خيري رمضان وأحقية تركة البرنامج

[ADEEBwbs]

في وجهة نظري المتواضعة خيري رمضان ترك البرنامج في وقت حرج ودا مش من حقة لان خيري بالشكل دا اهتم بمصلحتة الشخصية اهتمام بالغ بغض النظر عن القاهرة اليوم سبب سطوعة ونجاحة
مفيش حد يختلف علي خيري وأسلوبة ولكن خيري كان من الافضل ان يستمر في القاهرة اليوم وبالااخص ان البرنامج كان وضعه في مكانة اكبر من تقديم فقرة الصحافة التي لا تسمن من جوع
هل من وجهة نظر كل واحد خيري كان محق في تركة البرنامج في هذا الوقت ؟

[Nora Nasr]

يعني ايه توقيت حرج؟ حرج ليه؟

[ADEEBwbs]

حرج في فقرة الصحافة اللي حتي الأن لم يتم الاستقرار علي فرد لتقديمها
حرج في انه خلال أسبوع تم بأتخاذ قرار خروجة من البرنامج وقرار زي دا المفروض يتم عمل ترتيبات له حتي يمكن توفير شخص اخر بديل وخصوصا ان خيري وقبل اختفاءة من أسبوعين كان بيقدم أنترو البرنامج وفي الحالات اللى زي دي المفروض ان خيري يبعد شيئا فشيئا حتي لا يكون هناك رد فعل كبير لتركة البرنامج في خلال شهر واحد زي ماحصل هذا الشهر
حرج ان خيري وضع عمرو أديب في موقف غير لطيف ان عمرو عندما بدأ يعتمد علية في الانترو ويقدم معاه فقرات جديدة وزي الرأى والرأى الاخر وضرب النار يتخلي عنه بمنتهي البساطة غير مهتم بتلك الفقرات الناجحة هتتأثر او لا

[AshraF]

البرناامج مستمر ان شااء الله في نجاحاته
طبعاا وجود خيري إضاافه كبيره _ بس أكيد مصلحته أهم وأكيد عمرو أديب هيتداارك الموقف ده بسرعه

عموماا ربناا يوفقه

[AHMED-AMER]

حرج في فقرة الصحافة اللي حتي الأن لم يتم الاستقرار علي فرد لتقديمها
حرج في انه خلال أسبوع تم بأتخاذ قرار خروجة من البرنامج وقرار زي دا المفروض يتم عمل ترتيبات له حتي يمكن توفير شخص اخر بديل وخصوصا ان خيري وقبل اختفاءة من أسبوعين كان بيقدم أنترو البرنامج وفي الحالات اللى زي دي المفروض ان خيري يبعد شيئا فشيئا حتي لا يكون هناك رد فعل كبير لتركة البرنامج في خلال شهر واحد زي ماحصل هذا الشهر
حرج ان خيري وضع عمرو أديب في موقف غير لطيف ان عمرو عندما بدأ يعتمد علية في الانترو ويقدم معاه فقرات جديدة وزي الرأى والرأى الاخر وضرب النار يتخلي عنه بمنتهي البساطة غير مهتم بتلك الفقرات الناجحة هتتأثر او لا

:thumbs_up:
والله يا اديب ما سبتلي حاجه اقولها عندك حق يا ريس في كل حاجه فعلا رغم احترامي لخيري الا انه مفكرش غير في مصلحته بس وفعلا يا اديب ساب البرنامج في توقيت حرج جدا قبل حتى ما يقع الاختيار ع الشخص المناسب اللي هيحلل محاله ده ازاي كان شخص واحد احتمال يكونوا اكتر من شخص
موضوع جميل يا اديب وفي حركه جريئه منك انك تحط موضوع زي ده
شكرا يا مان
:bstwish:

[tarkieb]

حرج ولم يعد

داحال الدنيا لو دامت لغيرك ما جات لك
وجات لينا في حظنا الهباب .......

