المساعد الشخصي الرقمي

مشاهدة النسخة كاملة : خيرى رمضان وقع لقناة الساعه


LINA
15-12-2007, 12:54 PM
اتنشر اليوم فى جريدة الفجر ان خيرى رمضان كان فى لندن لتوقيع عقد انتقاله لقناة الساعه ووقع العقد مع ايهاب طلعت فى لندن وكان معاه مجدى الجلاد لانه هو حايعد البرنامج والبرنامج اسمه ساعه بساعه وحايقدمه مع مى الشربينى مذيعة المحور والبرنامج حايقدم يوميا لمدة ثلاث ساعات ابتداء من الساعه 9.30 والمقاله كاتبه ان حايتقاضى 125 الف جنيه ومى الشربينى 100 الف واشار المقال على الله لاتصيبه لعنة الاوربت بمعنى ان كل اللى خرج من الاوربت انطفأ تألقه وضرب مثل بحسين الامام ونيرفانا وشريفه ابوالفتوح اللى كانوا متألقين فى الاوربت ولما خرجوا منها لم يوفقوا وحايبداء من اول فبراير
Hema
15-12-2007, 01:02 PM
ما كنتش اتمنى انى اسمع خبر زى دة
عموما اساذ خيرى شخص محترم جدا
واتمنا له التوفيق
شكرا على الخبر
freska
15-12-2007, 01:42 PM
واااااااااااااااا اسفااااااااااااااااااااااااااااااااااااااااااااااا اااااااااااااااااااااااااااااااااااة

وعموماً شكرا ليكى يا لينا
و ربنا يوفق الجميع
Action.Z
15-12-2007, 01:57 PM
أنا عن نفسى ولائى للقاهرة اليوم بس ممكن أتابع منة ساعة قبل ما القاهرة اليوم يبدا
يا خسارة يا خيرى
فاطمة الزهراء
15-12-2007, 02:12 PM
انا زعلانه جدا جدا لانى ما كنتش اتوقع كده وعلى رايك صح ممكن تصيبه لعنة القاهره اليوم
هو مجرد سؤال هو كان بتقاضى اقل من كده فى القاهره اليوم وهو ايهاب طلعت مسئول عن القناه وهو فى لندن
على فكره انا لازلت مش مستوعبه الموضوع ونفسى يطلع كدب فى الاخر ومجرد احساس يراودنى ان البرنامج مش هيكون ناجح لان الكيميا اللى بين خيرى وعمرو استحاله تكون موجوده مع اى حد
Mohamed Kareem
15-12-2007, 02:13 PM
ربنا يوفقة بس خيري مكنتش اتوقع انه يسيب القاهرة اليوم عشان فلوس لانه لو كان بيدور علي شهرة اعتقد ان خيري حقق شهرة كبيرة مع عمروأديب وكان ممكن ياخد مكانة اكبر في البرنامج لو هيستمر وعموما احنا مستنيين تعليق عمروأديب.واتمني انه يقول أسباب
شكرا يالينا
eman
15-12-2007, 02:16 PM
اكيد كنت عاوزاه في انجح برنامج توك شو

بس انا واثقه من قدرته علي خلق برنامج نالجح

استاذ خيري موهوب.....و ان شاء الله موفق....و ربنا يبعد عنه اللعنات....و يعملنا برنامج جميل زيه....بس ليه مي مالقوش حد تاني؟؟



