هل أنت( مع) ... أو (ضد) ؟ [الأرشيف] - منتديات القاهرة اليوم

Shaymaa_AdeeB

26-02-2008, 03:47 PM

:)السلام عليكم ورحمة الله

فيه موضوع نقاش بتنمنى أنه يفيد الجميع

وفكرته كاااا الآتي

كل عضو/ عضوة يطرح سؤال بحيث تكون الصيغه

هل أنت (مع) أو (ضد) ...أي موضوع هو حابب يتكلم فيه .. أو قضية عايز يناقشها

والعضو / العضوة اللي بعده يجاوب من وجهة نظره الشخصية مع ذكر سبب التأييد أو الرفض وبعد كده يكتب سؤال ؟!.... وهكذا

:)أتمنى أن الفكرة تعجبكم ويكون فيها تفاعل من الأعضاء

وأنا هبدأ بسؤالي

هل أنت مع أو ضد سفر البنت بمفردها للخارج سواء للدراسة أو العمل ؟

:bstwish::bstwish:

AshraF

26-02-2008, 04:32 PM

AHMED-AMER

26-02-2008, 05:23 PM

الثريد ممكن يتحول لجيم على فكره

المهم أناا ضد الفكره دي طبعاا
عن تجربه شخصيه _ كنت في كليه بره بلدي وكنت بشوف بناات مغتربين
البنت تكون محترمه وفي حاالهاا ولبسهاا عاادي جداا _ وبدون أي ذنب ليهاا بتتعرض لمعاكساات قمه في القذااره

وولاد مخصوص يستنواا على رصيف القطر عشاان البناات اللي بتخلص جاامعه وتركب القطر _ والبهدله كلهاا تحصل قداام الكل

يعني حتى لو البنت في حالهاا _ للأسف فيه اللي مش هيسيبهاا في حالهاا _ عشاان كده برفض الفكره

كماان في حديث عن الرسول مش متذكر نصه بالظبط _ بيمنع البنت تغترب عن بيتهاا بدون وجود محرم معاهاا

سؤاالي : مع ولا ضد الإدخاار في البنوك كفكره إستثمااريه ؟

في البدايه يا اشرف هيا ممكن تكون لعبه فعلا بس لعبه مفيده وليها هدف خصوصا انك هتعرف وجهات نظر غيرك وهتستفاد حاجات جديده يمكن ميكنش الواحد يعرفها قبل كدا
اما بالنسبه لسؤالك فهو سؤال محير لاني كتير بسئل نفسي السؤال ده وخصوصا لان في شيوخ كتير بتقول انه بيعتبر ربه فالواحد مبقاش عارف يعمل ايه وخصوصا في حكايه النسبه المئويه اللي بتنداف ع الفلوس كفوايد دي كلها حاجات بصراحه بتخليني اتجنب الادخار في البنوك او الادخار في البنوك الاسلاميه
وده رآي
سؤالي هو:هل انت مع ام ضد تصرف الحضري بعد كل الوراق التي انكشفت مؤخرا ؟؟

نانو

26-02-2008, 06:02 PM

AHMED-AMER

26-02-2008, 07:33 PM

فكره حلوه قووووووووووى ياشيمااااااااااا
بصراحه يااحمد كالمشجعه اهلاويه

مش عاوزه الحضرى ولو رجع تانى لازم يتادب
وياخذ عقوبه شهرين او حاجه
لوكان عاوز يمشى يمشى بس بطريقه تليق بالاهلى
وجماهيره الغفيره
فانا ضد الحضررررررررررررررى طبعا
وسوالى هل انت مع شعااااااااااااااااار البلد بتتحرك؟؟؟؟؟؟؟؟؟؟؟؟؟؟؟؟؟؟؟

اولا بالنسبه لتعليقك يا نانو
فانا بخالفك في الرآي خصوصا بعد ما عرفت ان دي مش اول مره
لاو لاحظتي هتلاقي انهم قالوا ان في عرض جيه للحضري بردوا في 2006 بعد كاس مصر وخصوصا بعد ما حصل على لقب وحش افريقيا بانه احسن لاعب
وجاله عرض احتراف من تركيا والنادي قاله استني لما الموسم يخلص علشان يجيلك عقود احسن والراجل استنى مقلش حاجه ومحصلش اي حاجه واستنى في النادي اكتر من سنتين كمان ولما تجيله الفرصه دي تاني ويكون رد فعل النادي استنى لما الموسم يخلص يبقى هما كدا بيماطلوه علشان مش لاقيين غيره فعيزين يستفاده منه وخلاص فانا شايف انك لو مكان الحضري وحلمك الوحيد هو الاحتراف والنادي بيماطلك اكيد دي هتكون الطريقه الوحيده بانك تسيبي النادي وانا فكرت كتير قبل ما اهجمه بس ملقتش حل تاني كان ممكن يعمله
وشكرا
بالنسبه لسؤالك فمش محتاج اي جواب مني طبعا معاه انتي مش شايفه التطورات اللي في البلد كل يوم وخصوصا التطورات الي بيقوم بيها علاء الدين وجمال الدين والبساط والجني كمان
مع ايه بس يا نانو هيا في حاجه واحده اتحركت من مكانها علشان ابقى مع دحنا حتى مكانا ع الخريطه لسه زي ما هو

سؤالي:هل انت مع ولا ضد اعمال الفلسطينين في رفح

Shaymaa_AdeeB

26-02-2008, 09:13 PM

سؤالي:هل انت مع ولا ضد اعمال الفلسطينين في رفح

الموضوع ده بشوفه بأكتر من رؤية

جانب التعاطف مع الشعب الفلسطيني لان بلدهم بحالة احتلال وعندهم نقص بالأغذية والأدوية وقطع المعونات عنهم وكل الكلام ده
فبيضطروا أنهم يدخلوا لحدود مصر لتلبية احتياجاتهم حتى لو كان بيحصل استغلال لحالة الفلسطينيين من جانب التجار المصريين وبيع السلع بأضعاف تمنها

لكن بالوقت نفسه مش قادرة أفسر طريقة الدخول نفسها وهي هدم وتفجير الحدود بيننا وبين فلسطين ... طب ليه؟ يعني هما عايزين يدخولا مصر بالأعداد الهائلة دي اللي دخلت بأيام قليلة ومش عايزين يرجعوا بلدهم تاني

ولو شفت الموضوع من جانب تاني هتلاقي أن مع الوقت الضرر مش هيكون على فلسطين وبس .. لأ ده هيكون على مصر كمان .. وده لأن السلع بتاعة مصر بدل ما كانت لاحتياجات بلد واحدة _ وياريتها مكفيهاها_ الا انها هتكون متقسمة على بلدين والمشكلة هتتعقد مش هتتحل

أنا مش ضد أنهم ياخدوا السلع الملبية لاحتياجاتهم 100% لكن أنا بقول ليه السلع والمعونات دي منحاولش نوصلها جوه فلسكين من غير ما هما يدخلوا بالكمات دي وبالطريقة دي

ايه الموضوع اللي انت طرحته ده بس ياأحمد ...:D ده ايدي وجعتني من الكتابة

سؤالي هو

انت مع أو ضد الاعتصامات والوقفات الاحتجاجية اللي انتشرت بالآونة الأخيرة ؟

AHMED-AMER

26-02-2008, 09:24 PM

ايه الموضوع اللي انت طرحته ده بس ياأحمد ...:D ده ايدي وجعتني من الكتابة

سؤالي هو

انت مع أو ضد الاعتصامات والوقفات الاحتجاجية اللي انتشرت بالآونة الأخيرة ؟

معلش بقى يا شيماء حظك كدا اعمل ايه:p
مانتي بردوا منستنيش جبتيلي سؤال زي الفل:D
بالنسبه لكلامك عن سؤالي يا شيماء فانا كنت متفق معاكي فيه بس كان عندي نقطه ودي اللي خليتني اغير رآيي لاني سمعت ان الفلسطنين وهما داخلين مصر كانوا بيقولي الله اكبر كانهم فتحوها يعني زي ما بيقولوا نويين يعودوا ويتبتوا فيها:huh:
المهم بالنسبه للاعتصامات والوقفات الاحتجاجيه اللي بتحصل كل يوم فانا طبعا معاها لان بتوضح وبدل ان الناس بتبتدي تفوق وتعبر عن رايها وعن اعتراضها على الزل اللي الناس شيفاه في مصر والسرقه والاستغلال اللي بتحصل في البلد سواء من جانب التجار ورجال الاعمال اللي بيحتكروا الاسواق او من الحكومه بنفسها وانا شايف ان دي الحاجه الوحيده اللي في ايد الشعب علشان يعبر فيه عن احتجاجه طالما الحكومه ولا في دماغها وطالما مجلس الشعب بتعنا في الطراوا خالص
فانا طبعا مع الاعتصامات وبؤيدها
سؤالي هو:هل انت مع أم ضد نظام التعليم في مصر ؟؟

Mohamed Kareem

27-02-2008, 06:15 AM

ضد لان نظام التعليم في مصر فاشل وقليلين اللي لو سئلتهم علي معلومة دلوقتي اخدوها في اعدادي او ثانوي ويفضلوا فاكرينها + ان النظام التعليم في مصر غير مشجع علي اى أبداع مجرد انك تنجح بكام سؤال اخر السنة يبقي انت كدا عملت اللى عليك خلاص
ياريت نظام التعليم يتغير عشان حاجات كتير في البلد هتتعدل بعدية بسهولة أأقربها الاقتصاد اللى بيعتمد علي مستوي البلد الثقافي ومستوي شعبها

هل أنت مع او ضد سياسة الحكومة مع اسرائيل ؟

TITO2M

27-02-2008, 12:35 PM

AHMED-AMER

27-02-2008, 02:28 PM

انا ضد سياسة الحكومة مع اسرائيل هي اه بتتعامل بحكمة من وجهة نظرعا علشان ماتحصل ضغوط علينا بس انا شايف المفروض يبقى حزم اكتر من كده مع اسرائيل يعني المفروض حكومتنا تنشفها معاهم شوية بالنسبة للغاز والحاجات اللي بتروحلهم
هل انت مع -او ضد تصرف الأهلي مع الحضري ؟؟؟

انا طبعا ضد تصرف الاهلي مع الكابتن عصام الحضري الراجل ده مش في الاهلي من امبارح ومشي انهاردا الراجل ده بقاله 12 سنه في الاهلي عمره كله في النادي واظن لما يبقى كل أمله انه يحترف والنادي يرفض ويماطله يبقى ده اسمه استغلال بجد وبعدين يعني هو الاهلي هيكسب ايه لما يوقف عصام الحضري بالعكس هو اللي خسران انا شايف انهم يتعملوا باللين افضل لان الخاسر الاول هيبقى هما + طبعا خساره الحضري بس انا شايف ان لو إداره النادي الاهلي فضلت كدا في تشدد وتعند مع الاعب عصام الحضري انا بجد هفقد ثقتي بالنادي الاهلي وبإداره
وطبعا هناك بعض الناس اللي بيقولوا على عصام عميل وخاين ولابد ان تسقط عنه الجنسيه طيب ليه يعني ليه نخلط الامور ببعضها لازم نعرف كويس اوي ان منتخب مصر حاجه والنادي الاهلي حاجه تانيه خالص
الراجل مقصرش نحو منتخب بلده في اي وقت كان بيحتاجله كان بيبقى موجود
يكون جزاته بعد كل ده اننا نقول عليه خاين وعميل ونسقط عنه الجنسيه
طبعا للصحافه دور كبير في الكلام ده وشغل الرآي العام
انا شايف ان ده مستقبله وهو حر فيه وان الاهلي اللي في اديه انه هو يحل النزاع ده ولو عصام رجع لمصر وقال انه هيلعب في الاهلي واداره النادي رفضت انا بجد هفقد ثقتي تمام في الاداره وهتسقط من نظري
لان زي ما في حاجه اسمها فانون في حاجه اسمها روح القانون بردوا وهو اننا لازم نتعاطف مع الحضري
وشكرا
سؤالي:هل انت مع أم ضد الضرائب في مصر ؟؟

