أول فيلم خيال علمى مصرى على نهج الرجل العنكبوت

[Sherif Talal]

السلام عليكم و رحمه الله و بركاته


شوفتم الرجل العنكبوت؟؟
شوفتم بات مان؟؟
شوفتم سوبر مان؟؟
شوفتم المذهولون الأربعه؟؟


كلهم أبطال أمريكيين بعضم من كوكب تانى و بعدهم أكتسب قوته من شعاع كونى و بعضهم أكتسب قوته من كرهه الشديد للظلم أو من لدعه عنكبوت


فين دور مصر فى ده
و عشان كده انا فكرت أعمل بطل مصرى ينافس أبطال أمريكا و مستنى أى حد يساعدنى فى تنفيذ الفكره العملاقه دى
هتبقى من قصه و سيناريو السيناريست المجهول العبد لله شريف طلال
و أنتاج المنتج المليونير المنوفى الأصل عباس الشحيح
و أخراج المخرج العبقرى الصعيدى الأصل هريدى العتيهه
و الممثل الوسيم أبو الغضب ألى هيقوم بدور صحفى و بيشتغل بعد الظهر رجل خارق أسمه فول مان
و أكتسب قوته من المياه الفاسده و الطعام المسرطن المرشوش كيماويات و الهواء الملوث
فتطورت جيناته بفضل التلوث الشديد فى مصر
و أصبح بيطلع من عنيه شعاع كيماوى يحمل رائحه الخضراوات
و من أذنيه أدخنه و عوادم حتى يختفى من أعين أعدائه
و لمؤخذه بيتف مياه ملوثه على أعدائه و يبدو أنها عامله زى ميه النار
و بيحارب الحكومه ألى أهملت مشكله البيئه..و فى النهايه بينتصر على الحكومه و يخلص الشعب منها و بيعمل أنتخابات رئاسه نزيهه و لكن ملقاش حد أترشح للأنتخابات
و لقى الشعب كله بيطير و بيتخانقوا مع بعض بالأشعاعات الكيماويه و لمؤخذه التفافه الحارقه الخارقه
الشعب كله بقى خارق و مش محتاج رئيس يحكمه
أسم الفيلم
THE FOOL MAN
و هتعمد أسيب النهايه مفتوحه عشان اعمله جزء ثانى أسمه
FOOL MAN RETURN
أو عوده فول مان
و أنتظروا الجزء الثانى



ايه رأيكم فى الفيلم ده؟؟؟
:noanswer:

[Sherif Talal]

أنتظروا منى قصه الفيلم فى الفانز كرييشين أن شاء الله قريباً
و هتبقى من جزئين زى ما أتفقنا
The Fool Man
Fool Man Return

و أليكم المفاجئه الحصريه
بوستر فيلم فول مان و هتلاحظوا بعدنا كل البعد عن أى تقليد أعمى لأى عمل أمريكى سبقنا فى الأفكار دى
:yes: :yes: :yes:




http://img508.imageshack.us/img508/6347/u12copy1vbmv9.jpg

[shadowhisper]

هههههههههههههه
حلو اوى كده ياشريف
بس اهم حاجه بقى علشان الفيلم يكسر الدنيا
انك تعمل ميكينج وتذيعه مرة كل 10 دقايق
وتعمل ترايلر .. برضه يكسر الدنيا وتبتدى تذيعه قبل ما الفيلم ينزل ب 3 شهور
كده تبقى الدعايه عندك ... تمام
وانت كمان عامل كاست هايل من اخراج وتمثيل لانتاج
كان نفسى اشوف البوستر ..بس الصورة ما طلعتش
بس .. تمااااااام

[BasseM]

سمي الفيلم ام فاطمه ياد مش فول مان
هههههههههههههههههههههههههههههههههههههههههههههههههه ههههه
:mfr_lol:


جامد يا شريف كالعاده فكره جامده طبعا

====================
الصوره اهيه يا شادو و لو مشوفتيهاش دوسي علي اللينك اللي عملو شريفو هيا هتظهر
http://img508.imageshack.us/img508/6347/u12copy1vbmv9.jpg

[Shaymaa_AdeeB]

فكرة جامدة جدا يا شريف
والفيلم ده هيكسر الدنيا لما ينزل

ومنتظرين جديدك على الساحة الفنية في القريب العاجل

هههههههههه

شكرا على موضوعك

[shadowhisper]

متشكرة يا باسم ع الصوره
وشكرااا طبعا يا شريف ع الخبر

[ego]

فى اتتظار الجزء التانى

[Sherif Talal]

مرحب بيكم كلكم

[محمد شريف]

منتهي الواقعيه انه يكتسب قوته من التلوث المحيط به وانه يستعمل خصائص التلوث في مكافحه الملوثين هي دي الاصاله والواقعيه
عموما الموضوع واقعي جدا والاسلحه كمان متطوره جدا ولايقه علي الموضوع المفروض بقي يبقي له مساعد اسمه الاستاذ فهام الفهامين يساعده ويعمل له اسلحه جديده زي ام الي بيساعد جيمس بوند وطبعا الزي بتاعه لازم يكون معبر عن البيئه الي احنا عايشين فيها
يبقي مثلا لابس جلابيه مقلمه ومقطعه من عند الاكواع وقصيره ولازم لونه يكون معبر عن لون المياه الي بنشربها لما بتبقي موجوده يعني لازم يكون اسود هباب
لون نيلتك يا مصر
عموما انا احب الافكار الجديد واشجعها اول معجبي الفلم ده هو العبدلله وحقيقي بيعجبني تفكيرك يا شريف متميز ومحترم
بارك الله فيك
وهدانا وهداكم الله

[nemo]

شكرا