التنحي عن فكره الأفراح

[AshraF]

في نااس صحاابي كتير بيتجوزا :D عقباال اللي بيتمناهاا كده


في ظااهره طاالعه جديده وان بقاا كتير من النااس مااعدش بيعمل أفرااح


مبرراتهم إن الفرح بقاا بيكلف وتقريباا أي فرح دلوقتي ممكن يعمله من لبس وكواافير وقااعه تقريباا 10 ألاف جنيه
وقليل لماا تلاقي مبلغ زي ده مع شااب لساا في بداايه حيااته .. ولو معااه أكيد هيدخره لحااجه أفضل


في سبب تااني وأنا مقتنع بيه جداا الصرااحه ونااوي أنفذه _ أشوف تكلفه الفرح كاام وأساافر أنا وعروستي مثلا نقضي بالفلوس دي شهر عسل محترم في مكاان محترم
زي شرم مثلا أو حتى أي بلد أوربيه زي تركياا أو اليوناان


وفي نااس تقول إحنا بفلوس الفرح نطلع عمره ، ونرجع نقضي شهر عسل
وفي نااس تقولك إحناا نزود الفلوس دي شوياا وندفعهاا في مقدم عربيه ، ان شالله حتى لو كاانت مقدم 128 بس أهي تنفع أحسن من الفرح


شبااب كتير فعلا بيفكر بالمنطق ده وانا من وجهه نظري ان ده الصح


انا اولا بكره جدا أقعد في كوشه ونااس عماله تتفرج علياا وكإني شو قداامهم
وفلووس كتير بتتصرف في حااجه أناا مابستمتعش بيهاا بقدر أني بكون خجول وأناا قاعد


طب م أنا وعروستي أولى بالمبلغ ده ندفعه في مقدم عربيه ، أو نساافر بره ونقعد فتره كويسه في مكاان جميل وأنا عن نفسي برجح لياا الإقترااح التااني ده


يااترى إنتاا وجهه نظرك أيه في الموضووع ده ، واللي لساا مااتجوزش نااوي يعمل أيه إن شااء الله ؟؟


وشكراا

[Shaymaa_AdeeB]

بص يا أشرف فعلا ظروف اي شاب في العشرينات بتكون محدودة لانه لسه متخرج ومش هيقدر يحقق كل اللي بيتمناه في يوم وليلة .. وبالنسبة لفكرة الفرح اعتقد ان زي ما انت قلت مش بتكونى ضرورية ويبيقى فيه حاجات كتير اهم من مجرد المظاهر ... اهم ما في الموضوع حاجتين

أول حاجة ان العريس والعروسة يكونوا بيحبوا بعض لانهم لو بيحبوا بعض بجد مش هيهم البنت انها تعمل فرح مش عارفة فين وبكام ألف جنيه وحاجات كده... كل اللي هتتمناه انها تعيش مع الانسان اللي اختاره قلبها

الحاجة التانية ان احسن حاجة من البدائل اللي انت طرحتها انهم يطلعوا عمرة ويبدأو حياتهم بطاعة ربنا فعلا دي حاجة جميلة جدا

شكرا على موضوعك يا أشرف

[Sherif Talal]

انا معاك تماماً
طول عمرى و انا بقول انى مش هعمل فرح واللهى
و على رأى عبله كامل
النقطه دى خليها ولادك أولى بيها

[Nada]

انا عن نفسي اتنازل عن الفرح ومستعده ومرحبه جدا بالفكره ولو كانت في سبيل العمره يكون افضل عشان الحياه بنا تبتدي بخير وعمل جليل
موضوع رائع يااشرف

[محمد شريف]

في نااس صحاابي كتير بيتجوزا :D عقباال اللي بيتمناهاا كده


في ظااهره طاالعه جديده وان بقاا كتير من النااس مااعدش بيعمل أفرااح


مبرراتهم إن الفرح بقاا بيكلف وتقريباا أي فرح دلوقتي ممكن يعمله من لبس وكواافير وقااعه تقريباا 10 ألاف جنيه
وقليل لماا تلاقي مبلغ زي ده مع شااب لساا في بداايه حيااته .. ولو معااه أكيد هيدخره لحااجه أفضل


في سبب تااني وأنا مقتنع بيه جداا الصرااحه ونااوي أنفذه _ أشوف تكلفه الفرح كاام وأساافر أنا وعروستي مثلا نقضي بالفلوس دي شهر عسل محترم في مكاان محترم
زي شرم مثلا أو حتى أي بلد أوربيه زي تركياا أو اليوناان


وفي نااس تقول إحنا بفلوس الفرح نطلع عمره ، ونرجع نقضي شهر عسل
وفي نااس تقولك إحناا نزود الفلوس دي شوياا وندفعهاا في مقدم عربيه ، ان شالله حتى لو كاانت مقدم 128 بس أهي تنفع أحسن من الفرح


