فتلاقى حد بيرد عليك و يقولك النمرة غلط انت عايز مين؟

فاطمة الزهراء

13-10-2008, 04:52 PM

طبعا كميه من الاعتذرات وبكل اللغات وبعدها وشى يحمر بعدها على طول

سؤال جامد يا اكشن نفس السؤال

Action.Z

13-10-2008, 06:19 PM

حقولة عبد الموجود موجود ههههه
اللى حعملة انى احاول احور علية و اقولة مش النمرة اللى انا طالبها كذا فيقولى لا فروح قايلة طب شكرا و اقفل السكة و اقعد اضحك

اللى عندة سؤال يسأل انا مستنى

فاطمة الزهراء

13-10-2008, 06:26 PM

ما هى اغرب حاجه انت عملتها فى حياتك كلها

فين الاسئله الجامده بتاعتك يا اكشن

Action.Z

14-10-2008, 02:46 PM

من وجهة نظرى انى بيضت حيطان الشقة بتاعتنا كلها
نفس السؤال

AHMED-AMER

14-10-2008, 02:52 PM

أنا كل تصرفاتي بالنسبه للي حوالياا غريبه
فلو قعدت اعد مش هيكفيني وقت للكتابه
:D:D:D

ايه رأيك في دخول كليه الشرطه مضر ولا نااافع
:D:D:D

Action.Z

14-10-2008, 02:55 PM

أكيد أنت أدرى انا عن نفسى مرتاح فى تجارة قولنا بقى دخولها مضر و لا نااافع

فاطمة الزهراء

14-10-2008, 03:49 PM

اكيد نافع لان ان شاء الله الشغل مضمون
اما الضرر لان احمد مش هيكون معانا على طول طبعا وكمان علشان الالتزام للناس اللى مش تحب الالتزام

قول بقى يا حماده ايه رايك

Action.Z

14-10-2008, 06:24 PM

عقبال ما ابوحميد يجى خدو السؤال دة
تعمل اية لو انت ماشى فى مول مثلا و فى واحد صحبك أو صاحبتك انت بتتخنق منة و مش طالبة معاك تشوفة دلوقتى أتصل بيك و قالك بقولك ماتيجى نخرج النهاردة فأنت مش عارف تهرب منة ازاى فتروح قايلة معلش يا فلان اصلى تعبان اوى النهاردة و راقد فى السرير و مش اقدر اخرج معاك و بعد متقفل معاة تلاقية واقف قدامك فى نفس المول اللى انت فية و قال بأستغراب أية دة؟

فاطمة الزهراء

14-10-2008, 08:28 PM

تصدق يا اكشن انا وشى بقى احمر من السؤال تخيل بقى لو حصل

مش عارفه ممكن اعمل ايه بس انا ممكن اعمل نفسى مش اخدت بالى منها او اتصرف بقى اقول اى كلام مش عارفه يا اكشن صعب اوى

امبارح كنت لسه اقول لاحمد عامر انى مش احب اخد معايا الموبايل وانا نازله شوفته اخيرا فايده للموضوع ده

نفس السؤال المحرج ده يا اكشن

Action.Z

14-10-2008, 09:29 PM

حديلة ضهرى و اعمل نفسى بتكلم فى التلفون و امد شوية لحد ما اطلع من المول و ربنا يستر
اسئلى

فاطمة الزهراء

14-10-2008, 09:32 PM

حلوه الاجابه دى جدا
اكتشفت وانت فى القطار ومسافر الاسكندريه جاى تسلم عليا هنا انك لابس حذاء فرده اسود وفرده بنى وهذه المقابله مهمه جدا ماذا تفعل

AHMED-AMER

15-10-2008, 12:48 AM

اكيد نافع لان ان شاء الله الشغل مضمون
اما الضرر لان احمد مش هيكون معانا على طول طبعا وكمان علشان الالتزام للناس اللى مش تحب الالتزام

قول بقى يا حماده ايه رايك

مش هزود كلمه عن اللي قولتيه يا بطاطااااا
كانك حاسه بيااا بالظبط
:shy::shy::shy:

حلوه الاجابه دى جدا
اكتشفت وانت فى القطار ومسافر الاسكندريه جاى تسلم عليا هنا انك لابس حذاء فرده اسود وفرده بنى وهذه المقابله مهمه جدا ماذا تفعل

ده يبقى منتهى الأحراااج بس أنا مش اهتم للدرجه دي يا بطتي:p
يعني انا بشوف أنا هحط رجلي فين قبل ماامشي كداا
وعموما هو محصلش معاياا قبل كداا
:yes:
نفس السؤال

فاطمة الزهراء

15-10-2008, 02:00 AM

على فكره الموقف ده حصل مع صديق لى وكان فى مقابله مهمه وفجاه وجد انه لابس فردة شراب ابيض والتانيه بنى اساسا هو مش عرف يتكلم فى المقابله دى

انا اعديها ولا اخد فى بالى اصلا

نفس السؤال

Action.Z

15-10-2008, 10:53 AM

انا اول ماحنزل من القطار و اوصل اسكندرية وقبل ما اروح المقابلة المهمة حشترى جزمة ع السريع و اعمل المشوار

