Shaymaa_AdeeB
21-02-2008, 02:05 AM
عمرو أديب: تحرير العالم العربي يبدأ من مصر وليس من القدس.. وأعرف رأي هيكل في الرئيس مبارك!
http://www.alhnuf.com/up/m1/d11f7b48e2.jpg (http://www.alhnuf.com/up)
فعلنا معه كل ما يمكن وصفه بـ"الموبقات الصحفية"، تأخرنا عن الميعاد المتفق عليه نصف ساعة كاملة- المواصلات والله!-، تكلم اثنان منا في التليفون المحمول أثناء إجراء الحوار معه وكأن كل واحد منا "بيزنس مان كبير" هتروح عليه الصفعة- مش الصفقة- لو لم يرد على الهاتف، وكمان طولنا معه في القعدة أكثر من الوقت المتفق عليه!
لكنه رغم كل ذلك كان كريما جدا، وعزمنا جميعا على شوب "عصير يوسفي" معتبر ذي مذاق مميز يبقى طويلا، ثم فتح قلبه، وانطلق بطريقته المعتادة اللذيذة الحبوبة في الكلام بخفة دم واضحة ممزوجة برائحة الأناناس والتفاح.. الشيشة يعني حضرتك.. وهكذا كانت البداية..
كيف تنظر لقيام قراء "بص وطل" باختيارك كأفضل إعلامي رغم أن برنامجك يبث عبر قناة مشفرة؟
الثقة لا تبنى بين البرنامج والمشاهد في لحظة، احنا بقالنا 10 سنين
بنشتغل، قدرنا فيهم كل يوم نحوز ثقة الناس، يعني احنا دلوقت لو طلعنا وقلنا إن مصر هينزل فيها بكرة تلج، هيصدقوا ده، الكلمة بقى لها وزنها،
ويمكن يكون هو ده السبب، احنا بقالنا 10 سنين كل يوم 3 ساعات، يعني أنت لو بتشرّب حد حاجة لازم هتوصله للمرحلة دي، رقم 2 المصداقية، خد بالك القاهرة اليوم مشفر آه، لكني دوما أقول لو كانت الناس كلها بتتفرج على التليفزيون المصري فاسأل نفسك وهو التليفزيون المصري بيتفرج على مين؟، هذه مسألة مهمة جدا، لو تلاحظوا مثلا إنه بعد ما برامج التوك شو زادت أنا مابقيتش أطلع أتكلم على اللي حصل النهارده، لأن ده هتلاقيه في كل حتة، مابقتش أهتم بـ"إيه حصل النهارده" ولكني أهتم بـ"ليه ده حصل النهارده".
احنا دارسين في الإعلام إن هناك أسئلة نحاول الوصول إلى إجابة عنها زي "ماذا" ودي خلاص بقت معروفة، يبقى "لماذا" و"كيف" علشان كده شكل الخبر في القاهرة اليوم دايما مختلف وكمان أنا بأعمل الحاجة اللي المفروض مفيش أي مذيع يعملها.. أن تقول رأيك! يعني أنا لو أقوم بالتدريس في كلية الإعلام أول حاجة هأقولها "يا ولاد ماتعملوش زيي"!
http://www.alhnuf.com/up/m1/5a8fe4ba4a.jpg
لكن لأن فيه وطن محتاج إلى كثير من الدعم وتفتيح الدماغ ورفع السقف مضطر أعمل كده، يعني فيه كتير من زملائي – مع احترامي لهم جميعا- أزعم أنهم استفادوا من السقف اللي احنا عليناه، احنا كنا جايين في شقة علو سقفها متر، هم دلوقت قاعدين في علو سقف زي الشقق الموجودة في الشانزليزيه، حاجة زي اختراع البيتزا، فيه حد جه في أول الشارع وعمل بيتزا، فجه ناس بعده وعملوا بيتزا، خلاص أنت عارف البيتزا يعني إيه.. مش هنحكي لك، علشان كده الناس بتصدقنا حتى أعداؤنا، يعني روزاليوسف مثلا - فيها ناس بتكرهنا جدا- كتبت أن القاهرة اليوم من أكثر البرامج اللي الناس بتتفرج عليها، رغم أننا بنذاع على قناة مشفرة على عكس باقي القنوات الأخرى، والناس بتدفع فلوس علشان تشوفنا، لكن ده مش سهل، خصوصا أن كل حلقة بنعملها كأنها حلقة أخيرة فلازم نشتغل كويس قوي.
