RasheeD
24-03-2007, 02:09 AM
محمد عدوية:
"أنا مش مغرور ولكني ما بحبش أقلد حد!!"
بالرغم من أن والده من الممكن أن يذلل له الكثير من الصعوبات، إلا أنه مصر على عدم الظهور معه حتى يعرفه الجمهور لشخصه وليس نسبة إلى والده.. إنه "محمد عدوية"..
أولا بنهنيك على اختيارك وحصولك على جائزة أحسن مطرب عام 2006.
الحمد لله بشكر جمهوري وإن شاء الله أجتهد وأقدم شيء متميز.
بدأت الغناء في سن صغيرة وكنت موهوباً ومادخلتش الغناء من باب أحمد عدوية؟
أنا بحب الفن من زمان وعندي طموح أعمل حاجة جديدة حاولت أعمل لنفسي شكل خاص لكن في البداية والدي ساعدني واتعلمت منه المقامات الشرقية.
الغريب إنك ماقدمتش اللون الشعبي زي والدك وقدمت ألوانا مختلفة من الغناء؟
أنا عندي طموح وهدف أوصل للعالمية ولازم يكون فيه هدف وشكل للمزيكا بتاعتنا ولا نقلد بعض عشان نبقى متميزين.
الأغنية الشعبية هي الناجحة دلوقتي والكل يقول ده مطرب شعبي وأغنية شعبية إيه معنى الأغنية الشعبية الصحيحة في رأيك؟
الوحيد اللي قدم الأغنية الشعبية صح هو "أحمد عدوية" وقبله "محمد عبد المطلب"؛ و"محمد العزبى"، وكلمة شعبي هي الكلمة البسيطة اللي توصل للشعب كله بصوت فيه شجن.. مثلا "بهاء سلطان" بيغني شعبي محترم، ده غير إن فيه حاجة اسمها أغنية شرقية وبعدين كل واحد وأسلوبه..
محمد عدوية جرئ جدا في اختياراته ومش بيتبع الموجة السائدة في الأغنية؟
لما أكون مختلف يكون أحسن عما أقلد غيري ويبقى ما عملتش حاجة.. أنا عايز أكون زي "عمرو دياب" و"محمد منير" نجوم منفردة ومحدش يعرف يقلدهم.
بمناسبة "عمرو دياب"، يا ترى إيه حكاية الخلاف بينك وبينه؟
والله مفيش أي خلاف، أنا لحنت أغنية عجبت عمرو، وطلبها لكنه لم ينزلها في ألبومه الأخير، فأخذتها تاني وعملت لها كلمات جديدة والموضوع انتهى.
أنت أضفت إيقاعاً غربياً في أغنياتك؟
أنا عملت موسيقى غربية في أغنية "ضميره" وعامل موال على موسيقى غربية برضه. أنا بوصل للموزع الفكرة وهو بيخرج الأغنية...
ليه استعنت بمهندس صوت سويدي وهل فعلا سافرت السويد لإخراج ألبومك؟
أيوه فعلا أنا استعنت بمهندس صوت سويدي لأن الجودة بتاعتهم أحسن، لكن الكلام ده ماكنش في كل الألبوم، هما أغنيتين بس؛ "كام سؤال" و"تعالى هنا".
تفتكر الشباب بيحبوا الأغاني الكلاسيك دلوقتي؟
طبعا وأنا قاصد أقدم موسيقى الكلاسيك في أغنية "حكاية روح" ولازم أقدم كل حاجة وكل الألوان للناس.
إزاي نصنع المزيكا الغربي كويس؟
نولفها بالتوليفة الشرقي بطريقة مظبوطة من خلال دمج وتوظيف الآلات بشكل صحيح. عملت كده في أغنية "ضميره" و"كام سؤال"..
واضح إنك بتنصف المرأة في أغانيك؟
لازم نقدم موضوعات جديدة في الأغنية غير إن المرأة هجرت وخدعت وبعدت ، محمد منير غنى "شجر الليمون" لازم نتكلم عن موضوعات مختلفة وجديدة.
الجمهور دايما بيربط بين أغاني المطرب وحالته الشخصية، وهو ده اللي خلى الناس تقول عليك رومانسي قوي؟
أنا رومانسي جدا بس مش لازم أتعرض لأزمة أو جرح في حياتي عشان أقدمه في الأغنية.
هل صحيح أنك بترفض تظهر مع "أحمد عدوية" في أي لقاء؟
أيوه صحيح بس ده علشان الناس تعرفني لشخصيتي مش علشان خاطر والدي.
إيه رأي الفنان "أحمد عدوية" في أعمالك؟
دايما بيقول لي الله عليك وربنا يوفقك.
لو هتعمل دويتو تعمله مع مين ؟
هاعمله مع أجانب لكن لازم أعرف أنا عايز أعمل إيه بالضبط وهو ده أصعب ما في الموضوع.
سمعنا إنك هتمثل دور حياة "أحمد عدوية" ؟
لا الخبر غير صحيح أنا مطرب بس ومش ممثل..
هل أنت مصمم على حياة العزوبية؟
لحد ما ألاقي الإنسانة الكويسة اللي أحبها.
إيه مواصفات شريكة حياتك؟
أولا تكون ست بيت لأني بحب إن زوجتي محدش يعرف عنها حاجة. وكمان لازم تكون متدينة وروحها حلوة.
كلمة أخيرة لجمهورك..
الناس ساعات بتفتكر إني مغرور، لكن والله أنا مش مغرور بس ما بحبش أطلع في لقاءات كثيرة. وفي نفس الوقت بحب جمهوري قوي وأوعدهم أني هاقدم لهم حاجات حلوة قوي في الفترة اللي جاية.
"أنا مش مغرور ولكني ما بحبش أقلد حد!!"
بالرغم من أن والده من الممكن أن يذلل له الكثير من الصعوبات، إلا أنه مصر على عدم الظهور معه حتى يعرفه الجمهور لشخصه وليس نسبة إلى والده.. إنه "محمد عدوية"..
أولا بنهنيك على اختيارك وحصولك على جائزة أحسن مطرب عام 2006.
الحمد لله بشكر جمهوري وإن شاء الله أجتهد وأقدم شيء متميز.
بدأت الغناء في سن صغيرة وكنت موهوباً ومادخلتش الغناء من باب أحمد عدوية؟
أنا بحب الفن من زمان وعندي طموح أعمل حاجة جديدة حاولت أعمل لنفسي شكل خاص لكن في البداية والدي ساعدني واتعلمت منه المقامات الشرقية.
الغريب إنك ماقدمتش اللون الشعبي زي والدك وقدمت ألوانا مختلفة من الغناء؟
أنا عندي طموح وهدف أوصل للعالمية ولازم يكون فيه هدف وشكل للمزيكا بتاعتنا ولا نقلد بعض عشان نبقى متميزين.
الأغنية الشعبية هي الناجحة دلوقتي والكل يقول ده مطرب شعبي وأغنية شعبية إيه معنى الأغنية الشعبية الصحيحة في رأيك؟
الوحيد اللي قدم الأغنية الشعبية صح هو "أحمد عدوية" وقبله "محمد عبد المطلب"؛ و"محمد العزبى"، وكلمة شعبي هي الكلمة البسيطة اللي توصل للشعب كله بصوت فيه شجن.. مثلا "بهاء سلطان" بيغني شعبي محترم، ده غير إن فيه حاجة اسمها أغنية شرقية وبعدين كل واحد وأسلوبه..
محمد عدوية جرئ جدا في اختياراته ومش بيتبع الموجة السائدة في الأغنية؟
لما أكون مختلف يكون أحسن عما أقلد غيري ويبقى ما عملتش حاجة.. أنا عايز أكون زي "عمرو دياب" و"محمد منير" نجوم منفردة ومحدش يعرف يقلدهم.
بمناسبة "عمرو دياب"، يا ترى إيه حكاية الخلاف بينك وبينه؟
والله مفيش أي خلاف، أنا لحنت أغنية عجبت عمرو، وطلبها لكنه لم ينزلها في ألبومه الأخير، فأخذتها تاني وعملت لها كلمات جديدة والموضوع انتهى.
أنت أضفت إيقاعاً غربياً في أغنياتك؟
أنا عملت موسيقى غربية في أغنية "ضميره" وعامل موال على موسيقى غربية برضه. أنا بوصل للموزع الفكرة وهو بيخرج الأغنية...
ليه استعنت بمهندس صوت سويدي وهل فعلا سافرت السويد لإخراج ألبومك؟
أيوه فعلا أنا استعنت بمهندس صوت سويدي لأن الجودة بتاعتهم أحسن، لكن الكلام ده ماكنش في كل الألبوم، هما أغنيتين بس؛ "كام سؤال" و"تعالى هنا".
تفتكر الشباب بيحبوا الأغاني الكلاسيك دلوقتي؟
طبعا وأنا قاصد أقدم موسيقى الكلاسيك في أغنية "حكاية روح" ولازم أقدم كل حاجة وكل الألوان للناس.
إزاي نصنع المزيكا الغربي كويس؟
نولفها بالتوليفة الشرقي بطريقة مظبوطة من خلال دمج وتوظيف الآلات بشكل صحيح. عملت كده في أغنية "ضميره" و"كام سؤال"..
واضح إنك بتنصف المرأة في أغانيك؟
لازم نقدم موضوعات جديدة في الأغنية غير إن المرأة هجرت وخدعت وبعدت ، محمد منير غنى "شجر الليمون" لازم نتكلم عن موضوعات مختلفة وجديدة.
الجمهور دايما بيربط بين أغاني المطرب وحالته الشخصية، وهو ده اللي خلى الناس تقول عليك رومانسي قوي؟
أنا رومانسي جدا بس مش لازم أتعرض لأزمة أو جرح في حياتي عشان أقدمه في الأغنية.
هل صحيح أنك بترفض تظهر مع "أحمد عدوية" في أي لقاء؟
أيوه صحيح بس ده علشان الناس تعرفني لشخصيتي مش علشان خاطر والدي.
إيه رأي الفنان "أحمد عدوية" في أعمالك؟
دايما بيقول لي الله عليك وربنا يوفقك.
لو هتعمل دويتو تعمله مع مين ؟
هاعمله مع أجانب لكن لازم أعرف أنا عايز أعمل إيه بالضبط وهو ده أصعب ما في الموضوع.
سمعنا إنك هتمثل دور حياة "أحمد عدوية" ؟
لا الخبر غير صحيح أنا مطرب بس ومش ممثل..
هل أنت مصمم على حياة العزوبية؟
لحد ما ألاقي الإنسانة الكويسة اللي أحبها.
إيه مواصفات شريكة حياتك؟
أولا تكون ست بيت لأني بحب إن زوجتي محدش يعرف عنها حاجة. وكمان لازم تكون متدينة وروحها حلوة.
كلمة أخيرة لجمهورك..
الناس ساعات بتفتكر إني مغرور، لكن والله أنا مش مغرور بس ما بحبش أطلع في لقاءات كثيرة. وفي نفس الوقت بحب جمهوري قوي وأوعدهم أني هاقدم لهم حاجات حلوة قوي في الفترة اللي جاية.