TITO2M

27-02-2008, 03:18 PM

انا مع مبدأ الضرائب عامة بس لو اتطبق صح على الكل ومن غير افترى على الغلابة واللي مالهوش دهر

انت مع - او - ضد فكرة الأحزاب في مصر

Shaymaa_AdeeB

27-02-2008, 04:25 PM

AHMED-AMER

27-02-2008, 04:28 PM

موضوع الأحزاب باللأخص ..فعلا مش عارفة اقول معاها ولا ضدها

لان لازم يكون فيه أحزاب علشان نثبت للعالم اننا بلد ديموقراصي ..حتى لو كانت الأحزاب دي شكل ظاهري فقط يعني معظم الأحزاب الموجودة دلوقتي رغم كثرتها الا انها مفيش ليها أي دور حقيقي أو فعلا للبلد ولا ليها كلمة مسموعة .. ماعدا طبعا الحزب الحاكل أي حزب الأغلبية
هل أنت مع أو ضد مقولة .. الغاية تبرر الوسيلة

لا طبعا يا شيماء لان المقوله دي بتؤدي الي حاجات كتير جدا سيئه منها اللي احنا وصلنا ليه دلوقتي من حال اللبلد لان كل واحد من حكومتنا مؤمن بالمبدء ده وهو ان الغايه تبرر الوسيله اي كانت الوسيله بقى مبتفرقش معاهم فانا ضد المبدأ ده
سؤالي:هل انت مع أم ضد الخصخصه الحاليه في مصر ؟؟

Shaymaa_AdeeB

27-02-2008, 09:19 PM

لأ طبعا أنا ضدها تماما لأنه مش بس فيها سوء توزيع وبتغتبر البلد بتتباع وفلوسها بتتسرق وتروح لناس معينة وأصحاب البلد اللي هما الشعب والناس العادية مش بياخدوا منها حاجة بالرغم من انه كله بيندرج تحت عنوان ...المال العام
وعلى فكرة ده عامل قوي ومؤثر جدااا بالحالة الاقتصادية اللي موجودة بمصر دلوقتي

بس عايزة أقول ملحوطة ... عند مناقشة أي سؤال أي حد مننا بيطرحه مش شرط على فكرة يكون بس بالسياسة ممكن يكون أي حاجة تانية بنعيشها وموجدة بحياتنا بأي مجال ..:no: يعني منقيدش نفسنا بالكلام بالسياسة فقط

وسؤالي هو
هل أنت مع أو ضد زواج الأقارب ؟

TITO2M

28-02-2008, 02:43 PM

طبعا لا لأن ده مشاكله كتير والكلمه فيه بتكون بالف ولو حصلت مشكلة صغيرة العيلة بتخبط في بعض وكمان ممكن الواحد ميعرفش يتكلم علشان خاطر العمة والخال والكلام ده وغير كمان اني سمعت ان العيال اللي بتيجي احتمال كبير بيكون عندهم امراض وحاجات كده
انت مع او ضد مهاجمة الراجل للمرأة ومهاجمة المرأة للرجل ؟؟؟

سندريلا

28-02-2008, 03:55 PM

انت مع او ضد مهاجمة الراجل للمرأة ومهاجمة المرأة للرجل ؟؟؟

شكرااا ليكي يا شيماء علي الموضوع جامد جدااا
لأ:no: طبعا أنا ضد المهاجمة والحرب العنيفة بين الطرفين وأن كل طرف بيقارن بينه وبين الثاني ومش فاهمة بيعملوا كده ليه كل طرف له ظروف وطبيعة مختلفة علشان كده كل واحد لازم يكون مختلف لكن حكاية الأحزاب النسائيةو الرجالية دي غريبة أوي ما المرأة والرجل بيكملوا بعض مش بينقضوا بعض ولا بينافسوا وفي حاجات كتيرة المرأة مش بتقدر تعملها وبتعاند الراجل فيها وبتفشل جدا وخير مثال المدير بتاعتي دمار شامل
:rolleyes:
هل أنت مع أو ضد التكريم الضخم للمنخب الكروي خاصة في دبي وشايفه يستاهل كل ده

AHMED-AMER

28-02-2008, 04:19 PM

شكرااا ليكي يا شيماء علي الموضوع جامد جدااا
لأ:no: طبعا أنا ضد المهاجمة والحرب العنيفة بين الطرفين وأن كل طرف بيقارن بينه وبين الثاني ومش فاهمة بيعملوا كده ليه كل طرف له ظروف وطبيعة مختلفة علشان كده كل واحد لازم يكون مختلف لكن حكاية الأحزاب النسائيةو الرجالية دي غريبة أوي ما المرأة والرجل بيكملوا بعض مش بينقضوا بعض ولا بينافسوا وفي حاجات كتيرة المرأة مش بتقدر تعملها وبتعاند الراجل فيها وبتفشل جدا وخير مثال المدير بتاعتي دمار شامل
:rolleyes:
هل أنت مع أو ضد التكريم الضخم للمنخب الكروي خاصة في دبي وشايفه يستاهل كل ده

اهلا بيكي من جديد يا سندريلا
انا ضد طبعا التكريم اللي حصل في دبي لانه زي ما قال احمد موسي تكريم فاشل وكان واضح انهم بيكرموا الاستاذ النظيف
اما بالنسبه للمنتخب فكان من الافضل اننا احنا اللي نكرمه بنفسنا في بلدنا مكنش في داعي انها تبقى في بلد تانيه حتى لو عربيه
صحيح ده بيدل على الوحده العربيه بس المستوى مكنش اللي هوه
هل انت ع ام ضد الزواج المبكر في الريف ؟؟؟

Mohamed Kareem

29-02-2008, 09:58 AM

ضد لان دي عادة المفروض تتغير البنت بتكون 12 و13 سنة وبتتجوز وللاسف بتخرج أجيال امية مبتعرفش تربيهم لانها هي نفسها معندهاش خبرة تديهالهم

انت مع أو ضد توريث المهن في مصر زي الفن مثلا ؟

Hema

29-02-2008, 01:26 PM

والله على حسب
ان كانت الموهبه موجودة فا ممكن اما او كانت محسوبيه فا لا ؟
وساعات بيطلع ابن الوز عوام وساعات بيطلع غرقان فا مش فى كل الاحول يعنى

هل انت مع ام ضد كل من خالفنى فى الرأى فا هو عدوى ؟
وعلى فكرة دا بيحصل اليومين دول كتير وبيتكتب اشعار فى قمه التفاهه كأننا فى عشه فراخ مش فى مكان محترم

TITO2M

29-02-2008, 02:13 PM

طبعا لا لأن الأختلاف في الرأي غالبا بيفيد على الأقل بيخلي الواحد يفكر بوجهة نظر غير وجهة نظره لكن مش معنى كده ان حد يختلف معايا والاقي في كلامه اهانة ليا لكن دلوقتي هتلاقي ناس كتير لازم تكون زيهم في كل حاجة علشان يحبوك ويحترموك مع ان لو الناس كلها زي بعض في الشكل والرأي اعتقد هتكون كارثة بس طبعا اللي بيفكر بمبدأ اللي يختلف معايا هو عدوي افتكر ان عقله اقل من انه يفكر في ميزة اختلاف الناس في الرأي

هل انت مع ام ضد تقسيم المشايخ لنفسهم يعني تلاقي اللي ماشي بمبدأ الأخوان - الصوفة-السلف والحاجات دي ؟؟؟

Shaymaa_AdeeB

02-03-2008, 08:16 PM

هل انت مع ام ضد تقسيم المشايخ لنفسهم يعني تلاقي اللي ماشي بمبدأ الأخوان - الصوفة-السلف والحاجات دي ؟؟؟

ضدها طبعا لأن مش المفروض أنهم ينتموا لحزب معين أو فكر معين لأنهم طبعا هينحازوا بتفكيرهم وآرائهم للجهة دي وبالتالي فقدان الثقة بآرائهم الي حد كبير والانحياز بالرأي للفئة اللي بيؤمن بمبادئها والمف6روض يكونوا دائما في ضوع حياد مش يكونوا ع مجموعة أو فكر وضد مجموعة أو فكر تاني

سؤالي

هل أنت مع أو ضد ما يسمى بالواسطة وخصوصا بمصر ؟

AHMED-AMER

02-03-2008, 08:34 PM

سؤالي
هل أنت مع أو ضد ما يسمى بالواسطة وخصوصا بمصر ؟

اكتر شي مخوفني من المستقبل هيا الوسطه وبتخلي الواحد يتردد في حاجات كتير عايز يعملها لما بيفكر انه مهما عمل عارف ان في واحد تاني هو اللي هياخد مكانه وده طبعا بالأولاويه وده اللي بيحصل كمان في الجامعات دلوقتي لو دكتور وبنت في او ابنه في الجامعه في اي سنه مثلا لازم هيا اللي بتطلع الاولى حتى لو كانت مبتفهمش حاجه ليه علشان طبعا بنت عميد او دكتور في الجامعه ازاي تطلع التانيه ع الدفعه
في النظام ده بجد يخنق وبيضيع مجهود ناس كتير في الارض لمجرد انهم ملهمش ما يسمى بالوسطه
سؤالي:هل انت مع أم ضد نظام الجمهوريه ؟؟ ولماذا
وايهما تفضل الجمهوريه ام الملكيه ؟؟

Shaymaa_AdeeB

10-03-2008, 09:56 PM

سؤالي:هل انت مع أم ضد نظام الجمهوريه ؟؟ ولماذا
وايهما تفضل الجمهوريه ام الملكيه ؟؟

ايه السؤال ده ؟:cry:

بجد مش عارفة بالضبط أي نظام هو اللي يعتبر ديموقراطي ومش هينفع نحكم أو نقارن بينهم لاننا طبعا معشناش بوقت النظام الملكي ومكناش معاصرين للأحداثه ف بالتالي مش هنعرف مزاياه أو مساوئه

لكن أكيد كل نظام منهم ليه عيوبه ومميزاته
لو بالنسبالي مش مهم أي نظام .... المهم حال الناس يكون أفضل من كده وبيتعاملوا معاملة آدمية ببلدهم

سؤالي

هل انت مع أو ضد ادعاء البعض بأن حق المرأة بالمجتمعات العربية وخصوصا بالمجتمع المصري لازال مهضوم ؟

نانو

10-03-2008, 11:06 PM

فى مصر لا كتييييييييير
كفايه اللى وصلت ليه لحد حالا
بقت وزيره وكمان ماذون
يعنى مش محرومين من حاجه
انما فى المجتمعات العربيه وخصوصا الخليج انا شايفه
ان هناك لسه المراه مخدتش حقهااااااااااااا
بالرغم انهم بداو شويه بس لسه

هل انت مع او ضدد
الزواج عن طريق النت؟؟؟؟؟؟؟؟؟؟؟؟؟؟؟؟

ADEEBwbs

11-03-2008, 09:44 AM

ضد
لكن هو ممكن يحصل لو الاتنين في صراحة بينهم متناهية علي الأنترنت

هل انت مع أو ضد ضرب الرجل من المرأة ؟

Shaymaa_AdeeB

12-03-2008, 09:19 PM

ضد
لكن هو ممكن يحصل لو الاتنين في صراحة بينهم متناهية علي الأنترنت

هل انت مع أو ضد ضرب الرجل من المرأة ؟

ضدها تماما سواء كان ضرب المرأة للرجل أو العكس ... لو فقد الاحترام بين الطرفين دي أول حاجة بيوصوا ليها وهي ..الاهانة

سؤالي
هل انت مع أو ضد خطوبة المهد ..يعني أن الأهل يقولوا أن الولد ده للبنت دي لما يكبروا ؟ مع العلم أن فيه حالات لحد دلوقتي كده وبيتم الزواج بالطريقة دي حتى لو كان بعدم رضا من أحد الطرفين .