تعمل اية لو انت بتركن عربيتك فخبط عربية من اللى راكنين فعملت صوت الانذار و صاحبها بص من البلكونة و قالك بصوت عالى أستنى نازلك

فاطمة الزهراء

15-10-2008, 01:36 PM

نروح القسم يا اكشن هو انا ممكن اخاف

نفس السؤال

Action.Z

15-10-2008, 03:07 PM

و انا كمان اروح القسم و اعينك المحامية بتاعتى تمسيكيلى القضية و تجيبيلى تعويض كمان

تعمل اية لو صاحبك الخنيق بتاع السؤال اللى فات كان قاعد عندك فى البيت و مطول لحد ما البيت كلة نام و هو لزقة و مش راضى يمشى و قاعد و مندمج

سندريلا

15-10-2008, 03:15 PM

واضح ان فيه حد معين انت مخنوق منه يا أكشن
ولا حاجة طالما هو رخم وخنيق أنا أرخم
هقول له قوم بقي علشان الوقت أتغير وعاوزة أنام
ويمكن يزعل وأكون ارتحت منه وضربت عصفوربن بحجر واحد

تعمل ايه لو رحت خطوبة حد صحبك ولاقيت العروسة حد كنت مرتبط بيها قبل كده
هتقول لصحابك لو سألك كنت عارفها ولا لأ؟

فاطمة الزهراء

15-10-2008, 03:19 PM

ايه يا اكشن اصحابك ختقه اوى

سؤالك يا ساندى انا صريحه جدا جدا واقول على كل حاجه بصراحه

سؤال بقى لك انت يا اكشن لو انت ماشى فى الشرع وفجاه وجدن بنت حلوه اوى موزه يعنى وبتصرخ بصوت عالى وتقول انك عاكستها والناس بدأت تزعق لك تعمل ايه

سندريلا

15-10-2008, 03:34 PM

فاطمة الزهراء

15-10-2008, 03:38 PM

انا جاوبت على سؤال يا ساندى اصل اختك صريحه بدرجه تخنق بجد بعيد عنك يعنى فى انتظار اجابة حد تانى وعلى سؤالى كمان

Action.Z

15-10-2008, 04:53 PM

تعمل ايه لو رحت خطوبة حد صحبك ولاقيت العروسة حد كنت مرتبط بيها قبل كده
هتقول لصحابك لو سألك كنت عارفها ولا لأ؟

لا اكيد مش حقولة عشان بعد كدة ممكن يكون فى حساسيات وكدة و لا كدة اكيد البنت دى بقت اختى خلاص وانا حكون داخل الخطوبة و معايا خطيبتى الحالية

لو انت ماشى فى الشرع وفجاه وجدن بنت حلوه اوى موزه يعنى وبتصرخ بصوت عالى وتقول انك عاكستها والناس بدأت تزعق لك تعمل ايه

و لية رمى البلاة ع الناس اكيد البنت دى برغم انها حلوة بس اكيد عقلها هف هف ع الاخر و شكلى حضرب كدة و لا كدة مع ان معدش حد بيدافع عن البنات اللى بيتحرش بيهم فى الشوراع
المهم ممكن ياخدونى ع القسم فاقلوهم يكشفوا على عقلها عشان انا معملتش حاجة و بعد ميتأكدو انها فى البلالا حيسبونى اروح
و كدة و لا كدة انا مبحبش اعاكس بنات

عيب السؤال دة انة مينفعش يتعكس
خدى السؤال دة بقى
لو حد اتصل بيك فى البيت و قالك النمرة دى (نمرة بيتكم)بتتصل بينا كل شوية و بتزعجنا بالمعاكسات لو اتصلتوا تانى حبلغ البوليس

سندريلا

15-10-2008, 05:26 PM

والله بتحصل يا أكشن
ياأما هقول محصلش واحنا مش طلبنا الرقم ده خالص
ياأما هقول معلش اصل فيه طفل بيحب يلعب في التليفون ومش هيعمل كده تاني لو كان راجل بيحب يكلم كتير

نفس السؤال

فاطمة الزهراء

15-10-2008, 06:04 PM

الموقف ده حصل معنا زى ما هو كده بالضبط وانا سكت خالص اخدت الرقم من على الشاشه بس واعتذرت للرجل وبعدين كان اخويا لسه مش اتجوز لما رجع قلت له نزل الى السنترال واتصل بهم وقالهم انتم الصبح حد اتصل من رقمكم وقال كذا كذا انا فلان الفلانى ضابط مباحث ةالناس دى بلغت عليكم طبعا مش عاوزه اقولكم كميه من الاعتذارت وفى الاخر طلع واحد بيهزر على اى رقم بس كان موقف تحفه كل ما افتكره اقعد اضحك النسا فضلوا يعتذروا لاخويا وبعدين اتصلوا بيا فى البيت تانى

سؤال جامد يا اكشن نفس السؤال

AHMED-AMER

16-10-2008, 02:12 AM

بتحصل معايااا أنا شخصيااا
وفي رقم واحد صحبي فضل مهنج في دماغي بالمشقلب
وأني اطلب الرقم ويطلع صح أبداا
لازم كل مره يرد عليااا نفس الرااجل
ويقولي يانبي النمره غلط
لغايه ما أتخنقت منه ومن التليفوون
وطلبت وااحد تاني
:D