يعني الأسبوع اللي قبل اللي فات كان عندنا خبطتين يخلوا أي حد يقعد يتفرج علينا، كنا عاملين حوار مع "حسام أبو الفتوح" وحوار مع "خالد مشعل"، والناس مابترحمش لو فيه حلقة ولا فقرة حتى مش عاجبهم يقلبوا عليك الدنيا، لأن غلطة الشاطر بألف، وعشان كده بأحسد زميلي اللي بيعمل برنامج عن الآثار الإسلامية لأنه بيقول كام معلومة ويروح ينام قرير العين لا أنت زعلان منه ولا هو زعلان من حد ولا أي حاجة!
http://www.alhnuf.com/up/m1/af2741688b.jpg (http://www.alhnuf.com/up)
لكن الإعلامي "محمود سعد" قال في حوار أجريناه معه منذ فترة أن سقف الحرية الذي يتمتع به القاهرة اليوم كبير لأنه يبث عبر قناة سعودية وبالتالي يمكن أن ينتقد الحكومة المصرية.. تعليقك؟
أنا مواطن مصري أعمل في برنامج اسمه القاهرة اليوم يبث على قناة تمويلها سعودي، ومع ذلك كنت أول برنامج استضاف الطفل الذي هاجمته كلاب الأمير "ترك" وهو واحد من أفراد العائلة الحاكمة، لما كان الموضوع به علاقة بمصر اشتغلت عليه، لكن إيه الفكرة في إني أتكلم عن نظام الحكم في السعودية؟ دي مش شغلتي ولا أعرف حتى عدد الأمراء في السعودية أو نظام الحكم هناك، ثم هل السعودية مثل مصر؟ وهل يصح أن تطالبني وأنت إعلامي مصري بأن أتحدث وكأني في السعودية أوالبحرين أو قطر؟ هذه دول تعيش مرحلة ما قبل الثورة في مصر، يعني أمامها مشوار كبير في التطور، ثم هل كان سقف القاهرة اليوم عندما بدأ زي النهارده؟ ده وقتها لو كنت هاجمت محافظ كانت تبقى مشكلة.. لكن بدأنا وطورنا في هذا السقف ودخلنا في قضايا وتحقيقات ونيابة، يعني القصد هو بلاش فكرة إن تحرير العالم العربي يبدأ من القدس، لأ.. تحرير العالم العربي يبدأ من مصر.
بمناسبة التحرير.. ما قصة استبعاد "بلال فضل" من التقديم في القاهرة اليوم.. رغم أن الأوربت قناة غير مصرية.. يعني براحتها تجيب مين وما تجبش مين؟
احنا مش في جينيف، دي بلد فيها نظام وفيها أجهزة وعداوات ومصالح، وفيها نظام له طلبات وقوة معينة، كل شيء مش سهل، احنا رشحنا "بلال فضل" إنه يشتغل معانا بعد رحيل "خيري رمضان" وكنا شايفينه كويس جدا، لكن السلطات المصرية قالت لنا "بلال فضل" مرفوض شكلا وموضوعا، واحنا مش بالقوة التي تجعلنا نقف قدام القطر، خاصة إن استوديوهاتنا موجودة في المنطقة الحرة الإعلامية الموجودة في مصر ونبث على القمر الصناعي المصري النايل سات، وهو ما يعني أن وجودنا على الأرض وفي الفضاء مصري، فلازم الواحد يكون "عاقل" وفاهم الحياة ماشية إزاي.
http://www.alhnuf.com/up/m1/6cce21a253.jpg (http://www.alhnuf.com/up)
فيه حلقات بتقول بينك وبينك نفسك قبل ما تطلع ع الهوا "ربنا يعديها على خير"؟
بخاف من الحلقات المتوقع لها النجاح، فمثلا حلقة الواحد معاه فيها "حسام أبو الفتوح" ..دي ماتنفعش ما تنجحش.. مع إن البعض بيعتبرها سهلة.. لكن العكس.. لو فشلت هتبقى فضيحة.. لأنها زي الكورة معدية قدامك كده على خط المرمى ومش عارف تجيبها جول؟ لكن الحالات العادية من نوعية أن حد هيزود في الكلام مثلا.. دي خلاص خدنا عليها.
طب نعود إلى اختيارات قراء بص وطل في الاستفتاء.. "عمرو موسى".. "عمرو خالد".. "نجيب ساويرس".. "إبراهيم عيسى".. تعليقك عليها إيه؟
"عمرو موسى" له كاريزما وشكله زعيم وفيه صفات قيادية، والناس تحب هذه الشخصيات، وأظن أن كل اختيارات القراء في بص وطل- ما عدا أنا طبعا- قائمة على هذا الأساس.. ستجد هذا موجودا عند "عمرو خالد" لأن لديه القدرة على قيادة مجموعة من الناس..ولديه قدرة على التوجيه.. "نجيب ساويرس".. نفس الحكاية.. كاريزما.. ده راجل لو فتح بكرة مزرعة فراخ الناس كلها هتعمل زيه.. في المجال الاقتصادي "نجيب ساويرس" أيقونة.. ختم.. لما ظهرت إشاعة بأن "نجيب ساويرس" بيصفي أعماله وهيخرج من مصر.. كارثة.. وفيه كتير قرروا يعملوا زيه لو طلع الكلام صح ولسان حالهم بيقول "إذا كان "ساويرس" مشي يبقى احنا هنقعد نعمل إيه؟.
