المساعد الشخصي الرقمي

مشاهدة النسخة كاملة : طب لو قابلتة هتقولة اية؟؟؟


freska
12-10-2007, 12:07 AM
هعتبر دة الجزء التانى لموضوع سنيبر "قبلت عمرو قبل كدة"و


بس انا بقى هسألكوا "طب لو قبلتة مرة هتقولة اية؟"ء



غير طبعا الكلام العادى بتاع ازيك و البرنامج يجنن و الحاجات دى انا عايزة منكم اسئلة فى الجون:D :D يا معلمين
nubianeng
12-10-2007, 12:30 AM
انا ممكن اسالة انت لو ماكنتش شغال فى مجال الاعلامو الصحافة تتخيل نفسك كنت شغال اية
AHMED-AMER
12-10-2007, 05:07 AM
والله اساله كتير جدا اهمها ليه اخترت المجال ده مبتبقاش خايف وانت بتتكلم عن اي قضيه فساد موجوده في المجتمع بتعنا خصوصا لما بيوجه اهانات وتحميل ذنب البيحصل على السئولين الهما مبيعملوش حاجه ومسئولين عن نفسهم بس اعتقد ان دي هتبقى اهم الاساله يا فريسكا
شكر ليكي يا فريسكا على التوبيك
:bstwish:
BasseM
12-10-2007, 02:48 PM
هقولو فيه اكتر من خمسين مليون مصري عايزين يشوفك يا استاذ عمرو
و احنا بنحبك جدا لأنك قريب جدا مننا
و شكرا;)
shadowhisper
12-10-2007, 09:34 PM
هأقوله مين الا علمك خفة دمك .. ولسانك الطويل ؟؟
قريت امتى .. وثقفت نفسك ازاى ..نظمت وقتك ازاى سواء زمان او دلوقتى ؟؟
شكراااااااا يا فريسكا
freska
12-10-2007, 10:20 PM
اسئلتك جامـــــــــــــــــــــــــــــــــــــــــــــــ ـــــــــدة بجد ...................شكرا :)
semsema
13-10-2007, 10:00 AM
والله انا عن نفسى حقوله ان انا نفسى اشتغل صحفية واشوفه حيقولى ايه ....اه وكمان حطلب منه رقم تليفون خيرى رمضان لانى مش عارفة اجيبه
AHMED-AMER
13-10-2007, 10:02 AM
والله انا عن نفسى حقوله ان انا نفسى اشتغل صحفية واشوفه حيقولى ايه ....اه وكمان حطلب منه رقم تليفون خيرى رمضان لانى مش عارفة اجيبه

اشمعنا يا سمسمه رقم خيري انتي المفروض تطلبي منه رقمه هو وبعد كدا تبقى تكلميه وتخدي رقم خيري علشان لو طلبتيه منه ممكن يقولك نسيته في اليت ولا كنت كتبه في ورقه وضاعت;) والحاجات دي
:D
elsodese
13-10-2007, 01:46 PM
انا لية واحد صاحبي ياجماعة ........شاف عمرو وسلم علية في مدينة الانتاج الاعلامي وسالتة قلتلة اية ...قال انا اول مشفتة حصل حالة انبهار كل اللي كان قادر يعملة ان هو يضحك وبس .....وكان هو وواحد صاحبة وعمرو سلم عليهم وقلهم اية الاخبار ياشباب وشدوا حيلكم وربنا يوفقكم ومشي......بس الحاجة المهمة ان بيقوللي بعد البرنامج بيبقي مش شايف قدامة من كتر المجهود اللي بيعملة في الحلقة...3ساعات هواء يوميا بجد ربنا يعينة
Hima4
13-10-2007, 02:13 PM
دانا هقووووووووولة انا بموت فيك ياعمووور انت اجمد أعلامي في مصر
وهسلم علية واخد رقم تليفونة واتكل علي الله أأقرفة بقي رنات ورسايل
:d
freska
14-10-2007, 01:51 AM
انا لية واحد صاحبي ياجماعة ........شاف عمرو وسلم علية في مدينة الانتاج الاعلامي وسالتة قلتلة اية ...قال انا اول مشفتة حصل حالة انبهار كل اللي كان قادر يعملة ان هو يضحك وبس .....وكان هو وواحد صاحبة وعمرو سلم عليهم وقلهم اية الاخبار ياشباب وشدوا حيلكم وربنا يوفقكم ومشي......بس الحاجة المهمة ان بيقوللي بعد البرنامج بيبقي مش شايف قدامة من كتر المجهود اللي بيعملة في الحلقة...3ساعات هواء يوميا بجد ربنا يعينة
مشكور على الرد و فعلا معاك حق هوا اكيد بيكون تعبان جدا "عصبيا" بعد كل حلقة لانة بيكون على الهوا و اى كلمة بتبقى محسوبة علية و كمان لان فية ناس كتيييييييير قاعدة مستنيالة غلطة
Shaymaa_AdeeB
14-10-2007, 03:04 AM
طبعا بعد ما نقول اننا بنحبك جدااااااااا..وكان نفسنا نقابلك ونتكلم معاك

هقوله :D ليه مش بتدخل على موقع القاهرة اليوم دوت نت؟
ولو بجد قوي يعني هقوله..برغم كل النجاح والشهرة اللي وصلتلهم..ايه الهدف اللي بحياتك اللي مش قادر تحققه لغاية دلوقتي؟

لو توليت حكم مصر ..ايه أهم و أول قرار هتاخده؟:unsure:

شكرا ليكي يافريسكا
eman
15-10-2007, 10:09 PM
عمور...عندما تعرضت للتهديد باغلاق القناه اشرت الي انك لديك اسره واطفال عاوز تربيهم... وانهم لو كانوا عاوزين البرنامج كله هزار فانت احسن واحد يعمل كده....عمرو لو الكلام ده حقيقي ممكن فعلا تبعد عن كل القضايا التي تهم الشارع المصري؟؟؟ وتبقي زي الاعلامين اللي كل اهداف برامجهم الفرفشه؟؟؟ او منافقه الحكومه بما ليس فيها؟؟؟ وتفتكر برامج النفاق والفرفشه اخيرها ايه؟؟؟
MAHMOUD
15-10-2007, 10:15 PM
هسأله طبعا ليه مايكونش برنامجه على قناه فضائيه عاديه علشان يقدر كل الناس يشوفوه من غير اشتراك؟