تعمل ايه لو خطيبتك شفتك واقف مع خطيبتك الأولانيه

فاطمة الزهراء

16-10-2008, 03:01 AM

عادى يا حماده لو انا شوفته خطيبى واقف مع خطيبته السابقه الموضوع يعدى بسهوله يادوب بس يقضى 30 يوم فى العنايه المركزه بس دى حاجه بسيطه اوى

نفس السؤال

lamees

16-10-2008, 02:03 PM

علي فكرة الموضوع ده حصل مع أختي
ورغم انها بتغير بجنان وانا قلت خالد هيموت النهار ده
وقفت عادي جدا لما خلص الكلام
وبعدين فهمت انه كان بيسألها عن أخوها علشان كان صحبه
فنظرت اليه النظرة القاتلة وقالت له خلاص بس بلاش يحصل كده تاني
وطبعا مش حصل كده تاني

نفس السؤال

Action.Z

16-10-2008, 02:48 PM

حفسر لها انى قابلتها صدفة و لان اخوها صاحبى فكنت بسألها علية و ربنا يستر و تعدى
هل لو وقعت فى مقلب الكاميرا الخفية حتوافق انة يذيع؟

Aymn samir

16-10-2008, 05:08 PM

لا لاني مبحبهاش
نفس السؤال؟

Action.Z

16-10-2008, 07:04 PM

لو حاجة محترمة و دمها خفيف مفيش مانع
نفس السؤال

فاطمة الزهراء

16-10-2008, 10:44 PM

استحاله اوفق لانى ممكن اتعصب عليهم ويحصل ضرب

ما هو السؤال الذى لو وجدته فى هذا الموضوع فلن تجيب عليه

Action.Z

17-10-2008, 02:35 AM

انا مستعد اجاوب على اى سؤال
نفس السؤال

فاطمة الزهراء

17-10-2008, 02:39 AM

شجاع يا اكشن هما كل الزملكاويه كده

انا مافيش سؤال مش ارد عليه اى حاجه ممكن ارد عليها

ما هو اكتر موقف محرج تعرضت له فى فرح

Action.Z

18-10-2008, 08:28 AM

فى الاوبين بوفية و انا بغرف لاخوية سلطة زبادى و بلف و اقولة خد فالطبق فى حتة منة جت على جاكيت احد المعازيم فطبعا كان موقف محرج و قعدت اتاسفة و انشف بالمنديل الحتة اللى جة عليها سلطة الزبادى و هو كان مخنوق منى و بيقولى خلاص خلاص حصل خير
نفس السؤال

فاطمة الزهراء

18-10-2008, 02:58 PM

حلو الموقف بتاعك يا اكشن

كنت فى فرح وبعدين طبعا فى الاول بيقدموا شربات انا اصلا مش اشربه وفجاه حد ابن حلال هز الترابيزه كل الاكواب وقع على بعضها وطبعا وقعت عليا منظرى كان تحفه بس الحمد لله انى كنت لابسه فستان اسود قمت طبعا مسحته بس كنت متغاظه جدا جدا ومن وقتها اول ما ينزل الشربات لابد انى اقوم اقف حتى ان يوم فرح اخويا طلبت من ادراة المكان انهم مش يقدموا شربات لكنهم رفضوا

يا ترى ايه اكتر موقف محرج تعرض له شخص بسببك

Aymn samir

19-10-2008, 10:51 AM

كنت ماشي انا وواحد صحبي فانا كان في عربية جمبي فاقولتله اطلع علي الرصيف وزقيتة كدا عشان افادي العربية فارشق في بنت قصادة وكان محرج جدا منها لانهم كانوا في وش بعض خالص كل واحد
ونفس السؤال للي بعدي ؟

فاطمة الزهراء

19-10-2008, 11:58 AM

جامد الموقف يا ايمن ومحرج بجد

انا اعتذر وخلاص بس ممكن افضل فى حالة صمت شويه كده ده لو انا اللى عملت الموقف
لكن لو الموقف اتعمل فيا يعنى حد فجاه لاقيته فى وشى كده ممكن ازعق بصوت عالى واوقوله انت اتعميت واى كلمتين تانين وكفايه

نفس السؤال

Action.Z

19-10-2008, 01:49 PM

انا لو مكانة حبقى عيل و اقول هو اللى زقنى ههههه
لو انت عريس او انت عروسة و فى الزفه اتكعبلت و وقعت ع الارض و المعزيم من غير متقصد ضحكت موقفك حيكون اية؟

فاطمة الزهراء

19-10-2008, 02:46 PM

بص يا اكشن يا اخويا اصلا المعازيم بيرحوا الفرح علشان يتفرجوا على العريس او العروسه يبقى عادى بقى فرجه بفرجه مافيش مشاكل المهم ان كعب الجزمه مش يتكسر

سؤال حلو يا اكشن بس يارب مش يحصل معايا

نفس السؤال

Action.Z

19-10-2008, 03:42 PM

حاخد الموضوع بهزار و اقول ان العروسة برجلتلى حالى من جمالها هههه و تعدى

أسالى يافطومة انا مفيش حاجة على بالى دلوقتى

فاطمة الزهراء

19-10-2008, 06:43 PM

العروسه برجليتك يا اكشن ;) :D
ماشى يا عم ربنا يكرمك بس اوعى تنسى تعزمنى على الفرح علشان اشوفك هتعمل ايه :p