وعلى هذا ستجد كل الاختيارات الأخرى باستثناء اختيار "جمال الغيطاني" في المجال الأدبي متفوقا على "علاء الأسواني".. لكن هذا له تفسير بسيط.. "الأسواني" جريء إلى درجة تدفع البعض إلى كراهيته وخصوصا لدى المتدينين.. ولهذا مالوا إلى اختيار "الغيطاني" لأنه اسم معروف وآمن في نفس الوقت.. وهو اختيار يلجأ إليه الكثيرون.. حتى أنا.. يعني مثلا لو حد سألني "هل ترى أن مصر يجب أن تكون دولة إسلامية" ستكون إجابتي "نعم".. رغم أني عارف إن ده كارثة.. لكن تلقائيا سأقول نعم لأني بأحب الإسلام، خصوصا أنني نشأت في بيت يتنفس ثقافة.. بيت مليء بالتراب من كثرة الكتب والجرائد والمجلات.. وبالتالي كان من الصعب أن أكون مهندسا أو طبيبا.. خاصة إني كنت بأقرأ أي شيء يقع تحت يدي.. ووالدي لم يكن موجها فيما نقرأ وكان يترك لنا حرية الاختيار، وكان رحمه الله يراني أقل إخوتي في معدلات القراءة.. رغم أنني كنت "صاروخ" وأزعم أني قرأت أكثر من نصف مكتبة أبي.. قرأت كثيرا مثل "مقدمة ابن خلدون" أعمال "ديستوفسكي".. لوحات" جوجان" الموجودة في كتاب، وحسيت إني بعد ما أقرأ ممكن أكتب.. فكتبت.. بدون تأثر بـ"عماد أديب" أخي.. خاصة أن الفارق العمري بينه وبيني 9 سنوات فقط.. وهو فارق لا يجعل هناك تأثيرا وتأثرا..
ولهذا كتبت القصة القصيرة وفزت بجائزة "إحسان عبد القدوس" واللي سلمهالي أستاذ "يوسف إدريس" ونشرت مجموعة قصصية بعنوان "الغرق في كوب من الشاي" وكنت غاوي وحريف وقتها لكن توقفت عن الكتابة منذ 4 أو 5 سنين لأن التليفزيون بيسحب الكلمة والقلم.
بتحس بإيه وأنت طالع على التليفزيون وفيه كذا مليون بيشوفوك.. هل أنت مثل "عمرو خالد" تقدر تقول للناس اعملوا كذا فيعملوا؟
أقدر في حاجات وحاجات لأ.. لأن فيه حاجات الإطار المرجعي بتاع الناس صعب يتغير، احنا مثلا في ليلة القدر الماضية جمعنا 15 مليون جنيه والفلوس وصلت كلها لـمستشفى "وادي النيل" بالفعل لزرع كبد وكلى وأعمال أخرى وهو ما يعني أن الناس ترسل أموالا لناس لا تعرفها فهل يوجد تأثير أكثر من هذا؟
http://www.alhnuf.com/up/m1/a064566fe4.jpg (http://www.alhnuf.com/up)
لكن هل فشلت كصحفي؟
لا أظن ذلك.. أنا اشتغلت في أول مجلة قطاع خاص في مصر "كل الناس" وهي ناجحة حتى الآن ومن الناس اللي عملوا أول جريدة اقتصادية يومية في مصر "العالم اليوم" وأيضا ناجحة حتى الآن لكن تجربة كجريدة "البلد" لم تنجح مثلا لأني لم أستطع تمويلها جيدا.. وكان جورنال قبرصي ولكي يأتي من الخارج كان نصه بيتشال ومش بينزل في ميعاده لكن لو عملت جورنال النهارده هاعمله في مصر وهيشتغل لكن مفيش وقت لأنه صعب أتنازل عن جزء من القاهرة اليوم لصالح الصحافة المطبوعة، مفيش أجزاء دلوقت خلاص. كل يوم فيه 3 ساعات وأحيانا 3 ساعات ونصف على الهواء.
