طلعت السادات_شايف عمرو سبب من اسباب دخوله 

[BLaLO]

السلام عليكم
ازيكم يا شباب ..دايما بخير ان شاء الله
حد فاكر حلقة طلعت السادات واللى اتكلم فيها عن مقتل عمه الرئيس الراحل أنور السادات ؟ اكيد المعظم ان ماكنش الكل فاكر الحلقه دى
طلعت السادات يوميها قال كلام كبير اوى والحلقه سخنت ....عمرو اديب فى الحلقه دى ماطلبش منه انه يقف او يهديه شويه
انت شايف ان عمرو كان يقدر يهدى طلعت السادات شويه ؟؟...وهل عمرو كان مدرك ان اجهزة الأمن مستنية لطلعت السادات اى غلطه ؟؟
انت شايف ايه فى الحلقة دى ودخول طلعت السادات السجن بسببها ؟

[RasheeD]

يهديه ليه يابلال ؟ طلعت السادات سياسيا أعلى بكتير من عمرو أديب
طلعت السادات راجل فاهم سياسه وبيلعبها من زمان يعني المفروض يكون عارف ايه هى حدود كلامه كويس
وماعتقدش نهائيا ان عمرو أديب ممكن يكون عارف ان اجهزه الامن مستنيه غلطه للسادات
ومن المفترض ان السادات هو اللى يكون عارف كده ويعرف ان في جهات بتراقب كلامه
لكن مش من اختصاص أديب ابدا ان يحد من كلام السادات ، والا البرنامج فعلا مايبقاش برنامج حر تماما
شكرا يابلال

[zizoamer]

لا ماعتقدش لان طلعت السادات طلع في برامج تانية وقال كلام اسخن من ده وقال كلام كبير في حق وزراء حاليين وسابقين لكن الحكومة ماكنتش مهتمة بيه لحد ماكلامه مابقاش علي هواهم استنوا اي كلمة منه عشان يتاخد وهو راح لحال سبيله

[Mohamed Kareem]

عالفكرة يابلال قريب اوي هيوصلك الرد من عمرو أديب نفسه .. بس انا اعتقد يعني ان طلعت السادات كان عارف وفاهم هو بيقول ايه كويس اوي مش محتاج حد ينصحه انه يوقف بس اكيد لو كان يعلم الغيب ل اختار الواقع وسكت
;) ;)