ياترى فى مره حد قعد يمدح فيك لغاية ما شعرت انك محرج :yes:

Action.Z

19-10-2008, 07:34 PM

العروسه برجليتك يا اكشن ;) :D
ماشى يا عم ربنا يكرمك بس اوعى تنسى تعزمنى على الفرح علشان اشوفك هتعمل ايه :p

ياترى فى مره حد قعد يمدح فيك لغاية ما شعرت انك محرج :yes:

انت بتقولى فيها والله بجد لو فى حاجة لازم تيجى

والدتى الصراحة ربنا يخليها اصلها دايما مثلا لو فى زيارة لناس انا معرفهمش اوى تلاقيها عمالة تفخم فيا وانا قاعد فبروح قايلها خلاص يعنى مش اوى كدة تقولى لية مش بيحصل دة؟

نفس السؤال

فاطمة الزهراء

19-10-2008, 08:28 PM

ده شئ يشرفنى طبعا يا اكشن انى احضر مناسبه لك عن قريب ان شاء الله
ربنا يبارك لك فى والدتك على فكره انا مامتى كمان كده برضه

بص بقى انا مشكلتى ان فى ناس كتير اوى ممكن تقعد تعدد فى مواهبى وتقول على حاجات كتيره اوى المشكله فين بقى ان الناس دى عمرى ما قابلتها فى حياتى والمثل على كده اختى الجميله لولا اللى عضوه معنا هنا وكمان اخويا سعادة الضبوط احمد باشا تلاقينى ابقى محرجه جدا جدا

ياترى فى شخص انت نفسك تحرجه الان وياترى تحب تقول ايه ومين الشخص ده

Action.Z

20-10-2008, 01:54 PM

لالالا انا مبحبش الفضايح و التسييح للناس

مثلا لو أنت فى فرحك لو انت عريس أو عروسة و انتوا بتشربوا بعض الشربات وقع عليك شربات على بدلتك او على فستانك موقفك حيكون أية؟

فاطمة الزهراء

20-10-2008, 02:04 PM

بص انا ممكن اعمل عادى خالص ولا حصل حاجه الموقف يمر بسلام اصل لازم تحصل مواقف كده

نفس السؤال

Action.Z

20-10-2008, 03:12 PM

طب انا اعمل اية فى البدلة اللى اتبقعت دى
هى حتبقى ليلة مفترجة فالواحد يعديها و هى تبقى زكرى كوميدية نفتكرها

تعمل أية لو انت سرحت بصحابك و قلتلهم انك بتتقن الالمانى و بتاخد كورسات و كدة و فى يوم واحد من صحابك قالك انة يعرف واحد المانى من ع الشات و جاى كمان شوية اعرفة عليك

فاطمة الزهراء

20-10-2008, 03:14 PM

هههههههههههههههههههههههههههههههه
ايه الموقف الجامد اوى ده مش عارفه يمكن تهرب واقول انى عندى مشوار او مش فاضيه او تعبانه بس بجد موقف محرج جدا جدا جدا

نفس السؤال لما اشوف هتعمل ايه يا عم اكشن

Action.Z

20-10-2008, 05:14 PM

حقولة ماشى و بعد كدة حعمل نفسى بتكلم فى الموبايل و اقولة كان بودى اقابل صاحبك لكن فى حالة ولادة عند قرايب والدتى و لازم اروح دلوقتى

أنا لسة سأل عايز سؤال بقى فى الجون

فاطمة الزهراء

21-10-2008, 01:00 AM

حاضر ياعم سؤال فى الجون
بما ان حضرتك شاب اسالك سؤال على طول كل اصدقائى يتحرجوا من الاجابه عليه لو فى بنت كانت معجبه بحضرتك وجت قالت لك انها معجبه بيك وانت كنت شايف انها كويسه جدا ومؤدبه وكمان قالت لك انها هتساعدك فى الجهاز والشقه وكل حاجه تعمل ايه بس عاوزه كلام بجد لان الموقف ده حصل مع حد من اصدقائى وبعد الاجابه ابقى اقول لك عمل ايه

Action.Z

21-10-2008, 02:32 AM

طب هو الواحد حيكون عايز اية أكتر من كدة بكلم بجد دى تبقى عروسة لقطة و ابقى مستعد أكتب عليها و احنا واقفين و طالما هى كويسة و مؤدبة فأكيد انا حكون مشدود لها من قبل ما هى تقول

نفس السؤال الجرئ دة

فاطمة الزهراء

21-10-2008, 02:43 AM

على فكره انت فعلا جدع اوى بس بجد انت ممكن تعمل كده بجد

فى واحد اعرفه واحده عملت معه كده جه قال لى وطبعا هو رفض انها تعرض حبها عليه وقال انا مش عاوز مساعده من حد وكان قفل جدا جدا فى الموضوع ده
بس بجد صعب اوى على البنت انها تعرض على واحد حبها , لما مره قلت لاصحابى انا لو فى حد حبيته بجد ممكن اعرض عليه الزواج كلهم ضحكوا عليا وقالوا لى انتى كده تسقطى من نظره