رغم أنك تبدو معارضا على الشاشة أحيانا كثيرة إلا أن هناك من يذهب للقول بأنك مسنود من أخيك "عماد الدين أديب" خصوصا بعد أن أجرى حوارا مع الرئيس "مبارك".. ده صحيح؟
أظن الفكرة دي لها مستويان أولا إن الناس أوقات كتير مابتصدقش إن ده ممكن يتقال فأول حاجة يتقال إنه مسنود، ثانيا التصنيف.. زمان لما كلموا "الخميني" عن "سلمان رشدي" وقالوا له اعفٌ عنه قال لهم "لقد انطلقت الرصاصة"! ولدينا في مصر نفس الفكرة.. خلاص فأنا بقيت مصنف فلو قلت لك "إبراهيم عيسى" أو "حسين فهمي" مثلا أكيد فيه في دماغك مدلول معين لكل واحد فيهم.
وأنا باقول لهم ياريت نتفق إن فيه واحد بيسموه "مجنون القرية" اللي ممكن يقول على العمدة كلام وحش بس العمدة نفسه عارف كده فياريت يتعاملوا معايا كده ونتفق، استفيد مني أو استغلني فأنا راجل عندي شوية مصداقية يعني ممكن مثلا نقول للناس ازاي تتعامل مع إنفلونزا الطيور ونشوف تجارب الأردن أو دبي وازاي ممكن نستفيد منها يعني استخدمني..
بتواجه ازاي الهجوم الشرس اللي عليك واللي أنت أطلقت عليه من قبل هجوم "الكلاب المنغولية"؟
قدامنا حل من اتنين إما ندخل بصدر كبير فنتقطع ونتشرد لأنها متدربة تدريب ازاي تمزقك إربا، واختيار آخر إنك طول ما أنت ماشي يهوهوا شوية فتضايقهم وتجري ودي العلاقة المفضلة لي. فيه فرق بين الإعلامي والمناضل وأنا لست مناضلا.. المناضل مثل "عرفات" و"خالد مشعل" والإخوان، مثل "عصام العريان" اللي مجهز شنطة هدومه ورا باب الشقة مستعد علطول، دي شغلته لكنها ليست شغلتي، أنا لا أستحمل يوم عندهم لكني أوصل لخط معين ثم أرجع عنده لأني فهمت أصول الحكاية.
فيه قضية فتحتها ثم جاءت لك أوامر بغلقها؟ وهل فيه حد حاولت تستضيفه وفشلت؟
في مصر لا تأتي أوامر لكن هناك نوع من الحوار اللي المفروض أي مواطن ذكي يفهمه إنما ماحصلتش معايا ولا مرة إنه "بلاش الموضوع ده "لأنه لو بلاش كانوا قفلوا البرنامج، بخصوص الضيوف دائما ما أحاول أستضيف بعضهم وتحدث معوقات تمنع هذا.. لكن أنا عندي رأي في الجزئية دي.. واحد زي "خالد مشعل" مش فاضي، تقوم أنت تقطع التذكرة وتروح جنب الباب وتستنى لغاية لما يفضى لازم تستناه، وبرضه واحد زي "حسام أبو الفتوح" مش بيكلم حد لازم تقعد عند المدعي الاشتراكي لغاية لما يخرج من عنده عشان تكلمه والناس تعاطفت مع "حسام أبو الفتوح" لأنه محبوب وابن ناس ويمكن لو واحد غيره كان مكانه مايتعاطفوش معاه.
http://www.alhnuf.com/up/m1/3962d8777b.jpg (http://www.alhnuf.com/up)
كان نفسك تعمل حوار مع الأستاذ "محمد حسنين هيكل" فلماذا لم يتم؟ وإيه هي مشروعاتك الحوارية التانية؟
أستاذ "هيكل" لازم تتعب معاه شوية وتاخد وقت وتروح تزوره وتتكلم معاه كتير وده بيبقى مفيد، فالقضية مش إنه ييجي لكن الكارثة لو جاء البرنامج وبقى معاك أعظم حاجة في الدنيا هتعمل إيه بقى؟ أستاذ "هيكل" مش زي أي حد تاني تسأله سؤال يقولك آه أو لأ واوعى تفتكر إنه لو اتكلم وبتكمل له الكلام إن كلامك هيبقى صح، أستاذ "هيكل" له تكنيك خاص ولازم تفهم إن فيه حاجات في الحياة لازم تتعب فيها يعني "خالد مشعل" اشتغلت عليه 3 أيام علشان ساعة واحدة بس لازم تتعب.