نانو

13-03-2008, 06:47 PM

ضد طبعا
لا المشاعر مش ملكنا وبتتغير كل اما بنكبر
وطبعا اذا حدث ده الطرفين بيظلموا بعض
وبيكون االابناء هما الضحيه فى الاخر

هل انت مع او ضد
ان حسن شحاته يااخذ الحضرى ماتش الارجنتييييين؟؟؟؟؟؟؟؟؟؟؟؟؟؟؟؟؟

TITO2M

13-03-2008, 06:56 PM

طبعا ياخده الماتش لأن انا شايف ان الحضري ما اجرمش
هل انت مع او ضد حملة الداعية عمرو خالد ضد الأدمان

AHMED-AMER

14-03-2008, 01:54 AM

طبعا ياخده الماتش لأن انا شايف ان الحضري ما اجرمش
هل انت مع او ضد حملة الداعية عمرو خالد ضد الأدمان

ضد ايه بس يا تيتو ده سؤال بردوا:D
هل انت مع أم ضد من يقولون أن الزمالك هيكسب الاهلي
:D:D

TITO2M

14-03-2008, 04:37 PM

ياعم احمد انا بسأل اصل انا شايف ناس ضده كان نفسي اعرف ليه يمكن يكون في سبب مقنع

والله يا احمد مع اني مش بحب التوقعات في الكورة بس انا بقول ياااااااااااااااارب الزمالك يكسب:pـ

هل انت مع او ضد اننا ناخد موقف من الدنمارك بسبب الرسوم ولا زي ما قال المفتي اننا نسكت وربنا المنتقم علشان الرسوم دي سياسة

Shaymaa_AdeeB

15-03-2008, 08:35 PM

هل انت مع او ضد اننا ناخد موقف من الدنمارك بسبب الرسوم ولا زي ما قال المفتي اننا نسكت وربنا المنتقم علشان الرسوم دي سياسة

مع أننا ناخد موقف من الدانمارك ونقاطع المنتجات الدانماركية ونعمل كل اللي نقدر عليه
:ermm:من غير م نرجع للمفتي خصوصاااا الموضوع ده
وأكيد طبعاااا حسبي الله ونعم الوكيل فيهم

سؤالي
هل أنت مع أو ضد التدخين وخصوصا ظاهرة التدخيــن والشيشة للبنات؟:cry:

AHMED-AMER

15-03-2008, 08:40 PM

سؤالي

هل أنت مع أو ضد التدخين وخصوصا ظاهرة التدخيــن والشيشة للبنات؟:cry:

طبعا يا شيماء ظاهره التدخين والشيشيه بالنسبه للبنات ده شئ مفروغ منه
اظن انه مش ينفع ان في بنت تشرب سجاير او شيشه
اما بالنسبه للشباب اللي بيشربوا سجاير انا عازر كل واحد لاني كنت منهم بجد
بتيجي في سن وفي وقت بيبقى الواحد عايز يطلع غله في اي حاجه وده اللي بيحصل
بعد كدا في اللي بيفوق ويبقى عنده اراده ويبطلها وفي اللي بيستمر فيها ويضمر نفسه بالبطيئ
سؤالي هل انت مع ام ضد حمله عمرو خالد ضد التدخين بردوا
ومستغربوش من سؤالي علشان لاقيت ناس فعلا مش عجبها
:wub::wub:

Aymn samir

27-07-2008, 09:04 PM

لا مع طبعا
انت مع ولا ضد لقب تامر حسني ملك الجيل

Action.Z

27-07-2008, 11:13 PM

لقب ملك الجيل أتلغى يا أيمن و بقى (نجم الجيل) و بقت رسمى بتتقال فى الراديو و وسائل الاعلام بس أنا أقول ضد ملك الجيل و مع نجم الجيل
مع أو ضد المصرى اللى يرجع من الخارج و يبتدى يتكلم أحنا و أنتوا

سندريلا

10-08-2008, 01:29 AM

مع أو ضد المصرى اللى يرجع من الخارج و يبتدى يتكلم أحنا و أنتوا

ضد
اصلوا بيكون بره مش حاسس بحد
ويجي يكلم من فوق زي مايكون هيصلح البلد بكلمه واحد

هل انت مع أم ضد
قرار نقابة الممثلين بمنع الممتلين غير المصرين للعمل بمصر

Action.Z

10-08-2008, 01:37 AM

MAHMOUD

10-08-2008, 02:50 AM

هل انت مع او ضد
الارتباط والحب قبل دخول البيوت من بابها
السؤال اجابته يا
اه يا لا
من غير تبرير او تعليل

AHMED-AMER

10-08-2008, 08:46 PM

ضد طبعا كدة حنخلى ضعاف النفوس يتكلموا عن مصر وحش دة غير ان مصر هولويود الشرق عمرك شوفتى فى هولويود قالوا مثلا لجاكى شان متمثلش أكتر من عمل فى السنة
مع أو ضد
وقف برنامج القاهرة اليوم فى شهر 8

ضد والله يا أكشن علشان الواحد مبيلقيش حاجه يتبعها:unsure:
بس خلي الراجل يستريح بردوا مهو بيتعب طول السنه خلينا نتعب احنا الشهر ده
:D:D:D

هل انت مع او ضد
الارتباط والحب قبل دخول البيوت من بابها
السؤال اجابته يا
اه يا لا
من غير تبرير او تعليل

نعم انا مع ده وبدون تعليل يا سيدي
:D:D

Action.Z

10-08-2008, 10:07 PM

مسالتش لية يابوحميد ع العموم حسال أنا
مع او ضد
قانون المرور الجديد

Aymn samir

10-08-2008, 11:01 PM

ضددددددددددددددددددددددددددددد
انت مع او ضد خصخصة الدولة للشركات والكلام دا

Action.Z

10-08-2008, 11:18 PM

مع
انت مع او ضد
رجوع هالة سرحان للظهور من جديد

AHMED-AMER

11-08-2008, 03:15 AM

مع
انت مع او ضد
رجوع هالة سرحان للظهور من جديد

الحقيقه انا كنت بحبها:D
فأنا مع ده

نفس السؤال

Action.Z

11-08-2008, 03:48 AM

أنا مع أنها ترجع لكن من غير متناقش قضايا باسلوب الفرقعة الاعلامية و تقلل من البرامج الهايفة و متحصرش نفسها فى حوارات الفنانين
مع أو ضد
تشفير مباريات كاس العالم لصالح الشيخ صالح
Art

AHMED-AMER

12-08-2008, 01:00 AM

الحقيقه انا ضد ده
لاني ضد الوصلات اساسا
فبالتالي بضطر اني انزل اتفرج عليه في اي قافيه
ولو تعبان ومش قادر انزل بيضيع الماتش

نفس السؤال

فاطمة الزهراء

12-08-2008, 02:03 AM

انا برضه ضد الاحتكار اى كان نوعه

ياترى انت مع او ضد ان الدراسه تبدأ فى اخر رمضان

AHMED-AMER

12-08-2008, 02:06 AM

مش قبل ما العيد يخلص
هيا الناس هتلاحق على ايه ولا على ايه
ع العيشه اللي كل يوم بتولع
ولا على مصاريف رمضان والعيد
ولا هما ملهمش نفس هما كمان
ولا على مصاريف المدارس
ولا العيال ملهاش نفس تلبس طقيمن جداد
:D:D

نفس السؤال

فاطمة الزهراء

12-08-2008, 02:08 AM

اتمنى انه يتم تاجيل الدراسه الى ما بعد اعياد 6 اكتوبر

انت مع ان العدد الهائل من المسلسلات التى سوف تعرض فى رمضان القدام ان شاء الله

AHMED-AMER

12-08-2008, 02:10 AM

العدد الهائل من المسلسلات ده
حقيقي هو اللي بيلهي الواحد عن الصلاه في معادها
وحسن العباده على أحسن وجهه ممكن
فحقيقي يا ريت يقل شويا

نفس السؤال

فاطمة الزهراء

12-08-2008, 02:12 AM

انا مع رايك يا احمد وعلى فكره انا واحده من الناس مش اعرف اتابع اكتر من 3 مسلسلات بجد عقلى ممكن يبوظ والله

انت مع ان برنامج القاهره اليوم فى رمضان يكون موعده 11 ونصف مساءا

AHMED-AMER

12-08-2008, 02:14 AM

اعتقد لو بقى في السهره شويا كمان يبقى افضل
علشان الحقه من أوله
:D

نفس السؤال

فاطمة الزهراء

12-08-2008, 02:16 AM

هو فى رمضان كده ميعاده مناسب جدا جدا

فى الحلقات المعاده من القاهره اليوم انت مع او ضد اعادة فقرة الصحافه

AHMED-AMER

12-08-2008, 02:17 AM

عاد مش فارقه
لأني ببقى نايم
:D

نفس السؤال

فاطمة الزهراء

12-08-2008, 02:18 AM

انا ضد اعادة فقرة الصحافه لان الاخبار بتكون قديمه وماحدش ممكن يستفيد بها

انت مع ان خيرى رمضان ممكن يرجع للبرنامج تانى

AHMED-AMER

12-08-2008, 02:19 AM

لالالالالالالالالالالالالالالالالالالالالالالالالا لالالالالالا
من هنا لغايه بكره الصبح
:D

نفس السؤال

فاطمة الزهراء

12-08-2008, 02:25 AM

ليه كده بس يا حمد انا نفسى خيرى يرجع البرنامج تانى

احمد فكر فى سؤال انت لو سمحت

AHMED-AMER

12-08-2008, 02:28 AM

:D:D:D:D
بس كدا عنيا
تفتكري انا هعدي إنهاردا في الطبي تاني

سؤال عجب اهوه
اسيبك بقى معاه
ويا دوب اقوم ألبس علشان الحق الباص
تصبحي على خير يا فاطمه
اشوفك بكره ان شاء الله
ويا صابت يا خابت

فاطمة الزهراء

12-08-2008, 02:29 AM

بص يا احمد خليها على الله ربنا يكرمك ويكتب لك ما فيه الخير ويرضيك بما هو مقسوم لك

من فضلك لما ترجع اقى طمنا على اخبارك وانت كمان تصبح على خير

Action.Z

12-08-2008, 03:29 AM

طب حد يسأل حاجة عشان اللعبة تكمل
مع او ضد
البنوك الاجنبية اللى أبتدت تظهر فى مصر

AHMED-AMER

12-08-2008, 10:46 AM

بص يا احمد خليها على الله ربنا يكرمك ويكتب لك ما فيه الخير ويرضيك بما هو مقسوم لك