عاوزه سؤال محرج يا اكشن باشا

Action.Z

21-10-2008, 01:16 PM

و اية اللى عصب الشاب دة معروف ان الجواز مشاركة و لو هى مش حتحس بية و هما ع البر خلاص تبقى خلصت

تعمل اية لو انت ماشى فى الشارع فقابلك شحات زنان مستلمك من اول الشارع فانت زهت منة و قلتة خلاص حديلك و بتدب أيدك فى جيبك أو فى شنطتك و ملاقتيش معاكى فلوس و بصيت للشحات لقيتة باصصلك و متنح و مستنى حسنتة موقفك حيكون اية ساعتها؟

فاطمة الزهراء

21-10-2008, 01:43 PM

اسيبه وامشى ارجع على البيت على طول بس حاجه محرجه اوى وسبب رجوعى البيت هو انى مش معايا فلوس لازم ارجع تانى البيت

نفس السؤال المحرج يا اكشن

سندريلا

21-10-2008, 03:28 PM

هقول له ربنا يسهلك مش معايه فلوس والله وهجري في الشارع علشان ممكن يشتم أو يحدفني بطوبة ولا حاجة

تعمل ايه لو نفس الشحات قلت له مش معايه مفلوس وربنا يسهلك راح رمي عليك طوبة أو شتمك ومحدش عرف يسكته

فاطمة الزهراء

21-10-2008, 03:51 PM

طبعا ممكن ازعق واكيد الناس لازم تتدخل وتحاول تهدى الموقف شويه

نفس السؤال

ممكن نبعد عن الشحاتين شويه كده

Action.Z

21-10-2008, 04:24 PM

حتعمل أية لو انت ماشى فى الشارع لقيت طفل حوال 5 سنين شكلة ابن ناس واقف يعيط و مش لاقى مامتة و باباة فانت قعدت تهدية و تطبطب علية فانت مش عارف تعمل اية فمسكتة من ايدة و قلت تروح القسم تعمل محضر و انت فى السكة لقيت والدة و والدتة جريوا عليك و زءؤك لبيعد و قالولك أبعد انت عايز اية من الولد و كنت مودية فين احنا مش حنسكت تعالى معانا ع القسم

فاطمة الزهراء

21-10-2008, 05:51 PM

ايه الاحراج ده يا اكشن اقولهم انى انا اللى كنت رايحه القسم علشان اشوف فين اهله ولو اصروا نروح القسم سوا وانت عارف بقى اللى ممكن يحصل هناك اتصل باسلام اخويا لانه محامى واتصل باحمد باشا يمكن يطلع الضابط معرفته ونكمل الموضوع فى القسم

نفس السؤال يا اكشن

Action.Z

21-10-2008, 07:26 PM

منكرش انة موقف محرج جدا بس مش أنا اللى سالة بس مش لقيلة مخرج أول حاجة حعملها حقولة اولا انا كنت مودية القسم اعمل محضر عشان تعرفوا تلاقوا ابنكوا دة جزاتى كمان بص على ابنك ما هو زى الفل اهو شفت حصلوا حاجة يعنى ولو اصر يدخلنى القسم حاضطر اتصل بالمحامية بتاعتى فطومة تجيب لى حقى بالقانون

أسالى سؤال بقى أظن انا سأئل سؤالين حلوين

Aymn samir

21-10-2008, 08:20 PM

لو قابلت واحدة مشهورة بس انت مثلا مبتحبش تتفرج عليها زي روبي وبوسي سمير والعالم دي
وشوفتها في شارع لوحدها خالص هتروح وتسلم عليها ولا لا

فاطمة الزهراء

22-10-2008, 12:36 AM

اولا شكرا يا اكشن على ثقتك الغاليه فى المحاميه بتاعتك وده العشم منك برضه

ثانيا يا ايمن اصلا الناس دى لو قابلتها فى الشارع ممكن مش اخد بالى منها لانى الحمد لله مش اتفرج عليهم ولو عرفتها كانى مش شايفه اصلا هى مين يا ابنى انا اجدع واحده ممكن تطنش ومش تسلم على الناس

نفس السؤال

Action.Z

22-10-2008, 11:14 AM

ههههه و هى الناس دى بتمشى فى الشوارع عادى كدة مش بيبقى معاهم بودى جارد و حاجات كدة المهم اكيد طبعا ححلقلهم و مش حعبرهم

هتعمل اية لو انت فى احد المطاعم و قمت تغسل أيدك فمخدش بالك و دخلت حمام السيدات أو دخلتى حمام الرجال و بالصدفة دخل سيدتان او رجلان و انت جوة

فاطمة الزهراء

22-10-2008, 01:20 PM

ايه الاحراج ده يا اكشن بص بقى انا على العموم لما ابقى بره مش ممكن ادخل الحمام اطلاقا ومعايا جيل لليدين علشان مش ادخل اغسل ايديا بعد الاكل بس نفرض انه حصل كده طبعا اقول انا اسفه واخرج بهدوء وارجع امشى على طول لانى طبعا هاكون فى نص هدومى