أنا رأيي إن أوقات كتير مقابلات باعملها مع ناس مش لازم يبقى الغرض منها إنها تطلع على الهوا، فأي إعلامي متخيل إن شغله كله لازم يبقى مع ناس عشان يطلعوا على الهوا تبقى كارثة، أنا مثلا لما قعدت مع أستاذ "هيكل" ومع الرئيس -سافرت معاه مرتين مرة نيجيريا ومرة الكويت- دي مقابلات ماطلعتش على الهوا، إنما لما جت لحظة معينة كنت أنا الوحيد اللي عارف رأي الرئيس في "هيكل" ورأي "هيكل" في الرئيس لأن الاثنين قالوا لي الرأي ده.
http://www.alhnuf.com/up/m1/d11f7b48e2.jpg (http://www.alhnuf.com/up)
فعلنا معه كل ما يمكن وصفه بـ"الموبقات الصحفية"، تأخرنا عن الميعاد المتفق عليه نصف ساعة كاملة- المواصلات والله!-، تكلم اثنان منا في التليفون المحمول أثناء إجراء الحوار معه وكأن كل واحد منا "بيزنس مان كبير" هتروح عليه الصفعة- مش الصفقة- لو لم يرد على الهاتف، وكمان طولنا معه في القعدة أكثر من الوقت المتفق عليه!
لكنه رغم كل ذلك كان كريما جدا، وعزمنا جميعا على شوب "عصير يوسفي" معتبر ذي مذاق مميز يبقى طويلا، ثم فتح قلبه، وانطلق بطريقته المعتادة اللذيذة الحبوبة في الكلام بخفة دم واضحة ممزوجة برائحة الأناناس والتفاح.. الشيشة يعني حضرتك.. وهكذا كانت البداية..
كيف تنظر لقيام قراء "بص وطل" باختيارك كأفضل إعلامي رغم أن برنامجك يبث عبر قناة مشفرة؟
الثقة لا تبنى بين البرنامج والمشاهد في لحظة، احنا بقالنا 10 سنين
بنشتغل، قدرنا فيهم كل يوم نحوز ثقة الناس، يعني احنا دلوقت لو طلعنا وقلنا إن مصر هينزل فيها بكرة تلج، هيصدقوا ده، الكلمة بقى لها وزنها،
ويمكن يكون هو ده السبب، احنا بقالنا 10 سنين كل يوم 3 ساعات، يعني أنت لو بتشرّب حد حاجة لازم هتوصله للمرحلة دي، رقم 2 المصداقية، خد بالك القاهرة اليوم مشفر آه، لكني دوما أقول لو كانت الناس كلها بتتفرج على التليفزيون المصري فاسأل نفسك وهو التليفزيون المصري بيتفرج على مين؟، هذه مسألة مهمة جدا، لو تلاحظوا مثلا إنه بعد ما برامج التوك شو زادت أنا مابقيتش أطلع أتكلم على اللي حصل النهارده، لأن ده هتلاقيه في كل حتة، مابقتش أهتم بـ"إيه حصل النهارده" ولكني أهتم بـ"ليه ده حصل النهارده".
احنا دارسين في الإعلام إن هناك أسئلة نحاول الوصول إلى إجابة عنها زي "ماذا" ودي خلاص بقت معروفة، يبقى "لماذا" و"كيف" علشان كده شكل الخبر في القاهرة اليوم دايما مختلف وكمان أنا بأعمل الحاجة اللي المفروض مفيش أي مذيع يعملها.. أن تقول رأيك! يعني أنا لو أقوم بالتدريس في كلية الإعلام أول حاجة هأقولها "يا ولاد ماتعملوش زيي"!
http://www.alhnuf.com/up/m1/5a8fe4ba4a.jpg
لكن لأن فيه وطن محتاج إلى كثير من الدعم وتفتيح الدماغ ورفع السقف مضطر أعمل كده، يعني فيه كتير من زملائي – مع احترامي لهم جميعا- أزعم أنهم استفادوا من السقف اللي احنا عليناه، احنا كنا جايين في شقة علو سقفها متر، هم دلوقت قاعدين في علو سقف زي الشقق الموجودة في الشانزليزيه، حاجة زي اختراع البيتزا، فيه حد جه في أول الشارع وعمل بيتزا، فجه ناس بعده وعملوا بيتزا، خلاص أنت عارف البيتزا يعني إيه.. مش هنحكي لك، علشان كده الناس بتصدقنا حتى أعداؤنا، يعني روزاليوسف مثلا - فيها ناس بتكرهنا جدا- كتبت أن القاهرة اليوم من أكثر البرامج اللي الناس بتتفرج عليها، رغم أننا بنذاع على قناة مشفرة على عكس باقي القنوات الأخرى، والناس بتدفع فلوس علشان تشوفنا، لكن ده مش سهل، خصوصا أن كل حلقة بنعملها كأنها حلقة أخيرة فلازم نشتغل كويس قوي.