[TITO2M]

والله يا جماعة انا مش شايف فيها حاجة ده عقد واكيد هو ماسبش البرنامج فجأة اكيد كان في ترتيبات لكده:goodluck:ـ

[Nora Nasr]

هو فعلا خيري رمضان مبلغ إدارة القناة من اول ما تلقى عروض و من قبل ما يتفاوض عليها كمان...لكن هم ما جابوش حد يتثبت بداله...بس هو ما مشيش فجاة! و هو نفسة قال كده و قال ان عمرو دعمه في هدا القرار. و الوقت ده مش حرج ولا حاجة, فمانقدرش نقول انه فكر في مصلحته و ساب اللي يحصل يحصل. و لكن شخصيا انا كان نفسي خيري يستمر في القاهرة اليوم لانه هو من اول الناس اللي بداوا البرنامج ده و لم يكن الرجل الثاني زي ما ناس بتقول بل كان عنصر اساسي في نجاح البرنامج, قدر انه يثبت نجاحه كمديع فيه...و كمان لان البرنامج من غيره اصبح ممل لان مفيش حد يقدر يملا مكانه خالص!.....

[Hema]

الصراحه انا مش شايف انه غلطان
اكيد كل واحد بيفكر فى مصلحته اولا
وبعدين انا شايف انه مكسب لينا احنا ان خيرى يسيب القاهرة اليوم
اهو على الاقل عايقدم لنا برنامج فى مستوى القاهرة اليوم واستاذ خيرى من الشخصيات المحترمه فى اسلوبه وفى افكارة وكل شئ واكيد كلنا رغم حزننا انه ساب البرنامج بس هانتابع برنامجه الجديد

[فاطمة الزهراء]

على فكره انا اشك فى امر ترك خيرى للمحطه
انا اعتقد ان هناك شئ مختفى عنا جميعا ولا اعرف ما هو
ربنا يكرم خيرى فى اى مكان ويكرم عمور معانا فى البرنامج ويقدم حلقات ضرب نار كالمعتاد

[سندريلا]

لأ طبعا يا أديب خيري مش غلطان واحد وبيبحث عن مستقبله وحياته أيه الغلط في ده وكمان البرنامج مش وحش أوي كده وخلينا نكون صرحاء البرنامج أسمه عمرو أديب وعمرو هو الأساس وممكن أوي يعمل البرنامج لوحده ومش أتهز أوي ولا حاجة ربنا يوفك خيري لأنه أمتعنا كثيرا ويستاهل النجاح وأيضا يوفك عمرو لأنه سر نجاح القاهرة اليوم ويوفك اللي هيجي بداله في فقرة الصحافة لأننا بمرور الوقت هنقتنع به ونتمسك به كما فعلنا مع خيري
وبصراحة شديدة جدا مني أنا بتفرج علي البرنامج بس علشان عمرو أديب
شكرااا يا أديب وأسفة للأطالة

[eman]

استاذ خيري قال علي الفيس انه مبلغ القناه من ساعه ما جه له العرض


و اكيد تركه للبرنامج امر يخصه وحده ازاي بنسحب منه الحق ده......بالعكس انا شايفه انه عنده طموح.......طموح انه يبقي له برنامج باسمه......و اكيد هو يستحق ده لان في ناس اقل من كفاءه و شايله برامج المفروض انها كبيره......يبقي استاذ خيري يقف عند تقديم فقره الصحافه بس؟؟؟؟؟؟؟


البرنامج ده برنامج عمرو اديب و الشيء الوحيد اللي يهده هو خروج عمرو اديب.....اه خيري كان فارق بس ان شاء الله يعمل برنامج تاني ناجح و نتابع برنامجين بدل واحد

[Shaymaa_AdeeB]

عندك حق ياايمان ..وفعلا خيري أضاف للبرنامج والبرنامج كمان أضاف ليه كتير جداااا ... لكن اللي عايزة أقوله اني لاحظت بكلام عمرو بعد ما رجع البرنامج من أجازة العيد لما اتكلم عن ترك خيري رمضان للبرنامج قال مقدمة طويلة كده محستش انها مترتبة قوي 100% زي كل كلام عمرو وطريقته المنمقة ..وحسيت كمان ان عمرو بيوجه لخيري بطريقة غير مباشرة نوع من اللوم أو العتاب عشان اختار انه يسيب البرنامج بعد وجودههم مع بعض طول السنين اللي فاتت ووصول البرنامج للقاعدة العريضة دي من المشاهدين

لكن خيري زيه زي أي شخص من حقه يكون عنده طموح ويحقق أهدافه اللي بيحلم بيها

وربنا يوفقه والبرنامج باذن الله مستمر بنجاحه وتألقه برضو دايما باذن الله

شكراااا ياأديب

[freska]

على فكره انا اشك فى امر ترك خيرى للمحطه
انا اعتقد ان هناك شئ مختفى عنا جميعا ولا اعرف ما هو
ربنا يكرم خيرى فى اى مكان ويكرم عمور معانا فى البرنامج ويقدم حلقات ضرب نار كالمعتاد



