مساحه الشك في حياتك

[Nada]

مساحه الشك في حياتك بتمثل كام ؟ هل انت حقيقي انسان شكاك ؟ وما رايك في هذه المقوله وهل تعمل بها ؟
" شك في اللي قدامك الى ان يثبت العكس "

وهل عمرك شكيت قبل كده في شخص وندمت على الشك ده ؟ او كنت موضع شك في مره وانت عارف انك مظلوم ؟

[Sherif Talal]

بصى
انا صحابى اتعقدوا منى فى الموضوع ده
و ناس كتير تقولى بطل شك بقى فى الناس
لدرجه ان صحابى احياناً بيتريقوا عليا و يقولوا احنا بنحس انك متراقب او مخبر
من كتر شكك فى كل حاجه
و المقوله بتاعت " شك في اللي قدامك الى ان يثبت العكس "مقوله سليمه و مقتنع بيها
انتى جيتى على الجرح على فكره يا ندا
انا شكيت فى انسانه بشكل كان بيخليها تعيط فعلاً
بس بعد كده أتثبت ليا انها اقل كلمه يتقال عليها ملاك نازل من السما
و الحمد لله على كل شئ
شكراً يا ندا على الموضوع ألى جاى على البلف

[eman]

انا بقي العكس تماما نفسب يبقي عندي مساحه صغيره في عقلي للشك .. لاني باخد علي دماغي في الاخر و بتصدم صدمات ما يعلم بيها الا الله والسبب في كده الثقه في كل اللي بتعامل معاهم واللي معظم الناس ما تستاهلهاش

[AshraF]

انا بقي العكس تماما نفسب يبقي عندي مساحه صغيره في عقلي للشك .. لاني باخد علي دماغي في الاخر و بتصدم صدمات ما يعلم بيها الا الله والسبب في كده الثقه في كل اللي بتعامل معاهم واللي معظم الناس ما تستاهلهاش

نفس حالي برضو

انا تقريبا مبدأي في التعامل مع الناس بيكون حسن النيه إلى أن يثبت العكس
على طول بعامل أ؟ي حد معايا كويس وبفترض فيه حسن النيه ، وغالبا برضو زي ماقالت إيان بتغش فيه في الأخر

والمشكله الأكبر إن الناس من حوااليكي يبقا محذرينك منه أكتر من مره وإنتى برضو متمااديه في علاقتك معااه _ كذاا موقف يحصلي بالطريقه دي

وكل مره أقول الوااحد ماابيتعلمش بلاش
وأرجع ولا كإني إتعلمت شيء

شكراا يانداا

[محمد شريف]

للاسف انا طيب وما باحاولش اشك في اي حد وللاسف دائما ما اري الجانب الطيب في الناس
ودي مشكله في وقتنا الحالي ملهاش علاج منكتر الناس الزباله الي الواحد عمال يقابلها كل يوم
وانا بحكم وجودي في السوق من وانا صغير باشوف الناس دي كتير وللاسف مبحرمش ودائما ما اتلسع منهم
مثلا حينما ياتي لي واحد وليس معه مايكفي ثمنا لما سيأخذه مني من بضاعه لاصلاح جراره او سيارته التاكسي ويتعذر بضيق ذات اليد فاصدقه واعطيه ما يلزمه علي انه يرد ما عليه بعد يوم او يومين او حين ميسره
المشكله ان حين ميسره ه ما بيجيش ابدا لدرجه اني مره واحد خد مني حجات بمتين جنيه وغاب شهرين او تلاته ونسي انه واخد مني بضاعه ودخل المحل عندي ومسكته من رقبته وهزاءته وكنت هاضربه وطلعت منه ميت جنيه بلعافيه
وه الاول انكر لحد ما العمال الي في المحل اتعرفوا عليه وهددته بلشرطه والقسم وهو ساعتها مات في جلده
وبرضه علي كده لسه محرمتش اني اسيب للناس فلوس لو لزمهم ولسه مبشكش في الناس وهدفي ان ربنا يسترها معايا ومع غيري
وهدانا وهداكم الله

[Shaymaa_AdeeB]

لا انا مش بحب اشك في حد وبعتمد على انطباعي الاول مع كل اللي بتعامل معاهم والحمد لله ولا مرة كان اعتقادي خطأ...ولكن مش يشك في حد غير لما بشوف منه نصرف واحد وببعد عنه عشان ماحطش نفسي في مشكلة

شكرا ليكي ياندا