خيري رمضان ممكن يرجع تاني !!!!!؟

[سندريلا]

عرفت أن برنامج خري رمضان أتوقف ومش هيتعرض لأسباب أمنيه
طيب لو أتخيلنا أنه راجع تاني هيكون أيه رأيك


أنا بحبه جدا ومش عندي مانع أنه يرجع

هو اللي سابنا وخلي البرنامج في أزمة مش عايزة يرجع ولا أشوفه

عمرو مش هيوافق أنه يرجع

خيري مش ممكن يرجع

وأنا مالي الموجود هتفرج عليه وخلاص

أصلا القناة مش هتتعاقد معاه تاني دي صفحة وأنتهت

يارب أعرف رأيكوا لأني سمعت حكايه وقف البرنامج ده في أحد المواقع ففكرت هو ممكن خيري يرجع البرنامج تاني
الله أعلم


:goodluck:

[نانو]

انا بحبه جدا ومش عندى مانع انه يرجع تانى
:mfr_lol::mfr_lol::mfr_lol::mfr_lol::mfr_lol:

ياااااااريت يا سندريلا
انا بحبه جداااااااااااا
وبحلم ان يرجع تانى
انا حبييت عمرو عشاااااان خيرى
شكرررا سيندريلا
وياريت الكلام يكون صح

[marwa salih]

والله ياااااااااااااريت
اتمنى انه يرجع ويرحمنا من حمتى رسق بقى عشان نفسى اسمع فقره الصحافه بنفس او بمعنى اصح اتفرج عليها تانى
بس انا امبارح شوفته على قناه الحياه مع شوبير وكان هو ومجدى الجلاد وكانت اعده حلوة اوى فكرتنى بالقاهره اليوم وشوبير قال اتمنى انها تتثبت الفقره دى وخصوصا انها فكره واعداد خيرى رمضان اقصد فقره الصحافه فا مش عارفه هو هيروح فين ؟الجمعه الجايه يبان
شكرا سندريلا على الفوتنج

[majortito]

صحفى شريف ويستحق انه يرجع
وشكرااااااااا سندريلا

[Hema]

يرجع طبعااااااااااااااااا
خيرى اضافه كبيرة جدا
بس على فكرة انا كل يوم بشوفه على قناه الحياه مع شوبير عامل فقرة صحافه بس رياضيه
شكله كدة وربنا يستر هايعمل برنامج على المحطه دى
شكرا سندريلا

[قرفة]

شكرا سندريلا على الموضوع فعلا البرنامج محتاجله حتى يا مروة لو كان بيروح برنامج تاني ما اعتقدش القانون يمنع الجمع بين برنامجين اذا كان دلوقتي الموظفين بيشتغلوا في الدولة بوظيفتين وتلاتة
على الاقل يرحمنا من احمد موسىىى

[فاطمة الزهراء]

انا اتمنى انه يرجع تانى تصدقوا انى لا اتابع فقرة الصحافه وهى شغاله الان بس انا اغلقت التليفزيون علشان مش ناقصه حرقة دم على اخر الليل
انا ادعو الله ان يرجع بس عندى احساس انه مش ممكن يرجع تانى وبعدين لسه منذ لحظات فى شخص سأل عمور عنه وقال ان خيرى اتنقل محطه اخرى
ياريت ويارب واتمنى انه يعود للبرنامج مره اخرى

[Shaymaa_AdeeB]

أنا فعلا ياسندريلا بتمنى انه يرجع تاني للبرنامج خاصة بعد تدهور فقرة الصحافة
وبنفس الوقت معتقدش ان ده هيحصل وحاسة انه خيري مش هيفكر يرجع تاني للقاهرة اليوم لأنه لما ساب البرنامج كان بمحض ارادته .. يعني هو اللي اختار

لكن لو على عمرو معتقدش ابداا انه هيرفض عودة خيري

ده رأيي وبتمنى كمان ان وجهة نظري بالموضوع ده متكونش بمحلها ..ويرجع تاني خيري للبرنامج


شكرااا ليكي ياسندريلا

[Action.Z]

