بتحب عمرو امتي بجد من قلبك ؟ادخل وانا أقولك

[Mohamed Kareem]

خلينا الأول نتفق اننا كلنا بنحب عمروأديب في كل الاوقات .. بس في أوقات معينة بتخليك تحترمة جدا وبتحس ان الراجل دا يستاهل انه يتحب بجد ويستحق حبنا واحترمنا لية
انا الاوقات دي ياجماعة بتخليني وانا بتفرج علي عمرو أقوول يااه الراجل دا لو مش موجود اية اللى كان ممكن يحصل .. انا فاكر كذا موقف لعمرو روعة بجد
هتكلم النهاردة علي موقفة من الراجل اللى وقع علية العمود في بلدي طنطا عامل بسيط وقع عمود الكهرباء علية والناس كلها افتكرت انه مات بس الراجل الحمد لله انكتب له عمر جديد وعاش وعمرو وقتها قال الراجل دا لازم نجيبة تاني يوم عالطول كان عمرو بيكلمة في التليفون
وقعد يهزر معاه ويقولة ادولك كام وعمرو كانت بيضرب كف علي كف والراجل بيقولة ادولي 100 جنية خصموا منهم 25 جنية يعني في الاخر اخد الراجل 75جنية
والراجل قال انه بيجيب بس مضادات حيوية ب 85 جنية واهالي الحي بيسعدوة متتصوروش عمرو منظرة كان عامل ازاى .. شوفوا نظرة عمرة ياجماعة
http://img207.imageshack.us/img207/4893/ssox8.jpg

عمرو وكما توقعت قاله انت مش عايز اى حاجة ؟؟ انا كنت متاكد الراجل دا لو كان طلب مليون جنية عمرو كان هيجيبهملة بس الراجل قاله الحمد لله انا عايش وراضي عمرو راح قايلة والله انت راجل جدع ومحترم وخيري كان وقتها موجود وقالة انت اولادك بيشتغلوا ايه ؟ قالوا عندي اتنين واحد لسة صغير وواحد مخلص دبلوم
عمرو راح داخل وقايلة اللى في دبلوم دا عايزة يشتغل ؟ الراجل ببساطة قاله اه
عمرو قاله كلمة واحدة احنا هنشغلهولك عشان انت راجل جدع متتخيلوش فرحة الراجل كانت عاملة ازاى .. فرحة راجل بسيط زي دا بالدنيا كلها والله انا لحد دلوقتي بفتكر سعادة الراجل اللى كانت واضحة في التليفون .

انا حقيقي عايز أقول ومن قلبي بجد الموقع دا اتعمل عشان الراجل دا عشان اللي ميعرفش يعرف مين عمرو أديب وشاشتة اللي بيظهرلنا منها "القاهرة اليوم"
عمرو أديب مش اللى بيهزر او اللى تتفرج علية عشان تضحك عمرو أديب الحقيقي اللى لو اتظلمت هيجيبلك حقك لو في مشكلة بجد وقولتله مش هيقولك كلمة الاعلاميين المشهورة احنا عرضنا القضية وحركنا المياه الراكدة والباقي علي ربنا لا بيفضل معاك ووراك لحد مايخدلك حقك وان شاء الله مواقف عمرو اللى زي دي كتير ولينا لقاءات مع بعض تانية

[freska]

واللهى يا كيموز عندك حق

....... البلد فيها مشاكل كتير وناس بيروح حقها أكتر

اللهم لا راد لقضائك

وشكراً ليك

[فاطمة الزهراء]

تسلم على موضوعك يا محمد وفى حلقات ليلة القدر سواء مع الشيخ خالد الجندى او فى العام الماضى مع الداعيه عمرو خالد بتكون حلقه تخليك تحب عمرو اديب بجد
وكمان لما حد بيكون محتاج مساعده وعن طريق البرنامج بيظهر حد يقدر يساعد اللى محتاج واتذكر فى احدى الحلقات الطفله اللى كانت محناجه تسافر السعوديه لاجراء جراحه عاجله وتمت كل حاجه بسرعه غير عاديه لكن القدر كان له كلمه تانيه
حلقات كتيره وحاجات كتيره تخليك تقول انا بحب عمرو اديب من قلبى

[shadowhisper]

جميل .. جميل الموضوع ,, وكلامك
وأنا رأيى ان حب الشخصيه لا يتجزأ .. لان الجميل فى حاجه .. هيكون فيه جواه اكيد حاجات تانيه برضه جميله
شكرااااااااااااااا يا محمد .. موضوعك هايل

[AHMED-AMER]

موضوعك جامد يا كيموز تسلم يا مان والله كلام ما بعده كلام وكلام ساره بردوا انا بايده

[Mohamed Kareem]

شكرا ياجماعة علي ردودكم بس انا عايز لو حد فاكر موقف لعمرو اديب معين عملة ع الهوا مع حد
ياريت يقولة

[shadowhisper]

كان السنة الا فاتت زى الايام دى .. مظاهرات جامعة الازهر
الا مسكوا فيها كتير وكان أكتر الا ممسوكين فى خامسة وفى سادسه بشرى .. يعنى الا هما باقى على امتحانهم اسبوعين و10 ايام
فاكرة عمرو لما كان قاعد بيتكلم مع رئيس الجامعة ويقوله ,, ( ولادك .. أكسبهم انت .. وخدهم فى صفك
وحرام العيال دى مستقبلها هيضيع ) عمرو كان بيتحايل عليه انه يتنازل عن قرار الجامعة بفصلهم ويقوله عمرهم ومستقبلهم وامل أهلهم هيضيع .وكأن العيال دى ولاده هو , مش ولاد ناس تانيه
واتكلم على الهوا وناشد أمن الدولة انها تفرج عنهم بأى ضمانات او كفالات علشان يمتحنوا ,, وبعد كده يبقوا يعملوا معاهم الا كانوا عايزينه ..
عمرو يومها .. مكنش يتوصف , كلام عمرو وانه أد ايه حس بالموضوع .
وان الموضوع فعلا كان كارثة , من نواحى كتير
علشان كده .. أنا بحب عمرو أديب
شكرااااااااااااا يا محمد