من فضلك لما ترجع اقى طمنا على اخبارك وانت كمان تصبح على خير

الحمد الله يا فاطمه ربنا كرمني وعديت في الأختبار الحمد الله
في بيبقى حاجه اسمها التماس بتطلبي انك تكشفي تاني انا عملته
بس اللي بيكشف بقى المره دي مش بيبقى دكتور عادي ده بيبقى مستشار
انتوا اول ناس تعرفوا قبل أهلي كمان والله:)
لاني دخلت نت من القاهره مخصوص علشان اقولكوا
والله قبل ما ارجع كمان يا فاطمه قولت لازم اطمنك لإني قريت كلامك ده امبارح:rose:
تسلمي يا فاطمه على كل كلامك
اللي بجد صبرني على اللي كنت فيه
:):rose::)

طب حد يسأل حاجة عشان اللعبة تكمل
مع او ضد
البنوك الاجنبية اللى أبتدت تظهر فى مصر

الحقيقه يا حج أكشن انا مليش في حوار البورصه دي خالص
ومش عارف أزاى كان نتشارها هيضر ولا هيفيد
:D:D:D
نفس السؤال

فاطمة الزهراء

12-08-2008, 01:25 PM

ربنا يكرمك يا احمد شوفت انا دعواتى جت بفايده ازاى ربنا يفرحك على طول

انا مع البنوك الاجنبيه اللى بتظهر فى مصر

انت مع زيادة عدد الجرائد الخاصه

Action.Z

12-08-2008, 01:45 PM

مع طبعا لاننا لازم نسمع وجهة نظر غير راى الحكومة
مع او ضد
وجود ميكروباص فى مصر

فاطمة الزهراء

12-08-2008, 05:22 PM

مع فكرة وجود ميكروباص فى مصر لو مش موجود الناس ممكن تركب ايه

نفس السؤال

AHMED-AMER

12-08-2008, 09:11 PM

ربنا يكرمك يا احمد شوفت انا دعواتى جت بفايده ازاى ربنا يفرحك على طول

ألف شكر يا فاطمه وفعلا انا فرحت جدا لما سمعت الخبر
ولو كنتي شفتيني قبل ما اعرف النتيجه مكنتيش تعرفيني دلوقتي:D
الحمد الله على كل شئ
انا مع وجود الميكورباصات بس مش بالعدد اللي موجود ده
ولا بالسواقين المجانين اللي بيسوقوهم

نفس السؤال

فاطمة الزهراء

12-08-2008, 09:21 PM

انا قلت رايى فى السؤال ده

هل انت مع وجود شركه اخرى للتليفون المنزلى او ضد هذه الفكره

Shaymaa_AdeeB

12-08-2008, 10:07 PM

مع لأني شايفة ان لو بقى فيه أكتر من شركة يكون فيه منافسة بينهم لتحقيق أرباح وعدد عملاء أكتر ..زي شركات خطوط المحمول بالضبط مش بس تكون شركة هي اللي محتكرة السوق _واخدين بالكم من محتكرة دي

;) وده كله طبعا لصالح العميل
أنا بصراحة شايفة الموضوع من المنظور ده

هل أنت مع أو ضد ما يسمى "بالاسدال" اللي بترتديه بعض البنات دلوقتي؟

tarkieb

12-08-2008, 10:41 PM

بصراحة لأ لأن دا مش لبسنا ولا عادتنا ولو حد قالى دا سترة وكلام كبير راح أقول حاجة لاحظتها في مصر لما كنت فيها قريب لاقيت كل البنات محجبة وكل الرجال بتقرأ قرأن في المترو وبرغم ذلك أخلاق الناس زفت وكانت زمان احسن مليون مرة والله انا فاكر ان لما سافرت كانت الناس بتقرأ في المترو وأضعف الايمان الجورنال دلوقتي كله شكلا مدروش والاسدال داخل على الابواب الشئ اللي بأستغرب له ليه المجتمع بتاعنا مش شايف الا المرأة فيه وعمال يلبسها حاجات غريبة طب ليه الرجال مش بتلبس البناطيل الهندي القصيرة وليه مش بنسمع عن غض البصر للرجال

انت مع ان قناة الاهلي ح تدي القنوات الرياضية على قفاها ولا لا؟

Action.Z

13-08-2008, 12:01 AM

منقدرش نجزم من دلوقتى أنها حتأفل على باقى القنوات بس مع الوقت و لما نشوف لها مبارايات حصرية ممكن نقول أنها قناة تقدر تنافس مش تقعد الباقى فى البيت لان الصراحة رغم أختلافنا على الاية أر تى سبورت ألا انها تعتبر حاليا أفضل شبكة قنوات رياضية فى الشرق الاوسط
مع أو ضد
وجود توك توك فى مصر

tarkieb

13-08-2008, 12:35 AM

التوك توك دا مهزلة بمعنى الكلمة بيتقلب بسرعة وغير أمن ومش بيمشي الى في الاماكن المنسية واللي بيسقوه عيال بصراحة مهزلة

أنت مع ان المدارس تخش في رمضان ولا بعض رمضان؟

فاطمة الزهراء

13-08-2008, 01:07 AM

بعد رمضان طبعا لان فى الاساس رمضان مش بيكون فيه مذاكره

كامن الاسر المصريه تعمل ايه مصاريف مدارس وكمان حاجات رمضان اللى ماشاء الله اسعارها فظيعه وكمان هدوم العيد بجد ربنا يكون فى عون الاهالى

انت مع او ضد فكرة ان يكون هناك كافيهات للبنات فقط وغير مسموح بدخول الشباب فيها

Action.Z

13-08-2008, 01:11 AM

مع لو دة حيكون أفضل بالنسبة للبنات الللى حابة تقعد فى الكافيهات
مع او ضد
أفلام تحت شعار للكبار فقط

فاطمة الزهراء

13-08-2008, 01:14 AM

انا مع هذا الشعار جدا جدا لان فى انواع من الافلام لا يصح ان الاطفال يدخلوها زى حين ميسره او الريس عمر حرب

نفس السؤال

Action.Z

13-08-2008, 01:25 AM

أنا مع كدة طبعا بس تقدرى تقولى يا فاطمة عمليا الحاجات دى مبتنفذش على ارض الواقع لان انا واحد من الناس دخلت فيلم الريس عمر حرب و لاقيت الصالة مليانة عيال 10 و 15 سنة و غير كدة الافلام دى بتنزل ع النت فرى و كلوا بيشوفها و كمان القنوات بتشترى الافلام دى و بتنعرض عرض عام أنا من رايى انها متتعملش من الاساس
مع او ضد
قانون الضرائب الجديد هل شفنة من وراة اى تطوير فى منشاءات الدولة و المرافق و لا الفلوس دى بتروح فين

فاطمة الزهراء

13-08-2008, 01:27 AM

الحمد لله انا ماشوفتش بعيونى اى تطوير خالص لكن انا معاه يمكن لانى محاميه شايفه الناس بدأت تهتم انها تدفع الضرايب برغم ان فى ناس كثيره مش فاهمه اى حاجه من القانون ده

يارتى انت مع او ضد قانون الضريبه العقاريه الجديد

Action.Z

13-08-2008, 01:52 AM

أنا معاة انة يتفرض على القصور والفيلل اللى اصحابها يقدروا يدفعولها و بكدة المليان يصب فى الفاضى
مع او ضد
دخول القطاع الخاص فى مجال السكة الحديد

فاطمة الزهراء

13-08-2008, 01:56 AM

انا مع دخول القطاع الخاص الى مجال السكك الحديد يمكن الاحوال تتصلح

نفس السؤال

Action.Z

13-08-2008, 01:59 AM

ياريت عشان القطاع الخاص حيهمة مستوى الخدمة و راحة العميل
مع او ضد
وجود مذيعات من لبنان و الخليج على شاشة الفضائيات الخاصة المصرية

فاطمة الزهراء

13-08-2008, 02:01 AM

مافيش مانع طبعا يمكن المنافسه تخلنا نشوف حاجه كويسه من الميعه المصريه

نفس السؤال

Action.Z

13-08-2008, 02:13 AM

اة طبعا لازم المجال يبقى مفتوح للكل و الافضل هو اللى حيستمر
مع او ضد
شعار التدخين ضار جدا بالصحة و يسبب الوفاة اللى بيبقى مكتوب على علب السجاير

فاطمة الزهراء

13-08-2008, 02:17 AM

اه طبعا انا مع هذا الشعار ولو ان الناس برضه لسه بتدخن

نفس السؤال

Action.Z

13-08-2008, 02:27 AM

لا انا رايى انة تحصيل حاصل لان مفيش حد بيدخن و مش عارف ان التدخين مضر و لو كانت الكلمة دى حتجيب نتيجة مكانتش الشركات وافقت على انها تحطة لانها عارفة ان المدخن ميقدرش يبطل يشترى حتى لو كان مكتوب عليها كل دة
مع او ضد
مشروع توشكى

AHMED-AMER

13-08-2008, 08:10 PM

فاطمة الزهراء

13-08-2008, 11:33 PM

مشروع توشكى ممكن يكون كويس لنا معينه بس

هل انت مع توحيد الادان او ضد ذلك

Action.Z

13-08-2008, 11:58 PM

أة ياريت يتوحد الاذان
مع او ضد
الاستثمار الاجنبى فى مصر

فاطمة الزهراء

14-08-2008, 12:17 AM

اهلا ومرحبا باى استثمار اجنبى طالما ان ده سوف يفيد الاقتصاد المصرى

ياترى انت مع وجود قنوات متخصصه للكوميديا فقط ام ضد ذلك

Action.Z

14-08-2008, 02:48 AM

لا لان التجربة اللى أحنا شايفنها لا تبشر ان القناة دى ممكن تستمر
مع او ضد
أحتكار الحديد

Aymn samir

14-08-2008, 09:55 AM

ضدددددددددددد اككييد
هل انت مع او ضد هيفاء وهبي تغني وتبقي مطربة |

Action.Z

14-08-2008, 11:26 AM

اكيد ضد
مع او ضد
دخول الاعيبة مجال التدريب فى كرة القدم

AHMED-AMER

14-08-2008, 01:26 PM

اكيد ضد
مع او ضد
دخول الاعيبة مجال التدريب فى كرة القدم

ضــــد جــدا يا أكشن
خصوصا بعد الماتش بتاع امبارح
حسام وابراهيم دول بصراحه ناس في منتهى قله الأدب وعدم الاحترام:exclaim:
منظر بجد يسئ جدا للكوره المصريه وللمصريين بشكل عام
ومن الاخر اساسا انا كنت حاسس اني قاعد اتفرج على ماتش للعيال في حرتنا:whistling:
مش للاعيبه كوره قدم

نفس السؤال

Action.Z

14-08-2008, 02:16 PM

مع لان أنجح المدربين فى أوروبا هما فى الاساس كانوا لاعيبة أما بالنسبة لحسام و ابراهيم فهما معروف عنهم انهم لما بيدخلو فى مود اللعب بيتعصبوا
مع او ضد
موتسيكلات الديلفرى و سرعتها فى الشوارع

فاطمة الزهراء

14-08-2008, 03:21 PM

بس انا مش مع السرعه باى حال من الاحوال مش رط موتوسيكلات الديلفرى فقط

نفس السؤال

nooor

14-08-2008, 04:34 PM

انا ضد السرعه اللى بزياده اوى
سواء موتسيكلات الديلفرى او غيرها
انت مع او ضد حكايه امتحان الكادر الخاص بتاع المدرسين

فاطمة الزهراء

14-08-2008, 04:56 PM

اعتقد انها مهزله انا ضدها طبعا

نفس السؤال

AHMED-AMER

15-08-2008, 07:17 PM

حقيقي مش عارف ازاي كانت مفيده ولا ضاره
لاني مش متابعها ولا مهتم بيها اساسا

نفس السؤال

فاطمة الزهراء

15-08-2008, 10:34 PM

انا جابوت على السؤال ده قبل كده

ها انت مع ما يسمى بالسنيما النظيفه او ضد ذلك

Action.Z

15-08-2008, 11:49 PM

أنا مع السينما اللى تشرف مصر فى الخارج و تكون دعاية لينا و لثقافتنا بعيدا عن كونها نظيفة او تييييييييييييييت
مع او ضد
تجربة برامج تلفزيون الواقع فى العالم العربى

