هل شياكه مظهرك تساعدك في انهاء مصالحك وتؤثر في كيفيه تعامل الناس معك؟

[محمد شريف]

اولا احب ان احكي عن موقف او موقفين حدثوا معي ثم اقول رأيي وكذلك احب ان اسمع رأيكم
الموقف الاول كنت مسافر بسيارتي وهي سياره ضخمه فارهه ولم اكن اضع حزام الامان بحكم اني ضخم الحجم ويؤثر علي راحتي وضع الحزام
ومررت علي كمين فاستوقفني السيد ضابط المرور وقال لي ياتري سيادتك مش حاطط الحزام ليه فقلت له الحزام بيضايقني وانا سايق نظرا لضخامه الحجم فقال لي بمنتهي الجنتله والانسانيه لا يا استاذ الف سلامه ربنا يقويك وددعني بابتسامه عريضه
المره الثانيه كنت راكب سيارتي اللادا والتي يفضل ركوبها داخل المدينه المزدحمه نظرا لان السياره الضخمه وحرصي علي عدم اصابتها بخدوش فغالبا اتركها للسفر خارج طنطا هذه المره كنت ايضا غير واضع لحزام الامان فوقفتني نفس اللجنه وبدون ما حتي الضابط يبص لي لقيت وصل الرخص في ايدي فضحكت جدا وقلت له لا ياشيخ قال لي افندم؟ وطبعا لولا اني كنت مبتسم كان ممكن يفتكر اني [اغلس او مش ناوي مشي من غير ما احاول اني اخد منه الرخص واطول في الكلام معاه قلت له ابدا اصل الحكايه بسيطه اوي اي اخ لينا من ضباط الشرطه هيجيبها وشكرا قال لي العفو اي خدمه؟ بمنتهي الشراسه فقلت له عموما شكرا ومشيت وانا اضرب كفا علي كف نفس اللجنه نفس المكان وممكن يكون نفس الضابط بس تغيير نوع السياره غير نتيجه الموقف واسلوب المعامله
فهل ده حقيقي ولا انا بتخيله؟
احب اعرف ايه رأيكم وهل احنا اصبحنا شعب مظهري غير ناظر ابعد من المظهر ؟
وهدانا وهداكم الله

[Nada]

دي بلد المظاهر ياستاذ محمد والموقف ده بيتكرر يوميا مع كل الشعب
مش لازم ظابط شرطه ، لك ان تتخيل سواق تاكسي خبط مثلا في عربيه قدينه وشوف رد فعله هيكون ازاي ؟ وشوف رد الفعل لو خبط مثلا عربيه فخمه ؟؟
شوف مثلا لو انت داخل تخلص اي مصلحه في الحكومه ولابس اي لبس عادي وواحد تاني داخل ولابس نذاره شمس وسجاير مارلوبور وموبايل غالي ، شوف الموظفين هيعاملوه ازاي وهيتسابقوا كمان عشان كل واحد فيهم يخلصله الخدمه
بس لو تلاحظ برضه ياستاذ محمد ان مواقف المظاهر دي بتكون وقتيه يعني كمين شغل ربع ساعه ، مش جواز مثلا ولا اي حاجه من الكلام ده لان المظاهر في المواقف المهمه دي مابيكونش ليها اي دور بقدر اسلوب الشخص وادبه واحترامه في التعامل
شكرا على الموضوع الحيوي ده

[khokha&kammah]

للاسف بلدنا دى عايزه المظاهر والشياكه حتى لو كانت دى مظاهر كدابه بس فعلا البلد عايزه كده

[Sherif Talal]

البلد دى بلد المظاهر يا استاز محمد
و طبعاً المظاهر بتفيد فيها

[shadowhisper]

انا اخترت فى التصويت رقم 3
لان المظهر اه مهم وبينفع فى حاجات .. بس مش فى كل حاجه
وده ما ينفيش .. ان فيه اماكن لازم اروحها بلبس معين
غير ان البلد بلد مظاهر او لأ... المظهر هو الا بيدل على طبيعة الشخصيه فى اوقات كتير

[Shaymaa_AdeeB]