[سندريلا]

شكرااا يا محمد علي الفكرة الحلوة أوي
الموقف اللي عجبني أوي لما أستضاف أول الثانوية العامة للمكفوفين وأذاي لما أتكلم عمرو وسرد ظروفه جاب عمرة وحج لوالدته وشقة وإمكانية علاج في أمريكا وعربية ومساعدات كتيرة وكمان عمرو وعده بشغل في أذاعة نجوم إ‘ف أم
لقعدت بجد مندهشة من اللي بيحصل عمرو قال لأم الولد لو أنتي أمي لطلعتك عمرة وفعلا كل الناس سمعت الكلام وسارعت في تقديم المساعدات عمرو كبر أوي في نظري وبجد بكيت وتأثرت جامد
شكراا مرة تانية يا كيموز

[Raghdaaa]

you r right mohamed

[savior]

انا شخصيا بحب عمرو اديب جدا جدا جدا واكثر مره حبيتو فيها لما كان يحكي عن انقطاع الماء لمده 11 يوم في مدينه البورولوس وان شاء الله اكون كتبتها صح لاني معرفهاش ..
وخاصه لما قال انه اكيد الحكومه حتقول انها مؤامره وبعدها بدقيقه تقريبا اتصل مراسل الاهرام عمرو سعده وقال يا جماعه مفيش حاجه بس طبعا الناس تم تحريضها من مجموعه ما وقبل ما يخلص الجمله تدخل عمرو اديب باستهزاء وحسيت بتلك اللحظه انه عمرو اديب انجرح وانقهر جدا جدا وهذا طبعا شعور رائع من مذيع اروع بحب الناس وخاصه المستضعفين في الارض والغلابه لانه اي انسان مع الغلابه حسب رايي يستحق حب الناس ... وطبعا في كثير حوادث منها الراجل تبع العامود اله ذكرها محمد كريم كانت حلقه مضحكه ومبكيه في ان واحد وطبعا هناك الكثير من المواقف التي احببته بها ومنها حلقه قلعه الكبش وحلقه المقام اليهودي اله اليهود بزورو بالاعياد وعن عدم مقدره الطلاب لدفع 150 جنينه للجامعه وعمرو اديب تكفل بالمبلغ والكثير الكثير الكثير

[Hema]

والله يا كريم كلامك جميل جدا
وهو دا فعلا اللى احنا بنحسه تجاه عمرو حبيبنا
وعمرى له موقف كتير نفتخر بيها ونفتخر ان احنا لينا حد بيخاف علينا وبيحل مشاكلنا
شكرا ليك على موضوعك الجميل

[eman]

ياااااااااااااااااااااااااااه المواقف كتير اوي يا محمد......


انا فاكره علي سبيل المثال و ليس الحصر

موقف الطفله فيروز

[drnemrr]

أكثر موقف جعلني أحترم عمرو لشجاعته يوم كان يتكلم عن أكثر وزير عاوزينه يمشي وطلب رأي الجمهور وكان رأي الأغلبية هو كمال الشازلي وكان يومها موقفه مشرف عندما حاول كمال الشازلي تح>يره وتخويفه ولكنه لقنه درس في الشجاعة

[beba]

عمرو اديب اتربى صح

[FahmyNZ]

we all love the man who love the people and love the roots of our culture and Amro know how to be greatful and graceful, amr adeeb in the 21st century is the voice of the people who need to be heard .we should be ready for the 21st technology but with care about the human and humanity ,Egypt is beautyful holy and amro you beautyful and keep going .always the truth wins.

[emona]

موضوع حلو اوي يا محمد
الموقف الي مش هنساة...يوم ماحصل الهجوم والضرب علي الجمهور المصري في السودان وعمرو فاضل قاعد يتابع علي الهوا اكنة مش بيذيع وكان واضح اوي انة في الفاصل بيعمل اتصالات وكدة ولما محمد فواد اتصل بية عمرو كان متأثر جدا لان فواد كان مرعوب علي ابنة وكان كل الي يتصل يقولة متقفلش هنديك رقم وعنوان تروح علي هناك وفضل يتابع حركة الطائرات والبوابات الي بتتفتح ويقول للناس انا بجد عمري ما هنسي الحلقة دي
وكمان يوم ما قرر يعمل حملة بنك الطعام بتاعة السيول واد اية الناس اتحمست من كلامةواتفاعلو وتاني يوم كان انهيار المساعدات علي 6 ميدان النافورة وطبعا الي اتفرجو علي الحلقات دي عمرهم ما هينسو العنوان دة من كتر ما عمرو حفظهولنا

[soma ramy]

كانت من احلى الحلقات و الله يمسيه بالخير خيرى رمضان كان دمه شربات . تحياتى لعمرو و لخيرى و الف شكر للى كتب الموضوع .

[angel_soul]

ياااااااااااااااااااااااااااه لو فضلت اقولك على مواقف الجدعنه بتعته هفضل احكى للسنه الجايه عمرو مفيش زيه بجد جدع وراجل وشهم وشجاع ومؤدب ومتربى من الاخر راجل مفيهوش غلطه ربنا يحميه ويرجعهولنا بالسلامه لانه وحشنى موت

[تامر عبد العزيز]

كل ده عشان واحد بيخاف علي بلدة وبيصلح فيها ومال عايزين اية هما عايزين واحد يحب الفساد