خيرى دلوقتى متعاقد مع قناة الحياة و بيقدم فقرة الصحافة الرياضية فى برنامج الكورة مع شوبير
أنا بقول أنة مش حيرجع تانى و ربنا يوفقة فى أى حتة يروحها
شكرا على الموضوع

[AHMEDV3]

أكييييييييييد نفسي يرجع تاني خيري رمضان مذيع وصحفي محترم جدا ويستحق أن يكون في القاهرة اليوم
حمدي رزق إنسان خنيق جدا جدا جدا ولحد دلوئتي مذهول من القاهرة اليوم إنهم جابوه

[leelo]

خيرى هيرجع تانى
بس يروق شوية وهو هيرجع
هو ايه السبب انه مشى انا اصلا مش عارف ؟

[SARA]

انا طبعا اتمنى انه يرجع خصوصا لما ظهر فى قناة الحياة فى الفقره الصحفيه حسيت اننا فقدناه حواراته الشيقه بس بيتهيالى انه صعب يرجع اولا لان حمدى رزق اتثبت على الفقره الصحفيه وعمرو دائما بيشجعه

[AHMED-AMER]

هو اللي سابنا وخلي البرنامج في أزمة مش عايزة يرجع ولا أشوفه


ده راي يا سندريلا بس بصراحه مش موفقك في حته انه خلي البرنامج في ازمه عمر ما برنامج القاهره اليوم هيتوقف على حد او هيتحط في أزمه بسبب حد تاني غير عمرو أديب
وده راي
وانا بصراحه متنماش انه يرجع تاني اللي اتمنى انه يرجع هو بلال فضل


بس انا امبارح شوفته على قناه الحياه مع شوبير وكان هو ومجدى الجلاد وكانت اعده حلوة اوى فكرتنى بالقاهره اليوم وشوبير قال اتمنى انها تتثبت الفقره دى وخصوصا انها فكره واعداد خيرى رمضان اقصد فقره الصحافه فا مش عارفه هو هيروح فين ؟الجمعه الجايه يبان


انا فعلا شفت الحلقه دي يا مروى وواضح انه مش عارف هو عايز ايه معندوش هدف:no:
واللي عرفته ان شوبير قاله انه عايزه يقدم فقره الصحافه
طبعا ميقدر يقول لشوبير لا يطيره على طول
:D:D

البرنامج محتاجله حتى يا مروة لو كان بيروح برنامج تاني ما اعتقدش القانون يمنع الجمع بين برنامجين اذا كان دلوقتي الموظفين بيشتغلوا في الدولة بوظيفتين وتلاتة


ليا تعليق صغير على كلامك يا الكسمون مون
عمر ما القاهره اليوم هيحتاج لحد بالعكس هو اللي محتاج لبرنامج زي القاهره اليوم اللي لاهوه ولا غيره يعرفوا يعملوا زيه


وبنفس الوقت معتقدش ان ده هيحصل وحاسة انه خيري مش هيفكر يرجع تاني للقاهرة اليوم لأنه لما ساب البرنامج كان بمحض ارادته .. يعني هو اللي اختار
لكن لو على عمرو معتقدش ابداا انه هيرفض عودة خيري
ده رأيي وبتمنى كمان ان وجهة نظري بالموضوع ده متكونش بمحلها


وجهه نظرك سليمه جدا يا شيماء معتقدش ان عمرو يوافق بالسهوله دي ان خيري يرجع بعد ما ساب البرنامج بدون اي مقدمات
شكرا يا سندريلا
وآسف يا جماعه ع التدخل
بس دي وجهت نظري وحبيت اوضحها

[سندريلا]

شكرااااا ليكوا كلكوا ونورتوا
ورأي رغم حبي الشديد لشخصية خيري وأنه أفضل من حمدي رزق إلا أنه أستحاله يرجع خيري ساب البرنامج بإرادته علشان يكون ليه برنامج خاص ليه مش أعتقد أنه ممكن يرجع تاني حتي بعد فشله أو عدم توفيقة في عمل البرنامج التاني


