::فريق التقارير الخارجية: ينفع نعمل لكم تقارير داخلية؟أو خارجية برضة::

[Rafiko]

حابب النهاردة اناقشكم فى فكرة جديدة نعملها بالمنتدى,
جايز تكون غريبة, وجايز تكون جديدة, بس اهى فكره نتناقش كلنا فيها.

الفكرة فى دماغى مش فى صورتها النهائية عشان كدة طرحت الموضوع دة للنقاش, هوة فريق التقارير الخارجية مش بيعمل تقارير خارجية؟ دة الطبيعى.
طيب هل نقدر أحنا نعمل تقرير كأعضاء ومشرفين وادارة عن اى حاجة عن اى فكرة ونقدمها لفريق التقارير الخارجية.

انا صدقونى مافيش حاجة فى دماغى محددة, هل ممكن نعمل حاجة نساهم بيها ونفيد بيها, حتى ممكن نهديها لفريق التقارير الخارجية بالبرنامج؟
أفيدونا بأرائكم جميعا.
مستنيكم كلكم.
شكرا
:whistling::whistling::whistling:

[Aymn samir]

جميل فكرتك يااستاذ رفيق واحنا مع بعضنا ممكن نوصل لافكار وتنسيق ليها وعالفكرة تنفيذها سهل ان اى حد في اى دولة ممكن يعملنا تقرير ولو حتي بصورة مش لازم فيديو ويكتب موضوع عنها
:thumbsup:

[Rafiko]

شكرا استاذ ايمن على تشجيعك للفكرة وردك, كلامك بيحمسنى أكثر وأكثر.
وممكن زى ما انت بتقول فعلا بالصور, لية لأ.
شكرا ليك مرة ثانية, أحنا حنجمع الاراء والافكار عشان نبتدى باذن الله ننفذ.

[Rafiko]

طيب احنا محتاجين افكار .... مين حيساهم معانا فى الموضوع دة؟
ممكن تقارير بالصور عن احوال المرور والشوارع فى مصر.

[AshraF]

الفكره كاانت في دمااغي من زماان حقيقي ياارفيق _ بس السفر ووبعدي عن مصر أخرني عنهاا

هي أكيد فكره جميله _ وهتكون وسيله لإكتشااف موااهب جديده وأيضاا منااقشه موضوعاات بنختارهاا من وجهه نظرناا إحناا

شكراا ليك

[Rafiko]

شكرا استاذ اشرف على الاهتمام بالموضوع, وترجع لمصر بالسلامة, ولو الفكرة لاقت قبول من قبلكم ومن قبل جميع الاعضاء والمشرفين نبتدى على طول.
طبعا حضرتك عارف ان كمية الموضوعات والتقارير اللى ممكن نعملها حتبقى كتيرة جدا, حيكون منها الايجابى ومنها السلبى, عشان كدة محتاجين نظبط الموضوع دة وننظمة أكثر.
ممكن تعمل تقرير وانت واقف مستنى اوتوبيس , ممكن تعمل تقرير وانت قاعد فى التاكسى, وانت واقف وانت قاعد ممكن تلاحظ تشوف حاجة تشدك تجذب انتباهك, وما اكثر ما يجذب انتباهك فى مصر طبعا.
مستنيين باقى الاعضاء للرد.

[سندريلا]

فكرتك حلوة يا رفيق وعجابني جدا
هيكون فيها مشاركة وإيجابية كبيرة مننا
أنا معاك في الفكرة
وشكرااا ليك يا رفيق

[Rafiko]

شكرا يا سندريلا.... عايزين نبتدى ان شاء الله فى الفكرة فى اقرب وقت.
انا ملاحظ ان مافيش تفاعل الايام دى لية؟ يمكن عشان الامتحانات؟
طيب ياريت بقى نبتدى نفكر فى الموضوع جديا.
شكرا ليكم جميعا