ليه أحمد موسي مش محبوب بالشكل الكافي -موضوع للمناقشة-؟

[Mohamed Kareem]

http://img.youtube.com/vi/I1TCfwYhERE/default.jpg

الأستاذ أحمد موسي انا عايز اعرف لية بلاقي ناس تعليقاتها سواء هنا او علي الفايس بوك أو من مشاهدين البرنامج وأتصلاتهم مش بتحبة ودايما شايفاه منحاز للداخلية لدرجة انا فاكر مكالمة كانت قريب يوم حلقة راس السنة واحد أتصل وقال امتي هنشوف احمد موسي وزير للداخلية الجميع خدها بضحك وقتها بس الجملة ليها معني تاني للاسف محدش فهمة وقتها او اتفهم بس محدش قال تفسيرها الحقيقي وهي ان احمد موسي المفروض يبقي وزير للداخلية من كتر كلامة عليهم طبعا الكلام دا انا رافضة تماما ..لانه ياجماعة الاستاذ احمد موسي مش من الناس اللى تطبل للداخلية او غيرها لانة في رأى من الناس المحترمين صاحب رأى جاد وواضح وليه تأثير مهم في البرنامج وبعدين مركزة كمان في الاهرام وطبيعة شغلة عندما كان محرر الحوادث بتجبرنا نشوف جانب اخر منة وهي كفاءتة في الحصول علي الأخبار من مصادرها وعلاقاتة الكبيرة مع مناصب كبيرة في الداخلية وبعدين ماهو انت لازم يكونلك حد في الداخلية عشان تجيب الأخبار ولو في تعقيب من الداخلية تدخل وترد وانا لاحظت مناصب كبيرة في وزارة الداخلية عارفة احمد موسي شخصيا يعني الراجل دا وجودة في البرنامج مهم لانه زي الميزان مابين عمرو ووزارة الداخلية لاني اعتقد عدم وجود احمد موسي ممكن يسبب مشاكل كبيرة لعمروأديب وبرنامج القاهرة اليوم مع الداخلية ودي أأقل حاجة تنزل تقفل محطة أوربت دي خالص لكن وجود احمد موسي عامل نوع من انواع الحماية للبرنامج من تصرف زي دا عشان كدا انا الراجل دا بحترمة جدا وبحترم أرائة المعتدلة لانه مش لازم يشتم في الداخلية والظباط عشان نحبة .. وعالفكرة اوقات كتيرة بينقد وزارة الداخلية وفي النهاية ممكن يكون الاستاذ احمد موسي بيقدم وجهة نظر مختلفة في البرنامج وهي وجهة نظر احيانا بتميل لكفة الحكومة لكن في النهاية الراجل دا ياجماعة وجودة مهم في البرنامج شخصية وثقافة وفوق كل دا أنسان جدير بالاحترام وعمري ماشوفتة أتكلم عن حد بكره او بتريقة سخيفة زي مابنشوف مثلا مع واحد زي معتز الدمرداش.
:bstwish:

[drnemrr]

أنا واحد من الناس اللي كانت واخد فكرة سيئة جدا عنه أيام ما كنت متحمس لكل ماهو معارضة. بس بدأت أغير الفكرة دي من سنة ونص تقريبا وبدأت أدرك أن المعارضة والاخوان مش دايما على حق بل دول أحيانا بيتاجروا بهمومنا. أحمد موسى من الشخصيات المحترمة اللي عندما ترى الصح فين بتقف معاه سواء كان حكومة أو معارضة ويمكن كمان علشان هو موضوعي في حواراته مابيعجبش ناس كتير الناس اللي اتعودت على نظام الزعيق والشوشرة وبالنسبة لموضوع الشرطة مش من مصلحة أحد أنه يصور الشرطة بأنها شيطان لايرحم ياجماعة الكلام ده مش صحيح تماما والصح أنه مع كل التجاوزات أنا عن نفسي(كعينة من الشعب) ما شوفتش في تعاملي معاهم الا كل خير والله على ما أقول شهيدوعموما موضوع موفق يا محمد

[TITO2M]

اصل الناس عايزة اللي يفضل يقول لأ على اي حاجة احمد موسى شخص محترم جدا وبيقول كلام بحس انه بيحاول يكون متزن في ارائه والمشكلة كمان في قله محبيه انه مش بيهزر زي عمرو وخيري طبعا ده مش عيب بس في ناس بتشوف انه كده بيكون دمه تقيل
وشكرا يا محمد على الموضوع

[tarkieb]