انا مش هختلف مع أراء الجميع...لكن انا برأيي ان الانسان عموما مش لازم يعتمد في حياته العادية على مظهره لان مثل ما يقال ان "المظاهر خداعة"وبدليل انك ممكن تشوف شخص مثلا وطريقة لبسه أو كظهره العام يومحي بأنه شخص غير مهتم بنفسه اطلاقا .. لكن لما تتكلم معاه في اي موضوع نقاش تلاقيه عنده رأي وشخصية وطريقة تفكير تبهرك اكتر من شحص مهتم جدا بنفسه وتيجي مثلا تفتح معاه اي موضوع ولاتقي دماغه فاضية

لكن بالنسبة للانهاء المصالح للأسف ده بيكون الحل الوحيد لضمان معاملتك بطريقة "آدمية"

ومع الاسف احنا في بلد " انت مش عارف انت بتكلم مين؟"

شكرا ليك يا استاذ محمد على الموضوع

[AshraF]

هوه المظهر مطلوب بنسبه كبيره برضو

يعني مثلا لو راايح إنترفيو لشغل _ أكيد المظهر ليه عاامل قوي
بس الموااقف الي حضرتك تقصدهاا هي دي فعلا المشكله !! إن النااس تتأثر بالمظااهر دي

وزي ماقاالت نداا بتحصل في مواقف كتيره جداااااااااااااااا
وفعلا شوف ظاابط الشرطه في تعاامله مع سوواق تاكسي وشوفه في تعاامله مع وااحد رااكب عربيه غااليه !! قمه التنااقض حقيقي

ومواافقك إن المظهر بيأثر على النااس بشده _ ووممكن كمان أقولك على أسااس مظهرك النااس هتعااملك
خصوصاا زي ماقالت نداا برضو في المعاملات الوقتيه أو اللحظيه

شكراا يااستااذ محمد

[Mona]

انا من رايي انه صعب جدا انه الواحد يحكم علي حد من خلال مظهره او ستايل لبسه
لاني في حياتي قابلت ناس كتير بتلبس كويس .. و معاها عربيات حلوه و كل ده .. و مستوي تفكيرهم او ثقافتهم او ذكائهم .. صفر
و برضه تلاقي ناس بتكون بسيطه في كل حاجه .. و تحس انهم كويسين في كل حاجه
بس للاسف يعني الدنيا بقت اهم حاجه فيها المظاهر
زي ما قال اشرف كده شوفي لما ظابط المرور يكلم واحد سايق تاكسي .. و لما يكلم واحد معاه عربيه غاليه

[wael]

والله يا استاذ محمد انا موافقكك بالرأيي في موقفك ده ومواقف مشابهه ليه كتير صراحة المظهر بيكون له عامل مهم جدآ بس انا اخترت التصويت رقم 3 برضة علي اساس انه مش دايمآ المظهر بيأثر خاصة مع الناس المحترمة اللي هما معدودين طبعآ

شكرآ علي الموضوع الجميل جدآ

[محمد شريف]

دي بلد المظاهر ياستاذ محمد والموقف ده بيتكرر يوميا مع كل الشعب
مش لازم ظابط شرطه ، لك ان تتخيل سواق تاكسي خبط مثلا في عربيه قدينه وشوف رد فعله هيكون ازاي ؟ وشوف رد الفعل لو خبط مثلا عربيه فخمه ؟؟
شوف مثلا لو انت داخل تخلص اي مصلحه في الحكومه ولابس اي لبس عادي وواحد تاني داخل ولابس نذاره شمس وسجاير مارلوبور وموبايل غالي ، شوف الموظفين هيعاملوه ازاي وهيتسابقوا كمان عشان كل واحد فيهم يخلصله الخدمه
بس لو تلاحظ برضه ياستاذ محمد ان مواقف المظاهر دي بتكون وقتيه يعني كمين شغل ربع ساعه ، مش جواز مثلا ولا اي حاجه من الكلام ده لان المظاهر في المواقف المهمه دي مابيكونش ليها اي دور بقدر اسلوب الشخص وادبه واحترامه في التعامل
شكرا على الموضوع الحيوي ده

اولا شكرا علي مشاركتك ياندي
وحقيقي اني شخصيا اتعودت لما اروح اخلص مشوار في جهه حكوميه اني البس حاجه واضح انها غاليه او شيك جدا علي اني طبعا احط برفان غالي ودقني تبقي محلوقه كويس ونضارؤه الشمس الي واضح انها غاليه وده طبعا لو معنديش حد جوه يخلص لي المصلحه بتاعتي تبصي تلاقي الفراش بيجيب كرسي علي جنب وايه طلبات سعادتك والورق يروح ويجي وانا قاعد في مكاني وممكن كمان اشرب قهوه وفي الخر العشرين جنيه او الخمسين بتخليه يتنطط وده علي حسب صعوبه الخدمه وسرعته في اتمامها
وهدانا وهداكم الله يا ندي

[محمد شريف]

للاسف بلدنا دى عايزه المظاهر والشياكه حتى لو كانت دى مظاهر كدابه بس فعلا البلد عايزه كده

اولا شكرا علي المشاركه
وللاسف فعلا البلد عاوزة كده بس نفسي لو الناس تبص للناس الي زيهها نظره اعمق من القشره
وهدانا وهداكم الله

[محمد شريف]

البلد دى بلد المظاهر يا استاز محمد
و طبعاً المظاهر بتفيد فيها

اولا اشكرك علي مشاركتك يا شريف
وفعلا المظاهر بتفيد والدليل علي كده الرخصه الي اتسحبت في المره الي مكنتش راكب عربيه غاليه فيها وكمان اسلوب الضابط في الكلام ده لولا انه حس اني فعلا بتكلم جد واني هعرف اجيب الرخصه وان عندي اصدقاء ضباط شرطه كان ممكن انه يشتمني او يكلمني بأسلوب بايخ
وعموما الظاهر انها قاعده عند كل الناس ان الي لابس كويس ولابس لبس غالي او يظهر انه ثري بتتعامل الناس معاه بأسلوب كويس
عموما ليس كل ما يلمع ذهبا
وهدانا وهداكم الله

[محمد شريف]

انا اخترت فى التصويت رقم 3
لان المظهر اه مهم وبينفع فى حاجات .. بس مش فى كل حاجه
وده ما ينفيش .. ان فيه اماكن لازم اروحها بلبس معين
غير ان البلد بلد مظاهر او لأ... المظهر هو الا بيدل على طبيعة الشخصيه فى اوقات كتير

اول شكرا علي مشاركتك يا شادو
وانا موافق ان فيه اماكن الواحد لازم يروحها بلبس معيين وشيك النادي مثلا وخلافه
بس المشكله ان الاساس في الحكم علي الشخص انه يكون هو لابس ايه مش هو نفسه ايه
ويمكن السبب في كده ان اول حاجه الواحد بيلاحظها هي المظهر الخارجي
وبرضه احب ان اقول تاني ان ليس كل ما يلمع ذهبا
وهدانا وهداكم الله

[محمد شريف]

انا مش هختلف مع أراء الجميع...لكن انا برأيي ان الانسان عموما مش لازم يعتمد في حياته العادية على مظهره لان مثل ما يقال ان "المظاهر خداعة"وبدليل انك ممكن تشوف شخص مثلا وطريقة لبسه أو كظهره العام يومحي بأنه شخص غير مهتم بنفسه اطلاقا .. لكن لما تتكلم معاه في اي موضوع نقاش تلاقيه عنده رأي وشخصية وطريقة تفكير تبهرك اكتر من شحص مهتم جدا بنفسه وتيجي مثلا تفتح معاه اي موضوع ولاتقي دماغه فاضية

لكن بالنسبة للانهاء المصالح للأسف ده بيكون الحل الوحيد لضمان معاملتك بطريقة "آدمية"

ومع الاسف احنا في بلد " انت مش عارف انت بتكلم مين؟"

شكرا ليك يا استاذ محمد على الموضوع

الف شكر علي مشاركتك يا مشمش
وفعلا احنا في بلد انت مش عارف انت بتكلم مين
وفعلا المظهر الراقي والمتكلف احيانا هو الضمان الوحيد لمعاملتك معامله انسانيه
وانا شخصيا مش من الناس الي اول حاجه عندها المظاهر ولو ان الانطباع الاول يحدثه المظهر
ولكن وجودي في السوق وممارستي للتجاره من صغري انا منذ ان كان عمر اثنا عشر عاما وان اعمل مع والدي صيفا طوال الصيف وكل صيف علمتني انه حقيقي مش كل حاجه المظهر
وهدانا وهداكم الله

[محمد شريف]

هوه المظهر مطلوب بنسبه كبيره برضو

يعني مثلا لو راايح إنترفيو لشغل _ أكيد المظهر ليه عاامل قوي
بس الموااقف الي حضرتك تقصدهاا هي دي فعلا المشكله !! إن النااس تتأثر بالمظااهر دي

وزي ماقاالت نداا بتحصل في مواقف كتيره جداااااااااااااااا
وفعلا شوف ظاابط الشرطه في تعاامله مع سوواق تاكسي وشوفه في تعاامله مع وااحد رااكب عربيه غااليه !! قمه التنااقض حقيقي

ومواافقك إن المظهر بيأثر على النااس بشده _ ووممكن كمان أقولك على أسااس مظهرك النااس هتعااملك
خصوصاا زي ماقالت نداا برضو في المعاملات الوقتيه أو اللحظيه

شكراا يااستااذ محمد
الف شكر علي مشاركتك يا اشرف
وفعلا انا مقتنع بكلامك انا مش محتاج اشوف معامله ضابط الشرطه لسواق التاكسي انا كان كفايه اشوف معاملته لي انا نفسي وانا راكب عربيه غاليه وانا برضه وانا راكب عربيه رخيصه قيمه التناقض مع ان الاتنين والحمدلله بتوعي:)
تفتكر كان مفروض اقوله لحظه واحده واروح اجيب العربيه الغاليه علشان ميسحبش الرخصه؟
وفعلا المظهر بيؤثر جدا في المعاملات اللحظيه او الوقتيه
والعفو يا اشرف اشكرك انت علي تعليقاتك اللذيذه دي وربنا ميحرمناش منها لما تسافر
وهدانا وهداكم الله

[محمد شريف]

انا من رايي انه صعب جدا انه الواحد يحكم علي حد من خلال مظهره او ستايل لبسه
لاني في حياتي قابلت ناس كتير بتلبس كويس .. و معاها عربيات حلوه و كل ده .. و مستوي تفكيرهم او ثقافتهم او ذكائهم .. صفر
و برضه تلاقي ناس بتكون بسيطه في كل حاجه .. و تحس انهم كويسين في كل حاجه
بس للاسف يعني الدنيا بقت اهم حاجه فيها المظاهر
زي ما قال اشرف كده شوفي لما ظابط المرور يكلم واحد سايق تاكسي .. و لما يكلم واحد معاه عربيه غاليه


الاول اشكرك علي مشاركتك
وبعدين اقول ليكي ان انا شخصيا مبحكمش علي الانسان من مظهره
ومستوي الذكاء والثقافه ملهوش اي دعوة بلمظهر وحقيقي كتير ناس لبسها حلو والكرسي الي بقعدوا عليه بيفهم اكثر منهم
وواضح اني الرأي الي شاركت بيه كلنا متفقين عليه
وهدانا وهداكم الله

[محمد شريف]

[QUOTE=wael;19530]
والله يا استاذ محمد انا موافقكك بالرأيي في موقفك ده ومواقف مشابهه ليه كتير صراحة المظهر بيكون له عامل مهم جدآ بس انا اخترت التصويت رقم 3 برضة علي اساس انه مش دايمآ المظهر بيأثر خاصة مع الناس المحترمة اللي هما معدودين طبعآ

شكرآ علي الموضوع الجميل جدآ[/QUOT
اشكرك علي مشاركتك
وحقيقي المظهر مبفرقش مع الناس المحترمه وحصل معايا قبل كده انه دخل المحل بتاعي واحد لابس بنطلون مزيت وشبشب وانا هزرت معاه وهو بيشتري مني واتكلمت معاه كويس لاني حسيت من اسلوبه انه انسان مهذب
المفاجأه بقي انه طلع عنده مصنع كبير وهو بنفسه بيشرف علي الصيانه بحكم كونه مهندس وفيه حاجات كتير يحب يعملها بأيده
وظل يتعامل معي حتي سافر وفتح مصنع في السعوديه لان السوق هنا اصبح كما تعرفون
وهدانا وهداكم الله

[MAHMOUD]

بالاضافه لكلام الشباب اللى ردوا اللى ان الانطباع الاول مؤثر جدا والمظهر والشياكه والعربيه بيرسم برستيج عالى اوى للشخصيه اغلب الفنانين ماشيين عالمبدأ دا

وفعلا فعلا فعلا الناس والبنات خصوصا بتبهرها المناظر واليومين دول يثبتوا كدا

[محمد شريف]

بالاضافه لكلام الشباب اللى ردوا اللى ان الانطباع الاول مؤثر جدا والمظهر والشياكه والعربيه بيرسم برستيج عالى اوى للشخصيه اغلب الفنانين ماشيين عالمبدأ دا

وفعلا فعلا فعلا الناس والبنات خصوصا بتبهرها المناظر واليومين دول يثبتوا كدا

اولا شكرا علي مشاركتك
وفعلا الفنانين عاملين كده والشباب بينبهروا بكده
وللاسف ده مش صح
وليس كل ما يلمع ذهبا
وهدانا وهداكم الله يا صديقي

[omnour]

بلد بتاعت شهادات صحيح
المظهر الكويس - ممكن يكون معناه انسان لابس لبس منسق ونظيف مش شرط غالى ده عن رأى انا ضرورى فى كل الاحوال فى الشغل فى كل مكان
اما المظهر الكويس اللى بتعرف تخلص بيه المصالح ده المقصود بيه اللبس الغالى والكماليات اياها وده طبعا منتشر جدا فى بلدنا
وبيساعد كتير على انجاز المهام مع الضباط مع الحكومة
لاننا بنتخدع بالمظهر الغالى البارفان الغالى العربية الفارهة
للأسف وبننسى انه ممكن ورا كل ده انسان فارغ تافه
ممكن كمان يكون انسان مخالف للقانون
بس هو ده الحال
علشان تمشى حالك لازم تعمل كده

[محمد شريف]

بلد بتاعت شهادات صحيح
المظهر الكويس - ممكن يكون معناه انسان لابس لبس منسق ونظيف مش شرط غالى ده عن رأى انا ضرورى فى كل الاحوال فى الشغل فى كل مكان
اما المظهر الكويس اللى بتعرف تخلص بيه المصالح ده المقصود بيه اللبس الغالى والكماليات اياها وده طبعا منتشر جدا فى بلدنا
وبيساعد كتير على انجاز المهام مع الضباط مع الحكومة
لاننا بنتخدع بالمظهر الغالى البارفان الغالى العربية الفارهة
للأسف وبننسى انه ممكن ورا كل ده انسان فارغ تافه
ممكن كمان يكون انسان مخالف للقانون
بس هو ده الحال
علشان تمشى حالك لازم تعمل كده

اقول لك ايه بس غير للاسف عندك حق وان شخصيا دليل حي علي هذا الكلام فحينما كنت اركب سياره ثمنها يفوق الميت الف جنيه الضابط كان فاضل له شويه ويبوسني ويحضني
اما لما كنت راكب العربيه الرخيصه بتاعه جوة البلد كان فاضل له شويه ويديني بلبوكس في وشي وهو بيديني الرخص
اسف اقصد وصل الرخصه الي هو سحبها وحقيقي انا لما باروح جهه حكوميه باتعمد ان البس كويس واحط برفان واضح انه غالي علشان الحاجات دي كلها بتسهل المواضيع وزي ماقلت قبل كده تلاقي الامور ماشيه لوحدها
وربنا يخلي لك نور يا ام نور بس خساره هو كبير شويه علي ايه بنتي والا كنت خطبته ليها من دلوقتي:)
اخطب لبنتك ومتخطبش لابنك
وهدانا وهداكم الله