RasheeD
06-03-2007, 08:38 AM
السلام عليكم
كنت عايز اتكلم معاكم فى موضوع ، بس احب ااكد مبدئيا ان دى نظرتى الشخصيه اللى ممكن تحمل الصواب وممكن تحمل الخطا ، يعنى مش شرط كل الكلام اللى هقوله دلوقتى يكون صح ... اعتبروها مجرد وجهه نظر شخصيه
الموضوع ممكن مايكونش مهم قوى ، بس اسمحلولى اتكلم فيه واعرضه
الموضوع بيتكلم عن الوظائف والتعليم عموما من 150 سنه فاتوا ، والتعليم حاليا ، والتعليم بعد 150 سنه قادمين
من 150 سنه فاتوا ، ماكنش التعليم منتشر فى مصر قوى واللى كان بيتعلم كان يبقي من اشهر الشخصيات فى بلده ولازم كان يتقلد منصب هام ، وكان بيكون ليه اسم وسيط كبير .. وماكنش اى حد بيتعلم غير اولاد البشوات والشخصيات المرموقه فقط
عشان كده كان ياهناه وياسعده اللى اهلوا كانو يقدروا يعلموه ، ولو كنت فاضلت اى شخص بين انه يدرس او يتعلم صنعه او حرفه ، كان هيفضل الدراسه والهدف من الدراسه كان مركز مرموق ووظيفه ميريه ( حكوميه ) يتقلدها اول مايتخرج
وابسط مثال اللى كان يخش كليه الحقوق كان لازم يكون ليه منصب هام جدا فى البلد وكئن اللى دخل حقوق خلاص اصبح وزير
عشان كده الكل كان بيسعى للتعليم وماكنش يقدر عليه غير اللى يقدر على مصاريفه ... الكلام ده من 150 سنه فاتوا
نتكلم على حاليا ، الكلام اللى كان موجود زمان ده ماعدش موجود حاليا بنفس القدر والاهتمام اللى كان موجود زمان
اه صحيح كل الناس عندها الرغبه انها تتعلم وتكمل تعليمها والرغبه دى ماقتلش عن زمان بل بالعكس زادت ، لكن الهدف اللى كان موجود زمان هو اللى اختلف عن دلوقتى ، بمعنى ان اللى كان بيتعلم زمان كان هدفه زى ماقولت انه يمسك منصب هام ويكون شخصيه مرموقه فى مجتمعه وده كان الهدف الاساسى من اى واحد يرغب فى التعليم ، ده اللى اختلف حاليا لان ماعدش كل واحد هيتعلم هيمسك منصب هام ، ده بقا نادرا حتى انك تشتغل اساسا فى وظيفه بشهادتك ، لان اساسا معظمنا بيدخل الكليه بحكم مكتب التسيق مش رغبه منه ، فى ناس بتتاقلم مع الامر وبتحاول تلاقى نفسها فى المجال المفروض عليها وتتفاعل مع المجال ده ، وفى ناس تانيه تقول اهى شهاده وخلاص !! عشان يبقي اسمنا معانا شهاده نعرف نتجوز بيها ، ولما نبقا نتخرج نبقي نعمل اى مشروع مالوش دعوه ب اللى درسناه ... وللاسف الفئه دى بقت بتمثل الغالبيه من الشباب والخريجيين
ظروف البلد بقت بتتعثر اكتر عن اليوم اللى فات بحكم زياده السكان وزياده البطاله ، وسواء الحزمه مذنبه او غير مذنبه لازم برضو نعترف ان الحمل بيزيد يوم عن يوم .. ده امريكا نفسها فى نسبه بطاله صحيح صغيره ، بس برضو موجوده
الخلاصه من النقطه دى ان الهدف الالسى اللى كان من التعليم زمان مابقاش هو نفس الهدف الموجود حاليا عند ناس كتير
طب الحال هيبقى شكله ايه بعد 150 سنه او 200 سنه ؟ ياترى هيبقى برضو لسه بنهتم بالتعليم وهتكون عندنا نفس الرغبه القويه ان احنا نتعلم ؟ طيب لو جت فرصه انك تتعلم حرفه او صنعه وتتنازل عن التعليم ، تختار ايه ؟
العقل بيقول ان بعد 200 سنه الزياده السكانيه هتتضخم بازدياد وفرص العمل هتندر تقريبا بشكل كامل ، عشان كده مااعتقدش ان الاب هيبقى عنده الرغبه القويه فى تعليم ابنه بقدر سعيه انه يعلمه حرفه او صنعه يعتمد عليها ويقدر يتكسب منها ، لان التعليم من وجهه نظره هيبقى ضياع للوقت بدون اى فائده ف من الاولى استثمار الوقت ده فى تعليم اى حرفه .... وان كان المبدأ الحالى اللى ماشى بيه كل الناس هو فلوسك وبعدها شهادتك ، ف المبدا اللى هيبقى ماشى فى الزمن القادم بقوه هو فلوسك بغض النظر عن شهاتدك !
ده كل الموضوع وملخص وجهه نظرى ان اللى احنا سيبناه من 200 سنه ، هنرجع نسعى ليه مره اخرى بعد 200 سنه جايين
وزى ماقولت دى نظره شخصيه لمستقبل قادم قد تحمل الصواب او الخطأ !!!!