فاطمة الزهراء

16-08-2008, 12:32 AM

بص انا مش شايفه ان التجربه ناجحه اوى يعنى بس مش ضدها لكن ارحب بالتطوير فيها

نفس السؤال

Action.Z

16-08-2008, 12:37 AM

ضد لانها تجربة أثبتت فشلها بعد حوالى 4 سنين
مع او ضد
سياسة الاخوان المسلمين

فاطمة الزهراء

17-08-2008, 02:30 PM

اكشن من فضلك غير السؤال

Action.Z

17-08-2008, 02:39 PM

ههههه عادى زى ما انت عايزة
مع او ضد
أن الراجل يشتغل كوافير للسيدات

فاطمة الزهراء

17-08-2008, 02:40 PM

ايوه كده حلو السؤال ده

بص من الناحيه الشرعيه طبعا هو حرام بس تصدق انا ضد برضه حتى من غير ناحيه شرعيه

هل انت مع او ضد الصداقه بين الشاب والفتاه

Action.Z

17-08-2008, 02:52 PM

مع مادام الموضوع فى الاطار العادى زى صداقة الولد بالولد و البنت بالبنت
مع او ضد
موضة التاتو اللى أنتشرت بين الشباب فى الفترة الاخيرة

فاطمة الزهراء

17-08-2008, 02:55 PM

لا طبعا انا ضد التاتو خالص لان منظره مش حلو خالص

نفس السؤال

Action.Z

17-08-2008, 03:06 PM

ضد طبعا مجرد هوس تقليد الاجانب فى كل حاجة
مع او ضد
هوجة المسلسلات التركى اللى طلت علينا اليومين دول

فاطمة الزهراء

17-08-2008, 04:04 PM

ولا تفرق معايا خالص اقول على حاجه انا كان نفسى اعرف مين مهند اللى كل ما اشوف حد اجده يتحدث عنه وبعدين لما شوفته قلت هو عادى طيب الناس ايه اللى حصل لها

انت مع او ضد كل هذا العدد الهائل من البرامج التى ينوى تقديمها فى رمضان القادم ان شاء الله

Action.Z

17-08-2008, 05:58 PM

ضد طبعا لان كتر البرامج و المسلسلات ممكن يحرقها و محدش يشوفها بالرغم من جودتها
بس ع العموم الواحد فى رمضان بالكتير يتابع 4 مسلسلات و الباقى يبقى يشوفة لما يتعاد ع الفضائيات و تنزل ع النت
مع او ضد
عادل لبيب كمحافظ للاسكندرية

AHMED-AMER

17-08-2008, 07:54 PM

من كره النااس ليه بقيت ضده
سواء هو كويس ولا لاء
بس اللي اعرفه واللي هو مش موجود في مصر كلها
ان اي والي على ناس لازم يكونوا بيحبوا علشان يساعدوا على النهوض بالبلد
وده والله الحمد مش عندنا

نفس السؤال

فاطمة الزهراء

17-08-2008, 08:05 PM

سؤال جامد يا اكشن

باعتبارى سكندريه بص بكل صراحه المحجوب كان ولازال محبوب اكتر منه

انت مع او ضد استخدام الريموت كنترول فى كل حاجه

AHMED-AMER

17-08-2008, 08:12 PM

مع طبعا لانه بيريحني انا شخصيا
:D

نفس السؤال

فاطمة الزهراء

17-08-2008, 08:14 PM

ضده عشان خلاص اتعلمت الكسل بسببه

هل انت مع او ضد قانون المرور الجديد وخاصة الفقره الخاصه بالموبايل

AHMED-AMER

17-08-2008, 08:15 PM

معاه في حاجات وضده في حاجات
التفاصيل بعد الماتش
:D
سلام يا جميل

فاطمة الزهراء

18-08-2008, 12:13 AM

انا جيت بعد الماتش مبروك الفوز يا حماده وطبعا دى حاجه مش جديده على الاهلى

هل انت مع او ضد العزومات الكتير اللى بتحصل فى رمضان

AHMED-AMER

18-08-2008, 12:18 AM

انا جيت بعد الماتش مبروك الفوز يا حماده وطبعا دى حاجه مش جديده على الاهلى
هل انت مع او ضد العزومات الكتير اللى بتحصل فى رمضان

مش جديده ايه بس يا فاطمه:dontgetit:
اسكتي ده لو مكنش الجون التاني ده جيه
انا كان هيجيلي شلل ومكنتش هبقى معاكوااا دلوقتي:exclaim:
انا كنت قاعد في الماتش باكل في نفسي:D
والله كنت حاسس اني بتفرج على الزمالك
وعبد المنصف الخرم في حراسه المرمى:p
حاجه بجد أخر مهزله مش مصدق ان ده هو الاهلي
وبالذات بعد خروج أحمد حسن
عموما الحمد الله ربنا ستر وكسبنا الماتش
:D:D:D:D

بالنسبه للسؤال
بتوحشني والله العزومات دي
بتقرب الناس من بعضها شويا
وبتحسس الواحد انه ليه أهل وعيله

نفس السؤال

فاطمة الزهراء

18-08-2008, 12:23 AM

معلش يا احمد يعنى جربت شعورك اخواتك الزملكاويه

انا معاك ان عزومات رمضان جميله جدا جدا وماما بتحب تعمل على طول عزومات وانا بقى افرد عضلاتى فى الاكل والحلويات واتحدى ضيوفنا بأكلى طبعا اكون مساعده لماما

هل انت مع او ضد فوانيس رمضان اللى جايه من الصين

AHMED-AMER

18-08-2008, 12:26 AM

بتبقى حاجه جميله اوي يا فاطمه والله
خصوصا في الايام دي
لان الاهل بقت مبتشوفش بعض
وده كويس
انا اعرف واحد معرفش ابن عم بوه الا بعد 20 سنه
وتخيلي في ال 20 سنه دول
هما اصحاب
شوفتي انيل من كدااا
اما بالنسبه لسؤالك يا فاطمه
فمش هقول غير ان دي خيبه ووكسه

نفس السؤال

فاطمة الزهراء

18-08-2008, 12:33 AM

صدقت فيما قلت والله العظيم يا احمد خيبه

انت عارف فى احدى شركات التجميل عامله حاجه مساعده كوب صغير كده تاخده يعنى بتمن رمزى عشان الشركه بتساعد به احدى المستشفيات الخاصه بالاطفال الخيبه ان الكوب ده مصنوع فى الصين

طبعا انا ضد الحاجات دى بس نعمل ايه بقى

هل انت مع او ضد جراحات التجميل التى يقوم بها الرجال

AHMED-AMER

18-08-2008, 12:35 AM

للراجل ده صعبه أوي يا فاطمه
أزاي يعني
ده لمؤخذه ميبقاش راجل
:D

نفس السؤال

فاطمة الزهراء

18-08-2008, 12:51 AM

انا ضد جرحات التجميل بدون داعى سواء للرجل او سيده

هل انت مع او ضد حكايه نفس السؤال يعنى مش فى ابداع خالص

AHMED-AMER

18-08-2008, 01:38 AM

انا معااهااا وبؤيدها جدااا
:D
لأني ساعات مش بلاقي حته سؤال اسأله لنفسي
مش أسأله لحد
:D

نفس السؤال
:D

فاطمة الزهراء

18-08-2008, 01:39 AM

انا ضده

لازم افكر فى سؤال جديد

هل انت مع او ضد الحكام الاجانب فى مباريات الاهلى والزمالك

AHMED-AMER

18-08-2008, 01:48 AM

ضدها طبعا بجد مينفعش اعتمادنا في كل حاجه يكون على الأجانب
حتى التحكيم في الرياضه

نفس السؤال

فاطمة الزهراء

18-08-2008, 02:01 AM

انا ضدها برضه وبعدين بهم او من غيرهم الزمالك خسران خسران

مافيش فى دماغى سؤال لانى عاوزه انام

تصبح على خير

AHMED-AMER

18-08-2008, 02:02 AM

وانتي من أهله

Action.Z

18-08-2008, 06:10 AM

مع او ضد
قناة ميلودى تريكس

فاطمة الزهراء

18-08-2008, 11:18 AM

انا مش اشوفها اصلا

انت مع او ضد البرنامج الذى يقدم فى قناة موجه ويقلد برامج التوك شو

Action.Z

18-08-2008, 12:49 PM

ضد عشان بيقلدوا عمرو بطريقة سخيفة دة غير أنهم بيزودوها جامد
مع او ضد
بيع بنك القاهرة

فاطمة الزهراء

18-08-2008, 01:52 PM

ياعم يبيعوا البنك او يتركوا على حاله خلاص مافيش اى فرق

ياترى انت مع او ضد زواج الصالونات

Action.Z

18-08-2008, 01:56 PM

مع لان لو حنقول ان جواز الصالونات مبيعرفش الواحد صفات شريكة فعندنا فترة الخطوبة كفيلة تعرفك شخصيتة ياما تحبها او تكرها
و انتى أية رايك؟

فاطمة الزهراء

18-08-2008, 02:05 PM

عادى مافيش مشاكل بس المهم تكون فى فتره خطوبه معقوله لان معظم اللى يتقدموا لزواج الصالونات بيكونوا جاهزين وبالتالى مش عاوزين فتره خطوبه

هل انت مع او ضد التقاليع الجديده فى اللبس

Action.Z

18-08-2008, 02:29 PM

هو مع لو كانت حاجة شيك و حتليق عليا و ضد لو شكلى فيها حيبقى مسخرة و الناس تقول بص الواد دة لابس اية
نفس السؤال

فاطمة الزهراء

18-08-2008, 02:32 PM

بكل صراحه فى تقاليع غريبه جدا وانا ضدها لكن اعتقد رايى مثلك يا اكشن يا زملكاوى يا جدع

هل انت مع او ضد العدسات اللاصقه الملونه

Action.Z

18-08-2008, 03:04 PM

اة مع بس برضة لو حتلق عليها العدسات يعنى لو واحدة سمرة و حاطة لانسز زرقاء مش حتبقى حلوة
مع او ضد
نظام الثانوية العامة سنتين

فاطمة الزهراء

18-08-2008, 03:09 PM

بصراحه نظام الثانويه العامه فاشل بكل الطرق

نفس السؤال

Action.Z

18-08-2008, 03:27 PM

ضد لانة بيضيع مجهود الطلبة
مع او ضد
منع دخول الموبايلات اللى بكاميرا فى الحرم الشريف

فاطمة الزهراء

18-08-2008, 04:01 PM

اه طبعا انا مع عدم دخول الموبايل اصلا فى الاماكن المقدسه

نفس السؤال

Action.Z

18-08-2008, 06:25 PM

لية انا ضد أية الضرر فى كدة يعنى اللى داخل الحرم دة حيكون فى دماغة يغضب ربنا مثلا
مع او ضد
مسابقات
0900

AHMED-AMER

18-08-2008, 07:49 PM

ضد
كلها هبل ومبتدخلش الا ع الناس المتواكله
اللي إيمانها ضعيف ومش عايزه تتعب في حاجه

نفس السؤال

Action.Z

18-08-2008, 08:09 PM

أكيد ضد نفسى أشوف حد كسب من المسابقات
مع او ضد
الناس اللى بتصوت بالاس أم أس لطلاب ستار أكاديمى

