لو أنت صحفي هتسأل عمرو أديب في أيه؟

[سندريلا]

تخيل نفسك صحفي في أحد المجلات معارضةأو حكومة مش مهم وأتيحت لك الفرصة لعمل حوار مع عمرو أديب
هتقول له أيه؟
وهتسأله في أيه؟
فكر معايه وأختار الأسئلة اللي ممكن تقولها ليه
وكمان ممكن لأي حد يتقمص دور عمرو ويرد علي أي سؤال يتقال بشرط يكون متأكد من الأجابة
يارب الفكرة تعجبكوا وتشاركوا معاية
:bstwish:


http://img301.imageshack.us/img301/4976/snapshot72jg5.jpg

[AHMED-AMER]

فكره جميله فعلا يا سندريلا بس للاسف الفكره دي اتنفزت قبل
وقامت بيها فريسكا:D
وده لينك الموضوع لو تحبي تشاركي فيه
ALQAHERAALYOUM.NET (http://www.alqaheraalyoum.net/forums/showthread.php?t=3739)

[Romioo]

انا هقولة ياعمرو انت لية مصمم علي فقرة أسالو رجاء أسبوعيا فقرة ثابتة ؟

[masrya_awy]

عشان فقره ناجحه و ليها جمهور كتير و مش في مصر بس لكن من كل الدول العربيه

[سندريلا]

فكره جميله فعلا يا سندريلا بس للاسف الفكره دي اتنفزت قبل

وقامت بيها فريسكا:D
وده لينك الموضوع لو تحبي تشاركي فيه
ALQAHERAALYOUM.NET (http://www.alqaheraalyoum.net/forums/showthread.php?t=3739)

أولا شكراا يا أحمد علي رأيك وكل سنة وأنت طيب
بس الموضوع ده غير التاني الموضوع الأول عايز تقول له أيه كلام عادي مش شرط أسئلة
أما الموضوع الحالي بتسأل عمرو كالصحفي بعض الأسئلة عن حياته عن شغله عن ميوله أسئلة يس وقلت كمان أن أي حد يعرف الأجابة عن الأسئلة يجاوب هو عن الأسئلة
أتمني تكون فهمت قصدي يا أحمد وشكراا ليك مرة تانية
:bstwish:

[سندريلا]

شكراا يا رامي أنت ومصرية علي المشاركة نورتوا

[AHMED-AMER]

أولا شكراا يا أحمد علي رأيك وكل سنة وأنت طيب
بس الموضوع ده غير التاني الموضوع الأول عايز تقول له أيه كلام عادي مش شرط أسئلة
أما الموضوع الحالي بتسأل عمرو كالصحفي بعض الأسئلة عن حياته عن شغله عن ميوله أسئلة يس وقلت كمان أن أي حد يعرف الأجابة عن الأسئلة يجاوب هو عن الأسئلة
أتمني تكون فهمت قصدي يا أحمد وشكراا ليك مرة تانية
:bstwish:[/center]

العفو يا سندريلا جايز ان في بعض الاختلاف بس لو ققتي فيها شويا هتلاقي الغرض منهم واحد ودي وده الانا استنتجته او فهمته من الكلام جايز هو غلط مش عارف:unsure:
وع العموم شكرا ليكي يا سندريلا
:bstwish:

[سندريلا]

العفو يا سندريلا جايز ان في بعض الاختلاف بس لو ققتي فيها شويا هتلاقي الغرض منهم واحد ودي وده الانا استنتجته او فهمته من الكلام جايز هو غلط مش عارف:unsure:

وع العموم شكرا ليكي يا سندريلا
:bstwish:

العفو يا أحمد وشكرا لذوقك
طب يلي قول كام سؤال صعبين كده مين عارف مش يمكن نعرف الأجابة
علي العموم نورت
:bstwish:

[AHMED-AMER]

العفو يا أحمد وشكرا لذوقك
طب يلي قول كام سؤال صعبين كده مين عارف مش يمكن نعرف الأجابة
علي العموم نورت
:bstwish:[/center]

بجد يمكن اول سؤال خبط في دماغي هو
اني هقوله ليه مصمم تبقى زملكاوي:D
ثانيا ازاي بتتعامل مع زوجتك في البيت يا ترى بتعملها على انها مذيعه واعلاميه زيك
ليه ما بتخشش ع الموقع عندنا هنا لو مش عارفه ازاي ما تعرفوش واحنا كل يوم والتاني ننزل حلقات لما ادينا وجعتنا من كتر الكتابه
سانكس ع الموضوع يا سندريلا
:D:D:D
:mfr_lol:

[سندريلا]

بجد يمكن اول سؤال خبط في دماغي هو



اني هقوله ليه مصمم تبقى زملكاوي:D
ثانيا ازاي بتتعامل مع زوجتك في البيت يا ترى بتعملها على انها مذيعه واعلاميه زيك
ليه ما بتخشش ع الموقع عندنا هنا لو مش عارفه ازاي ما تعرفوش واحنا كل يوم والتاني ننزل حلقات لما ادينا وجعتنا من كتر الكتابه
سانكس ع الموضوع يا سندريلا
:D:D:D
:mfr_lol:



أيوه كده يا أحمد هو ده الشغل المظبوط
شكراا ليك علي الأسئلة
وبالنسبة لسؤال الزمالك عمرو قال قبل كده أنه حاول يكون زملكاوي ومش قدر يشجع الأهلي أو يتعاطف مع أي نادي غير الزمالك
أما باقي الأسئلة وأنا مالي ياعم مش عارفة
شكراا يا أحمد ونورت
:bstwish:

[فاطمة الزهراء]

موضوع جميل يا سندريلا زيك كده بالضبط
السؤال هو عباره عن اشاعه بعض الناس بتقولها وهو انك " طبعا المقصود عمرو اديب " مش بتحب يكون معاك نجم فى البرنامج غيرك يعنى انت بتحب تكون النجم الوحيد فى برنامجك فين نيرفانا او الشيخ خالد الجندى حتى دكتوره شريفه اول ما اصبحت نجمه سابت الرنامج واخيرا خيرى رمضان لما اصبح نجم كبيييييييير ساب البرنامج يا ترى العيب فيك او فى البرنامج او يمكن العيب فى الجمهور
ممكن سؤال كمان لو موافقه يا سندريلا قولى وان شاء الله اكتبه المره الجايه

[freska]

واللهى يا سندريلا انا عايزة بجد اسألة هوا اتعلم الشقاوة و الجرأة دى كلها من مييين.... يمكن يكون سؤال تاقهة شوية بس بجد نفسى اعرف جدا و خصوصاً ان عماد اخوة الكبير مش كدة خالص

[سندريلا]

موضوع جميل يا سندريلا زيك كده بالضبط
السؤال هو عباره عن اشاعه بعض الناس بتقولها وهو انك " طبعا المقصود عمرو اديب " مش بتحب يكون معاك نجم فى البرنامج غيرك يعنى انت بتحب تكون النجم الوحيد فى برنامجك فين نيرفانا او الشيخ خالد الجندى حتى دكتوره شريفه اول ما اصبحت نجمه سابت الرنامج واخيرا خيرى رمضان لما اصبح نجم كبيييييييير ساب البرنامج يا ترى العيب فيك او فى البرنامج او يمكن العيب فى الجمهور
ممكن سؤال كمان لو موافقه يا سندريلا قولى وان شاء الله اكتبه المره الجايه

سؤالين تلاتة أربع علي راحتك يا فاطمة وده حديث صحفي وأنت منوراه وشكرااا أوي لذوقك
أما بالنسبة لأجابة السؤال أعتقد ما فيش عيب في عمرو أن عمرو مش بيفرض رأيه علي حد والكلام ده قاله خيري نفسه في حوار عمرو مع محمود سعد ولو عايزاه ممكن أجيب لك لينك الحلقة
نورتي يا فاطمة وشكرااا للمشاركة
:bstwish:

[سندريلا]

واللهى يا سندريلا انا عايزة بجد اسألة هوا اتعلم الشقاوة و الجرأة دى كلها من مييين.... يمكن يكون سؤال تاقهة شوية بس بجد نفسى اعرف جدا و خصوصاً ان عماد اخوة الكبير مش كدة خالص

شكرااا يا فريسكا ونورتي والسؤال مش تافهة ولا حاجة
أما الاجابة مش متأكدة منها ممكن تكون طبيعة الشخصية كده أو أكتسبها بالأحتكاك في المجتمع أنا عارفة أب شباب عمرو قضاه في قصور الثقافة الشعبية في السيدة زينب يعني أعتقد كده
علي العموم نورتي وشكراا للمشاركة

