أيه رأيك في أفلام السينماا الحاليه

[AshraF]

أيه رأيك في القصص والمواضيع اللي بتقدمهاا السينماا المصريه _ من أول فيلم اسماعيليه رايح جاى ، ولحد أخر فيلم
يعني من الأخر بقصد سينماا الشبااب _ أيه رأيك فيهاا .؟

ياترى فعلا السينماا الحاليه بتعبر عن مشااكل المجتمع بوجه عام ، والشبااب بوجه خاص ؟ ولا شاايفهاا بعيده عن أرض الوااقع ؟
وأيه نوعيه الأفلام اللي بتحرص على مشاهداتها ؟
وياترى بتخش السينماا بإنتظاام ، ولا على حسب كاست العمل الموجود في الفيلم ؟
وأيه أفضل فيلم شباابي شوفته من بداايه فتره الأفلام الشباابيه لحد الأن ؟
ومين أفضل ممثل ( وممثله ) موجود حالياا _ من وجهه نظرك ؟ ومين الممثل اللي أخد أكتر من حقه ؟ ومين الممثل اللى أخد أقل من حقه ؟
ومين الكااتب اللي لفت نظرك قوي من الكتااب الجدااد ؟ وكذلك من المخرجين ؟

[Mohamed Kareem]

بص يااشرف انا كنت االاول بشوف الافلام العربي الاكشن وكان بتعجبني واكتر حاجة عجبني وفاكرة تيتو مثلا لكن بقالي فترة سنه ونص تقريبا بشوف افلام اجنبي مش عايز اقولك مفيش وجه مقارنه بين الافلام الاكشن اللى برة وبين الهبل اللي احنا بنعملة
انا بقيت اسميه هبل من كتر ماالفيلم الاجنبي يبهرك بقصته وتصويرة .
بصراحة أفلام السينما الحالية مش فن دول شوية ناس بيمثلوا عشان ياكلوا عيش ويعيشوا لكن لو عايز تشوف الفن بجد اتفرج على افلام الاكشن الاجنبي هتكرة انك تتفرج على اى فيلم مصري بعد كدا
وافضل ممثل وافضل ممثله والكلام دا كلة بقي ملوش معني لان محدش بيقدم فن لسه

[Monica]

رأيى إن السنيما المصرية أحيانا بتقدم افلام القصص بتاعتها بتلمس الواقع

سينما الشباب فيها أفلام أقل ما يقال عليها إنها فشلت فشل زريع بيما إن أفلام تانية -زى مثلا سهر الليالى اللى هو من أول تامر حبيب كمؤلف لحد الممثلين اللى كلهم من الشباب- وصلت لمهرجانات عالمية.

أكيد مش كل الأفلام بتعبر عن الواقع لكن فى بعض الأفلام كانت حلوة أوى

أنا لما كنت فى مصر كنت بخش فى الأعياد أو مع ولاد خالتى بس

أفضل فيلم صعبة لأن فى مجموعة أفلام صعب تختار بينها لاكن أنا شخصيا أكتر فيلم لو مهما بتفرج عليه مسحيل ازهق هو ملاكى إسكندرية لإن فيه قصة مختلفة بالإضافة لإن لون جديد خالص على السنيما المصرية بحالها مش الشبابية بس

أفضل ممثل كريم عبد العزيز و أفضل ممثلة منى زكى و اللى أخد اكتر من حقه معرفش

أفضل كاتب تامر حبيب و المخرجات سندرا نشأت و كاملة ابو زكرى

شكرا يا أشرف عالموضوع(Y)

[AshraF]

شكراا يامحمد لردك انتاا ومونيكاا


بالنسبه لرأيي ؟أنا شايف ان الافلام الحاليه مالهااش أي علاقه بالشباب ولا بمشااكل الشباب ، ويمكن الافلام دي إرتبطت باسم الشبااب عشان الناس اللى بتقدمهاا في سن صغير _ لكن الأفلام مالهااش أى علاقه بالشبااب خالص
مثلا وااحد زي أحمد السقاا كمثال لاهم ممثلين الفتره الحاليه _ عمل تقريباا 5 أفلام بطولات ، ماافيش فيلم وااحد فيهم ليه علاقه بالشباب او بالمشااكل اللي بنعاانيهاا _ كل الافلام عباره عن قصص بعيده عن الواقع او قصه شخصيه مالهاش اى ابعاد تقدر تطلع منها بحاجه تفيد الشبااب
حتى الافلام الروماانسيه اللى موجوده مالهاش أى علاقه بالرومانسيه الحقيقيه
كل الافلام تبدأ بواحد بيحب واحده ويحصل بينهم مشاكل في وسط الفيلم والنهايه تكون سعيده بالزوااج
عشاان كده اناا شاايف ان 90% من الافلام الحاليه مالهااش أى علاقه بالشباب


ماافيش أفلام معينه بحرص على مشاهداتها ، وقليل جداا لماا بخش سينماا لانى مابحبش أحس إنى متكتف واناا بتفرج على فيلم ، وبفضل أتفرج أحسن في التلفزيون


أفضل فيلم شباابي شوفته لحد دلوقتي كان فيلم ثقافي لانه فعلا كان أقرب فيلم للشبااب وناقش بجرأه سلبيه كبيره موجوده في الشبااب وووضح ان البطااله سبب قوي في فسااد أى جيل من الشباب ، وكذلك برضو فيلم أوقاات فرااغ


الفيلم التااني كان فيلم أحلام عمرناا بطوله مصطفى شعباان ومنى زكى ، وكانت عجبااني فكره البعد عن السفر للخارج ، وانك تحاول تبدأ تعمل أى مشروع حتى لو كان كافيه في السااحل الشماالى ، وعجبتنى فكره الشبااب اللى اجتمعوا مع بعض وساافروا لتنفيذ فكره معينه
وأفلام تاانيه برضو تاانيه زي سهر الليالي والسلم والثعباان ، وافلام تاانيه زي دم الغزال وعماره يعقوبياان


أفضل ممثل حاالياا من وجهه نظري هو فتحي عبد الوهااب وبجد يعني الراجل ده لساا ماأخدش حقه إطلاقاا ، وبعده خالد الصااوي وخالد صاالح ومجدي كاامل وكريم عبد العزيز _ وبالنسبه لأفضل ممثله هي منى زكي
ممثل أخد أكتر من حجمه في محمد سعد ، وأحمد حلمي ، وفي عيوب برضو موجوده في تمثيل أحمد السقاا ومصطفى شعباان
أفضل كااتب طبعاا تامر حبيب ، ومازال أفضل مخرج هو شريف عرفه حتى لو مااكنش من جيل الشبااب