الاحد و الثلاثاء و الخميس

[eman]

جلست طو يلا اتصفح السايت .. و في النهايه تذكرت ان اليوم هو الاحد....ياااااه نسيت حاجه كنت بحب انزلها هنا اوي......مقال ا/ خيري.... يااه دي بتنزل في الجريده كل احد و ثلاثاء و خميس توقفت قليلا للتفكير ...لقد ترك الاستاذ البرنامج و هذا هو الموقع الرسمي لبرنامجنا المفضل.....هل بذلك لا يمكننا نقل المقالات التي اثرت في الكثير من؟؟؟؟ هل اتي اليوم الذي يجب علينا ان نبتعد عن نقل تلك المقالات لمجرد انه ترك البرنامج....؟؟؟ سالت نفسي هو تفكير ده سطحي؟؟؟ ممكن ليه لا؟؟ ازاي افكر كده و احنا كنا بننقل اي مقال كان بيعجبنا علي السايت سواء لاستاذ خيري او لغيره؟؟؟ ازاي افكر كده وهو احد مشيدي تلك القلعه القويه الحصينه المسماه بالقاهره اليوم؟؟؟؟هل يستحق منا ان لا ننقل مقالاته بعد ما امتعنا كل هذه السنين في البرنامج بفقره الصحافه؟؟؟ يمكن كل الافكار دي جات لي عشان افتقدت طلته و حضوره المميز في البرنامج؟؟؟ و مش عايزه افتقد مقالاته هي الاخري؟؟؟فكرت و فكرت و فكرت و قلت لنفسي لا كفايه تفكير و انقل المقال بقي؟؟ و دخلت علي موقع المصري اليوم و لكن......... لم اجد المقال... لم يكتب الاستاذ اليوم شيئا........يالا بكره يمكن يكتب و اتمني اننا ما ننساش بعد مرور الوقت انه كان في البرنامج و نفضل قارئي مقالاته دائما ان شاء الله

[drnemrr]

مش عارف ليه ياجماعة انتو عاملين محزنة .طبيعي جدا ان الدنيا تتغير لأن الدوام لله وحده وبعدين الحمد لله خيري لم يهاجر. دا هايعمل برنامج خاص بيه وعلى قناة مفتوحة كمان وهانقدر نتعرف عليه وعلى أفكاره أكتر وأكتر وأنا عن نفسي متحمس جدا علشان أشوفه في برنامج لوحده. الي كان يحزن فعلا أن خيري يعتزل ودا ماحصلش والحمد لله.
تاني حاجة مش معنى أن خيري ساب المحطة معناها أنه أصبح شيء سيء .بالعكس داصحفي جيد وسيصبح صاحب أحد أهم البرامج بعد فترة صغيرة وأنا عن نفسي لما بلاقي فقرة مش حلوة عند عمرو باشاهد العاشرة مساء(برنامج في منتهى الجمال) ومافيش مانع نشوف برنامج خيري وفي النهايةكل دا لن يزحزح برنامج عمرو أديب عن القمة. واللي مش مصدق يفتكر الحلقات اللي كان عمرو بيتغيب عنها وكان بيقدمها خيري رمضان
ثالثا والأهم خالد صلاح صحفي شديد الاحترام وصاحب رأي متميز وأنا أنتظر مقاله في المصري اليوم(موجود بالتبادل مع خيري رمضان)وخايف أقول أنه أحسن من خيري رمضان كمان(في مجال الكتابة)......... أنا شايف نعطي له فرصةوهو هايتقدم كتير أوي صدقوني.......................وتحياتي وسلامي

[AHMED-AMER]

اكيد طبعا لا يا ايمان مينفعش اننا نسى استاذ خيري لمجرد انه ساب البرنامج اظن ان دي حريه شخصيه ليه وزي ما مصريه قالت هو من حقه يكون الهيرووووو البطل لبرنامج اخر بس خيري ومقالات لازم يفضلوا موجودين زي الاول لان استاذ خيري من الناس بجد الامتعنا بكتير من مقلاته وارجوا في الاخر انك تستمري في نقل المقالات يا ايمان:yes:
شكرا ع الموضوع
:bstwish:

[semsema]

ثالثا والأهم خالد صلاح صحفي شديد الاحترام وصاحب رأي متميز وأنا أنتظر مقاله في المصري اليوم(موجود بالتبادل مع خيري رمضان)وخايف أقول أنه أحسن من خيري رمضان كمان(في مجال الكتابة)......... أنا شايف نعطي له فرصةوهو هايتقدم كتير أوي صدقوني.......................وتحياتي وسلامي