بالنسبة لفقرة الصحافة مع شوبير كانت مفاجأة بالنسبة لي علشان خيري يستاهل أفضل من شوبير
بعد عمرو يكون شوبير صعبة أوي دي
علي العموم ربنا يوفقه وبجد نفسي يرجع تاني

[غدير]

أكييد يرجع
بجد انسان مثقف
ومش بيلمع الكلام زي واحد مش صاحبنا
وانتوا طبعا عارفينه

[eman]

طبعا نفسي يرجع هو و عمرو دويتو هااااااااااااااااااااااايل
بس اللي انا اعرفه ان البرنامج لم يمنع ......هو بس اتأجل .....و ان شاء الله نشوفه قريب

[Mohamed Kareem]

طبعا اتمني رجوعة وخيري رمضان أرقي من انه يكون في برنامج احمد شوبير
ياريت ياخيري ياتستني لحد مابرنامج خاص ليك ينزل او ترجع القاهرة اليوم لكن ظهورك مع احمد شوبير بيقلل منك
مع احترامي لاحمد شوبير لكن خيري رمضان تفكيرة وأرائة الجادة اكبر من الصحافة في برنامج رياضي
شكرا ياسندريلا

[Nora Nasr]

يا ريت يرجع البرنامج لان القاهرة اليوم فقد الكثير من بريقه برحيل خيري عنه خصوصا ان البدلاء شخصيات غير محبوبة! و انا متفقه مع محمد ان خيري أكبر بكثير من الصحافة الرياضية مع شوبير!

[ADEEBwbs]

هو اللي سبنا مش عايز أشوفه تاني

[alexandrin]

و أنا مع رأى أحمد عامر... بلال فضل أحسن و أقدر من خيرى رمضان

[beba]

خيرى هو الى خسر القاهرة اليوم لان حتى لو كان البرنامج الجديد ظهر للنور عمرة ما كان هياخد شهرة او جماهرية او جودة القاهرة اليوم
انا نفسى انة يرجع على الاقل يرحمنا من حمدى رزق دة لكن انا شايفة انة صعب لانة الكرسى ما بقاش فاضى

[semsema]

والله كلنا كان نفسنا يرجع تانى وانا نفسى جدا جدا جدا
بس ابنه والله قالى ان خيرى رمضان خلاص استحالة يرجع القاهرة اليوم تانى وانه خلاص فى خلال فترة بسيطة جدا حيبتدى فى البرنامج الجديد على قناة الساعة بس قالى ان الكلام ده مش حيتنشر لحد
لكن انا قولتله قبل ما ارد وهو قالى قولى عادى مفيش مشكله
وخيرى رمضان ان شاء الله يبتدى البرنامج على حسب قوله معايا على اول شهر مايو ان شاء الله لانى كلمته مرة من حواالى اسبوعين كدة وهو قالى ويارب يبتدى بجد وتبقى بداية موفقه له

[yasmiiin]

اعتقد أن القناه مش هتوافق أنه يرجع
رغم ان هو بجد اختفي وكان الافضل يستمر في البرنامج

[dody]

أعتقد يا جماعة كلنا مفتقدين خيري رمضان فى القاهرة اليوم و زى م احنا متابعين البرنامج و بيعلى كل يوم بسبب انتشاره بين الجماهير من حقنا نطالب بعودة خيرى رمضان ليه و ده ميقللش من احترامنا للأستاذ حمدى رزق لأن مفيش خلاف عليه ككاتب محترم و ليه رأى متزن و بما اننا مش قادرين نتخلى عن عواطفنا و نستمر فى العمل الاحترافى بكامل معناه فمن حقنا نعبر عن رأينا بأبسط أشكاله و نطالب بعودة خيرى مرة أخرى
http://www.facebook.com/group.php?gid=15018530635 (http://www.facebook.com/group.php?gid=15018530635)
وده لينك الجروب اللى انا عملته علشان نعبر فيه عن رغبتنا دى ياريت تشتركو فيه و نفكر مع بعض احنا ممكن نقدر نعمل ايه