وهــم الحب الاول

[Mohamed Kareem]

انا كنت عايز اتكلم عن الحب الاول للانسان و الموضوع دا دايما بفكر فيه لما بشوف فيلم الوسادة الخالية لعبد الحليم وقد ايه كان هيتجنن على لبني عبد العزيز بشكل تقريبا بيحصل ل اى حد مر علية الحب الاول بالشكل دا لدرجه انه كان مستعد انه يروح يتجوزها من غيراى حسابات لجواز ومسئولية ....من ناحية تانية الكلمتين اللى قالهم ليه العظيم عبد الوارث عسر كلنا حبينا وهو نفسة مر علية الحب الاول قبل مايتجوز والدتة لكن مع الصبر بيكتشف انه وهم وبيتنسي مع الزمن وانه افضله يلتفت لمستقبله لانه لسة فى كلية ..و فعلا لما صبر بعد شوية ضياع طبعا عشان حبيبته اتجوزت حد تاني قدر ينجح فى حياته بشكل هو نفسة مكنش راسمة لحياته واتجوز من حد تانى.... حاجه تانية أن الكاتب الكبير إحسان عبد القدوس عاش حياته مؤمن بالجملتين دوول ( ما الحب الاول الا وهم كبير _ في حياة كل واحد منا وهم كبير أسمه الحب الاول) السؤال بقي اللى عايز نتكلم فية م المقدمة دي كلها الحب الاول دا في رأيكم وهم ولا حقيقة ولو حد عاشة ايه كانت نتيجتة ؟

[AmReloo]

فى حب فى حياه الواحد مش شرط يكون الحب الاول
ممكن الحب التانى او التالت او العاشر
الحب ده مش بيتنسى
و السبب فى كده حاجه واحده بس
ان الطرف التانى هو اللى بينهى العلاقه وقت ما هو عايز فى عز ما انت بتحبه و محتاجه
فأنت بتكون عامل زى المدمن لحاجه و راحت منه فى ثانيه و مفيش حاجه فى الدنيا تقدر تعوضك ادمانك لى غيره هوا
فتقعد بالسنين تدور عليه و ممكن تتجوز و تخلف و انت لسه بتحبه بس انت عارف انك مستحيل هتشوفو تانى عشان كده بتعوض نفسك بذكرياتك معاه
ولو انت حاسس بنسبه 1 % ان كان فى امل انه يرجعلك تانى ..مكنتش فكرت تحب بعد منه ابدا و حاربت عشان ترجعو ليك

[Mohamed Kareem]

انا معاك في كل دا ياعمرو وتحليلك مظبوط بس انت على اساس ان مفيش تصنيف عندك بتتكلم عن اى حب فى حياه البني ادم اول زي تاني .. لكن اللى انا قصدة بالتحديد اول حب للانسان لانه معروف ليه جو تانى خالص يعني على رأي عبد الحليم .. شعاع اول شرارة حب واللى بيعملة فى البنى ادم دا اللي انا بتكلم عليه ياعمرو ومش عارف هو بيختلف معاك ولا قاصد المعنى اللى فى كلامك انه كله عندك حب مفيش اول واخير

[AmReloo]

انا معاك في كل دا ياعمرو وتحليلك مظبوط بس انت على اساس ان مفيش تصنيف عندك بتتكلم عن اى حب فى حياه البني ادم اول زي تاني .. لكن اللى انا قصدة بالتحديد اول حب للانسان لانه معروف ليه جو تانى خالص يعني على رأي عبد الحليم .. شعاع اول شرارة حب واللى بيعملة فى البنى ادم دا اللي انا بتكلم عليه ياعمرو ومش عارف هو بيختلف معاك ولا قاصد المعنى اللى فى كلامك انه كله عندك حب مفيش اول واخير

انا قصدى يا محمد ان اكتر حب بيعلم فى الواحد مش لازم يكون الحب الاول
ممكن اول حب فى حياتك تكون انت اللى اخترت تبعد عنه عشان مبقتش تحبها او لقيت شخصيتها مش زى ما كنت بتحلم
و بعدين تيجى تحب واحده تانيه و تكون هتموت عليها و تحلم بس بنظره رضا منها
و لما تسيبك ..بتبقى زى المجنون عليها طول عمرك عشان انت حاسس ان مفيش حاجه فى الدنيا تعوضك عنها
ولا بنات الدنيا كلها و تبقى ماشى فى الشارع و تبص لأى بنت و تقول هل دى تعوضنى عن حبيبتى ؟ تلاقى نفسك بترد بكل قوه لأ
بعدين مع الايام ممكن ترتبط بأنسانه تحبها و تحبك و تستمرو مع بعض و تتجوزو و يفضل الحب بتاع زمان الكبير ده ذكرى جواك بتحن ليها كل فتره لكن عارف انه مستحيل يرجع لأنك اكيد عملت كل المحاولات عشان ترجعو و فشلت

بأختصار قصدى ان اكتر حب بيعلم فى الانسان مش لازم يكون الحب الاول
اكتر حب بيأثر فى الواحد هو الحب اللى بينتهى من الطرف التانى فى عز ما هو عمال يكبر فيك

[EMY]

ana ma3a amr f kalamo...mesh darori awel hob howa elly manensahosh aw ye3alem ma3ana awi
el mohem eno yeb2a 7ob 7a2i2i
awel hob momken te7ebo f sanawi e3dadi ay mar7ala byeb2a awel hob ah bas momken mayeb2ash 7a2i2i
mesh btensah l 7aga wa7da bas ..ano byeb2a awel mara albak yedo2 fiha
awel mara t7ess haga gedida f albak...awel haga w 5alas
w kaman mesh btensa el 7ad elly ertabat bih da bardo 3ashan howa awel wa7ed
btefdal lik zekrayat meno...w mawa9ef
bs el hob elly mabyetnesich hoa el 7a2i2i wely byeb2a f mar7alet wa3y 3and el enssan ya3ni ba3d el morah9a
mawdo3 gamell ya kimo
ana law a3adt atkalem harghi kteeeeer fih

