المساعد الشخصي الرقمي

مشاهدة النسخة كاملة : يا ترى حسيت بالاستقرار ولا لسه؟


MAHMOUD
22-08-2007, 10:13 PM
الاستقرار هو شعورك بالرضا وراحه البال

المشكله

كنت ايام المدرسه اقول امتى ييجى اليوم وادخل الجامعه واترحم مالمذاكره والصحيان بدرى واستقر

جت الجامعه بخيراتها وقولنا هييجى امتى اليوم اللى هنشتغل فيه ونترحم مالامتحانات والقلق ووجع القلب ونستقر

جه الشغل والمسؤوليه زادت والتعب زاد ومبقاش فى راحه وقولنا ولا يوم من ايام المدرسه ولا الجامعه

وهييجى اليوم فى الجواز ونقول ولا يوم من ايام العزوبيه
:cry:

ياترى انت او انتى حسيتم بالاستقرار والراحه سواء كنت فى مدرسه ,جامعه , لسه ماشتغلتش او متجوز ولا كل يوم همومك ومسؤلياتك بتزيد؟
shadowhisper
22-08-2007, 10:53 PM
انا عن نفسى .. كنت بأقول زيك كده بالظبط
بس مع الوقت الواحد بيكتشف .. ان كل ما الايام بتعدى وكل ما بيكبر
كل حاجه معاه بتكبر .. شغله , همومه , قلقه , خوفه من الا جاى
وان الا فاااات .ز دا بس كله كان تمارين .. للى جاى
انا لسه ما حسيتش بالاستقرار ..انا فى بداية شغل
لسه عايزة اقول أنا .. وبأتحرك فى اكتر من اتجاه
وانا الا بقيت مسؤله مش حد تانى .. عن كونى هأبقى حاجه أو لأ
شكرااااااااااااااااااااااا يا محمود .. موضوعك جميييل
BasseM
23-08-2007, 02:34 AM
انا عن نفسى .. كنت بأقول زيك كده بالظبط
بس مع الوقت الواحد بيكتشف .. ان كل ما الايام بتعدى وكل ما بيكبر
كل حاجه معاه بتكبر .. شغله , همومه , قلقه , خوفه من الا جاى
وان الا فاااات .ز دا بس كله كان تمارين .. للى جاى
انا لسه ما حسيتش بالاستقرار ..انا فى بداية شغل
لسه عايزة اقول أنا .. وبأتحرك فى اكتر من اتجاه
وانا الا بقيت مسؤله مش حد تانى .. عن كونى هأبقى حاجه أو لأ
شكرااااااااااااااااااااااا يا محمود .. موضوعك جميييل

زي ما قالت ساره كده بالظبط
بس انا في الوقت الحالي حاسس بالاستقرار شويه اجازه جامعه بقي و بتاع
شكرا يا محمود
:wub:
Sherif Talal
23-08-2007, 04:31 AM
انا ماشى على خطواطك يا محمود
دخلت الجامعه و بحلم اتخرج
:p
Monica
23-08-2007, 05:29 AM
el estkrar ya3ny osra we sho3'l

ana el 7amdolellah 3andy Papa we Mama we Mario a5oya Rabena ye5aleehomli

3andy madrsty we 3andy sho3'li bardo el 7amdolellah

yemken sa3at mehs ba7es bel estkrara ama bafakr ana 3ayza adres a fil gam3a we keda

bs 7aleyan fil la7za dih ana 7assa eni ah el 7amdolellah mosatkera we radya 3an nafsy keda

Shukran ya Ma7moud 3al topic
Shaymaa_AdeeB
23-08-2007, 01:50 PM
الاستقرار هو شعورك بالرضا وراحه البال

المشكله

كنت ايام المدرسه اقول امتى ييجى اليوم وادخل الجامعه واترحم مالمذاكره والصحيان بدرى واستقر

جت الجامعه بخيراتها وقولنا هييجى امتى اليوم اللى هنشتغل فيه ونترحم مالامتحانات والقلق ووجع القلب ونستقر

جه الشغل والمسؤوليه زادت والتعب زاد ومبقاش فى راحه وقولنا ولا يوم من ايام المدرسه ولا الجامعه