AHMED-AMER

18-08-2008, 08:12 PM

دي مسابقه فشله اساسا
وبصراحه مبحترمش اي حد بيشارك فيها او بيتفرج عليها

نفس السؤال

Action.Z

18-08-2008, 08:34 PM

تفاهة + هيافة + فراغ الناس لو اتفقت تبعت رسايل أس ام أس عشان يتبرعوا لمستشفى السرطان او بنك الطعام حيكون احسن و ياخدو علية حسنات
مع او ضد
وجود صالات قمار فى الفنادق المصرية

AHMED-AMER

18-08-2008, 08:36 PM

مش محتاجه كلام يا أكشن
بعيدا عن العادات والتقاليد
في دي حرام
وكل ما هو حرام ابعد عنه

انت رأيك ايه

Action.Z

18-08-2008, 08:56 PM

أنا ضد أكيد بس تعمل أية ال اية الحاجات دى هى اللى بتجذب السياح
مع او ضد
تغير التوقيت الصيفى فى رمضان و يبقى شتوى يرجع ساعة يعنى

فاطمة الزهراء

18-08-2008, 11:36 PM

انا اصلا مع التوقيت الشتوى على طول ومش افضل التوقيت الصيفى خالص

هل انت مع او ضد المسلسلات المتعددة الاجزاء وفى كل عام فى شهر رمضان نشوف جزء منه

Action.Z

19-08-2008, 09:31 AM

مع لاننا بنكون مرتبطين بالشخصيات دى و بنبقى عايزين نشوفها على طول كمان موضوع المواسم دة متاخد من برة لانهم بيستغلوا نجاح المسلسلات و يعملولها كذا جزء و عشان كدة مفيش مسلسل فى أمريكا الا و لية كذا جزء
مع او ضد
مسابقات أكتشاف المواهب

فاطمة الزهراء

19-08-2008, 11:04 AM

ياريت فعلا يكتشفوا مواهب جديده بجد بس بصراحه البرامج دى زى ستار اكاديمى مش عارفه حاسه انها مش كويسه

نفس السؤال

Action.Z

19-08-2008, 01:34 PM

لا ضد كفاية كدة هى المشرحة ناقصة قتلى
مع او ضد
الوصلة اللى بتجيب أوربت و الاية أر تى

فاطمة الزهراء

19-08-2008, 01:55 PM

بكل صراحه انا معها لاسباب كتيره فى نوعيه من الناس مش تقدر تجيب ديكودر اوربت لكن الوصله ب 30 جنيه او ب 25 حنيه فى الشهر والناس دى جمهور جديد بيتابع عمرو اديب وباقى البرامج ويتفاعل معها وكمان يقدروا يشوفوا المباريات الحصريه

نفس السؤال

Action.Z

19-08-2008, 02:47 PM

أنا برضة مع لان زى ما انت قولتى فى ناس متقدرش تدفع اشتراك اوربت و أية ار تى و هما كدة ولا كدة بيكسبوا عن طريق الاعلانات و الاشتراكات الاصلية بس الواحد فعلا بيكع مبلغ و قدرة لان للاسف معندناش وصلة فى منطقتنا فبنطر نشترك فى الاشتراك الاصلى ع العموم كلة يهون عشان عمورة
مع او ضد
قراصنة الهاكينج

فاطمة الزهراء

19-08-2008, 02:51 PM

قراصنة ايه حضرتك مش فاهمه معلش

على العموم انا ضد القرصنه باى شكل

Action.Z

19-08-2008, 03:07 PM

ههههه انا قصدى الهاكرز
مع او ضد
عرض الافلام الامريكية فى سينمات مصر

فاطمة الزهراء

19-08-2008, 03:11 PM

الهاكرز الله يجرقهم انا غيرت جهزا الكمبيوتر بسببهم لو فاضى مره من الصبح ممكن احكى لك عمل معايا ايه

ياعم اهلا ومرحبا باى افلام احنا ناس جامدين جدا جدا وبتحب نشجع كل ماهو اجنبى

نفس السؤال

Action.Z

19-08-2008, 03:23 PM

أنا مع عرضها بس لو فى حاجة بتسئ للاسلام او لينا كعرب فياريت متتعرضش
مع او ضد
كثرة عدد المولات التجارية فى مصر و العالم العربى

فاطمة الزهراء

19-08-2008, 07:39 PM

ده ارزاق ويعنى فى بعض الاحيان اشعر انه رزق .... على ......

نفس السؤال

Action.Z

20-08-2008, 07:13 AM

أنا مع ع الاقل يبقى فى أسواق محترمة وفيها ماركات عالمية بدل اسواق ب2ونص و تعالى بص
مع او ضد
أدمان الفايس بوك

فاطمة الزهراء

20-08-2008, 10:27 AM

بصراحه يعنى انا مش شايفه فى حاجه تخلى الشباب توصل بهم الحكايه لمرحلة الادمان

انا ضده

نفس السؤال

Action.Z

20-08-2008, 11:09 AM

انا ضد لانى عن نفسى مبتساش من القعدة ع الفايس بوك
مع او ضد
ربط حزام الامان فى السيارة

فاطمة الزهراء

20-08-2008, 11:14 AM

مع طبعا من هنا لمليون سنه

عشان لو لا قدر الله حصل حادثه الواحد بفضل مربوط فى الكرسى ومش يعرف ينزل ده هزار طبعا

لكن انا الجد انا مع حزام الامان

نفس السؤال

AHMED-AMER

20-08-2008, 12:03 PM

والله ده أي كلام يا فاطمه لا مربوط ولا حاجه
ما في عربيات الحزام بتاعها بايظ ودي اغلبيه العربيات اللي موجوده في مصر دلوقتي
العربيات الوحيده السليمه من اواخر التسعينات
وانا لما بربط الحزام بهويه لانه بيبقى خنقني وبحس انه مقيدني ومش بعرف أخد رحتي في السواقه
فأنا ضده لانه زي قلته بالنسبه لي

مع ولا ضد الروتين في مصر
:D

فاطمة الزهراء

20-08-2008, 01:56 PM

ضده طبعا دى حاجه تخنق

نفس السؤال

AHMED-AMER

20-08-2008, 02:01 PM

دانا كرهت حياتي اليومين اللي فاتواا دول بسبب
طبعا عارفين ان ده أكتر وقت بتجهز في ورق حاجات بسبب الكليات بمختلف انواعها
اروح اختم ورقه من هنا ورقه مش عارف منين وممكن ورقه واحده تتختم من جهتين
لما الواحد جاب اخره
وتبقى أمك دعيه عليك بقى لو رحت وملقتش الموظف او لاقيته في الحاللتين واحد
لازم يشحطتك شويا
اما الختم مش واضح او الامضه مش مظبوطه
ربنا يصبرنا

ايه رايك في حلويات رمضان

فاطمة الزهراء

20-08-2008, 02:09 PM

بصراحه انا اعشق كل الحلويات وزى ما قلت قبل كده انا استاذه فى المطبخ وخصوصا الحلويات حتى لسه ناويه اعمل تورتة موس بالشيكولاته اتفضلوا معانا

نفس السؤال

AHMED-AMER

20-08-2008, 02:13 PM

قد العزومه ولا عزومه مراكبيه وخلاص
:D

انا بموت في الحلويات بكل أنواعها

ضد ولا مع
الأخوان المسلمين وسياستهم

فاطمة الزهراء

20-08-2008, 02:15 PM

AHMED-AMER

20-08-2008, 02:18 PM

والله العظيم تعالوا بس وانتم كلكم تشوفوا بجد انا الحمد لله كريمه جدا زى مامتى بالضبط وطلباتك كلها اوامر يا حماده
احمد غير السؤال يا ابنى انا هنا اسمى الكامل موجود ومش هاقول انى محاميه تانى خلاص

:D:D:D
طيب العنوان ايه علشان انا جاي أول يوم رمضان
:p:p:p
اكيد زمانك بتقولي اي التلاقيح والتباته دي:yes:
:D:D:D
حاضر يا ستي هغير السؤال
:wub::wub:

انت مع ولا ضد
طبيخ الخضار في البيوت

فاطمة الزهراء

20-08-2008, 02:21 PM

AHMED-AMER

20-08-2008, 02:26 PM

انا فى سيدى بشر ناحية قرية بلبع تعرفها يعنى ما بين قرية بلبع وفندق رامادا
انا احب وافضل الباميه فقط من كل الخضروات
احمد اول يوم رمضان ان شاء الله عندنا جمبرى وسبيط وسمك يلا تعالى اتفضل
نفس السؤال

على فكره انا عمتي ساكنه بردوا في سيدي بشر وجنب بلبع;)
اه طبعا اعرف بلبع كل ما اجي في المنطقه هناك لازم يخرب بيتي وآكل من عنده:D
ايه يا فاطمه انتي شكلك بتدبسي نفسك
كمان جمبري
انت بتقوليلي لازم هتيجي بقى:p
ألف شكرا يا فاطمه كلك ذوقك وكرم والله

انا بكره اي نوع طبيخ وضد الطبيخ في البيوت
:wub::wub:
انت مع اكل البيت ولا الدليفري
:D

Action.Z

20-08-2008, 02:44 PM

مع الدليفرى بس الواحد حيفلس كدة على نص الشهر
نفس السؤال

AHMED-AMER

20-08-2008, 02:48 PM

نص الشهر ايه يا عم الحج
في أول يومين بس من الشهر
:D
مع الدليفري طبعا

مع الفول ولا الكشري
:D

Action.Z

20-08-2008, 03:04 PM

الكشرى بيشبع أكتر
مع أو ضد
أن يبقى فى كباين مخصصة للسيدات فى مترو الانفاق

AHMED-AMER

20-08-2008, 03:07 PM

أكيد طبعا مش محتاجه سؤال

نفس السؤال

Action.Z

20-08-2008, 03:25 PM

لا لان الكباين بتاعة الرجالة بتبقى خنقة و متكربسة و هما قاعدين و مروقين ياريت تتلغى عشان نعرف نركب
نفس السؤال

AHMED-AMER

20-08-2008, 03:26 PM

يعني هجاوب تاني
دلوقتي مفيش غير انا وانت يا عم الحج
يعني السؤال ميتقلش الا مرتين بس

ضد ولا مع النظام المركزي

Action.Z

20-08-2008, 07:26 PM

ضد طبعا لازم الشعب يشارك فى أتخاذ القرار
مع او ضد
البرامج الدينية اللى بتقدمها فنانات معتزلات

AHMED-AMER

20-08-2008, 07:28 PM

لا طبعا ضد ده

نفس السؤال

سندريلا

20-08-2008, 07:47 PM

انا كمان ضد جدا ومش بقتنع بأي كلمة بيقولوها

ضد ولا مع ان تكون اجازة البرنامج أسبوعين بس علشان الأحداث الكتيرة اللي بتحصل في الشهر