و اكيد المضوع رغبه منه في ان يوضع بالمكان الذي يستحقه.....مش فلوس بس ولا شهره...بس لانه اكيد كان محققهم في الاوربت
Mohamed Kareem
15-12-2007, 02:33 PM
طب وهو في القاهرة اليوم ياايمان في مكان لايستحقة
القاهرة اليوم مفيش جدل ومش تحيز للبرنامج انجح وأشهر برنامج توك شو
Nora Nasr
15-12-2007, 02:39 PM
انا ما زلت مش قادرة أستوعب الخبر...مش قادرة اتصور القاهرة اليوم بالشكل اللي كان بي الاسبوع اللي فات كده على طول, و مش قادرة أفهم ليه خيري ماشي, ماعتقدش انه اي برنامج ممكن يحقق نجاح القاهرة اليوم خاصة مع مي و على قناة مجهولة! و ليه أصلا بنعمل برامج يومية كمان مش كفاية اربعة في اليوم بيتابعوا نفس الاخبار؟! على العموم أنا متأكده إنها مش مسالة فلوس خالص لان ده خيري رمضان اللي لما عرف إنه حيترقى في زهرة الخليج كتب إستقالته و مشي لإنه لقى نفسه بيجري ورا الفلوس و رجع مصر ! فعلى العموم ربنا يوفقه
freska
15-12-2007, 02:47 PM
معتقدش طبعا انة علشان الفلوس ..................................
.. انا بس عندى سؤال يمكن يكون غبى شوية ... 125 الف جنية فى الاية؟؟؟؟؟ انا مش فاهمه
لانة اكيد مكنش بيأخذ اقل من كدة قى أوربيت
masrya_awy
15-12-2007, 04:13 PM
ربنا يوفقة بس خيري مكنتش اتوقع انه يسيب القاهرة اليوم عشان فلوس لانه لو كان بيدور علي شهرة اعتقد ان خيري حقق شهرة كبيرة مع عمروأديب وكان ممكن ياخد مكانة اكبر في البرنامج لو هيستمر وعموما احنا مستنيين تعليق عمروأديب.واتمني انه يقول أسباب
شكرا يالينا

لا طبعا يا محمد المسئله مش فلوس و زي ما قلت قبل كده خلينا منصفيين خير شخص مثقف و عنده كاريزما و محبوب و من حقه بقي انه يخرج من دور صاحب البطل و يعمل هو بطوله
من حقه يخوض التجربه ديه

يا محمد من حقه يعمل برنامج ميبقاش هو مجرد سنيد فيه

و زي ما انت قلت قبل كده بنفسك في جروب
face book

ان كل الي يفرق معاك عمرو و ميفرقش معاك حد تاني
خيري بقي من حقه يعمل برنامج يفرق فيه مع مشاهديه

و برضه زي ما انت حاطط شعار البرنامج صورة عمرو
خيري من حقه يعمل برنامج يكون البطل بتاعه
LINA
15-12-2007, 04:55 PM
انا اسفه حقيقى ياجماعه بس ده الخبر المنشور فى جريدة الفجر النهارده والخبر ده كان متداول طول الاسبوع اللى فات فى جرايد كتيره زى عين ووشوشه فانا اسفه لزعللكم لانى انا كمان من اشد المعحبات بخيرى ودائما اقول انه كان احسن واحدبيقدم الانترو مع عمرو لان فى بينهم كيمياء ولكل اللى بيسالوا كان بياخد كام فى نفس الخبر على لسان ايهاب طلعت انه زودهم 30% من اجر كل واحد فيهم فى القناه اللى كان فيها وبرضه انا اسفه لزعللكم
محمد شريف
15-12-2007, 05:33 PM
عموما هو اعلامي متميز وان كنت اعتقد انه مش ممكن يلاقي حد يلعب معاه واحد اتنين زي عمر اديب
هما الاتنين كانوا عاملين دويتو خطير
خساره
وربنا يوفقه
وشكرا علي الموضوع
وهدانا وهداكم الله
سندريلا
15-12-2007, 08:38 PM
شكرااا علي الخبر وربنا يوفق خيري لو ده صحيح هو مذيع متميز جداااا وطموح وأتمني له النجاح ولو أن القاهرة اليوم سيفتقده جدااا وهو من حقه يكون له برنامج بأسمه ويارب ينجح فيه
بس اللي محيرني التعتيم الغريب في البرنامج ليه عمرو مش بيقول أو يلمح علي العموم ممكن يقول النهارده بعد شبه التأكيد للخبر وربنا يوفق الجميع ومش عيب أن الواحد يبحث عن الزيادة في الشهرة أو الفلوس
semsema
15-12-2007, 08:49 PM
انا بصراحة مش عارفة ارد اقول ايه؟؟؟
لكن انا على الرغم انى انا اللى نشرت الخبر اللى فات بس كان عندى امل انه يبقى خبر كاذب لكن للاسف الخبر طلع صحيح
انا زعلانة اوى مش قادرة اقول اكتر من كدة
shadowhisper
15-12-2007, 11:02 PM
ربنا يكرمه ويوفق .. فى أى مكان يروحه
بس بجد كان مع عمرو حاجه تانيه .. سواء فى الصحافه او الانترو
وخالد صلاح وأشرف عبد الباقى .. أدامهم كتير على ما يقنعونى انهم مكان خيرى
شكراااااااا يا لينا
SARA
15-12-2007, 11:48 PM
ايه ياجماعه واضح ان الخبر صحيح عمرو ماجبش سيره خالص زى ماحصل مع حسين الامام والشيخ خالد الجندى وخيرى ماظهرش فعلا
eman
16-12-2007, 12:38 AM
طب وهو في القاهرة اليوم ياايمان في مكان لايستحقة
القاهرة اليوم مفيش جدل ومش تحيز للبرنامج انجح وأشهر برنامج توك شو