وهييجى اليوم فى الجواز ونقول ولا يوم من ايام العزوبيه
:cry:

ياترى انت او انتى حسيتم بالاستقرار والراحه سواء كنت فى مدرسه ,جامعه , لسه ماشتغلتش او متجوز ولا كل يوم همومك ومسؤلياتك بتزيد؟


كل شخص فينا اكيد مر بمرحلة أة اكتر من اللي طرحتهم يا محمود
لكن انا برأيي كنت بحلم بردو أخلص جامعة واشتغل والاثنين حصلوا فعلا لكن موصلتش للاستقرار اللي أكون راضية عنه لان الاستقرار من وجهة نظري الشخصية انك تكون مطمن على خطواتك تجاه مستقبلك أو استقرارك في حياتك الشخصية وده بيعني دقتك في اختيار شريك لحياتك يساعدك على تحقيق احلامك اللي بتتمناها وفي نفس الوقت اهتمامك بمستقبلك المهني هيخليك بردوا تحس بالاستقرار

وفي الأول والآخر كل حاجة بتكون بتوفيق ربنا عز وجل..وحسن اختيار الشخص لكل قرار أو اختيار في حياته الشخصية أو العملية

شكرا ليك يا محمود...موضوع رائع
محمد شريف
23-08-2007, 03:33 PM
جميل جدا الموضوع ده وبيفكرني بمسأله هي البيضه جت الاول ولا الفرخه
بص يا صديقي الاول انت هتبقي عايز تخلص مدرسه علشان تنام وتصحي براحتك ومحدش يوجع دماغك علي الدرجات الي مش ولابد لو كنت لعبي ولا قلق المنافسه لو كنت متفوق
وبعدين تخلص الدراسه وتدخل الجيش وساعتها لو ربنا رزقك بضابط معقد نفسيا هتبقي قلقان وتقول امتي اخلص الجيش وبعدين لما تخلص الجيش وتدور علي شغل وتقول امتي الاقي الشغل وبعد ما تلاقي الشغل لو ربنا رزقك برئيس في العمل عنده حال احساس بلعظمه الكاذبه هتبقي سنتك بيضا وتقول امتي اتنقل او امتي يترقي
وبعدين تشوف بنت الحلال وتعجبك وتقرر انك تكلمها وتبقي متردد احسن تحرجك وكرامتك متسمحش بكده وتكلمها وتحرجك بس في الاخر تقول لك عموما انا ماليش رأي في حاجه زي دي وممكن تكلم بابا وده طبعا بعد ماتكون ادتك الدش المحترم وهي بتقولك اخر كلمتين تكون بتبتسم
وتروح تكلم بابا
وهكذ1ا يا صديقي
ربنا قال وخلقنا الانسان في كبد والكبد هو الشقاء والتعب وده معناه اننا طول ما احنا عايشين هنتعب ونشقي والراحه لا توجد الا في نهايه رحلتنا الدنيويه
وده مش اكتئاب بس ذكر للحقيقه بدون تجميل وطبعا احنا نحاول اننا نعمل الي علينا ومنفكرش بقلق لان كل شيء يحدث لنا هو مكتوب وهذا بشرط السعي
وعليه الواحد لو لم يتوكل علي الله سيجد ان حياته كلها قلق في قلق ولكنك اذا اسلمت امرك الي الله وسعيت وقمت بما يفترض بك القيام به اكرمك الله وجنبك الشعور بلقلق الذي يغتال الايام والشهور والسنوات من عمر الانسان
وعليه اقول لك يا صديقي حاول الا تقلق وان تسلم امرك ااه رب العالمين وان تسعي
وفي النهايه اعتذر عن الاطاله
وهدانا وهداكم الله
Hima4
23-08-2007, 03:38 PM
لا محستش بالاستقرار الا فترات بسيطة والانسان بطبيعتة مقلق يعني محدش في مصر ضامن مستقبلة ولا حد عارفة بكرة في اية فالبالتالي كداب اللي يقولك اان حاسس بالاستقرار ومطمن علي كل اللي جاى
دا رئيس الدولة نفسة اكيد عايش في قلق ان في اى لحظة ممكن العشب بقوم علية ويخرجة برة الحكم
وانا زي ماقولت محدش عارف بكرة في ايه
MAHMOUD
23-08-2007, 10:52 PM
انا عن نفسى .. كنت بأقول زيك كده بالظبط
بس مع الوقت الواحد بيكتشف .. ان كل ما الايام بتعدى وكل ما بيكبر
كل حاجه معاه بتكبر .. شغله , همومه , قلقه , خوفه من الا جاى
وان الا فاااات .ز دا بس كله كان تمارين .. للى جاى
انا لسه ما حسيتش بالاستقرار ..انا فى بداية شغل
لسه عايزة اقول أنا .. وبأتحرك فى اكتر من اتجاه
وانا الا بقيت مسؤله مش حد تانى .. عن كونى هأبقى حاجه أو لأ
شكرااااااااااااااااااااااا يا محمود .. موضوعك جميييل
شكرا ياساره وفعلا كل ما بتكبر سنا كل مالمسؤوليه بتكبر كما وكيفا وربنا يكرميك فى مستقبليك