AHMED-AMER

20-08-2008, 07:49 PM

انا ضد ان يبقى في أجازه اساسا
بس نعمل ايه فرق العمل لازم يستريح

نفس السؤال

فاطمة الزهراء

20-08-2008, 08:12 PM

الاجازه كفايه تكون اسبوعين

نفس السؤال

AHMED-AMER

20-08-2008, 11:07 PM

منا جوبت مره
هيا جمعيه ولا ايه يا فاطمه
:D

انت مع الموضه دلوقتي ولا ضدها

سندريلا

20-08-2008, 11:25 PM

موضة ايه يا عم ده كلام فاضي وتهريج
هو فيها حاجة تتلبس

يعني النتيجة بتاعتك لسه مش بانت يا حمادة

بتصلي التراويح في البيت ولا المسجد

lamees

20-08-2008, 11:34 PM

الحمد لله في المسجد

نفس السؤال

AHMED-AMER

21-08-2008, 12:06 AM

اه الحمد الله

نفس السؤال

Action.Z

21-08-2008, 09:00 AM

ساعات و ساعات
مع او ضد
الممثلين اللى بيقدموا برامج

فاطمة الزهراء

21-08-2008, 10:20 AM

انا بيعجبنى فقط اشرف عبد الباقى لكن الباقيين كلهم عادى يعنى

نفس السؤال

Action.Z

21-08-2008, 11:12 AM

و الله و انا كمان أشرف عبد الباقى بيبقى جامد فى البرامج اما التانين فبتحس انهم بيعملوا كدة عشان الفلوس
مع او ضد
الدبح قبل صلاة العيد

AHMED-AMER

21-08-2008, 09:02 PM

لاء طبعا ضد
ده حرام
الله سبحانه وتعالى يقول
بسم الله الرحمن الرحيم
فصلي لربك وانحر
ان شان~ك هو الابتر
صدق الله العظيم

مع ولا ضد
لبس أغلبيه الشباب حاليا

tarkieb

21-08-2008, 09:36 PM

طبعا ضد

انت مع ان لعبة زي قمر 14 وبدون نقط وارمي عضو واهلي وزمالك من أهيف الالعاب اللي شوفتها في حياتي وانها مضبعة للوقت ولا لا

Shaymaa_AdeeB

21-08-2008, 10:29 PM

مع وجودها لسبب
طالما بتجذب عدد من الأعضاء للمشاركة ف عادي لما تكون موجودة للأعضاء اللي بتشارك فيها

مع أوضد الأغاني التي تتطرق لموضوعات دينية زي ._اتحجبتي برافو عليكي_ هل فعلا ممكن تأثر ف الشباب؟

فاطمة الزهراء

23-08-2008, 01:10 AM

بصى يا شيماء انا مش ضد هذه النوعيه من الاغانى لكن اعتقد انها لا تؤثر على الشباب يعنى ده رايى الشخصى

نفس السؤال

AHMED-AMER

23-08-2008, 01:13 AM

من رأيك بردوا يا بطه
:D

انتي ضد ولا مع ما يعرض الان من افلام

فاطمة الزهراء

23-08-2008, 01:46 AM

الافلام اللى معروضه فى السنيما مش كلها ضد ومش كلها مع يعنى فيلم زى حسن ومرقص قمه فى الروعه لكن فيلم زى الريس عمر حرب مش عجبنى خالص بس بجد فى انتاج جامد وجميل وبجد نقدر اننا فى يوم من الايام نوصل للعالميه ونحصل على اى جائزه

نفس السؤال

AHMED-AMER

23-08-2008, 02:05 AM

الصيف ده مقدرش احكم عليه لاني حتى اللحظه دي مشفتش ولا فيلم
انما الصيف اللي فات دخلت كل افلامه اصلي مدمن سينما
وكانت كلها جميله بصراحه

انت مع ولا ضد الفيديو كليب

فاطمة الزهراء

23-08-2008, 02:09 AM

بجد فى فيديو كليب جميل جدا وفى حاجات استر يارب

ممكن نقول عرى كليب او قلة ادب كليب اى حاجه كليب

خد بالك يا حماده لما تحب تتكلم فى السنيما انا تحت امرك لانى معايا كورسات فيها

نفس السؤال

حماده تصبح على خير اشوفك بكره ان شاء الله

AHMED-AMER

23-08-2008, 02:19 AM

اوك يا بطه
من بعد عمرو دياب ومصطفى قمر
مسمهاش فيديو كليب
اسمها فعلا زي ما قولتي يا بطه

ايه ده هتسبيني اقعد أكلم نفسي لوحدي كدا
:D
ماشي يا ستي
تصبحي على خير
واشوفك بكره ان شاء الله

Action.Z

23-08-2008, 11:30 AM

طب حد يرمى سؤال قبل مايمشى ع العموم حسأل انا
مع او ضد
الابقاء على حسن شحاتة مدرب للمنتخب الوطنى

AHMED-AMER

23-08-2008, 01:04 PM

بصراحه بقى بيستهبل ومش ينفع كدااا
لو كمل على المستوى اللي هو فيه ده
يبقى قول يا رحمن ياا رحيم ع المنتخب
فيمشي أحسن
وطالع يقولك اللاعيبه خزلوني امال انت مدرب بأماره ايه
انا مش ضد الهزيمه بس متبقاش من السودان
ده زمنهم بيطنططوا دلوقتي

نفس السؤال

Action.Z

23-08-2008, 01:14 PM

أنا بقول ضد لان خلاص حسن شحاتة أظهر كل ما فى جعبتة و معندوش جديد يقدمة للمنتخب
مع او ضد
رجوع مرتضى منصرو للزمالك

AHMED-AMER

23-08-2008, 01:29 PM

بصراحه مش عارف
:D:D
لاني لا متابع أنجازته ولا سلبياته
فمقدرش أحكم
أنت ايه رأيك

Action.Z

23-08-2008, 01:39 PM

بعد الشر يارب مايرجع تانى دة راجل مريض
مع او ضد
أرتفاع اسعار السجاير

فاطمة الزهراء

23-08-2008, 01:43 PM

يا عم ترتفع بس اعتقد انها لما ترتفع لابد انها سوف تؤثر على كل شئ يعنى كل الناس اللى بتدخن وتؤدى لك خدمات سوف تضيف زيادة السجاير على فاتورة الخدمات التى تقدمها لك

نفس السؤال

Action.Z

23-08-2008, 01:52 PM

انا مع ارتفاع سعر السجاير الامريكانى اما السجاير الشعبى (كوكو الضعيف ) فيبقى سعرها زى ما هو لان بجد فى ناس غلبانة بتتعشى بسجارتين
مع او ضد
الجنية المعدنى

AHMED-AMER

23-08-2008, 01:53 PM

ضده
لانه بيقع مني
:D:D
وكمان بيقلل من قيمه العمله

نفس السؤال

Action.Z

23-08-2008, 02:00 PM

ضدة برضة ياريت الحكومة توفر المعدن دة لحاجة تانية كمان فعلا بيضيع و بيقع من الواحد
مع او ضد
أستيراد الفول من أمريكا

فاطمة الزهراء

24-08-2008, 03:20 PM

حتى الفول ربنا يرحمنا بجد

طبع ضد ذلك

نفس السؤال

Action.Z

24-08-2008, 03:40 PM

ضد و الحل اننا نزود انتاج الفول و اكيد حيكون ارخص من اننا نستوردة
مع او ضد
التيشرتات اللى مكتوب عليها كلام باليابانى

فاطمة الزهراء

24-08-2008, 03:41 PM

ضد طبعا لان ماحدش عارف ايه معنى الكلام اللى مكتوب عليها

نفس السؤال

AHMED-AMER

24-08-2008, 03:42 PM

لا مش بحب الحوارات والافشخنات دي
يعني كبرها يبقى بدج لطيف
أول شويا كلام بالأنجلزش بس

ولا انت رأيك ايه
؟؟

Action.Z

24-08-2008, 04:05 PM

ضد اكيد لان فى اغلب الاحيان بيقى مكتوب عليها شتايم
مع او ضد
الولاد اللى بتعمل ماشيت فى شعرها

AHMED-AMER

24-08-2008, 06:21 PM

ضد اكيد لان فى اغلب الاحيان بيقى مكتوب عليها شتايم
مع او ضد
الولاد اللى بتعمل ماشيت فى شعرها

:shy::shy::shy:
يعني أيه يا أكشن
:wub::wub:
والله ما فاهم
:D:D

Action.Z

24-08-2008, 07:57 PM

الماشيت يابوحميد اللى هو يسبغوا شعرهم أصفر فى أسود
او احمر فى الاسود

AHMED-AMER

24-08-2008, 08:46 PM

الماشيت يابوحميد اللى هو يسبغوا شعرهم أصفر فى أسود
او احمر فى الاسود

دأنا بحتقرهم مش ضدهم:smart:
بيني وبينك بيبقى شكلهم زي.....:dry:
ولا أنت ايه رآيك
:wub::wub:

Action.Z

25-08-2008, 12:59 AM

ههههه على رأيك
مع او ضد
حجاب البنت و هى لسة صغيرة يعنى فى عمر 5 سنين مثلا

AHMED-AMER

25-08-2008, 01:30 AM

بيبقى أجباري من العائله او الأسرة
وانا مبحبذش ده
لازم يكون الحجاب نابع من جوه البنت
وعن إيمان بيه
مش مجرد منظر وخلاص
وده اللي إحنا شايفينه دلوقتي
الحجاب بقى موضه
على راي عادل أمام
من فوق مأنتمه مع عمرو خالد
ومن تحت مع عمور دياب
:D

نفس السؤال

Action.Z

25-08-2008, 11:45 AM

صح و الله و لو عايزين البنت تتحجب فلما تكبر و تبقى فى ثانوى خليها و هى صغيرة تتمتع بطفولتها يعنى مين حيبصلها اصلا دى طفلة
نفس السؤال

AHMED-AMER

25-08-2008, 12:55 PM

أنا جوبت مره يا أكشن
مع ولا ضد أحمد شوبير في مجلس الشعب

فاطمة الزهراء

25-08-2008, 02:04 PM

بالذمه احنا نقدر نقول حاجه ده عضو مجلس الشعب عن طنطا بلد اجدع واحد اهلاوى احمد عامر

نفس السؤال يا حماده

AHMED-AMER

25-08-2008, 02:09 PM

:D:D:D:D
ديما بتحرجيني بذوقك يا بطتي
لا أنا بصراحه معترض على وجوده
معتقدش لغايه دلوقتي انه عمل حاجه تفيد البلد
غير انه أغلب الوقت مقضيها في الكوره والبرامج بتاعته
بالذمه ده هيشوف مصالح البلد أزاي

مع ولا ضد المحافظ بتاعكواا يا بطه

فاطمة الزهراء

25-08-2008, 02:12 PM

شكرا على السؤال الجامد بكل صراحه انا مش شوفته منه حاجه كويسه خالص ولله الحمد

يعنى الشارع عندنا كان تحفه بس الحمد لله الان بقى حاجه عجيبه برغم انى ساكنه فى شارع حيوى جدا جدا مابين فندق رامادا وقرية بلبع

ربنا يكرمه ويكرمنا

هل انت مع او ضد كل هذا العدد من قنوات الدراما

Action.Z

25-08-2008, 02:27 PM

مع لان دة حيتيح لنا الفرصة نشوف الاعمال القديمة اللى فاتتنا دة غير اننا نقدر نشوف عليها المسلسلات اللى ضاعت علينا فى زحمة رمضان
مع او ضد
الالفاظ البذيئة اللى أبتدت تنتشر فى الافلام و خصوصا فى أتش دبور

AHMED-AMER

25-08-2008, 02:28 PM

الصراحه انا مبتفرجتش ع الفيلم لسه
بس من أعلاناته عجبني
وبعدين الاعلانات مفيهاش لا ألفاظز بزيقه ولا حاجه يا أكشن
:D:D
ولا ايه

Action.Z

25-08-2008, 02:44 PM

أنت أظاهر فعلا مشفتش ولا فيلم السنة دى
نفس السؤال مازال قائم للشاف الافلام

AHMED-AMER

25-08-2008, 02:48 PM

انا فعلا مش لاقي وقت أنام
تقولي أدخل أفلام
:D
عارف أكتر واحده تفيدك في الموضوع ده
هيا فاطمه
استاذه ورئيسه قسم في السينما وافلامها
:D