[Action.Z]

لية ركن الفتوى معدش لية بريقة زى ما كان فية خالد الجندى
شكرا يا سندريلا الفكرة حلوة و جديدة
و ممكن لينك حلقة خيرى مع محمود سعد اللى قلتى عليها

[سندريلا]

لية ركن الفتوى معدش لية بريقة زى ما كان فية خالد الجندى
شكرا يا سندريلا الفكرة حلوة و جديدة
و ممكن لينك حلقة خيرى مع محمود سعد اللى قلتى عليها

عتدك حق يا أكشن في حكاية ركن الفتوي ديه
وشكرااا لأشتراكك ونورت
اللينك يا أكشن كانت حلقة عمرو أديب ومحمود سعد وفيه خيري أتكلم عن عمرو
وعلي العموم اللينك هو
http://ia340913.us.archive.org/1/items/IInterview/ALQAHERAALYOUM.NET_MahmoudSaad_amradeeb_INTERVIEW. rar

[Hema]

والله فى اسئله كتير اوى
بس انا هسأله سؤال واحد بعيد عن السياسه لان هو كل يوم بيعرفنا اللى عايزين نعرفه
انا هاقوله ماهى نكته التوك توك ؟
هههههههههههه هاموت واعرفها

[ENG_NODA]

ممكن تكون النكته بتاعه واحد ماشى فالشارع الصبح بدرى لقى اتوبيس مقلوب ونايم على جنبه طبعا اتخض وافتكره عامل حادثه



ولما قرب منه


لقاه


بيرضع اتنين توك توك:shy:

[TITO2M]

هههههههههههه
جامده اوي يا ENG_NODA (http://alqaheraalyoum.net/forums/member.php?u=3403)
انا عايز اساله هو ليه بيعرج ؟؟؟
وايه هي اهم حاجة اتعلمها من ابوه ؟؟؟

[سندريلا]

شكرااا يا تيتو علي المشاركة
بس السؤال بصراحة صعب ومش عارفاه لأنه مش بيعرج بطريقة واضحة يعني مش بان أوي غير في مارينا
أما أهم حاجة أتعلمها من أبوه هو بس اللي يقدر يجاوب
شكراا مرة تانية ليكم

[nazlycat]

معلش قبل مااشترك واسال انا شايفه سؤال انه بيعرج ليه.... مايصحش خالص:shy: لان لو انا مثلا نظرى ضعيف مش ممعقول حد يسالنى ليه نظرك ضعيف ,,اما سؤالى انا فحاساله ايه شعورك وانت شايف ان برنامجك اتنقل بالمسطره الى برامج اخرى حتى الديكور مقلدين برنامج القاهره اليوم

[TITO2M]

على فكرة سؤالي ممكن يكون تافه بس انا كنت عايز اعرف يعني تقدري تقولي حب استطلاع مش معايرة

[nazlycat]

انا عرفه ان ممكن يكون مش قصدك بس يمكن يجرح شعوره

[jasmine]

انا كنت اساله عن حقيقة الاشاعه المنتشره وبتيجى على موبيلاتنا وناس كتير من اصحابى واقاربى عن جوازه الجديد من فتاه تصغره فى السن بعشرين سنه خصوصا انها منتشره جدا وعلى الموبيلات؟؟؟؟؟؟؟؟؟؟؟

[SARA]

انا حاساله ازاى بيحب الاكل قوى كده وقدر يخس !!!! عمل ايه علشات يخس؟؟؟؟؟؟

[sousy]

اساله هل فعلا تزوج حديثا من فتاه صغيره

[سندريلا]

شكراااا ليكوا كلكوا ىعلي المشاركة بالرأي ونورتوا الثريد
أكيد حكاية جوازة من فتاه صغيرة أشاعة ودي حاجة مش محتاجة كلام بس علشان عمرو دايما بيكلم عن المزز والموز ممكن تصدق الناس الكلام بس عمرو بيحب جدا زوجته وكمان عمرو ذكيس جدا جدا ولا أعتقد أنه هيغلط الغلطة دي وهو أب وزوج من عائلة محترمة ومشهود لها بالأحترام
الكلام ده من وجهة نظري الشخصية طبعا وكمان أنا مش سمعت الأشاعة أصلا

[beba]

دة انا مش هسألة و بس دة انا هقول لة شعر من كتر اعجابى بية