زي ما قالت ساره كده بالظبط
بس انا في الوقت الحالي حاسس بالاستقرار شويه اجازه جامعه بقي و بتاع
شكرا يا محمود
:wub:


ايوه اجازه وتهييس وعارف انا الباقى
:p
يابختك
النوم لذيذ ها؟


انا ماشى على خطواطك يا محمود
دخلت الجامعه و بحلم اتخرج
:p
وهى دى اولى خطوات النجاح وشيل المواد
خلى دايما هدفك اكبر من حلمك
;)


el estkrar ya3ny osra we sho3'l

ana el 7amdolellah 3andy Papa we Mama we Mario a5oya Rabena ye5aleehomli

3andy madrsty we 3andy sho3'li bardo el 7amdolellah

yemken sa3at mehs ba7es bel estkrara ama bafakr ana 3ayza adres a fil gam3a we keda

bs 7aleyan fil la7za dih ana 7assa eni ah el 7amdolellah mosatkera we radya 3an nafsy keda

Shukran ya Ma7moud 3al topic


اهو دا اللى اقصده حاولى دايما تخلى الصوره دى قدام عيونيك
الحمد لله على دى نعمه
:)شكرا يا مونيكا

كل شخص فينا اكيد مر بمرحلة أة اكتر من اللي طرحتهم يا محمود
لكن انا برأيي كنت بحلم بردو أخلص جامعة واشتغل والاثنين حصلوا فعلا لكن موصلتش للاستقرار اللي أكون راضية عنه لان الاستقرار من وجهة نظري الشخصية انك تكون مطمن على خطواتك تجاه مستقبلك أو استقرارك في حياتك الشخصية وده بيعني دقتك في اختيار شريك لحياتك يساعدك على تحقيق احلامك اللي بتتمناها وفي نفس الوقت اهتمامك بمستقبلك المهني هيخليك بردوا تحس بالاستقرار

وفي الأول والآخر كل حاجة بتكون بتوفيق ربنا عز وجل..وحسن اختيار الشخص لكل قرار أو اختيار في حياته الشخصية أو العملية

شكرا ليك يا محمود...موضوع رائع
شكرا يا مشمش ودا اللى بقوله فعلا فيه قلق كبير عالمستقبل والحياه
وموضوع شريك الحياه كمان دى نقطه مهمه من نقاط الاستقرار
وهو فعلا مسأله توفيق من ربنا سبحانه وتعالا
شكرا يا مشمشه عالرد


