ما رايكم فى عزت أبو عوف أو ميستر أيزت بصراحة

[Action.Z]

السلام عليكم : من ضمن من يشاركوا عمرو فى حلقة أو اثنين الدكتور عزت أبو عوف برايكم ما تقييمكم لة كمذيع أنا من رايي أن الحلقات اللى بيبقى فيها خيرى أو أحمد موسى بتبقى أقوى بكتيير من اللى بيبقى فيها عزت ابو عوف لان الدكتور عزت معندوش خلفية سياسية زى باقى فريق البرنامج لهاذا عمرو بيجيبة فى الحلقات الخفيفة كحلقة الثلاثاء و الاربعاء اللى بيكون معظمها ياما لقاءات مع مطربيين أو ممثليين كمان لو تلاحظوا ان الدكتور عزت بيبقى قاعد جنب عمرو ساكت و عمرو هو اللى بيدير الحوار
مستنى رايكم

[Rafiko]

والله حاقول لك على حاجة
اولا البرنامج مش كلة سياسى بحيث المذيع اللى بيحضر البرنامج مع عمر مش شرط انة يكون لية فى السياسة ... بس على الاقل بيعرف يقول راية.
ثانيا مستر اييزت راجل فنان وله تاريخة الفنى والغنائى
بالاضافة الى انة راجل مظهر يعنى شيك عشان كدة هما جابوة مذيع فى البرنامج مع عمرو أديب.
ممكن يكون الشخص دة مايعرفش يتكلم كتير بس عشان دايما يبقى فى توازن فى الحلقة وماتبقاش الحلقة من النوع الثقيل مثل حلقات يكون فيها خيرى رمضان مع عمرو أديب.
بحيث الجمهور مايزهقش برضة, يعنى حاقول لك حاجة.
لو كل الحلقات ثقيلة بعض الجمهور حيستثقل البرنامج, وانت عارف مش كل المشاهدين ذوقهم واحد, فلازم يبقى فية تنوع للشخصيات الموجودة فى البرنامج.
أشكرك على طرح الموضوع دة, وتحياتى اليك.

[سندريلا]

أنا معاك أن حلقة عزت أبو عوف مش قوية وأن حلقات خيري رمضان من أقوي الحلقات بس الناس بتحب مستر أيزت ومتقبلاه وكمان له بعض الأراء الفنية ومش لازم يكون هناك أراء سياسية طالما هناك من يحدث توازن
السؤال الحقيقي ما رأيك في أحمد موسي؟؟ يصراحة مش مقتنعة بيه حالص
شكرا ياأكشن

[AHMED-AMER]

أنا معاك أن حلقة عزت أبو عوف مش قوية وأن حلقات خيري رمضان من أقوي الحلقات بس الناس بتحب مستر أيزت ومتقبلاه وكمان له بعض الأراء الفنية ومش لازم يكون هناك أراء سياسية طالما هناك من يحدث توازن
السؤال الحقيقي ما رأيك في أحمد موسي؟؟ يصراحة مش مقتنعة بيه حالص
شكرا ياأكشن

زي ما سندريلا قالت بالضبط ان مش لازم الحلقات كلها تبقى سياسيه بس يا اكشن ومفيش حد متطلع في كل الاتجاهات اكيد كل واحد وله مجاله عندك خيري مثلا اكيد مينفعش يتكلم عن الفن والفنانين فمينفعش انه يحضر الحلقه دي على الاقل لانه مش زي خبرت عزت في المجال ده وعزت مينفعش يحضر حلقه سياسيه لانه بردوا مش زي خيري في المجال فكل واحد وله مجاله يا اكشن وده يمكن المخلي البرنامج متكامل وناجح اما حكايه احمد موسي يا سندريلا فده راي بردوا وده راي شخصي يا جماعه
شكرا يا اكشن ع الموضوع
:bstwish:

[Nora Nasr]