شبااب كتير فعلا بيفكر بالمنطق ده وانا من وجهه نظري ان ده الصح


انا اولا بكره جدا أقعد في كوشه ونااس عماله تتفرج علياا وكإني شو قداامهم
وفلووس كتير بتتصرف في حااجه أناا مابستمتعش بيهاا بقدر أني بكون خجول وأناا قاعد


طب م أنا وعروستي أولى بالمبلغ ده ندفعه في مقدم عربيه ، أو نساافر بره ونقعد فتره كويسه في مكاان جميل وأنا عن نفسي برجح لياا الإقترااح التااني ده


يااترى إنتاا وجهه نظرك أيه في الموضووع ده ، واللي لساا مااتجوزش نااوي يعمل أيه إن شااء الله ؟؟


وشكراا
اولا شكرا علي الموضوع الجميل ده يا اشرف
وعلي فكره انا لما اتجوزت عرضت فكره اننا نقضي شهر العسل بره مصر علي زوجتي التي رفضت وقالت لي كل قريباتي عملوا افراح واختي هتعمل فرحها وانا اسافر من غير فرح؟
وعيطت فقلت كبر وخليها تعدي وملحوقه
وخاصه اني انا واخي متزوجين اختين فكانت مستحيا ان اختها تعمل فرح وهي متعملش:(
وفكره العمره هي اجمل فكره شفتها في حياتي ولو كنت فكرت فيها وقتها مكنتش ضيعتها من ايدي حتي لو الجوازه ضاعت
بس والنبي محدش يقول لمراتي:)
وهدانا وهداكم الله

[shadowhisper]

:thumbsup: :thumbsup: اولا .. شكراااا يا اشرف الموضوع جميل
وانا معاك .. دا يعنى حتى فيه افراح بيبقى حجز القاعه يعدى العشره
وانا عن نفسى مابحبش الزحمه .. بل العكس دا انا بتوتر فيها
وفكرة انى اقعد والناس تتفرج عليا ويقولو دمها تقيل
او اقوم انا والحفله تبقى كلها رقص .. فكرة مستحيله
ومبدأ غير موجود من الاصل
بس فيه ناس ( الا جربوا ) قالوا ان الفرح والناس احساس تانى
بس الفلوس كتير اوى واكيد هيندموا عليها بعدين .. دا غير الهدوم الا بتتركن فى الدولاب ومالهاش حتى مكان .. ولا ليها اى فايده
بس انا ان شاء الله اما ربنا يقسم نصيب .. علشان ابقى مع الناس الا بحبهم
ممكن نحجز مكان صغير نقعد فيه ونسمع مزيكا حلوة (مش العنب وهيصه طبعا :no: ) والفستان
يبقى بسيط ينفع يتلبس فى اى مناسبه تانيه .. ونسافر بالفلوس .. او حتى تتحوش
على اعتبار ان فيه فلوس فايضه:whistling: .. ولو ان مفيش حاجه بتفيض
وربنا يرزقنا جميعا باللى نتمناه ويكون خير لينا واحنا خير ليه

[MAHMOUD]

:Dلا يا صاحبى الا الليله دى...لازم الكوشه والفستان والزيطه والكوافير
وكمان يوم الحنه وهجيب فرقه وطبل لغايه الفجر يعزفوا السمر والمولد واغانى الست ونقطه العريس;)
موش هعتق

يوم الدخله
تقعد بقى زى الباشا فى الكوشه وتظبط الاداء فى الفرح وتتصور واهم حاجه البوفيه ياريس لان البوفيه دا هو اللى بيعمل للفرح قيمه وهو اللى بيجيب الناس
:D
هى مره واحده بتتزف فيها فى عمرك

اما مبلغ 10000 جنيه دا مبلغ كبير الليله كلها ممكن تتقضى بنص المبلغ وبعدين يعنى العريس موش هيشيل كل حاجه وكلك نظر
:unsure:

[omnour]

ما شاء الله تضاربت الآراء
اولا شكرا جدا موضوع جميل
ثانيا انا مع رأى انك تطلع عمرة وتعمل شهر عسل
وممكن تعمل حفلة عائلية ظريفة غير مكلفة
لان القاعات غالية فعلا ومش منطقى ادفع 20 الف علشان افضل ارقص طول الليل يعنى
ولا ايه ؟ :)
وعلى رأى شريف وعبلة كامل
النقطة دى خليها عيالك اولى بيها

[wael]

والله يابني شباب بتفهم وتفكر صح

انا رأيي بقي مش نلغي الفرح لا يبقي مثلآ ليلة الحنة ودي جي وبتاع وقشطة

ويوم الفرح نفسه يبقي كتب كتاب وشربات وشكرآ والفلوس دي اولي في رحلة حلوة طبعآ في اي مكان يقضوا شهر العسل

طب والله يوم فرحي ماما وانا واخويا كنا عاوزين نعمل كده بس ابويا وابو العروسة طبعآ كانوا عاوزين فرح وفضيحة :D