موقف محرج جدا جدا يا اكشن

نفس السؤال

Action.Z

22-10-2008, 03:03 PM

بالنسبالك الموضوع ممكن يعدى لانك بنت أما انا فحيفتكروها معاكسة فأحسن حاجة أعملها انى ادخل التواليت و اقفل الباب لحد ميخرجوا و بعد كدة اطلع موقف لا يحسد علية احد لو حصلة

عليكى سؤال برضة أسالى

فاطمة الزهراء

22-10-2008, 05:53 PM

بجد موقف صعب اوى

الاجابه بتاعتك حلوه يا اكشن

ما هو اطرف موقف حصل لك وان رايح مقابله مهمه يعنى موقف محرج

Action.Z

23-10-2008, 03:02 AM

الصراحة مكدبش عليكى الحمد لله محصليش مواقف محرجة فى مقابلات مهمة لو عندك موقف حصلك قولية

فاطمة الزهراء

23-10-2008, 04:35 PM

طبعا عندى
كنت رايحه مقابله حاجه خاصه بالعمل الاعلامى وانا كتت لسه فى كليه وقبل الحجاب وعامله شعرى بقى وشغل تمام التمام واول ما نزلت من البيت السما اتفتحت شتا مش عاوزه اقول كميه غير طبيعيه رغم ان الجو كان لسه يعنى خريفى المهم ركبت تاكسى ونزلت فعلا والشتا مش عاوز يقف دخلت المكان لاقيت ان البيه اللى المفروض يجى مش موجود ومش ينفع ادخل المكان الا بتصريح منه والشتا شغال الناس اللى شغالين فى الامن عطفوا عليا وقعدت مع واحده كمان كانت جايه لنفس الوظيفه والجو فجاه قلب برد جدا جدا وخلاص انا بدأت اترعش وانا محرجه جدا جدا واخيرا جه البيه المحترم طبعا بص على منظرى ومنظر البنت اللى موجوده والشتا مبهدل فينا قال معلش المقابله اتاجلت طبعا كان نفسى اضربه بس بجد كان موقف محرج اوى

تعمل ايه لو حد اتصل بيك على التلفيون الارضى وانت كنت مش فاضى وبدأ يرغى معاك تعمل ايه علشان تزحلقه

Action.Z

23-10-2008, 04:44 PM

ههههههههه الله يكوم فى عونك ساعتها
تعمل ايه لو حد اتصل بيك على التلفيون الارضى وانت كنت مش فاضى وبدأ يرغى معاك تعمل
ايه علشان تزحلقه
حتصل بموبايلى ع البيت و اقولة معلش حقفل معاك عشان في ويتينج
نفس السؤال

فاطمة الزهراء

23-10-2008, 04:54 PM

ماشى يا اكشن المفروض كنت قلت ومافيش عندك ويتنج كمان

انا بقى اقفل فى الكلام واقوله اصل انا مش فاضيه او الاكل على النار حاجه كده

عمرك جربت تعمل حاجه تكون مفاجاه لاسرتك وانقلبت المفاجاه الى حاجه مش ولا بد

Action.Z

23-10-2008, 07:21 PM

كنت انا و اخويا متفقين نرجع من الكلية و نعمل لوالدتى مفاجاة عشان عيد ميلادها فلما رجعنا البيت لقيناها مش فى البيت و قعدة عند خالتى فعقبال مالبسنة و ركبنة تاكس و وصلنا لبيت خالتى كان شكل التورتة زى متكون أتبططت بس والدتى عديتها و انبسطت من المفاجاة
نفس السؤال

فاطمة الزهراء

24-10-2008, 12:58 AM

ربنا يبارك لك فى والدتك يا اكشن

فى حاجات كتير جدا جدا وعظمها بتكون حاجه فى المطبخ يعنى لانى اختك استاذة فى المطبخ بس اتذكر اتفقت مع ماما واسلام اخويا وعزمت نيفين بنت خالتى وقلت انا اعمل لكم كنافه بالمانجو وكل واحد قاعد بقى عاوز يدوق وفجاه لاقيت مش عندى مانجو الا مجمده فى الفريزر وطبعا الكنافه كانت مش ولابد خالص وكان شكلى انا مش حلو خالص

يا ترى ايه اكتر مفاجاه اتعملت فيك وكنت محرج جدا بسببها

Action.Z

25-10-2008, 10:26 PM

لا و الله مفيش موقف على بالى دلوقتى
لو عندك موقف قولية يا فاطمة

فاطمة الزهراء

26-10-2008, 12:44 AM

مش فاكره بجد

السؤال " لو تعرضت لقصة حب وفشلت لا قدر الله ماذا تفعل "

Action.Z

26-10-2008, 11:51 AM

أخش فى واحدة تانية على طول هههههههه
لا طبعا اكيد الواحد حياخد صدمتة و الايام تعدى و تيجى قصة تانية تنسيك الاولانية

حتعمل أية لو انت رايح فرح و لابس بدلة أو فستان موز جدا و اخر شياكة و عدت عربية طرطشت عليك مية من اللى مغرقة الشوارع من المطر اليومين دول