السبب انه مش حليوة ذى خيري

واكبر من خيرى في السن
كل يوم نسمع احتجاجات المعجبات المصدومات الحزينات
ليه كده ياخيري ما كانش العشم
وليه تصحيني في وسط الجنة في نار

[Action.Z]

بالعكس أحمد موسى من الناس اللى بحترم دماغهم و بتعجبنى طريقتة فى الحوار و طرح القضايا
شكرا يا محمد على الموضوع

[semsema]

السبب انه مش حليوة ذى خيري



واكبر من خيرى في السن
كل يوم نسمع احتجاجات المعجبات المصدومات الحزينات
ليه كده ياخيري ما كانش العشم

وليه تصحيني في وسط الجنة في نار

انا معاك انه مش حليوة زى خيرى لان اصلا مفيش حد زى خيرى بس هو مش اكبر منه هو قده بالظبط فى السن لانهم كانوا فى الجامعه مع بعض
وبعدين احمد موسى اللى مخليه مش واصل للناس اوى يعنى انه مش بيضحك وكدة ولا بيحسس الناس انه منهم لا هو دايما بيتكلم فى المواضيع السياسية البحتة يعنى وكانه مالوش غير فى السياسة وبس
لكن هو عموما يعنى انسان محترم جدا ومحدش يقدر يقول عليه اى كلمة مش حلوة

[فاطمة الزهراء]

ممكن اتكلم بكل صراحه , الحلقه اللى بيكون موجود فيها احمد موسى بتكون حلقه من العيار التقيل يعنى دفتر احوال مصر وهموم المصريين ومين سرق ؟؟ او نهب وهرب ؟؟؟ ومين ومين ؟؟؟ وفى ناس مش بتحب الكلام فى الموضوعات الجاده لكن عاوزين الحلقات كلها ضحك وهزار
اتكلم عن نفسى بكل صراحه فى البدايه كان احمد موسى مش كويس لكن دلوقتى انا اتمنى انه يقدم البرنامج مع عمرو كل يوم لانه انسان محترم ومثقف ويمكن يقرب من الناس اكتر واكتر وربنا يوفقه ودعائى له من اعماق قلبى انه يقرب للناس كمان وكمان لانه ان شاء الله هيكون محبوب جدا جدا

[AHMED-AMER]

بالعكس أحمد موسى من الناس اللى بحترم دماغهم و بتعجبنى طريقتة فى الحوار و طرح القضايا
شكرا يا محمد على الموضوع

عندك حق يااكشن وانا مطفق معاك في رايك
الراجل ده فعلا محترم جدا وكلامه تمام ومفيد


انا معاك انه مش حليوة زى خيرى لان اصلا مفيش حد زى خيرى بس هو مش اكبر منه هو قده بالظبط فى السن لانهم كانوا فى الجامعه مع بعض
وبعدين احمد موسى اللى مخليه مش واصل للناس اوى يعنى انه مش بيضحك وكدة ولا بيحسس الناس انه منهم لا هو دايما بيتكلم فى المواضيع السياسية البحتة يعنى وكانه مالوش غير فى السياسة وبس
لكن هو عموما يعنى انسان محترم جدا ومحدش يقدر يقول عليه اى كلمة مش حلوة

مش لازم يا سمسمه ان الواحد يبقى تافهه ويعد يضحك على الفاضي وع المليان
علشان يوصل للناس انا شايف انا الراجل ده بيتكلم بجد صحيح مبيتحكش
بس مش لدرجه انها توصل ان لما الانسان ميتحكش يقوم ميوصلش للناس
عفو للتدخل ولكن للتوضيح
شكرا يا كريم ع الموضوع

[eman]

طول عمري بشوفه محترم ....بس هو مش في لباقه عمرو و خيري و كتير بتكسف من الكلام في بعض المواضيع ...هي دي كل الحكايه

[hosseldesoky]

احمد موسى شخص محترم جدا وانا بحبه بصراحه وبالذات لما بيضحك على كلام عمرو او ميعرفش يجاوب عليه بيبقى دمه خفيف

[freska]

طول عمري بشوفه محترم ....بس هو مش في لباقه عمرو و خيري و كتير بتكسف من الكلام في بعض المواضيع ...هي دي كل الحكايه


انا معاكى يا ايمان

على فكرة انا كمان كنت مش بفضلة اوى........ بس الفترة اللى كان فيها فى الحج انا الحقيقة كنت مفتقضاة جدااااااااااااااااااااااااااااااااااااااااا .......بجد الراجل دة محترم جدا و ويعتبر اضافة هامة للبرنامج