هل يترك خيري رمضان القاهرة اليوم؟

[Nora Nasr]

قيل ان كان في خبر في جريدة الدستور المصرية بيقول أن خيري رمضان حيسيب القاهرة اليوم و يعمل برنامج مع مي الشربيني على قناة الساعة بنفس أسلوب القاهرة اليوم!! حد يعرف حاجة عن الموضوع ده! و إيه رأيكم في الفكرة دي؟:furious::furious::furious:!

[Shaymaa_AdeeB]

أنا مسمعتش الخبر ده يانورا معتقدش انه ممكن يكون صحيح ...لسبب بسيط انه خيري يعتبر من أعمدة برنامج القاهرة اليوم من بداياته تقريبا... ولو كان عايز يتنقل لقناة تانية كان قام بالخطوة دي من زمان مش دلوقتي

شكراا ليكي يانورا

[BasseM]

معتقدش ...شكرا
اكنك بتقولي ابو تريكه هيلعب في الزمالك

[AHMED-AMER]

معتقدش ...شكرا
اكنك بتقولي ابو تريكه هيلعب في الزمالك

:D:D:D:D
:yes::yes::yes:
زي ما مشمشه قالت كدا يا نوره من الصعب فعلا ان خيري يسيب البرنامج لانه هو وعمرو يعني مش عايزه اقول اساس البرنامج مينفعش حد فيهم سيبه والا مش هيبقى فيه القاهره اليوم
شكرا يا نورا
:bstwish:

[semsema]

نعم هو مين ده اللى يسيب القاهرة اليوم ؟؟؟؟
خيرى رمضان لو ساب البرنامج انا مش حتفرج على البرنامج تانى مع انى لا اعتقد تماما حاجة زى كدة وعموما انا ححاول اعرف اصل الخبر
ربنا يستر

[Nora Nasr]

بيقولوا مي الشربيني أكدت الخبر....على العموم هو لازم يأكده أو ينفيه و يا ليت ينفيه!!

[masrya_awy]

فعلا الخبر موجود في الدستور و قايليين ان بيعقد دلوئتي جلسات عمل للاتفاق علي خطوط البرنامج و التصريحات علي لسان مسؤول في قناة الساعه

مفيش شئ مستحيل و جايز جدا الخبر يكون صحيح و العموم يا خبر انهارده بفلوس

[Mohamed Kareem]

انا عالفكرة فكرت في كدا ان خيري ممكن يمشي لما لاحظت ان فقرة خيري بيقدمها ناس تانية من فترة لأخري
وأنا في رأى برنامج القاهرة اليوم هيستمر بنجاحة طول ماعمرو أديب موجود وعموما مفيش مشاكل لو قدم برنامج تاني بس ممكن يكون بجانب القاهرة اليوم زي محمود سعد لية برنامجة ومستمر في البيت بيتك لان خيري اعتقد انه مرتبط بالقاهرة اليوم بعلاقة روحانية كدا اكبر من الشغل

[masrya_awy]

عتقدش يا محمد لان مكتوب ان البرنامج التاني يومي فمش حينفع حيجيب وقت منين و بعدين مش منطقي انه يقدم برنمجين منافسين
محمود سعد وضعه مختلف لان اليوم السابع برنامج اسبوعي و طبيعته مختلفه عن البيت بيتك
انا عملت زيكم اول ما قريت الخبر الصبح في الجرنال
مرحلة الصدمه و بعدين مرحلة الانكار و بعدين التفكير و بعدين الرضا بالامر الواقع و تمني انه ميكنش واقع

[Nora Nasr]

فعلا يا ليت ما يكنش واقع أنا قرأت الخبر إمبارح و لسة متضايقة أوي أوي....أما شايفة بصراحة أن البرنامج فرصته في النجاح مش عالية لان في برامج يومية كتير أوي...فده حيقدم غيه جديد؟؟ و بعدين مشاهدة القاهرة اليوم حتتأثر طبعا لان الناس بتحب خيري جدا.:mad:

[سندريلا]