يعني الأسبوع اللي قبل اللي فات كان عندنا خبطتين يخلوا أي حد يقعد يتفرج علينا، كنا عاملين حوار مع "حسام أبو الفتوح" وحوار مع "خالد مشعل"، والناس مابترحمش لو فيه حلقة ولا فقرة حتى مش عاجبهم يقلبوا عليك الدنيا، لأن غلطة الشاطر بألف، وعشان كده بأحسد زميلي اللي بيعمل برنامج عن الآثار الإسلامية لأنه بيقول كام معلومة ويروح ينام قرير العين لا أنت زعلان منه ولا هو زعلان من حد ولا أي حاجة!
http://www.alhnuf.com/up/m1/af2741688b.jpg (http://www.alhnuf.com/up)
لكن الإعلامي "محمود سعد" قال في حوار أجريناه معه منذ فترة أن سقف الحرية الذي يتمتع به القاهرة اليوم كبير لأنه يبث عبر قناة سعودية وبالتالي يمكن أن ينتقد الحكومة المصرية.. تعليقك؟
أنا مواطن مصري أعمل في برنامج اسمه القاهرة اليوم يبث على قناة تمويلها سعودي، ومع ذلك كنت أول برنامج استضاف الطفل الذي هاجمته كلاب الأمير "ترك" وهو واحد من أفراد العائلة الحاكمة، لما كان الموضوع به علاقة بمصر اشتغلت عليه، لكن إيه الفكرة في إني أتكلم عن نظام الحكم في السعودية؟ دي مش شغلتي ولا أعرف حتى عدد الأمراء في السعودية أو نظام الحكم هناك، ثم هل السعودية مثل مصر؟ وهل يصح أن تطالبني وأنت إعلامي مصري بأن أتحدث وكأني في السعودية أوالبحرين أو قطر؟ هذه دول تعيش مرحلة ما قبل الثورة في مصر، يعني أمامها مشوار كبير في التطور، ثم هل كان سقف القاهرة اليوم عندما بدأ زي النهارده؟ ده وقتها لو كنت هاجمت محافظ كانت تبقى مشكلة.. لكن بدأنا وطورنا في هذا السقف ودخلنا في قضايا وتحقيقات ونيابة، يعني القصد هو بلاش فكرة إن تحرير العالم العربي يبدأ من القدس، لأ.. تحرير العالم العربي يبدأ من مصر.
بمناسبة التحرير.. ما قصة استبعاد "بلال فضل" من التقديم في القاهرة اليوم.. رغم أن الأوربت قناة غير مصرية.. يعني براحتها تجيب مين وما تجبش مين؟
احنا مش في جينيف، دي بلد فيها نظام وفيها أجهزة وعداوات ومصالح، وفيها نظام له طلبات وقوة معينة، كل شيء مش سهل، احنا رشحنا "بلال فضل" إنه يشتغل معانا بعد رحيل "خيري رمضان" وكنا شايفينه كويس جدا، لكن السلطات المصرية قالت لنا "بلال فضل" مرفوض شكلا وموضوعا، واحنا مش بالقوة التي تجعلنا نقف قدام القطر، خاصة إن استوديوهاتنا موجودة في المنطقة الحرة الإعلامية الموجودة في مصر ونبث على القمر الصناعي المصري النايل سات، وهو ما يعني أن وجودنا على الأرض وفي الفضاء مصري، فلازم الواحد يكون "عاقل" وفاهم الحياة ماشية إزاي.
http://www.alhnuf.com/up/m1/6cce21a253.jpg (http://www.alhnuf.com/up)
فيه حلقات بتقول بينك وبينك نفسك قبل ما تطلع ع الهوا "ربنا يعديها على خير"؟
بخاف من الحلقات المتوقع لها النجاح، فمثلا حلقة الواحد معاه فيها "حسام أبو الفتوح" ..دي ماتنفعش ما تنجحش.. مع إن البعض بيعتبرها سهلة.. لكن العكس.. لو فشلت هتبقى فضيحة.. لأنها زي الكورة معدية قدامك كده على خط المرمى ومش عارف تجيبها جول؟ لكن الحالات العادية من نوعية أن حد هيزود في الكلام مثلا.. دي خلاص خدنا عليها.
طب نعود إلى اختيارات قراء بص وطل في الاستفتاء.. "عمرو موسى".. "عمرو خالد".. "نجيب ساويرس".. "إبراهيم عيسى".. تعليقك عليها إيه؟
"عمرو موسى" له كاريزما وشكله زعيم وفيه صفات قيادية، والناس تحب هذه الشخصيات، وأظن أن كل اختيارات القراء في بص وطل- ما عدا أنا طبعا- قائمة على هذا الأساس.. ستجد هذا موجودا عند "عمرو خالد" لأن لديه القدرة على قيادة مجموعة من الناس..ولديه قدرة على التوجيه.. "نجيب ساويرس".. نفس الحكاية.. كاريزما.. ده راجل لو فتح بكرة مزرعة فراخ الناس كلها هتعمل زيه.. في المجال الاقتصادي "نجيب ساويرس" أيقونة.. ختم.. لما ظهرت إشاعة بأن "نجيب ساويرس" بيصفي أعماله وهيخرج من مصر.. كارثة.. وفيه كتير قرروا يعملوا زيه لو طلع الكلام صح ولسان حالهم بيقول "إذا كان "ساويرس" مشي يبقى احنا هنقعد نعمل إيه؟.