Action.Z

25-08-2008, 03:13 PM

ماشى يابوحميد بس أبقى نزل الافلام من ع النت كلة نزل خلاص
يلا السؤال لسة شغال
مع او ضد
الالفاظ البذيئة اللى أبتدت تنتشر فى الافلام و خصوصا فى أتش دبور

Aymn samir

30-08-2008, 05:09 PM

ضد لانها قلة ادب
مع أو ضد مسلسلات رمضان متكونش ليها علاقة بالشهر الديني دا

AHMED-AMER

30-08-2008, 08:06 PM

مش لازن تكون كلها مركزه ع الجانب الديني يا أيمن
وإلا بالطريقه دي مش هيبقى في داعي للكم الهائل من المسلسلات دي
أنا مع الوسطيه
يعني البعض ديني ولبعض الاخر منوعات

نفس السؤال

فاطمة الزهراء

31-08-2008, 12:30 AM

بصوا يا جماعه انا اصلا ضد كل هذا الكم الهائل من المسلسلات ومش لازم طبعا كلها تكون دينيه بس على الاقل يعنى يحافظوا شويه على الالفاظ واللبس وحاجات تانيه كتيره

مع او ضد دخول بعض الممثلين العرب فى مسلسلات مصريه

AHMED-AMER

31-08-2008, 10:11 PM

مع طبعا
لانه بيبقى عباره عن دمج للثقافات المختلفه
بالاضافه إلي اني بحب الممثلين السوريين واللبنانين كمان

نفس السؤال

فاطمة الزهراء

01-09-2008, 02:26 AM

انا معاهم طبعا

الدليل على كده النجاح اللى عمله تيم الحسن فى الملك فاروق وكمان مندرو ابو الدهب فى حدائق الشيطان

هل انت شايف ان عدد المسلسلات كثير اوى زياده عن اللزوم

AHMED-AMER

01-09-2008, 02:30 AM

طبعا
دول كانوا بيبقوا 5 ولا 6
ومكنتش بشوف نصهم
تخيلي بقى السنه دي
مش هشوف قد ايه

ولا انتي رايك ايه يا بطه

فاطمة الزهراء

01-09-2008, 02:37 AM

انت عارف انا مسكت ورقه وقلم وقلت اكتب مواعيد المسلسلات فجاه لاقيت نفسى كتبت 5 غير البرامج

قلت ايه طيب الصلاه وقراءة القران امتى

قررت انى اشوف 3 فقط ربنا يسهل ان شاء الله

انت مع ان الفوازير كان لها جو جميل فى رمضان

AHMED-AMER

01-09-2008, 02:48 AM

طيعا دي بتعمل جو تاني خالص يا بطتي
وانا حاليا كنت عايز اعملها مفاجأه
بحاول أدور على فوازير حلوه
تتعمل هنا في السايت
وربنا يسهل وألاقي حاجه كويسه

نفس السؤال

فاطمة الزهراء

01-09-2008, 02:51 AM

ربنا يوفقك يا حماده لو عاوز اى مساعده انا تحت امرك يا جميل

انا كانت اعشق الفوازير من نيللى وشريهان وافتقدها بجد فى رمضان

http://www.orbit.net/HL/AC/ragol_w_sit_sittat,_pt_3.jpg

انت متوقع ان راجل وست ستات يكون ناجح زى الموسم الماضى

AHMED-AMER

01-09-2008, 02:57 AM

أشرف متميز وأكيد إن شاء الله يهبقى ناجح
انا لسه بتفرج على الموسم الي فات لغايه دلوقتي
بموت على نفسي من الضحك جااامد جدااا
:D

ولا انتي رآيك ايه يا بطه

فاطمة الزهراء

01-09-2008, 03:00 AM

انا معاك برضه ان المسلسل ده جامد جدا جدا

يلا سلام وتصبح على خير عشان فجاه لاقيت مسحراتى عندنا فى الشارع

AHMED-AMER

01-09-2008, 03:01 AM

ايوا يا بطتي
مهو ده من طرفي
:D
انا بعته مخصوص عندكواا
هو انتي شويا ولا ايه يا بطه

فاطمة الزهراء

01-09-2008, 03:02 AM

تسلم لى يااااااااااااااااااااااااااااااااااااااااااااااااا ارب يا حماده

بجد انت اخ جميل جدا جدا ربنا يفرح قلبك

AHMED-AMER

01-09-2008, 03:05 AM

ده بس من ذوق يا بطتي
الله يكرمك

انتي بقى مع ولا ضد كوني كمشرف في السايت هنا
:D:D

فاطمة الزهراء

01-09-2008, 03:07 AM

AHMED-AMER

01-09-2008, 03:11 AM

بجد والله العظيم انا فرحانه لك جدا جدا جدا جدا جدا

لانك تستاهل كل خير بجد انت حد محترم وكويس اوى وربنا يعلم انى اعتبرك زى اسلام اخويا

مليون مبروك يا جميل وبالتوفيق ومن تقدم الى تقدم فى حياتك كلها وعلى فكره هما مش ممكن يلاقوا حد افضل منك بجد

يا نهااااااااااااار أبيض
كل الكلام الجيل ده علشاني انا
والله يا بطتي انتي هتخليني أغير فكرتي عن نفسي:D
واخد قلم في نفسي بقى:p
كلك ذوق و الله يا بطه
وانا طبعا يشرفني اني أكون زي أخوكي يا فاطمه
ربنا يكرمك يا بطه والله انا اللي سعيد جدااا بكلامك ده

نفس السؤال
:wub::wub:

فاطمة الزهراء

02-09-2008, 01:41 AM

AHMED-AMER

02-09-2008, 05:41 PM

ايه ده يا حماده انت عاوز حد يدخل يقول انه ضدك انا كنت رفعت عليه قضيه كبيره جدا جدا وكنت شغلت كل المحامين اصحابى وطبعا اولهم اخويا وزوجته وبنت عمتى وخالى اصل العيله كلها محامين حتى والدى الله يرحمه كان محامى برضه

يا احمد انت تليق بهذا المكان وانت اهل له

يارب عقبال ما نبارك لك على اللى بالى بالك
http://www.geocities.com/xxalsakaxx/allah_names.gif (http://www.geocities.com/xxalsakaxx/allah_names.gif)

:shy::shy::shy:
والله انتي عسوله يا بطتي
وطيبه أوي بس مش ديمقراطيه:D
عامله زي صاحبنا وحاببنا:dontgetit:
يعني من حق كل واحد انه يقول انه مع ولا ضد
يعني أصل أنا مش حزب وطني:smart:
فلو ملقتش قبول هتنحى عن منصبي
مش هفضل زي لازق فيه زي بتوع اليابان:wallbash:
عمرو أمبارح كان يجنن في حته الحزب الوطني دي:thumbs_up:
الله يكرمك يا بطتي:rose:
ويا رب أكون فعلا قد مسئوليه هذا المكان
:D:D:D:D
ماشي يا بطتي:rose:
قولي يا رب بس لحسن دأنا مستعجل أوي
:p:p:p

فاطمة الزهراء

02-09-2008, 05:42 PM

يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااارب

AHMED-AMER

02-09-2008, 05:46 PM

يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااارب

:rolleyes::rolleyes::rolleyes:
ياااااااااارب

spiceman

05-09-2008, 06:10 PM

ضد

انت مع ان لعبة زي قمر 14 وبدون نقط وارمي عضو واهلي وزمالك من أهيف الالعاب و ملهاش
لزمه ولا ضد
مع او ضد ان فترة الرئاسه ماتزيدش عن 3 سنين
مع او ضد محاكمة كل رئيس فى اخر فترته
مع او ضد دفع الضرايب اذا كنت واثق ان فلوسك رايحه فى المكان الصحيح
مع او ضد ان عمرو اديب مبقاش زى الاول فى جرئته وان هو اشبه ما يكون بأحمد موسى اديب

tarkieb

05-09-2008, 06:48 PM

ضد

انت مع ان لعبة زي قمر 14 وبدون نقط وارمي عضو واهلي وزمالك من أهيف الالعاب و ملهاش
لزمه

والله يا محمد انا قلت الكلام ده فعلا العاب مافييها حتى اي تفكير وتتدل ع المستوي اللي وصل له السايت علشان كدة انا والله ماليا نفس اخشه بعد ما دا زي ما باخش زي ما باطلع ...وحتى الاخبار كلها من المصري اليوم وايلاف ...وماشفت حد بيحاول يورينا خلاصة فكرة....بس انا رميت طوبتي خلاص...

Aymn samir

05-09-2008, 07:12 PM

والله يا محمد انا قلت الكلام ده فعلا العاب مافييها حتى اي تفكير وتتدل ع المستوي اللي وصل له السايت علشان كدة انا والله ماليا نفس اخشه بعد ما دا زي ما باخش زي ما باطلع ...وحتى الاخبار كلها من المصري اليوم وايلاف ...وماشفت حد بيحاول يورينا خلاصة فكرة....بس انا رميت طوبتي خلاص...

انت بتلمح عليا ياتراكيب باشا رغم انك بعتلي من فترة تشكرني علي اني متابع للاخبار :dontgetit: وعموما في حد هنا برضة قولتله نفس الكلام لو مش عايزني انزل اخبار تاني مش هنزل
:rolleyes:
وانا نفسي العقد دي تنتهي بقي هو في كل المنتديات حد يطلع يتكلم ويقول مش عاجبني ومش عاجبني وهو ولا ليه اى لزمة اصلا
:furious:
وانا نفسي اشوف الالعاب اللي فيها تفكير دي :huh: ولا احنا شاطرين نتكلم علي الناس من وراها وخلاص

AHMED-AMER

05-09-2008, 09:07 PM

وانا نفسي العقد دي تنتهي بقي هو في كل المنتديات حد يطلع يتكلم ويقول مش عاجبني ومش عاجبني وهو ولا ليه اى لزمة اصلا
:furious:
وانا نفسي اشوف الالعاب اللي فيها تفكير دي :huh: ولا احنا شاطرين نتكلم علي الناس من وراها وخلاص

:thumbs_up::thumbs_up::thumbs_up::thumbs_up:
خلاصه الكلام يا أيمن
والله ما في كلام يتقال بعد كلامك
:)

فاطمة الزهراء

06-09-2008, 03:10 AM

AHMED-AMER

07-09-2008, 10:07 PM

جزاك الله كل خير يا ايمن كلامك جميل وعلى فكره انا اعرف بعض الاخبار عن طريقك بجد انت حد كويس جدا جدا

انا لدى راى بما ان الاخرين مش على قدر مستواى وكمان الالعاب هايفه والسايت مش زى الاول بكل هدوء انا ممكن انسحب وعادى انا عملتها فى سايت قبل كده بكل هدوء وبدون القاء اى كلام وبعدين اللى مش عاجبه الموجود ممكن نتفرج منه على حاجه جديده يمكن تعجبنا ويمكن نطلع لمستوى اعلى

فى حكمه بتقول اذا لم تستطع ان ترفع الاخرين الى مستواك فلا ينبغى لك ان تنزل الى مستواهم

شكرا على راى كل واحد

:thumbs_up::thumbs_up::thumbs_up::thumbs_up:
بجد كلام ما بعده كلام
وكل ما كان حد يتكلم في الموضوع ده ابقى عايز اقوله
بس أرجع وأقول بلاش:cry:
علشان قولته قبل كدااا في بدايه وجودي هنا في السايت وناس أعترضت وزعلت:unsure:
رغم إن هو ده الطبيعي
أنا مش همشي الناس على مزاجي
تسلمي يا بطتي ع كلامك
:)