انت ما فهمتش كلامي يا محمد انا قصدي اني عاوزه ا/ خيري في احسن برنامج توك شو اللي هو القاهره اليوم



بس هو اكيد الوضوع مش فلوس و بس ا/ خيري يستحق اكثر من كونه صحفي فقط ..اكيد هو يستاهل يشيل برنامج....
jasmine
16-12-2007, 01:31 AM
انا برضه مستغربه ان عمرو ماحبش سيره انه ساب اواتنقل لقناه تانيه
AHMED-AMER
16-12-2007, 01:39 PM
يا خساره بجد مكنتش اتمنى انه يسيب البرنامج ع العموم ربنا يوفقه
شكرا ع الخبر يا لينا
فاطمة الزهراء
16-12-2007, 01:56 PM
يا جماعه انا منتظره كلام عمرو على الخبر ده انا فعلا فى حالة اندهاش من الصمت التام ومع كامل احترامى لاى صحفى بقدم فقرة الصحافه مكان خيرى هى خلاص فقدت بريقها
حاجه كمان لكل الناس اللى كتبت انه كفايه كده على خيرى دور السنيد ولازم يعمل دور البطل طيب مجرد سؤال لما عمرو كان مسافر كان خيرى قايم بالبطل على اكمل وجه وليه يكون فيه بطل وسنيد كل واحد الدور اللى بيقدمه لايق عليه
مع كل احترامى وتقديرى لخيرى ودعواتى له بالتوفيق فى حياته بس داخلى احساس يراودنى انها هناك شئ سرى لا عرف ام هو ؟؟؟!!!! لعل خير ان شاء الله
Nora Nasr
16-12-2007, 03:54 PM
فاطمة فعلا معاك حق....قولتي اللي بحاول أقوله من زمان , كل الناس في البرنامج عناصر مؤدية إلى نجاحة مفيش دور اول و دور تاني! و بعدين خيري في لقاءات ليه قال انه مش هدفه التلفزيون لانه مش مديع...ايه اللي اتغير؟ معرفش؟! و عيب اوي اسلوب عمرو و إدارة البرنامج بصراحة,! لازم يقواوا حاجة!
masrya_awy
16-12-2007, 03:56 PM
يا فاطمه زي ما انتي قلتي لما عمرو كان مسافر لكن خيري يستحق انه يكون بطل علي طول مش لما البطل يسافر و لعلمك حتي بعض الحاجات الي خيري عملها في الحلقات دي فوجئت بناس بتقول شفتوا عمرو امبارح كان جايب المستشار الي ضرب الظابط مع ان عمرو كان اصلا مسافر
و ليه فيه سنيد و بطل لان ده الواقع و دي الحقيقه و للاسباب الي قلتها في المشاركه الي قبل دي
masrya_awy
16-12-2007, 04:02 PM
فاطمة فعلا معاك حق....قولتي اللي بحاول أقوله من زمان , كل الناس في البرنامج عناصر مؤدية إلى نجاحة مفيش دور اول و دور تاني! و بعدين خيري في لقاءات ليه قال انه مش هدفه التلفزيون لانه مش مديع...ايه اللي اتغير؟ معرفش؟! و عيب اوي اسلوب عمرو و إدارة البرنامج بصراحة,! لازم يقواوا حاجة!

