عبدالله كمال و اللغز المحير [الأرشيف] - منتديات القاهرة اليوم

مشاهدة النسخة كاملة : عبدالله كمال و اللغز المحير

freska

08-10-2007, 05:02 PM

كالعادة شاهدت أمس الحلقة و فى الإنترو المعتاد لعمرو وجدت هجوم عنيف جدا منة على الصحفى "عبد الله كمال" رئيس تحرير جريدة روز اليوسف و السبب ان عمرو كان اتكلم قبلها من يومين عن هجوم عبدالله كمال المفاجئ- - من وجهة نظرة - على وزير الأعلام بعد الصداقة اللى كانت بينهم واللى كان كل الوسط الأعلامى عارفها و اشار عمرو بطريقة مخفية عن السبب انةهناك قُرب لحدوث حركة تنقلات لرؤساء التحرير و انة كدة عبدالله بيحاول بيكسب بنط على حساب انس الفقى و توقع عمرو فى الحلقة دى انة عبدالله هيهاجمة و بالفعل حدث ماتوقعة ووجدت انا امس الهجوم من عمرو على شخص عبدالله

واللى متابع البرنامج من زمان هيفتكر الخلاف الكبير الى كان حدث بين عمرو و عبد الله فى مشكلة د. محمد الوحش استاذ زراعة الكبد وساعتها بردة حصلت مشادة كلامية كبيرة على الهواء .
مع اللم ان دى مش عادة عمرو انة يهاجم بشخصنة او يوجه اتهامات جارحة لاى حد بهذا الأسلوب مما دفعنى لاعتقد انة هناك خلافات اخرى بينهم غير مرئية او قديمة انا معرفهاش
فلو حد عندة اى رأى او معلومة عن ذلك أرجو الأفادة:noanswer:

freska

08-10-2007, 05:04 PM

نسيت اكتب حاجة احقاقا للحق انة عبدالله كمال من الصحفيين اللى مقالاتهم من زمان مبتنزليش من زور و انة - فى رأى المتواضع- تابع للسلطة بس دة لا يعنى بردة هذا الهجوم العنيف

AHMED-AMER

08-10-2007, 09:56 PM

لا والله يا فريسكا انا معرفش حاجه عن الموضع ده ده لاني مشفتش الحلقه اساسا واكيد لو حد شفها على السايت هنا هيرد عليكي
شكرا ليكي يا فريسكا على الموضوع واهلا بيكي معانا في السايت ويا رب تعتبريه بيتك الثاني
:bstwish:

مروة عثمان

09-10-2007, 05:01 AM

على فكرة انا شوفت الحلقة دى ومش شايفة ان عمرو غلط لانة كان بيقول حاجة لاحظها فى مقالات عبد الله كمال وانها هجوم فى صفحتين كاملين على الوزير اللى كان صاحبة اكيد عمرو عندة حق لان دة موضوع مثير فعلا للدهشة

Nora Nasr

09-10-2007, 03:06 PM

عبد الله كمال عاوز حد يوقفه عند حده.....بالعكس انا فرحانه أوي أن عمرو بيتكلم غليه بصراحة

freska

09-10-2007, 04:51 PM

اولا شكرا يا احمد ليك و هنا اكيد بيتى الثانى.......................ثانيا انا مش معترضة على عمرو انا كمان شايفة انة عبدالله كمال لازم حد يوقفة انا بس مستغربة من اسلوب عمرو و كنت معتقدة انة حد عندة علم فيكم عن خلاف قديم بينهم او حاجة ..............
عموما انا بشكركم على اهتمامكم و ردكم يامروة و يا نورا و يارب تقبلونى صديقة ليكم

اة و على فكرة يا احمد الحلقة بقت اون لين...:) اتفضل

http://www.youtube.com/watch?v=WJ5Z4imY0Yg

Shaymaa_AdeeB

10-10-2007, 10:12 PM

أنا تابعت الحلقتين اللي اتكلم عمرو فيها عن مشكلة أنس الفقي ولما قال ده هيطلع تاني يوم يهاجمني في جريدته ..وشفت الحلقة التانية ..كان فعلا كلام عمرو قاسي وفيه هجوم شديد على على عبد الله كمال ..لكن هو فعلا يستحق ده.. لانه استخدم الجريدة لمصالحه الشخصية واستخدامها كآداة لمن يريد انتقاده أو الهجوم عليه

شكرا ليكي يافريسكا ..وشكرا ليكي على اللينك

freska

10-10-2007, 11:14 PM

شكرا ليك يا مشمش على الرد...:)

Mohamed Kareem

10-10-2007, 11:33 PM

بالظبط يافريسكا عمرو أديب وعبد الله كمال بينهم خلافات قديمة لانه فترة 2005 و 2006 عبد الله كمال كان بيهاجم عمرو أديب في مقالاتة وخصوصا جزئية سنابل وقنابل في عمودة ودايما يجيب ماضية وبدايات عمرو في جريدة اسمها البلد ومنجحتش اوي وكان محمل عمرو أديب سبب فشل الجريدة وحاجات كتيرة بقي في وجود عمرو كاأعلامي ناجح ... ودا خللي عمرو يسكت كتير علية وميردش لحد ماجت قضية محمد الوحش عمرو بقي اتكلم علية بشكل مباشر وحدثت المكالمة اللي حصلت بينهم وعمرو اديب وقف بجانب دكتور محمد الوحش ومن بعدها عبد الله كمال كل فترة يلمح علية عمرو أديب واخوه عماد وعمرو بالتاكيد متابع كل دا لحد ماوصلنا لمشكلة وزير الاعلام اللى أكيد وكالعادة عبد الله كمال بيهاجم انس الفقي علي محمل شخصي لان انس الفقي من الوزراء اللى غيروا في التلفزيون المصري.. اة في سلبيات موجودة لكن ايجابياتة اكتر وعموما عبد الله كمال في رأى قرب خلاص ع التقاعد لان مشاكلة كتير وحركة تنقلات رؤساء التحرير اللى جاية احتمال كبير يكون فيها لانة زي ماقال عمرو جريدة روز اليوسف نسبة توزيعها بلاش نقولها أحسن
;)
وشكرا يافريسكا ع الموضوع

ADEEBwbs

11-10-2007, 07:59 PM

عبد الله كمال انا في الحقيقة اعتب علي عمرو اهتمامة بية هذا الشخص لا يستحق الكلام عنه ولا الالتفات لكلامة او لمقالاتة
وشكرا جزيلا يافريسكا

AHMED-AMER

11-10-2007, 09:21 PM

freska

11-10-2007, 11:48 PM

مرسى يا "محمد كريم" على الرد .......... و نورت المحكمة يافندم :):]:]

nubianeng

12-10-2007, 12:15 AM

متشكرين على اللينك

freska

12-10-2007, 02:04 PM

متشكرين على اللينك
اى خدمة يا بشمهندس ........:)ء