يعني مستر إيزت لطيف أوي بس كفاية عليه أوي حلقة الاربعاء الفنية....بس

[Shaymaa_AdeeB]

زي معظم الآراء لان د/ عزت خفيف الظل وكمان الناس بتحبه والحلقات اللي بيكون موجود فيها في العالب صحيح بتبقى حلقات فنية لكن بتغير مود الضغط والمشاكل اللي بيطرحها عمرو وخيري وأحمد موسى.. لكن اللي لاحظته ان كتير من الفنانين مش بيفضلوا الكلام في السياسة عموما مش عزت أبو عوف بس.

فهو فعلا شخصية مقبولة ومحبوبة وكمان يكون على سبيل التنوع بفقرات البرنامج

شكرا ياأكشن

[semsema]

اولا انا يشكرك وعايزة اقولك ان عزت بيجى مع عمرو فى الحلقات الفنية بس لكن هو طبعا ماينفعش نهائى فى الحوارات السياسية

[Action.Z]

شكرا لكل واحد فيكم قال راية

[فاطمة الزهراء]

الدكتور عزت ابو عوف شخصيه لذيذه جدا جدا جدا جدا وبعدين انا اكون مبسوطه من وجوده مع عمور يكفى انه لما يكون فيه موضوع وهو مش فاهمه بيسكت وده يعتبر قمة الاحترام لنفسه ولكل المشاهدين وكمان الحلقه اللى بيكون موجدو فيها بتكون خفيفه ولذيذه بصراحه ان ارحب بوجوده بشده

[Action.Z]

الدكتور عزت ابو عوف شخصيه لذيذه جدا جدا جدا جدا وبعدين انا اكون مبسوطه من وجوده مع عمور يكفى انه لما يكون فيه موضوع وهو مش فاهمه بيسكت وده يعتبر قمة الاحترام لنفسه ولكل المشاهدين وكمان الحلقه اللى بيكون موجدو فيها بتكون خفيفه ولذيذه بصراحه ان ارحب بوجوده بشده

شكرا على رايك و على فكرة انا مش ضد و جودة خالص بالعكس دة الحلقة اللى بيبقى فيها بتبقى كلها مرح انا بس كنت عايز اعرف رايكم فية كمذيع

[Hema]

وانا كمان رأى زى معظم الاعضاء اللى ردوا قبلى
ان عزت ابو عوف شخصيه فنيه مقبوله ومحبوبه بس لا يصلح للفقرات السياسيه
وفعال جدا فى الفقرات الفنيه او الترفيهيه
وكفايه انه صاحب اغلى رغيف فى مصر ههههههههههه فاكرين الحلقه دى
اما عن احمد موسى فا انا الصراحه ودا رأى شخصى مش متقبله خالص

[Action.Z]

وانا كمان رأى زى معظم الاعضاء اللى ردوا قبلى
ان عزت ابو عوف شخصيه فنيه مقبوله ومحبوبه بس لا يصلح للفقرات السياسيه
وفعال جدا فى الفقرات الفنيه او الترفيهيه
وكفايه انه صاحب اغلى رغيف فى مصر ههههههههههه فاكرين الحلقه دى
اما عن احمد موسى فا انا الصراحه ودا رأى شخصى مش متقبله خالص

شكرا على رايك يا هيما و فعلا عندكم حق د\عزت بيدى للحلقة جو ملى بالبهجة

[ADEEBwbs]

بصراحة لية دور ولو انه مش قوي اوي لكن عمرو بيعمل معاه جو جميل احيانا في الحلقات
شكرا ليك يااكشن

[Action.Z]

بصراحة لية دور ولو انه مش قوي اوي لكن عمرو بيعمل معاه جو جميل احيانا في الحلقات
شكرا ليك يااكشن



شكرا يا أديب على ردك دايما منور مواضيعى بردودك

[marwa salih]