فاطمة الزهراء

26-10-2008, 02:04 PM

انت عارف ممكن ارجع البيت واقرر انى مش انزل اروح الفرح ودمى محروق طبعا بس على فكره انا لما اذهب لفرح وانا لابسه شياكه وحاجه موز كده لازم اكون فى سياره او تاكسى علشان المواقف اللى تحرق الدم دى على العموم انا النهارده حصل معايا كده بس كنت رايحه مشوار عائلى بس كملت طريقى اعمل ايه بقى لو كنت رجعت البيت كنت مش نازله النهار بطوله

نفس السؤال

Action.Z

26-10-2008, 02:27 PM

يا دة الراجل دة انا مكنتش حسيبة ان شا الله اركب العربية و اجرى وراة و اهزءة و يشوف اللى عملة فية دة

تعمل اية لو انت سايق العربية و مش رابط الجزام و العسكرى لقيتة باصصلك و بيكتب نمرة عربيتك من غير مينبهك

فاطمة الزهراء

26-10-2008, 02:30 PM

يا صديقى اكشن اما مش اسوق عربيات خالص لان اختك بتخاف من موضوع السواقه ده خالص بس نفرض انه حصل ادفع الغرامه هى جت عليها وبعدين يا اشكن احنا دخلنا احمد كلية الشرطه علشان موضوع المخالفات ده يبقى يتصرف هو ولغاية ما ربنا يكرمه ويخلص دراسه ربنا يسهلها من عنده

نفس السؤال واضح انك مش تربط الحزام يا اكشن خد بالك

Action.Z

26-10-2008, 03:59 PM

هههههههههه اصلها حصلتلى و قلتلة اسف حربطة معلش اصلى لسة راكب اعذرنى و كدة و قال خلاص و رحت اجدد الرخصة لقيت علية غرامة برضة

مفيش اسئلة على بالى دلوقتى

فاطمة الزهراء

26-10-2008, 05:54 PM

كنت اتصلت بيا يا اشكن وكنت جت صلحت لك كل حاجه يلا معلش الرمه الجايه ان شاء الله

ما هى اكتر حاجه بتوجعك بجد حاجه معنويه طبعا

سندريلا

26-10-2008, 08:13 PM

اكتر حاجة بتوجعني الكدب خاصة لما بكون متأكده ان اللي قدامي كداب
وساعتها بيكون الشخص ده خلاص اتحط في الصفحة السودة
كمان الفراق بيوجعني اوي خاصة لو من غير مبرر

نفس السؤال

فاطمة الزهراء

26-10-2008, 09:51 PM

فعلا يا ساندى الفراق اصعب حاجه بجد وكمان الطلم وخاصة لو حد قريب منك ويعرفك كويس وفاهم انتى ايه ومين ويظلمك ساعتها ممكن الواحد يشعر انه خلاص العالم على وشك الانتهاء

مين السبب فى الحب القلب ولا العين

Action.Z

27-10-2008, 10:24 AM

بالنسبة للشباب فأظن العين اول حاجة بتسبب الحب اما البنات فبيحكموا قلبهم الاول
نفس السؤال

فاطمة الزهراء

27-10-2008, 01:57 PM

بص يا اكشن انت عارف انى فى ناس لا يبصروا ومع ذلك يحبون وممكن انك تحب شخص عمرك ما شوفته لكن من طريقة كلام الناس عنه تحيه يبقى اعتقد انه القلب

فين الاسئله الجامده يا اكشن او الزمالك ضيع الاسئله خلاص

ممكن تكتب رسالة حب وتقول انت ناوى تهديها لمين هى رساله واحد كفايه لو عاوز اكتر مافيش مشاكل

Action.Z

27-10-2008, 02:21 PM

الصراحة مليش فى جو جوابات الحب فمش عارف اكتب اية بس لو عايز ارسل رساله لحد حقولها لكل واحد زارنى من الكلية لما كانت رجلى مكسورة السنة اللى فاتت

فين الاسئله الجامده يا اكشن او الزمالك ضيع الاسئله خلاص
الزمالك شكلة حيضيعنى شخصيا

تعمل أية لو رحت الاستاد فى ماتش الاهلى و الزمالك و دخلت بالغلط مدرجات مشجعى الاهلى و قلت زمااااااااااااااااالك

فاطمة الزهراء

27-10-2008, 02:26 PM

صديقى اكشن بعد الشر عليك ان الزمالك يضيعيك

اكشن هو حد طلب منك انك تخلص منى انت عاوزنى اتقطع فى مدرجات الاهلى وبعدين انا لو رحت الاستاد لازم اشجع الاهلى لانى اكون مع اخويا اسلام وهو اهلاوى مجنون

اعتقد لو حصل الموقف ده يعنى لانى بنت ممكن اسمه شتيمه فقط مش اكتر من كده لكن لو حضرتك اللى فى الموقف ده طبعا ممكن يبقى ضرب وشتيمه وكل حاجه شوفت ادى اخرة تشجيع الزمالك

نفس السؤال

Action.Z

27-10-2008, 03:00 PM

أنا حقول زمااالك ساعتها فكل الاهلاوية حيبصوا علية و لسة حيقربوا يضربونى حروح قايل يا زمالك يا عرة و بكدة ممكن انجو من المجزرة اللى كانت ممكن تحصل