كنت عايز اتكلم معاكم فى موضوع ، بس احب ااكد مبدئيا ان دى نظرتى الشخصيه اللى ممكن تحمل الصواب وممكن تحمل الخطا ، يعنى مش شرط كل الكلام اللى هقوله دلوقتى يكون صح ... اعتبروها مجرد وجهه نظر شخصيه
الموضوع ممكن مايكونش مهم قوى ، بس اسمحلولى اتكلم فيه واعرضه
الموضوع بيتكلم عن الوظائف والتعليم عموما من 150 سنه فاتوا ، والتعليم حاليا ، والتعليم بعد 150 سنه قادمين
من 150 سنه فاتوا ، ماكنش التعليم منتشر فى مصر قوى واللى كان بيتعلم كان يبقي من اشهر الشخصيات فى بلده ولازم كان يتقلد منصب هام ، وكان بيكون ليه اسم وسيط كبير .. وماكنش اى حد بيتعلم غير اولاد البشوات والشخصيات المرموقه فقط
عشان كده كان ياهناه وياسعده اللى اهلوا كانو يقدروا يعلموه ، ولو كنت فاضلت اى شخص بين انه يدرس او يتعلم صنعه او حرفه ، كان هيفضل الدراسه والهدف من الدراسه كان مركز مرموق ووظيفه ميريه ( حكوميه ) يتقلدها اول مايتخرج
وابسط مثال اللى كان يخش كليه الحقوق كان لازم يكون ليه منصب هام جدا فى البلد وكئن اللى دخل حقوق خلاص اصبح وزير
عشان كده الكل كان بيسعى للتعليم وماكنش يقدر عليه غير اللى يقدر على مصاريفه ... الكلام ده من 150 سنه فاتوا
نتكلم على حاليا ، الكلام اللى كان موجود زمان ده ماعدش موجود حاليا بنفس القدر والاهتمام اللى كان موجود زمان
اه صحيح كل الناس عندها الرغبه انها تتعلم وتكمل تعليمها والرغبه دى ماقتلش عن زمان بل بالعكس زادت ، لكن الهدف اللى كان موجود زمان هو اللى اختلف عن دلوقتى ، بمعنى ان اللى كان بيتعلم زمان كان هدفه زى ماقولت انه يمسك منصب هام ويكون شخصيه مرموقه فى مجتمعه وده كان الهدف الاساسى من اى واحد يرغب فى التعليم ، ده اللى اختلف حاليا لان ماعدش كل واحد هيتعلم هيمسك منصب هام ، ده بقا نادرا حتى انك تشتغل اساسا فى وظيفه بشهادتك ، لان اساسا معظمنا بيدخل الكليه بحكم مكتب التسيق مش رغبه منه ، فى ناس بتتاقلم مع الامر وبتحاول تلاقى نفسها فى المجال المفروض عليها وتتفاعل مع المجال ده ، وفى ناس تانيه تقول اهى شهاده وخلاص !! عشان يبقي اسمنا معانا شهاده نعرف نتجوز بيها ، ولما نبقا نتخرج نبقي نعمل اى مشروع مالوش دعوه ب اللى درسناه ... وللاسف الفئه دى بقت بتمثل الغالبيه من الشباب والخريجيين
ظروف البلد بقت بتتعثر اكتر عن اليوم اللى فات بحكم زياده السكان وزياده البطاله ، وسواء الحزمه مذنبه او غير مذنبه لازم برضو نعترف ان الحمل بيزيد يوم عن يوم .. ده امريكا نفسها فى نسبه بطاله صحيح صغيره ، بس برضو موجوده
الخلاصه من النقطه دى ان الهدف الالسى اللى كان من التعليم زمان مابقاش هو نفس الهدف الموجود حاليا عند ناس كتير
طب الحال هيبقى شكله ايه بعد 150 سنه او 200 سنه ؟ ياترى هيبقى برضو لسه بنهتم بالتعليم وهتكون عندنا نفس الرغبه القويه ان احنا نتعلم ؟ طيب لو جت فرصه انك تتعلم حرفه او صنعه وتتنازل عن التعليم ، تختار ايه ؟
العقل بيقول ان بعد 200 سنه الزياده السكانيه هتتضخم بازدياد وفرص العمل هتندر تقريبا بشكل كامل ، عشان كده مااعتقدش ان الاب هيبقى عنده الرغبه القويه فى تعليم ابنه بقدر سعيه انه يعلمه حرفه او صنعه يعتمد عليها ويقدر يتكسب منها ، لان التعليم من وجهه نظره هيبقى ضياع للوقت بدون اى فائده ف من الاولى استثمار الوقت ده فى تعليم اى حرفه .... وان كان المبدأ الحالى اللى ماشى بيه كل الناس هو فلوسك وبعدها شهادتك ، ف المبدا اللى هيبقى ماشى فى الزمن القادم بقوه هو فلوسك بغض النظر عن شهاتدك !
ده كل الموضوع وملخص وجهه نظرى ان اللى احنا سيبناه من 200 سنه ، هنرجع نسعى ليه مره اخرى بعد 200 سنه جايين
وزى ماقولت دى نظره شخصيه لمستقبل قادم قد تحمل الصواب او الخطأ !!!!