يا نورا ايه الي اتغير في ده خيري قال ان عمله الصحفي اهم حاجه عنده و مفيش حاجه اتغيرت في ده
لما تسمعي ان خيري قدم اجازه من الاهرام عشان البرنامج ابقي اسألي ايه الي اتغير
Nora Nasr
16-12-2007, 06:22 PM
قصدي ايه اللي اتغير في حكاية انه ما لهوش طموح في التلفزيون.
Nora Nasr
17-12-2007, 01:08 AM
على فكرة انا اتصلت بالبرنامج انهارده عشان اقول لهم انه ما يصحش حد زي خيري يبقى مش موجود الفترة دي كلها و ما يقولوش حاجة
, واضحة في البرنامج, لانه ده برنامج محترم و ليه مشاهدين محترمين! فالراجل اللي في الكنترول قال لي إنه أ.خيري رمضان عنده ارتباطات خارجية! و إن عمرو قال كده و مع دلك قال إنه حيبلغ الإدارة عشان يقولوا كلام واضح في الموضوع! !!
Mohamed Kareem
18-12-2007, 07:31 AM
عمرو ياجماعة قاصد تجاهل موضوع خيري لانه اعتقد مش عارف يبدأ فية ازاى لان موقف خيري بصراحة مش في وقته خالص يسيب البرنامج وخصوصا لو بدأ يشد نفسة فية والمشاهدين اخدت علية
عموما الاجازة تعدي ونشوف بديل خيري اللي انا متوقعة خالد صلاح وعموما عمرو قادر يحقق بالبرنامج نجاحات تانية كتير
freska
18-12-2007, 04:43 PM
عمرو ياجماعة قاصد تجاهل موضوع خيري لانه اعتقد مش عارف يبدأ فية ازاى لان موقف خيري بصراحة مش في وقته خالص يسيب البرنامج وخصوصا لو بدأ يشد نفسة فية والمشاهدين اخدت علية
عموما الاجازة تعدي ونشوف بديل خيري اللي انا متوقعة خالد صلاح وعموما عمرو قادر يحقق بالبرنامج نجاحات تانية كتير


عندك حق يا كيموز ........ عمرو فعلاً محطوط فى موقف مش حلو ابدا
بس اعتقد انة مش هيبقى خالد صلاح لان عمرو امبارح قال وجوة جديدةً
LINA
19-12-2007, 06:59 PM
النهارده جريدة الاهرام اكدت خبر انتقال خيرى رمضان من قناة الاوربت الى قناة الساعه وذكرت انه حايقدم برنامج بعنوان ساعه بساعه مع مى الشربينى وهو برنامج يرصد الاحداث الجاريه ويناقشها الخبر منشور فى صفحة التلفزيون بجريدة الاهرام للاسف
nazlycat
20-12-2007, 06:45 PM
;);) ابه ده !!!!! ايه ده ..... يعى الخبر كده يبقى صجيح بدال اتنشر فى جريدة الاهرام الغراء
masrya_awy
21-12-2007, 12:18 PM
عمرو ياجماعة قاصد تجاهل موضوع خيري لانه اعتقد مش عارف يبدأ فية ازاى لان موقف خيري بصراحة مش في وقته خالص يسيب البرنامج وخصوصا لو بدأ يشد نفسة فية والمشاهدين اخدت علية
عموما الاجازة تعدي ونشوف بديل خيري اللي انا متوقعة خالد صلاح وعموما عمرو قادر يحقق بالبرنامج نجاحات تانية كتير

حاجه زي دي مش عمرو الي بيقرر فيها يقول او ميقلش دي مسائل ادارة البرنامج هي الي بتقررها

و بعدين مهما كان الوضع لازم يبقي في شفافيه في البرنامج زي ما البرنامج بيطالب بالشفافيه علي طول

و بعدين ما كل الجرايد كتبت في الخبر يعني هو مش سر عشان البرنامج ميقلش ما الناس كده كده عارفه

و واضح ان دي سياسة البرنامج زي ما عملوا مع الشيخ خالد الجندي يعني المسئله مش مسئلة وقت