اسالى سوالى

فاطمة الزهراء

27-10-2008, 03:02 PM

هههههههههههههههههههههههههههههههههههههههههههههههههه هههههه

عسل والله يا اكشن انت عرفت تهرب من الموقف

تصدق ان فعلا الزمالك عره اوى عندك حق

متى شعرت انك سلطان زمانك طبعا ده غير لما الزمالك يكسب

Action.Z

27-10-2008, 03:23 PM

لما اكون حالل كويس فى امتحان الادارة المالية و المحاسبه عشان مواد خيقة

نفس السؤال

فاطمة الزهراء

27-10-2008, 04:32 PM

لما الاقى حد عنده مشكله وبفضل من ربنا ساعدته فى حلها مش عاوزه اقول لك شعور جميل جدا جدا تحس انك ملكت العالم كله لما تدخل السعاده الى قلب اى انسان

ما هى اكتر كلمه تكرهها

Action.Z

27-10-2008, 05:39 PM

(انت مش عارف بتكلم مين)

لو انت ماشى فى الشارع و واحد سالك هو شارع كذا فين فانت قولتلة علية و بعد عشر دقائق لقيتة راجعلك و بيقولك الله يسامحك التخريمة اللى انت قولتلى عليها كلها حفر و مكسرة بهدلتلى عفشة العربية

فاطمة الزهراء

27-10-2008, 09:53 PM

اقول يا عم انا مالى هو ابويا اللى كسر الشارع انت سالت على حاجه وانا دلتك هى دى كلمة شكرا منك لله انت وممكن اتعصب عليه

نفس السؤال

Action.Z

28-10-2008, 12:42 AM

فعلا دة راجل مستفز جدا انا حقولة يعنى عايزنى اوديك طريق مسفلت و يطلع غلط احسن دة انت غريب اوى يلا اتكل على الله

أسالى حاجة يافطومة

فاطمة الزهراء

28-10-2008, 12:50 AM

ياترى فى اصدقاء بجد فى هذا الزمن وهل عندك صديق بجد

Action.Z

02-11-2008, 12:53 PM

الاصدقاء اللى بجد اللى احنا عرفناهم زمان ايام الدراسة و دول بيكون اقرب الناس
لكن اليومين دول لو انت لسة مكون صداقات فى الشغل مثلا او فى الكلية فمبتبقاش بقوة صداقتك باصدقاء عمرك اللى انت ابتديت معاهم من الحضانة لثانوى
نفس السؤال

فاطمة الزهراء

02-11-2008, 01:00 PM

الحمد لله انا عندى صداقت كتيره جدا جدا يمكن انا صديقه لناس كتيرة اوى لكن اصداقائى انا عددهم مش كتير بس بجد هما اصدقاء بمعنى الكملمه عارف بيت الشعر اللى بيقول

صديقى من يقاسمنى همومى
ويرمى بالعدواة من رمانى

انا عندى اصدقاء فعلا كده والغريب فى الموضوع ان فى ناس فيهم اعرفهم منذ شهور قليله جدا جدا

ما هى اكتر حاجه مجنونه انت عملتها فى حياتك كلها

Action.Z

02-11-2008, 01:44 PM

انى ركبت قطر الموت اللى فى الملاهى و بيتشقلب بالواحد ندمت بعد كدة انى ركبتة

حتعمل اية لو جيت تزور واحد صاحبك أو صحبتك فى بيتة و انتوا قاعدين مع بعض سمعت والدة و والدتة بيتخانقوا خناقة لرب السما و الموضوع دخل فى الجد و صاحبك قالك عن اذنك و دخل جوة و طول و سمعتة هو كمان بيزعق معاهم

فاطمة الزهراء

02-11-2008, 02:55 PM

اول ما صاحبتى تقول لى بعد اذنك انا اقوم امشى ويمكن من اول الخناقه كمان امشى لانى اجد انا اكره الصوت العالى واخاف منه

لازم امشى مش ممكن اقعد

نفس السؤال المحرج يا اكشن

Action.Z

02-11-2008, 04:21 PM

حرن لصاحبى على موبايلة و لما يطلعلى حتأسفلة و اقولة معلش مضطر امشى عشان طلبونى فى البيت و طبعا هو ماحيصدق يخلص هو كمان من الموقف دة

حتعمل اية لو صحبك الخنيق بتاع زمان اتصل بيك على موبيلك و انت فى البيت و قالك متنزل انا مستنيك تحت فانت كنت داخل تنام و مخنوق منة فقلتلة معلش اصلى مش فى البيت دلوقى راح قالك ماشى
شوية و لاقيتة بيرن عليك الباب و مفيش غيرك فى البيت و نور الصالة منور

فاطمة الزهراء

03-11-2008, 12:20 AM

تصدق يا اكشن انى انا اتخنقت من صاحبك الخنيق ده اصلا انا كنت قطعت صلتى به من زمان

انا بقى يا صديقى لما اكون فى البيت لوحدى ابص من العين السحريه قبل ما افتح الباب ونفرض انى فتحت الباب ولاقيته هاقول على فكره انا كنت داخله انام وانتى صحتنى يمكن يحس على دمه ويقطع صلته بيا

مبروك على صورة الاقيتر الجديده يا اكشن

نفس السؤال