انا بحب عزت ابو عوف جداااا وبحب الحلقه اللى بيكون فيها لانى بحسه هو وعمرو ثنائى يجنن
شكرا اكشن

[shadowhisper]

عزت ابو عوف اه ما ينفعش فى المواضيع السياسيه وهو فعلا ما بيحضرهاش
ولو كان حاضر .. بيكون وقت كلام الانترو بس
هو تغيير .. وفك جو الاعلاميين والصحفيين ,و نظرة من بعد تانى
ومش الفرة الفنيه بس .. كان بيقدم مع د.شريفه برضه الفقرة حلو
شكراااااا يا اكشن

[Action.Z]

عزت ابو عوف اه ما ينفعش فى المواضيع السياسيه وهو فعلا ما بيحضرهاش
ولو كان حاضر .. بيكون وقت كلام الانترو بس
هو تغيير .. وفك جو الاعلاميين والصحفيين ,و نظرة من بعد تانى
ومش الفرة الفنيه بس .. كان بيقدم مع د.شريفه برضه الفقرة حلو
شكراااااا يا اكشن

شكرا يا شادوسهيبر على ردك دايما منورة مواضيعى بردودك

[dodo_mrezzat'slover]

اولا ازيكم يا جماع ة انا انهاردة عضوة جديدة و اتمنى اعمل معاكم علاقة صداقة كويسة انا بس عشان تبقوا عارفين من عشاااااااااااااق عزت ابو عوف هو بصراحة راجل جنتل جدا و بيعمل جو جمييييل اوى فى القاهرة اليوم فى الفقرات الفنية لانه هو مالهوش فى السياسة و على فكرة انا فاكرة فى حلقة من الحلقات قال كدة فعلا لعمرو اديب

[red horse]

دكتور عزت ما بنفعش يكون فى الحوارات السياسية

لا أسلوبة ولا طريقته الشيك تنفع للكلام فى السياسة

[momenhamdy]

انا و الله يا جماعة شايف انو شخص محترم

يمكن ميكونش ليه في مواقف كتيييييييير تخص البرنامج غير الجزء الي خاص بالفن و النجوم
الا ان هو فعلاً دمه خفيف و انا بحبه اوي
و بعدين انا مش شايف الراجل عامل ازمه يعني ....بمعني انو برده ساعات بيكون ليه حاجات كوميدية او اشياء ليها علاقه بالفن جيده

وتحياتي

[yasser ramzy]

الدكتور عزت أبو عوف أشك رجل في مصر ودمه زي العسل

[UK_QTR]

في رايي افضل اللي مع عمرو هو و شردي خاصه بعد ما فقدنا خيري رمضان وبلال فضل

[leonardo]

ضيف دمه خفيف و ظريف جدا مبيتكلمش ألا فاللي بيفهم فيه و بيحترم عمرو و بيحترم نفسه جدا جدا و ياريت يبقي أساس فالفقرات اللي مالهاش علاقه بالسياسه

[said abdelstar]

اكيد كل انسان بيكون مبدع في مجالة وكونه بيسكت كتير لو الحلقة غالب عليها السياسة لانه غير ملم بها لدرجة الادارة فدة قمة الابداع احسن من ال بيتكلم علي الفاضي والمليان وياريت كلنا ما نتكلمش غير في ال بنفهم فيه وعلي المستوي الفني عزت ابو عوف جامد بجد ومن نوادر الفنانين بدون مجاملة

[rose ali]

انا بحب لما مستر عزت بيبقى موجود
لان دمه خفيف وعنده قبول
وعنده كميا خاصة مع عمرو اديب

[يســأل عليــا]

لالالا حرام عليك دكتور عزت حلقاته مرررره روعه والله انتظره انتظار
وله ارأء جميله

[شيرى اسكندريه]

هو لازم يكون كله نكد يعنى الاسبوع كله سياسه كفايه حلقه واحده تكون خفيفه شويه