وعلى هذا ستجد كل الاختيارات الأخرى باستثناء اختيار "جمال الغيطاني" في المجال الأدبي متفوقا على "علاء الأسواني".. لكن هذا له تفسير بسيط.. "الأسواني" جريء إلى درجة تدفع البعض إلى كراهيته وخصوصا لدى المتدينين.. ولهذا مالوا إلى اختيار "الغيطاني" لأنه اسم معروف وآمن في نفس الوقت.. وهو اختيار يلجأ إليه الكثيرون.. حتى أنا.. يعني مثلا لو حد سألني "هل ترى أن مصر يجب أن تكون دولة إسلامية" ستكون إجابتي "نعم".. رغم أني عارف إن ده كارثة.. لكن تلقائيا سأقول نعم لأني بأحب الإسلام، خصوصا أنني نشأت في بيت يتنفس ثقافة.. بيت مليء بالتراب من كثرة الكتب والجرائد والمجلات.. وبالتالي كان من الصعب أن أكون مهندسا أو طبيبا.. خاصة إني كنت بأقرأ أي شيء يقع تحت يدي.. ووالدي لم يكن موجها فيما نقرأ وكان يترك لنا حرية الاختيار، وكان رحمه الله يراني أقل إخوتي في معدلات القراءة.. رغم أنني كنت "صاروخ" وأزعم أني قرأت أكثر من نصف مكتبة أبي.. قرأت كثيرا مثل "مقدمة ابن خلدون" أعمال "ديستوفسكي".. لوحات" جوجان" الموجودة في كتاب، وحسيت إني بعد ما أقرأ ممكن أكتب.. فكتبت.. بدون تأثر بـ"عماد أديب" أخي.. خاصة أن الفارق العمري بينه وبيني 9 سنوات فقط.. وهو فارق لا يجعل هناك تأثيرا وتأثرا..
ولهذا كتبت القصة القصيرة وفزت بجائزة "إحسان عبد القدوس" واللي سلمهالي أستاذ "يوسف إدريس" ونشرت مجموعة قصصية بعنوان "الغرق في كوب من الشاي" وكنت غاوي وحريف وقتها لكن توقفت عن الكتابة منذ 4 أو 5 سنين لأن التليفزيون بيسحب الكلمة والقلم.
بتحس بإيه وأنت طالع على التليفزيون وفيه كذا مليون بيشوفوك.. هل أنت مثل "عمرو خالد" تقدر تقول للناس اعملوا كذا فيعملوا؟
أقدر في حاجات وحاجات لأ.. لأن فيه حاجات الإطار المرجعي بتاع الناس صعب يتغير، احنا مثلا في ليلة القدر الماضية جمعنا 15 مليون جنيه والفلوس وصلت كلها لـمستشفى "وادي النيل" بالفعل لزرع كبد وكلى وأعمال أخرى وهو ما يعني أن الناس ترسل أموالا لناس لا تعرفها فهل يوجد تأثير أكثر من هذا؟
http://www.alhnuf.com/up/m1/a064566fe4.jpg (http://www.alhnuf.com/up)
لكن هل فشلت كصحفي؟
لا أظن ذلك.. أنا اشتغلت في أول مجلة قطاع خاص في مصر "كل الناس" وهي ناجحة حتى الآن ومن الناس اللي عملوا أول جريدة اقتصادية يومية في مصر "العالم اليوم" وأيضا ناجحة حتى الآن لكن تجربة كجريدة "البلد" لم تنجح مثلا لأني لم أستطع تمويلها جيدا.. وكان جورنال قبرصي ولكي يأتي من الخارج كان نصه بيتشال ومش بينزل في ميعاده لكن لو عملت جورنال النهارده هاعمله في مصر وهيشتغل لكن مفيش وقت لأنه صعب أتنازل عن جزء من القاهرة اليوم لصالح الصحافة المطبوعة، مفيش أجزاء دلوقت خلاص. كل يوم فيه 3 ساعات وأحيانا 3 ساعات ونصف على الهواء.
رغم أنك تبدو معارضا على الشاشة أحيانا كثيرة إلا أن هناك من يذهب للقول بأنك مسنود من أخيك "عماد الدين أديب" خصوصا بعد أن أجرى حوارا مع الرئيس "مبارك".. ده صحيح؟
أظن الفكرة دي لها مستويان أولا إن الناس أوقات كتير مابتصدقش إن ده ممكن يتقال فأول حاجة يتقال إنه مسنود، ثانيا التصنيف.. زمان لما كلموا "الخميني" عن "سلمان رشدي" وقالوا له اعفٌ عنه قال لهم "لقد انطلقت الرصاصة"! ولدينا في مصر نفس الفكرة.. خلاص فأنا بقيت مصنف فلو قلت لك "إبراهيم عيسى" أو "حسين فهمي" مثلا أكيد فيه في دماغك مدلول معين لكل واحد فيهم.