[Mona]

الحب الاول
حاجه كده بين الحقيقه و الخيال
انا اصلا مش بؤمن بالحب الاول ..ايماني اكتر بالحب الحقيقي
صحيح ان الحب الاول بتقول فيه كلام مكنتش متخيل انه جواك
و بتسمع كلام حلمت ياما تسمعه...و بتحس حاجات لاول مره قلبك بيعرفها
لكن في الاخر
ده بيتنسي تماما بمجرد انك بتقابل حب حقيقي
لانك بتبدأ تميز مشاعرك و تفهمها اكتر
و تفهم تصرفات اللي ادامك اكتر
لان الحب الحقيقي فعلا بيغير حياه الانسان بشكل كامل

[bero]

الحب الاول
حاجه كده بين الحقيقه و الخيال
انا اصلا مش بؤمن بالحب الاول ..ايماني اكتر بالحب الحقيقي
صحيح ان الحب الاول بتقول فيه كلام مكنتش متخيل انه جواك
و بتسمع كلام حلمت ياما تسمعه...و بتحس حاجات لاول مره قلبك بيعرفها
لكن في الاخر
ده بيتنسي تماما بمجرد انك بتقابل حب حقيقي
لانك بتبدأ تميز مشاعرك و تفهمها اكتر
و تفهم تصرفات اللي ادامك اكتر
لان الحب الحقيقي فعلا بيغير حياه الانسان بشكل كامل



وانا بأيدك فى رايك يا منى

[AshraF]

أنا مع الغالبيه إن ماافيش حاجه إسمها حب أول وحب تانى أو تالت _ الحب وااحد بس
وعادي قوي ممكن تصاادف في حياتك أكتر من حب
وفي نااس مابتقدرش تعيش من غير حب ولازم كماان كل شويا تنوع وتغير في حبها _ :yes: يعني نااس بتحب على نفسهاا
أنا عن نفسي مريت بأكتر من تجربه بندفع في بدايتها وبرجع بعد كده أكتشف إن كنت متسرع ، بس فعلا مابكونش متعمد ألعب بالطرف التااني _ أنا فعلا بحس معااه في البداايه بشعور بيشدني نااحيته ، بس مع الأياام بحس إن الشعوور ده بيصغر وبينتهي _ وده من خصاائص برج الدلوو إنه متقلب _:noanswer: مع إني مش مؤمن بالأبراا

ثانكوووس كيمووز :smart:

[dr.maged]

موضوع حلو اوى يا محمد
بس رايى يمكن يخالف كل الناس اللى اتكلمت قبلى
كله بيقول الحب الحقيقى مش الحب الاول و ممكن الحب الحقيقى ده يبقى الاول او التانى او التالت
حتى عنوانك كاتب فيه وهم الحب الاول
انا بختلف مع الرأى ده
يا قلبى هى مره بنتلاقى فى العمر مره و مهما نحب تانى مبننساش
حبيبى الاولانى صعب فى يوم يرجعلى تانى بس مهما يكون ناسينا مبننساش
ممكن انسى اسمى انسى الناس انسى اعيش بس اول مره احب مبتتنسيش
دى اغنيه رامى صبرى حبيبى الاولانى
قد ايه الحب الاولانى بيبقى اجمل حب و احلى حب و ارق حب
الواحد اول مره بيحب بيحس بحجات اول مره يحسها فى حياته و بيسيب نفسه لاحساسه بالحب يخده و مش بيبقى عارف هيخده و يروح بيه فين
احساس عمره مجربه قبل كده بيحس انه فرحان بيه اوى و مشدود ليه
الاهتمام مع الانشغال مع الخوف مع الغيره مع الكلام الحلو مع المشاعر الدافيه
كل دى حجات الواحد اول مره بيحسها و اول مره بيعرفها
يمكن الحب الاول كتير منه بينتهى بالفشل عشان لسه بقول ان الاحاسيس دى بتبقى اول مره و مفيش خبره او تجربه
بس مهما الواحد حب تانى هيحس انه بيكرر الاحساس بالحجات دى اللى هو قبل كده حس بيها مع حبيبه الاولانى
بس طعمها بيبقى اضعف كتير من اول مره
زى اللى بياكل اول مره مانجه فى حياته اول مره مره ليها طعم تانى و جمال تانى
تانى مره بياكل فيها بيبقى الطعم مختلف مع انها مانجه برده بس خلاص عرف طعمها و جربه قبل كده
او اللى بيروح مكان لاول مره بيكتشف جواه حجات بعد يومين تلاته المكان بيفقد حلاوته مع انه نفس المكان هو هو
برده الحب الاولانى بيبقى اكتشاف و خروج للمشاعر دى كلها و مهما خرجت تانى مع حد تانى عمرنا مهنحس بجمالها زى اول مره
انا رايى ان الحب مره واحده فى العمر و هو الحب الاول بعد كده الانسان مش بيبقدر يحب بنفس الحب الكبير اللى كان عنده
ده الحب الاول بيبقى فيه انبهار مع تأثير من كل طرف على الطرف التانى مع زكريات مع مشاركه مع تغييرفى الشخصيه مع احساس بالوجود
الواحد بيتعلم ازاى يحب و يعنى ايه حب من حبيبه الاولانى
هرجع باغنيه رامى صبرى تانى
يا قلبى هى مره بنتلاقى فى العمر مره و مهما نحب تانى مبننساش