خمس رسايل لعمرو أديب

[سندريلا]

تخيل أنك أتيحت لك الفرصة لتبعث 5 رسايل لعمرو أديب علي أن تكون الرسايل في مضمون الأتي
1-نقد
2-عتاب
3-تهنئة
4-شكر
5-فضفضة
عايزة أعرف أرائكوا ورسايلكوا في كل الرسايل يعني مينفعش تقول عمرو لا يوجه له لوم ولا عتاب أنا عايزة رأيكوا في كل الرسايل
والفضفضة ممكن يكون عنك أو عن البلد أنت حر فيها أنت بتفضفض معاه
يا رب الموضوع يعجبكوا وأشوف رسايل حلوة وده أكيد لأنها منكم ولعمرو كمان
:bstwish::goodluck:


http://www.alaan.cc/newsimages/9_27_200763809PM_4617667661.gif

[ADEEBwbs]

نقد
أسالو رجاء ياعمرو لازم تكون اقوي من كدا في المواضيع

-عتاب
متغيبش ياعمور من البرنامج لانك بتوحشان

-تهنئة
مبروك عي فوزك بأفضل أعلامي في الاستفتاءات اللى فاتت

-شكر
شكرا ليك ياعمرو علي كل مجهودك اللى بتبذلة يومياا لجمهورك

-فضفضة

:unsure:

[ADEEBwbs]

شكرا ياسندريلا علي الموضوع

[Mohamed Kareem]

-نقد
ياعمرو سيبك من هيفاء وهبي في الاحلي منها مليون مرة

-عتاب
بتوحشنا لما بتغيب يوم عن البرنامج

-تهنئة
طبعا مبروك ع النجاح والتألق اللى انت فية وان شاء الله للافضل دايما

-شكر
شكرا ليك ياعمرو باسم كل شخص انت ساهمت في مساعدتة

-فضفضة
نفسي ييجي اليوم ياعمرو اللى انت نفسك بتحلم بية ويتسجل أسمك في جينيس
;)

شكرا ياسندريلا
:bstwish:

[Action.Z]

1-نقد
ياريت تتلغى الفقرات اللى بيستضيفوا فيها عارضين أزياء مابتبقاش مقبولة
2-عتاب
فى بعض الكلام ميصحش يتقال ع الهوا
3-تهنئة
الف مبروك على اكتساحك لكل الاستفتاءات
4-شكر
شكرا على مجهودك لاسعادنا
5-فضفضة
ان شاء الله يجى اليوم اللى تفرح فية بفوز الزمالك بالدورى بعد عمر طويل




شكرا يا سندريلا على الفكرة الحلوة دى

[Hema]

1-نقد
كفايه بقا كلام عن الملك فارق فى حاجات اهم
2-عتاب
بقيت بتغيب علينا كتير وبتوحشنا اوى
3-تهنئة
الف مبروك يا حبى وانت متألق دائما
4-شكر
بشكرك على كل اللى بتقدمهولنا من مساعدات وارشادات
5-فضفضة
زهقنا يا استاذ عمرو و مش عارفين نروح فين ونقول لمين
شكرا يا سندريلا على الموضوع المتميز

[shadowhisper]

نقد
اوقات بتلبس لبس يكبرك .. ساعات فيه بدل كده بتقع ,, وانت فى الكاجوال جميل اوى ممكن تغير
عتاب
ما تتكلمش وحش اوى كده عن الستات كطباع
تهنئه
مبروك انك ناجح والناس بتحبك واهلك واسرتك ناجحين
شكر
بأشكرك لانك بتفهمنا وتضحكنا وتبكينا وحاجات كتير فى وقت واحد
فضفضه
الا انت فيه مش بس مجهودك لوحدك , دا علشان ناس كتير وراك ومعاك أهلك واصحابك
ومراتك وكل الناس الا بتحبك ... خد بالك من كل دول
شكراااااااااا يا سندريلا الموضوع جميييل

[سندريلا]

شكرا ياسندريلا علي الموضوع

العفو يا أديب شكرااا ليك ولمشاركتك نورت

[سندريلا]