وأنا باقول لهم ياريت نتفق إن فيه واحد بيسموه "مجنون القرية" اللي ممكن يقول على العمدة كلام وحش بس العمدة نفسه عارف كده فياريت يتعاملوا معايا كده ونتفق، استفيد مني أو استغلني فأنا راجل عندي شوية مصداقية يعني ممكن مثلا نقول للناس ازاي تتعامل مع إنفلونزا الطيور ونشوف تجارب الأردن أو دبي وازاي ممكن نستفيد منها يعني استخدمني..
بتواجه ازاي الهجوم الشرس اللي عليك واللي أنت أطلقت عليه من قبل هجوم "الكلاب المنغولية"؟
قدامنا حل من اتنين إما ندخل بصدر كبير فنتقطع ونتشرد لأنها متدربة تدريب ازاي تمزقك إربا، واختيار آخر إنك طول ما أنت ماشي يهوهوا شوية فتضايقهم وتجري ودي العلاقة المفضلة لي. فيه فرق بين الإعلامي والمناضل وأنا لست مناضلا.. المناضل مثل "عرفات" و"خالد مشعل" والإخوان، مثل "عصام العريان" اللي مجهز شنطة هدومه ورا باب الشقة مستعد علطول، دي شغلته لكنها ليست شغلتي، أنا لا أستحمل يوم عندهم لكني أوصل لخط معين ثم أرجع عنده لأني فهمت أصول الحكاية.
فيه قضية فتحتها ثم جاءت لك أوامر بغلقها؟ وهل فيه حد حاولت تستضيفه وفشلت؟
في مصر لا تأتي أوامر لكن هناك نوع من الحوار اللي المفروض أي مواطن ذكي يفهمه إنما ماحصلتش معايا ولا مرة إنه "بلاش الموضوع ده "لأنه لو بلاش كانوا قفلوا البرنامج، بخصوص الضيوف دائما ما أحاول أستضيف بعضهم وتحدث معوقات تمنع هذا.. لكن أنا عندي رأي في الجزئية دي.. واحد زي "خالد مشعل" مش فاضي، تقوم أنت تقطع التذكرة وتروح جنب الباب وتستنى لغاية لما يفضى لازم تستناه، وبرضه واحد زي "حسام أبو الفتوح" مش بيكلم حد لازم تقعد عند المدعي الاشتراكي لغاية لما يخرج من عنده عشان تكلمه والناس تعاطفت مع "حسام أبو الفتوح" لأنه محبوب وابن ناس ويمكن لو واحد غيره كان مكانه مايتعاطفوش معاه.
http://www.alhnuf.com/up/m1/3962d8777b.jpg (http://www.alhnuf.com/up)
كان نفسك تعمل حوار مع الأستاذ "محمد حسنين هيكل" فلماذا لم يتم؟ وإيه هي مشروعاتك الحوارية التانية؟
أستاذ "هيكل" لازم تتعب معاه شوية وتاخد وقت وتروح تزوره وتتكلم معاه كتير وده بيبقى مفيد، فالقضية مش إنه ييجي لكن الكارثة لو جاء البرنامج وبقى معاك أعظم حاجة في الدنيا هتعمل إيه بقى؟ أستاذ "هيكل" مش زي أي حد تاني تسأله سؤال يقولك آه أو لأ واوعى تفتكر إنه لو اتكلم وبتكمل له الكلام إن كلامك هيبقى صح، أستاذ "هيكل" له تكنيك خاص ولازم تفهم إن فيه حاجات في الحياة لازم تتعب فيها يعني "خالد مشعل" اشتغلت عليه 3 أيام علشان ساعة واحدة بس لازم تتعب.
أنا رأيي إن أوقات كتير مقابلات باعملها مع ناس مش لازم يبقى الغرض منها إنها تطلع على الهوا، فأي إعلامي متخيل إن شغله كله لازم يبقى مع ناس عشان يطلعوا على الهوا تبقى كارثة، أنا مثلا لما قعدت مع أستاذ "هيكل" ومع الرئيس -سافرت معاه مرتين مرة نيجيريا ومرة الكويت- دي مقابلات ماطلعتش على الهوا، إنما لما جت لحظة معينة كنت أنا الوحيد اللي عارف رأي الرئيس في "هيكل" ورأي "هيكل" في الرئيس لأن الاثنين قالوا لي الرأي ده.