جميل جدا الموضوع ده وبيفكرني بمسأله هي البيضه جت الاول ولا الفرخه
بص يا صديقي الاول انت هتبقي عايز تخلص مدرسه علشان تنام وتصحي براحتك ومحدش يوجع دماغك علي الدرجات الي مش ولابد لو كنت لعبي ولا قلق المنافسه لو كنت متفوق
وبعدين تخلص الدراسه وتدخل الجيش وساعتها لو ربنا رزقك بضابط معقد نفسيا هتبقي قلقان وتقول امتي اخلص الجيش وبعدين لما تخلص الجيش وتدور علي شغل وتقول امتي الاقي الشغل وبعد ما تلاقي الشغل لو ربنا رزقك برئيس في العمل عنده حال احساس بلعظمه الكاذبه هتبقي سنتك بيضا وتقول امتي اتنقل او امتي يترقي
وبعدين تشوف بنت الحلال وتعجبك وتقرر انك تكلمها وتبقي متردد احسن تحرجك وكرامتك متسمحش بكده وتكلمها وتحرجك بس في الاخر تقول لك عموما انا ماليش رأي في حاجه زي دي وممكن تكلم بابا وده طبعا بعد ماتكون ادتك الدش المحترم وهي بتقولك اخر كلمتين تكون بتبتسم
وتروح تكلم بابا
وهكذ1ا يا صديقي
ربنا قال وخلقنا الانسان في كبد والكبد هو الشقاء والتعب وده معناه اننا طول ما احنا عايشين هنتعب ونشقي والراحه لا توجد الا في نهايه رحلتنا الدنيويه
وده مش اكتئاب بس ذكر للحقيقه بدون تجميل وطبعا احنا نحاول اننا نعمل الي علينا ومنفكرش بقلق لان كل شيء يحدث لنا هو مكتوب وهذا بشرط السعي
وعليه الواحد لو لم يتوكل علي الله سيجد ان حياته كلها قلق في قلق ولكنك اذا اسلمت امرك الي الله وسعيت وقمت بما يفترض بك القيام به اكرمك الله وجنبك الشعور بلقلق الذي يغتال الايام والشهور والسنوات من عمر الانسان
وعليه اقول لك يا صديقي حاول الا تقلق وان تسلم امرك ااه رب العالمين وان تسعي
وفي النهايه اعتذر عن الاطاله
وهدانا وهداكم الله
لخصت كلام كتير كان نفسى اقوله
تعرف حضرتك الحسبه القديمه بتاعت الرزق
تاخد عشر قراريط غنى
وعشرين قراط صحه
وتلاتين قيراط اولاد
وعشره حب الناس
وخمس قراريط صبر
وقيراط راحه بال

وتيجى لشخص تانى تلاقى المعادله مقلوبه

لانها رزق من ربنا سبحانه وتعالا وانا مؤمن جدا والحمد لله

انا بتكلم من منطلق الشباب عننا احنا وعن حياتنا وعن مستقبلنا لاننا كلنا لما نيجى فى بدايه حياتنا نجرب حظنا وندخل من طريق ساعات تلاقى نهايته مسدوده او تخبط فى الحيط وساعات بتسلك مع ناس وبعدين نرجع ندور على باب تانى نعدى منه
فاهمنى يا استاذ محمد
شكرا لردك


لا محستش بالاستقرار الا فترات بسيطة والانسان بطبيعتة مقلق يعني محدش في مصر ضامن مستقبلة ولا حد عارفة بكرة في اية فالبالتالي كداب اللي يقولك اان حاسس بالاستقرار ومطمن علي كل اللي جاى
دا رئيس الدولة نفسة اكيد عايش في قلق ان في اى لحظة ممكن العشب بقوم علية ويخرجة برة الحكم
وانا زي ماقولت محدش عارف بكرة في ايه

صح يا هيما شكرا ليك نورتنا بردك
AshraF
28-08-2007, 06:02 PM
على فكره ياامحمود
كل مابنحاول نبحث عن الاستقرار كل مابتزيد مشاكلناا وهمومناا في الحيااه
زي بالظبط الشخص اللي بيحاول يشتغل ويعمل مشااريع كتيره عشان يكون مرتاح في حيااته
وتتحول مشاريعه دي كلها الى هموم مالهاش اول من اخر مطلوب منه يراعيها كل يوم ومستحيل يقدر يااخد يوم وااحد اجازه يعيشه زي بااقي خلق ربه

اي وااحد كده .. التفكير ده في حد ذااته انا معتبره شيء متعب جدا على أد مااهو ضروري
في نااس بتعيشهاا كده ( باي لاك ) وزي مااتيجي تيجي
ونااس بتفكر وتحسبهاا وتدرسها بالملي وتخطط لكل يووم جااي في مستقبلهاا ، وبرغم إن ده الصح بس شيء متعب جداا وصعب تلاقي من خلاله الاستقراار على الأقل إستقراار التفكير ورااحه الباال

شكراا ياامحمود ، موضوع جاامد