يعني هو خبر مفاجأة بالنسبة لي يمكن علشان الدور المهم لخيري في البرنامج والتفاهم الواضح والكبير بينه وبين عمرو وكمان نجاح خيري مرتبط جدااا بنجاحه في البرنامج
أنا لا أعتقد أن الخبر ده صحيح علشان فقرة الصخافة بتاعة يوم الأربعاء قرأ عمرو خبر ترك مي الشربيني لقناة المحور وان هناك عروض لها دون أي تعليق أو تلميح لحاجة ذي ديه وأحنا كلنا عارفين عمرو وتعليقاته
وكمان أظن أن خيري ذكي كفاية ليعلم أن منافسة القاهرة اليوم لن تكون في مصلحته تماما
ممكن تكون الحكاية مجرد ترشيحات ولم يتفق عليها أو يكون البرنامج بجانب القاهرة اليوم وهذا هو الرأي الأرجح
علي العموم كل التوفيق لخيري لأنه يستخق الأفضل والنجاح
شكرااا يا نورا

[eman]

ايه الخبر ده؟؟ لا يمكن يبقي في كيميا بين اتنين بيقدموا برنامج زي خيري و عمرو....هما الاتنين مع بعض سر نجاح البرنامج.... اتمني ان الخبر ما يكنش صحيح

[shadowhisper]

يارب ما يكونش صح
شكراااااا يا نورا

[masrya_awy]

يا سندريلا الي متابع القاهره اليوم من زماان حيعرف ان من اسلوب البرنامج ان عمرهم ما بيعلنو عن ان حد حيسيب البرنامج الا بعد ما يمشي بالفعل
و الخبر يا جماع للاسف صحيح و اكدته انهارده جريدة المصري اليوم
http://www.almasry-alyoum.com/article.aspx?ArticleID=85526

[ADEEBwbs]

فعلا يا ليت ما يكنش واقع أنا قرأت الخبر إمبارح و لسة متضايقة أوي أوي....أما شايفة بصراحة أن البرنامج فرصته في النجاح مش عالية لان في برامج يومية كتير أوي...فده حيقدم غيه جديد؟؟ و بعدين مشاهدة القاهرة اليوم حتتأثر طبعا لان الناس بتحب خيري جدا.:mad:

متفق مع كلامك
:bstwish:

[Nora Nasr]

الخبر شكله صح للأسف....بس للخبر منقول عن لسان مي الشربيني, خيري لسه مأكدش حاجة و لو إني ما اعتقدش أن المصري اليوم تنشر الخبر من غير ما تتاكد من أ.خيري شخصيا....على العموم يا ليت نعرب لإدارة البرنامج عن إستياءنا من الموضوع لانه فعلا حيأثر على القاهرة اليوم سلبا بشكل كبير......ربنا يستر!

[ADEEBwbs]

مي أيوة قالت انها هتعمل برنامج تاني
بس خيري مقالش حاجة لسة

[Nora Nasr]

يا ليت اي حد يقدر يوصل لألستاد خيري يقوله يأكد أو ينفي و يقول ينفي أحسن يعني!:no:

[Hema]

ما اعتقدش ان خيرى ممكن يسيب البرنامج
وان شاء الله هو هاينفى الخبر

[Nora Nasr]

الخبر شبه أكيد يا هيما....ربنا يستر!

[freska]

و منين هنجيب فقرة صحافة جامدة زى بتاعة خيرى تانى......... ثم معنى كدة بقى انة أحمد موسى هوا اللى هيقدممعظم الأيام مع عمرو........................!!!!!!!!!!!!!!!!! !!!!! يا دى السعادة .....

دة كفاية فقرة ضرب نار ( الرأى و الرأى الأخر) ربنا يستر بقى

[فاطمة الزهراء]

مش ممكن يا جماعه ولازم خيرى ينفى الخبر ده لانه فعلا له سحر خاص فى برنامج القاهره اليوم سواء فى فقرة الصحافه او فى الانترو ولازم كلنا نسأل على الموضوع ده
يارب الخبر يكون كدب لانى ازعل جدا جدا جدا جدا

[Nora Nasr]

يا جماعة لازم كلنا نوصل للاستاد خيري و لعمرو كماان و إدارة البرنامج إستياء الجمهور من فكرة ترك خيري للبرنامج! عشان الخبر شبه مؤكد و خيري لم ينفي شيء حتى الان!