اولا انا مع احترامى الشديد لراى حضرتك بس استحالة تقارن حد مهما ان كان هو مين بخيرى رمضان لانه ببساطة قدر يدخل قلوبنا بسرعة ويتربع على عرشها كمان
تقولى بقى خالد صلاح او حمدى رزق او ابراهيم عيسى حتى اقولك استحالة حد يكون احسن من أ/خيرى نهائيا
ثانيا بقى انا وانتى ياايمى ان شاء الله حنفضل ننزل مواضيع استاذ خيرى لانها ببساطة بتعبر عن الراى الصح والطريق الصح واحنا فى السايت كلنا الحمد لله بندور على الطريق الصح مهما اتفقنا او اختلفنا
المهم ان خيرى رمضان حيكون بينا زى الاول واكتر كمان

والسلام ختام

[Hema]

اولا احب اشكرك يا ايمان على الموضوع
وبعدين استاذ خيرى هايفض معانا بكتاباته او فى برنامجه الجديد
وحنا بردو هانفضل من محبيه حتى لو اتعاقد مع التلفزيون اليابانى
ومش معنى ان هو ساب القاهرة اليوم يبقا انضم لحزب الاعداء
بالعكس دى اضافه جديدة لينا وهاتفيدنا كلنا
وكمان هانستنا النقالات بتاعته اللى بتنزليها هنا فى السايت انتى وسمسمه
وبعدين مع احترامى للاخ اللى بيقول ان خالد صلاح احسن من استاذ خيرى
بقوله خيرى مش محتاج راى من حد
لان كلنا عارفين من الاحسن والاروع فى الكتابه
واسأل اى حد كدة وقوله ايه رئيك فى خيرى رمضان وايه رئيك فى خالد صلاح
مش معنى كدة ان انا بقول ان خالد صلاح وحش بالعكس دة محترم زى ما نت قولت
بس بالنسبه لخيرى هو لسه فى ابتدائى صحافه

[فاطمة الزهراء]

شكرا يا ايمان على موضوعك وبعدين احنا مش ممكن ننسى خيرى والدليل الصوره اللى ان حطيتها تحت اسمى
وعلى فكره احنا مش عاملين محزنه على خيرى بعد الشر عنه يارب كل ما فى الحكايه احنا مش مستوعبين ان خيرى سابنا ومشى

[drnemrr]

ياجماعة أنا كمان بحب خيري رمضان جدا والله العظيم وأكتر من خالد صلاح كمان. ولكن أنا حبيت أقول أن خالد صلاح صحفي ممتاز ولكن يحتاج لوقت علشان يتعود علي البرنامج. أما في مجال الكتابة الصحفية أنا مازلت عند رأيي أن خالد صلاح أحسن من خيري وأنصحكم تقرأوا له وتعطوه فرصة ولا تعطوا انطباع مسبق................................. ومع شكري

[shadowhisper]

ما ينفعش يا ايمان ما نقراش لخيرى .. علشان حاجات كتير ناس قبلى قالتها .
وهأستناكى يا ايمان كل حد وتلات وخميس تصحى بدرى ,, وتنزلى مقال خيرى زى ما عودتينا
وزى ما هو عودنا نستناه
شكراااااااا يا ايمان

[سندريلا]

في كلمة أتقالت وعجبتني ليس معني أن خيري ساب البرنامج أصبح من الأعداء بالعكس ده كان أول تعليق علي برنامجه الجديد ربنا يوفقه وبجد ربنا يوفقه ولازم يا أيمان تنزلي مقالة خيري كل حد وثلاثاء وخكيس لأننا مش كنا بنقرأمقالته لأنه في البرنامج أد ما كنا بنقرأ الكلام الجميل والمقال اللي بيبني عقولنا بجد
شكراا إيمان

[eman]

شكرا ليكوا جميعا انا كنت خايفه تفهموني غلط زي الاستاذ
drnemrr (http://www.alqaheraalyoum.net/forums/member.php?u=110)
كل اللي كنت عاوزه اوصله ان الاستاذ خيري لم يصبح احد افراد برنامجنا المفضل و لكني ايضا احب مقالاته.....كما يحبها الكثير....و انا مش عامله محزنه و لا حاجه....بالعكس انا مبسوطه عشان ان شاء الله استاذ خيري يستحق ان يكون له برنامج يحمل اسمه.....و لا اقصد التقليل من شأن خالد صلاح لاني من متابعي كتاباته مع الاستاذ خيري لنفس العمود(يوم و يوم)بس برضه انا شايفه ان مافيش زي ا/خيري