اجمل سنين عمرك ؟

[Nada]

اجمل مرحله سنيه عيشتها كانت ايام الجامعه اللي خلصتها السنادي فقط كانت حقيقي اجمل سنين عمري
اتعرفت فيها على اهم اصدقاء الحياه واتعلمت خبرات جميله جدا من الصعب كنت اتعلمها من المدرسه او احتكاكي البسيط بالناس قبل دخولي الجامعه
الجامعه فعلا اسم على مسمى لانها بتجمع جميع طوائف الشعب وجميع العقول وجميع انواع البشر اللي ممكن تصادفهم في حياتك عشان كده بتكون مكسب حقيقي وخبره جيده لكل واحد دخلها
ده بالنسبه لاجمل سنين عمري وياريت اعرف اجمل سنين عمر كل عضو كانت ايه وعمل فيها ايه وليه بيحب السنين دي ؟
:bstwish:

[BasseM]

تانيه اعدادي و تالته اعدادي
كنت بضحك و بهزر و كل حاجه كانت حلوه في حياتي
شكرا ليكي يا ندي
:wub:

[Sherif Talal]

أنا مش لاقى سنين اقدر اقول عليها اجمل سنين عمرى
الثريد بتاعك ده لفت نظرى لأول مره أنى معشتش لحظات حلوه طول حياتى
و أنى ضيعت كل سنين عمرى هدر

[BasseM]

أنا مش لاقى سنين اقدر اقول عليها اجمل سنين عمرى
الثريد بتاعك ده لفت نظرى لأول مره أنى معشتش لحظات حلوه طول حياتى

و أنى ضيعت كل سنين عمرى هدر
يا حبيبي يا ابني

انا قاعد اعيط من الكلام ده يا شريف
:cry:

[Sherif Talal]

يا حبيبي يا ابني

انا قاعد اعيط من الكلام ده يا شريف
:cry:
[/center]
على فكره انا مبهزرش
انا فعلاً قعدت افكر واللهى ايه اجمل سنين عمرى
معرفتش ارد
ملقتش
انا كل ما افرح حاجه تحصل تنكد عليا
مفتكرش انى فرحت مده كبيره من غير ما اخرها يكون نكد
زى ألى كل ما يضحك يقول خير اللهم اجعله خير
عشان حاسس ان اخره الضحك ده مصيبه

[AshraF]

فتره ثاانوي
الأياام دي كاانت جميله جداا ، برغم إن نااس كتيره ممكن تكرهاا عشاان المذااكره وكده
بس كاانت بالنسباالي أجمل فتراات عمري
أولا إتعرفت على نااس هماا دلوقتي أقرب أصدقاائي ، وكنت سااعتهاا صغير ماافيش حااجه في دمااغي غير المذااكره والخروج بعد الدروس _ ودي كاانت أجمل أياام بخرج فيهاا
نخلص درس الصبح ونروح نفطر وبعد كده نشتري جراايد الريااضه انا وصحاابي ونقعد نقراا فيهاا
وبليل نحلص الدرس وننزل نلف شوياا _:D كناا عايشينهاا بالطول والعرض
وماافيش حااجه كاانت بتشغل بالناا نهاائي

الجاامعه مش قوي _ لإني كنت قليل جداا لماا كنت بنزل الجاامعه بسبب الحر والصحياان بدري
تقريبا كنت بنزل في الترم الوااحد مرتين تلاته بس غير أياام الإمتحاناات
ولا كنت بحضر سكشناات ولا محااضرات خااالص _ كنت بقضيهاا دروس بس
بس في سنتين هي 3 و 4 كنت قااعد فيهم لوحدي في البيت ، وأهلى نقلواا بيتنا التااني
والفتره دي برضو كاانت جميله جدا :wub: خصوصاا أياام الشتااء اللي بعشقهاا من جواا قلبي

كفاايه بس إن الوااحد ينزل بليل يقعد على كاافيه والدنياا بتمطر بره :D _ إحسااس رهيب والله

أجمل سنين عمري فعلا هي ثاانوي ، وتالته وراابعه جاامعه

بالمنااسبه : أنا مش فااكر أي حااجه من أياام الحضاانه بتاتاا :unsure:

شكراا ياانداا

[Sniper]

ايام ابتدائي عشان كنت لسه صغير وكل طلباتي بتتنفذ وماكنتش شايل اي مسئوليه خالص

[Mona]

اولي و تانيه و تالته ثانوي
كانت ايام عسوله جدا .. كنت انا و اصحابي قريبين اوي اوي لبعض
كلنا كاننا واحد
مكنتش حاسه ان في حاجات شغلاني زي دلوقتي
مكنتش حاسه ان حد عارفني عشان مصلحته
كانت ايام حلوه اوي بجد
السنه دي برضه علي اد ما فيها حاجات رخمه علي اد ما بعتبرها من احلي السنين اللي عشتها

شكرا

[Shaymaa_AdeeB]

احلى سنين عمرى هي ايام الجامعة ....لاني كنت بشوف صحابي باستمرار وفعلا مكنتش بفكر في كل حاجة بكل تفاصيلها زي دلوقتي..وكنت بستمتع بكل لحظة في المرحلة دي

لكن اكيد كل واحد فينا بيعتقد ان دي احلى سنين عمره عشان معاشش غيرها ... لكن باذن الله السنين الله جاية هتكون أحلي من اللي فاتت .......

شكرا ليكي يا ندا

[AshraF]

احلى سنين عمرى هي ايام الجامعة ....لاني كنت بشوف صحابي باستمرار وفعلا مكنتش بفكر في كل حاجة بكل تفاصيلها زي دلوقتي..وكنت بستمتع بكل لحظة في المرحلة دي

لكن اكيد كل واحد فينا بيعتقد ان دي احلى سنين عمره عشان معاشش غيرها ... لكن باذن الله السنين الله جاية هتكون أحلي من اللي فاتت .......

شكرا ليكي يا ندا

معلش يامشمشه هوه سؤال تطفلي شوياا لو مااكنش ياضاايقك : إنتي عند كاام سنه ؟

[Shaymaa_AdeeB]

معلش يامشمشه هوه سؤال تطفلي شوياا لو مااكنش ياضاايقك : إنتي عند كاام سنه ؟


انا عندي 23 سنة لكن سؤالي انا بقي .... ممكن اعرف بتسأل ليه يا أشرف؟

[AshraF]

انا عندي 23 سنة لكن سؤالي انا بقي .... ممكن اعرف بتسأل ليه يا أشرف؟

كنت حااسس إنك مثلا 19 او 20 سنه بالكتير:D _ مش عاارف ليه السن ده بالذاات ، بس يمكن الأفااتر وتوقيعك إيدولي إيحااء إنك في السن ده
شكراا يامشمشه على ردك

[Shaymaa_AdeeB]

بالعكس على فكرة اللي يقرأ مواضيعي وردودي يعرف سني بسهولة .. ويمكن يفتكرني اكبر

لكن مادام الصورة والأفاتر ممكن توحي ان سني 19 ... 20 سنة .. ححاول أغير الصورة والأفاتر

وشكرا ليك يا أشرف

[AshraF]

بالعكس على فكرة اللي يقرأ مواضيعي وردودي يعرف سني بسهولة .. ويمكن يفتكرني اكبر

لكن مادام الصورة والأفاتر ممكن توحي ان سني 19 ... 20 سنة .. ححاول أغير الصورة والأفاتر

وشكرا ليك يا أشرف

لا عادي والله ولا تشيليهاا ولا حااجه يامشمشه ،، :D عاايزه تكبري نفسك ليه بس

[Shaymaa_AdeeB]

لأ مش حكاية اكبر نفسي ... بس مش عيب ان الواحد يقول سنه الحقيقي

[shadowhisper]

اجمل سنين عمرى .. هى الا ابويا الله يرحمه كان معانا فيها
كان صاحبى أوى ..كننت فى فترة بأقعد معاه اكتر حتى ما بقعد مع امى
كان هو ضهرى وصاحبى وكل حاجه
ربنا يرحم كل موتى المسلمين والمسلمات