فى شارع الهوى !

[BLaLO]

الموضوع خدته من أغنيه لمحمد محى ..الاغنيه دى بقالها كام يوم معلقه معايا ,بسمعها ييجى 10 مرات فى اليوم
المهم الاغنيه بتحكى عن موقف صعب شويه وفى نفس الوقت بيقنعك بالموقف دا فى الاخر

اختى الصغيره شافتنى وشفتها صدفه وكانت مواعده مواعده حبها فى شارع الهوى
اختى الصغيره سعيده كتير لاقيتها فرحانه بيه ساعتها والدنيا مش ساعياها وهوا ايديه فى ايدها فى شارع الهوى
فى نفس الوقت اللى انت بتحب فيه وعايش قصة حب جميله ..عرفت انها بتحب وعايشه بردو قصة حب جميله
..ايه موقفك ساعتها وهتتصرف ازاى ؟ مع العلم انك بردو بتحب وعايش نفس حالة اختك !!

وكانت صدمه ليا ومفاجئه غير عاديه زعلت وبان عليا وكنت حثور انا
لكنى غصب عنى داريت مشاعرى منى فى نفس اللحظه كانت حبيبتى جنب منى
فرحانه سعيده بيا ايدها بردو فى ايديا ولاقيتنى بعيش معاها نفس الحاله ديا

محمد محى بيصور الموقف كأنه ماشى فى شارع الهوى(الحب) وشاف أخته صدفه فى نفس الشارع (عرف انها بتحب )..القصه جميله اوى ..حط نفسك فى نفس الموقف ..هتتصرف ازاى او بمعنى تانى هتعمل ايه

[Mohamed Kareem]

الاغنية دي موضوعها جامد اوي يابلال .. انا عن نفسي هتكلم معاها واعرف مين داا واذا كان كويس او لا وايه حدود علاقتهم وكله بهدوء وبالراحة ...لانه مش معقول اقولها أزعقلها وانتى بتعملي ايه هنا وايه الهبل اللى انتي عايشة فيه دا وانا اساسا فى نفس الموقف زي ييها وعايش نفس الليله دا حتى لو انا اديقت واتنرفزت من الموقف لازم ابقي بارد وامسك اعصابي لاني في نفس الوضع
:dry:

[EMY]

ana ma3ak ya karem f ra2yak
ana 3arfa eno kter mesh byerda en el 7ekaya di te7ssal ...bs law zay ma o3'neyet mo7yi bet2olw 7assal keda fa ezay hayza3a2 l o5to w y2olaha leh keda w howa slan f nafss el maw9ef
yeb2a ely howa kaman bye3melo 3'alat
bs kter hay2olo la ana 3aref nafssi w 3aref eny meshbad7ak 3ala el bent ely ma3aya esh damani eno howa sade9 ma3a o5ty

fel 7ala di lazem tekalem el 2 wetshof
bas enak te7alel 7aga l afssak wet7aramha 3ala 3'eirak fa da elly mesh kwayes
merci mawdo3 7elw w yestahel kalam kter awi

[AshraF]

محمد محيي ده أصلا فناان ومن أواائل المطربين المفضلين عندي بجانب عمرو ومنير وحميد وعلاء عبد الخالق
النااس دي كلهاا ليهاا أغاني قديمه مبهره في كل حااجه من نااحيه القصص والرومانسيه والموسيقاا غير ان إحسااسهم في الغناا عبقري فعلا

بالنسبه لموضوعك يابلال انا رد فعلي اني هكلم أختي بالراحه + اني لازم أحسسهاا بنوع من الشده بس مش للدرجه اللى توصلهاا انها تخااف مني
هخليهاا تقابلني بالشخص ده واتكلم معااه ، وهقوله لو انتاا فعلا بتحبهاا يبقا تعالى أخطبهاا حالا _ ولو مش مستعد لخطوبه يبقاا إقراا فاتحه ودي مش هتكلفك حااجه _ لو واافق يبقاا كده تماام قوي وفعلا هوه بيحبهاا
لو اتهّرب وقال أى مبررات تاانيه _ سااعتهاا هيكون إتكشف قداام أختي وهي اللى هتقول اناا مش عايزااه

هوه ده فعلا هيكون رد فعلي ، وعموماا الشده في الموااقف دي بينتج عنهاا الغلط ولو أختك مااكنتش مقتنعه انهاا تبعد عنه وحااولت ترغمهاا على كده من غير ماتقنعهاا ، يبقاا هتفضل تكلمه من ورا أهلهاا وساعتهاا هتسلمه تفكيرهاا كله وهيبقاا مسيطر عليهاا تماماا ومش هتسمع غير كلامه _ لو طلب منهاا أي حاجه هتنفذ كلامه _ حتى لو طلبهاا للجواز العرفي

شكراا يابلال عل الموضووع