انا كمان يا فاطمة حاسة زيك بالظبط

[semsema]

هو فى ايه ياجماعة اللى انتوا عاملينه ده كله
ما الراجل حر فى اختياره وبعدين مش هو قال انه اتعرض عليه عرض احسن
وبعدين هو بصراحة يعنى يشرف اى محطة يشتغل فيها لانه اضافة لاى مكان وبعدين ادينا شايفين ان البرنامج مش زى الاول من ساعة مامشى
وانا شايفة انه من حقه يكبر اكتر من كدة لاننا لما كنا بنقول برنامج القاهرة اليوم بنقول بتاع عمرو اديب وهو من حقه بكل الخبرات اللى عنده اننا نقول برنامج ساعة بساعة بتاع خيرى رمضان

[AHMED-AMER]

هو فى ايه ياجماعة اللى انتوا عاملينه ده كله
ما الراجل حر فى اختياره وبعدين مش هو قال انه اتعرض عليه عرض احسن
وبعدين هو بصراحة يعنى يشرف اى محطة يشتغل فيها لانه اضافة لاى مكان وبعدين ادينا شايفين ان البرنامج مش زى الاول من ساعة مامشى
وانا شايفة انه من حقه يكبر اكتر من كدة لاننا لما كنا بنقول برنامج القاهرة اليوم بنقول بتاع عمرو اديب وهو من حقه بكل الخبرات اللى عنده اننا نقول برنامج ساعة بساعة بتاع خيرى رمضان

مع احترامي لردك يا سمسمه بس اللي عمل خيري هو القاهره اليوم هو صحيح موهوب بس موهبه من غير فرصه ملهاش اي زلمه لان الفرصه هيا للي بتظهر الموهبه وتنميه
فانا شايف بكدا ان خيري اتخذ القاهره اليوم وسيله لشهرته بس مش اكتر
وده راي
عفوا للتدخل بس حبيت اوضح وجهه نظري

[semsema]

مع احترامي لردك يا سمسمه بس اللي عمل خيري هو القاهره اليوم هو صحيح موهوب بس موهبه من غير فرصه ملهاش اي زلمه لان الفرصه هيا للي بتظهر الموهبه وتنميه

فانا شايف بكدا ان خيري اتخذ القاهره اليوم وسيله لشهرته بس مش اكتر
وده راي
عفوا للتدخل بس حبيت اوضح وجهه نظري


مع احترامى لوجهة نظرك الا ان انا بختلف معاك فى كلامك لان خيرى رمضان عمل اللى اى حد ممكن يعمله يعنى وانا شايفه انه مخرجش على القانون ولا حاجة ومن حقه يبقاله برنامجه المستقل بيه ويخرج من تحت عباءة عمرو اديب اللى استمر فيها كتير وانا شايفه بردوا ان هو لو راح اى مكان حيضيف له الخبرة وحيقدر ينحج واظن اننا شوفنا لما عمرو كان بيغيب عن البرنامج كان خيرى بيعمل حلقة كويسة جدا

[AHMED-AMER]

مع احترامى لوجهة نظرك الا ان انا بختلف معاك فى كلامك لان خيرى رمضان عمل اللى اى حد ممكن يعمله يعنى وانا شايفه انه مخرجش على القانون ولا حاجة ومن حقه يبقاله برنامجه المستقل بيه ويخرج من تحت عباءة عمرو اديب اللى استمر فيها كتير وانا شايفه بردوا ان هو لو راح اى مكان حيضيف له الخبرة وحيقدر ينحج واظن اننا شوفنا لما عمرو كان بيغيب عن البرنامج كان خيرى بيعمل حلقة كويسة جدا

مع احترامي ليكي ولوجهه نظرك انا مش معترض على ان خيري يسيب البرنامج بس مهو ان البرنامج بتاع عمرو اديب من الاول ولا هو فجأه كدا لاء نفسه بيقدم مع عمرو وهو مش عارف:D
لو هو فعلا موهوب زي ما بتقولي ومن حقه يبقى ليه برنامج لوحده كان بدا لوحده من البدايه وكان ضاف الخبرات اللي عنده بس هو بدا مع القاهره اليوم علشان يكتسب منها الخبرات وبعدين يعمله برنامج تاني;)
يعني من الاخر خيري لما هيضيف للبرنامج الاخر هيضيف الخبرات اللي اكتسبها من القاهره اليوم
وشكرا