دينا عبد الفتاح .. الوجة الجديد مع عمرو أديب

[Mohamed Kareem]

الحقيقة معنديش معلومات علي دينا عبد الفتاح هتقدم مع عمرو بأستمرار يوم الثلاث ولا مؤقتا ولما اتاكد ان شاء الله هقول بس عموما انا اول مرة اشوفها الاسبوع اللي فات بس اخدت بالي من ثقتها وثقافتها العالية وعاوز أعرف رأيكم في الصحفية دينا عبد الفتاح



http://img139.imageshack.us/img139/3830/dinann5.jpg


http://img183.imageshack.us/img183/6899/dina2vy3.jpg

http://img139.imageshack.us/img139/1141/amrdinaft9.jpg

[spiceman]

موزه ودماغها حلوه و المره اللى شفتها كانت بتخش بكتفها بس كتف قانونى و تسرق الحوار ساعات

[سندريلا]

عندك حق يا محمد واضح أنها متميزة وكمان غريبة انها صحفية وعندها القدرة الهايلة علي الوقوف امام الكاميرا دون خوف أو قلق
بس لو دينا هتنضم للبرنامج المفروض عمرو كان هينوه علي ده ذي ما أتعمل مع مفيد فوزي وبلال فضل
وعلي العموم هي كويسة وذي ما قال سبيس مان بتدخل بكتفها قانوني

الغريب ان كده البرنامج بقي فيه تلات مذيعين من دفعة واحدة هل ده نوع من الولاء عمرو بيقوم بيه لزملاء دفعته اللي واضح انهم صحاب أوي فعمرو بيرشحهم
لو دليل علي وجود جيل صحفين نابغ زيهم
مش عارفة حاجة غريبة
شكرااا يا محمد وأسفة للأطالة

[فاطمة الزهراء]

هى لذيذه ومثقفه وكنت شلهدتها قبل ذلك مع خيرى فى فقرة الصحافه يبقى على كده خيرى اتفك ب 3 مذيعين
الاستاذ حمدى رزق
الاستاذ مفيد فوزى
الاستاذه دينا عبد الفتاح

شوفتم خيرى كان له دور كبير ازاى

[shadowhisper]

هى كويسه ..
مش عارفه ليه بتفكرنى بنيرفانا .. يمكن الشكل والصوت
شكرااااااا يا محمد

[Mohamed Kareem]

انا معاكي ياسندريلا فعلا من اول حلقة وانا لاحظت ثقتها قدام الكاميرا وكأنها بتقدم مع عمرو من زماان
وهي تقريبا نفس استايل نيرفانا ياسارة لكن الفكر بصراحة مختلف شوية
وشكرا سبيسمان وفاطمة علي مشركاتكم

[SARA]

انا فعلا بتفكرنى بنيرفانا وان كانت اقدر منها فى ادارة الحوار وانا معاكى يافاطمه ان خيرى اتفك بتلاته:exclaim:

[مروة عثمان]

هوانا بصرحةممكن رايى يختلف عن الجميع
هومفيش اختلاف على انها ليها كاريزما هايلة وكل حاجة بس لما كان عمرو بيقدم الانترو لوحدة يوم التلات مع الناس بس وكل حد عايز يناقشة فى حاجة كان يكلمة كان ليها طعم احلى من كدة بصراحة عمرو مش محتاج اى حد معاة
دة رايى وانا اسفة للاطالة

[Nora Nasr]

كويسة بس بلاش تستظرف و خليها في الموضوع بلاش تشرد و تتبنى راي الحكومة في كل حاجة...هي اصلا صحفية اقتصادية فممكن تبقى كوسه في الفقرات دي...بس مش دي اللبرنامج محتاجها...البرنامج زي ما يكون في مرحلة انتقالية في وجوه جديدة كتير جت و الناس لسه مش قادرة تتقبلهم كلهم...البرنامج عاوز حد عنده كاريزما عالية يقدر يجاري عمرو و الناس تحبه مش حد يكون مجرد (مش بطال)...زي ما بلال فضل عمل كليك على طول مع الناس! فعلا فكوا خيري بتلاتة و لسه مش ماليين مكانه؟!