شكرااا لكل اللي نور الثريد وشارك معانا
شكرااا يا محمد
شكرررررا يا أكشن
شكرااااا يا هيما
وشكراااا يا شادو
نورتوااا أوي وشكرااا لمشاركتكوا

[Shaymaa_AdeeB]

1-نقد
:unsure:
أكتر حاجة فيك مش بتعجبني انك مش بتحب الأهلي وبتفرح لما الأهلي بيتغلب
2-عتاب
ساعات بيظلم الستات فعلا كتير أوي بمواضيعك وآرائك
3-تهنئة
بنهنيك ان دايما متألق ومتميز وباذن الله تكون دايما بالمقدمة
4-شكر
بشكرك على حاجات كتير أوي بتوعينا وبتعرفنا بلدنا فيها ايه بمنتهى الصراحة ومش بتجامل حد
وأهم شكر ليك انك كنت سبب باي عرفت السايت الجميل ده:wub:
5-فضفضة
أنا حلمت بيك النهاردة انت ومستر عزت:D






شكراااا ليكي ياسندريلا

[سندريلا]

شكراااا ليكي ياسندريلا


العفو يا مشمشة
والشكر ليك علي مشاركتك نورتي ودايما منورة
وشرف لي أنا كمان أني أتعرفت عليكي وعلي كل الأعضاء بجدأخواتي
شكراا لذوقك
:bstwish:

[فاطمة الزهراء]

سندريلا موضوعك جميل جدا يا قمر وتسلمى يا غاليه
نقد
ساعات بتقول كلام ما يصحش يتقال الا فى غرف النوم مش على الهوا
عتاب
ايه مش بتحاول ان تتكلم على كل الناس اللى معاك
تهنئه
اكيد لازم اقول مبروك على الجائزه الاخيره وكمان تهنئه علشان عيد الاضحى
شكر
الف مليون شكر على كل حلقه مميزه وعلى كل بسمه ترسمها بمساعدة ناس تانيه
فضفضه
ليه ساعات اشعر انك عاوز تكون النجم الاوحد فى الرنامج يعنى مثل بسيط انت ليه مش بتتكلم على غياب خيرى رمضان اليومين اللى فاتوا

[LINA]

1) نقد : لما بتغيب عن البرنامج مستواه بيقل فاياريت تكون حريص على الحضور وعدم التغيب زى ما عودتنا 2) عتاب : ليه مابتردش على رسائلنا اللى بنقول فيها راينا زى ما بتطلب مننا 3 ) تهنئه : طبعا باهنئيك على حصولك دائما على احسن مذيع فى كل الاستفتاءات 4) شكر : بشكرك على مجهودك فى مساعدة الناس خصوصا يوم ليله القدر 5 ) فضفضه : باتغاظ جدا من كل البرامج اللى بتقلد برنامجك صوره طبق الاصل من غير ماتذكر او تنوه عن كده وتحياتى

[AHMED-AMER]

1-نقد
نفس النقد بتاع مشمشه
ان عمرو زملكاوي ونفسه الاهلي يخسر ليه مش عارف
:unsure:
2-عتاب
انه بيغيب عن البرنامج وهو اساسه
3-تهنئة
الف مبروك على الكانه اللي وصلتلها والي مزيد من التقدم والنجاح
4-شكر
الف شكر ليك يا عمرو على اي مساعده وكل مجهود بذلته في سبيل مساعده فقير او محتاج
5-فضفضة
هو عارف كل اللي في بلدنا مش محتاج اقوله اي حاجه زياده
:D



موضوع جميل اوي اكتر من رائع يا سندريلا
شكرا ليكي


:bstwish:

[سندريلا]

العفو يا فاطمة وشكراااا لذوقك ومشاركتك
العفو يا لينا وشكرااا ليكي ونورتي

[سندريلا]

موضوع جميل اوي اكتر من رائع يا سندريلا

شكرا ليكي



:bstwish:



العفو يا أحمد وشكرااا ليك ولذوقك ونورت
:bstwish: