خيرى ... ومذبحة القلعه ..!؟؟

[shadowhisper]

فى فقرة الصحافه امبارح خيرى كان معاه وائل الابراشى رئيس تحرير صوت الامه فى نفس اليوم الا اتحكم عليه بسنه سجن مع الشغل و20 الف جنيه غرامه و10 الاف جنيه كفاله والزامهم بأتعاب المحاماه .. مش هو بس دا هو ومعاه ابراهيم عيسى وعبد الحليم قنديل وعادل حموده فى القضيه الا رفعها ضدهم اتنين محاميين منتسبين للحزب الوطنى بتهمة اهانه رموز الحزب الوطنى
خيرى كان متضايق اوى وزعلان وبان عليه .. وكمان وائل الابراشى كان متضايق جدا وغير راضى عن الحكم
واتكلم باصرار عن انه هيدخل السجن وهيخرج وهيمارس الصحافه زى ما اتعلمها مش صحافه التطبيل والتهليل
ولما نقى مواضيع من الصحف علشان يعلق عليها .. قال انا مش شايف حاجه غير .. سواد
والمواضيع الا نقاها ..كلها ما بين فنيه ورياضيه وعامه ..(ما اتكلمش فى حاجه تانيه ) ...!؟؟
لفت نظرى ان وائل كان لابس بدله سودا ووصف اليوم ده بانه يوم اسود فى تاريخ الصحافه وانه لم يحدث انه اتحكم على 4 رؤساء تحرير من اجمالى 6 لصحف مستقله .. وقال ان دى .. مذبحه قلعه جديده

[AshraF]

مااهي فعلا مذبحه

قواانين مقرفه ومطرسأه _ أشبه بمحااكم الإنجليز في في مذبحه دنشواي ، أو محكمه الأمريكاان في مذاابح العراقيين وصدام حسين _ بالظبط والله ماافيش فرق

الحكم بالسجن على رؤسااء تحرير _ دي الصحاافه وحريه الرأي

وده كله عشاان إشااعه طلعت على الريس _ وياعاالم أصلا مين مطلعهاا

الله يكون في عون عيسي والابرااشي وقنديل وحموده _ وحسبي الله ونعم الوكيل في كل وااحد بوظ البلد دي ووصلهاا لكده

[AHMED-AMER]

ربنا على الظالم وشكرا ليكى يا ساره

[shadowhisper]

شكراااااااااااا يا اشرف على رأيك
شكرااااااا يا احمد

[eman]

شئ مستفز فعلا يا ساره ووصف المذبحه اقل ما يقال في هذا الموضوع دي مذبحه و وأد للكلمه الحره... لو في وصف اكبر من كده هيجوز استخدامه...و الاستاذ وائل الابراشي من اكتر الصحفيين احتراما وعجبني اوي اصراره وعزيمته...ربنا يقويه علي الظلمه ويصبر اسرهم جميعا ويجازي اللي كانوا السبب و شكرا يا ساره

[Mohamed Kareem]

وائل الابراشي فعلا كان واضح الانفعال وان الحكم مأثر علية رغم ان هو عايز يبين غير كدا وعموما الحكم دا عمره ماهيأثر علي وائل او ابراهيم عيسي او عبد الحليم قنديل لان الصحفي طول ماهو معاه قلمة عمرك ماتقدر تحبسة او تعتقلة
واليوم دا فعلا يعتبر حداد لان الناس دي رؤساء تحرير مش صحفيين عاديين يعني اعتقد ان دي رسالة لصحفييين الصغار اللى ناويين مثلا يمشوا علي نهج أساتذتهم من وائل الابراشي او ابراهيم عيسي ووائل الابراشي قال جملة عجبتني اوي أنهم هيدخلوا وهيطلعوا وهيكملوا لا سجن هيمنعهم ولا قمع هيردهم عن الصحافة اللى اتعلموها من أساتذتهم زي أحسان عبد القدوس ودي تعتبر رسالة للصحفين الصغيرين انهم ميخافوش وفي نفس الوقت تعتبر رسالة مضادة لرسالة الداخلية ;)
شكرا ليكي ياشادو

[shadowhisper]

شكرااااااااااااا لردك يا ايمان
وشكرااااااااااا ليك يا محمد