[Action.Z]

أنا أفضل أنها تمشى لانها تحس أنها منشية كدة و كلامها بحساب يعنى زى مذيعين التلفزيون المصرى
كمان أنا كنت بستمتع بأنتروا عمرو يوم الثلاثاء هوم ألون كنا أحنا و عمرو و بس

[AHMED-AMER]

كويسه مفيش مشاكل من وجودها ولو اني بفضل راي اكشن بردوا ان الواحد كان بيستمتع بالفقره مع عمرو وبس
شكرا يا كريم

[Shaymaa_AdeeB]

هي ذكية وعندها حضور وثقافة وبتتفاعل بالحور

بس يمكن هي مش على طبيعتها أوي علشان الناس لسه مااخدتش على وجودها بالبرنامج ...لكن لو هتكون موجودة كل يوم ثلاثاء أكيد هتكون على طبيعتها أكتر

لكن فيه بينها وبين عمرو توافق الي حد ما بالمناقشة

شكراااا يامحمد

[SALMA1]

انا اؤيد ان عمرو كان افضل فى فقرة هوم الون وكنت حاسه انه بيكلمنا احنا وقريب مننا كانت الفقره اجمل

[yasmine]

انا باؤيدك تمام يا سلمى عمرو لما كان بيقدم الانترو لوحده يوم التلاتاء كان افضل كثير ,,,,ودينا بتكون اظرف لما بتكون ضيفه فى فقرة الصحافه

[amradeebloverz]

موز موز موز
وحلقة النهاردة كانت متألقة

[eman]

كتير كانت بتيجي في فقره الصحافه مع خيري ..... صحفيه جميله شكلا و موضوعا و ياريت تبقي في البرنامج معاه.....اما بقي في حته ان خيري اتفك بتلاته دي فا انا شايفه انه لو جابو 10 مش هيبقوا زيه

[semsema]

انا شابفة ان هى كانت متميزة لما كنت بشوفها فى فقرة الصحافة مع خيرى رمضان كانت بتعجبنى طريقتها الجريئة وكانت كويسة
لكن دلوقتى فى الانترو بقى بتتكلم انجليزى وفى ناس بيبقوا قاعدين مش فاهمين ومفكرة نفسها خلاص يعنى اوبرا
هى اه كويسة وكل حاجة بس بلاش تبقى منشية اوى كدة وتحسس الناس انها من طبقة تانية
يعنى سر نجاح عمرو اساسا انه بيتكلم بطريقة الناس
هى كانت كويسة الاول فى الصحافة بس لكن فى الانترو معجبتنيش بصراحة
شكرا على الموضوع

[SARA]

انا باؤيدك ياسمسمه انه كانت فى فقرة الصحافه اظرف وملاحظه انها بتحط كلام انجليزى كتير وعمرو بيترجمه على طول وهى محسسنا انها من طبقه اعلى زى مابتقولى بالضبط يا سمسمه وعمرو عكس كده خالص

[Rafiko]

حلو الموضوع دة: ومش شايف انها تنفع مع عمرو, الكتف القانونى اللى بتقولوا علية فعلا حصل ودة يؤخذ عليها, انا من رأيي نعمل موضوع جديد ناخد فية اراء الجميع مين اللى ينفع مع عمرو أديب من الوجة النسائى من الاعلام العربى؟
ياريت نفرد للسؤال دة موضوع.
شكرا جزيلا

[yasmine]

انا كمان شايفه كده وباحس انها بتقاطع عمرو

[shadowhisper]

تانى مرة جت .. معجبتنيش
ومش حباها مع عمرو ... روحها تقيله