المساعد الشخصي الرقمي

مشاهدة النسخة كاملة : ايه رأيك في سينجل عمرو دياب الجديد؟


BasseM
05-03-2007, 08:29 PM
ايه رأيك في اغنيه الله عليها
او سحر كسوفها اللي غناها عمرو لريم بنت وليد بن طلال
بس بصراحه اوي؟:o
BasseM
05-03-2007, 08:56 PM
انا عن نفسي مش عاجبني خالص
AshraF
05-03-2007, 09:04 PM
غلطه طبعا كبيره في حقه وحق تاريخه

والله العظيم بجد انا اتضايقت جدا من اللى حصل ده ، مش عمرو دياب ابدا اللي يعمل كده
ويشترك في لعب العيال ده عشان خاطر واحد مع زكيبه فلوس عايز يحرك الناس زي ماهوه عايز

مش روتانا دي اللى كانت بتتحابا لناس على حساب عمرو دياب ؟؟؟
مش إدعت ان اليسا اعلي المبيعات ؟ وبناءا عليها أخدت الاورد ؟؟؟
مش روتانا دي برضو اللى كانت بتتجاهل وعن تعمد مطرب يعتبر أهم مطرب عربي ؟؟؟
بعد ده كله عمرو دياب يشترك في لعب العيال ده ويغني أغنيه لبنت الوليد ابن طلال

حرام عليك بجد ياعمرو اللى انتا عملته ده
حرام في حق نفسك واسمك وتاريخك واخيرا جمهورك
RasheeD
05-03-2007, 09:28 PM
ده ردي ياباسم أنا كتبته في عمرو دياب إنفو

الاغنيه انا شايفها غلطه في تاريخ عمرو دياب الصراحه
يعني عمرو في تاريخه كله تقريبا ماغناش لشخصيات محدده غير الرئيس مبارك بعد حادث إغتيال السودان
واغنيه تانيه وماكنتش مباشره قوي لبنته كينزي
ماكنش ينفع بجد بعد التاريخ ده كله يغني اغنيه ومتسجله كمان عشان خاطر بنت الوليد طلال مهما كانت الاغراءات او تحت أي مسمى كانت


وبعيدا عن كل ده الاغنيه انا شايف احسن مافيها الكلمات من مجدي النجار
تاني حاجه لحن البدري كلباش ودي حاجه مش جديده عليه خصوصا اني كنت متحمسله فعلا من تعامله الوحيد مع عمرو في اغنيه ولا ليله ثم اعماله الاخيره في البوم حميد الشاعري وهي الاغنيه الرائعه جيبولي اخباره

التوزيع فعلا كان صدمه لما لقيته من فهد .. ماتوقعتش ابدا ان فهد يعمل السطحيه دي في التوزيع
الاغنيه مافيهاش اي فن مزيكي يذكر ... ودي للاسف مش عاده فهد ابدا
الالات متوظفه بشكل عادي وفي اغاني كتير قوي ممكن تحس انها مقتبسه منهم بدون وجود أي إيضافات فهديه تذكر
Mohamed Kareem
05-03-2007, 09:30 PM
بغض النظر عن اى حاجه وغناها لمين وعشان ايه السنجل ظريفه وحلوة
Mr MohameD
06-03-2007, 12:23 AM
الأغنيه كأغنيه جميله جدا
لحنها جميل جدا و جديد للبدرى كلباش الى بتعجبنى الحانه جدا خاصة الحانه فى البوم حميد الشاعرى الأخير (Y)
و لحنه لأغنية ولا ليله لعمرو دياب فى البوم اكتر واحد..
و احساس عمرو فى الأغنيه جميل و عالى اوى ..و توزيع فهد بردو كويس رغم ان فهد عنده احسن من كده يعمله ..
و الأغنيه خدت فى بدايتها الطابع الخليجى الجديد على عمرو
شكرا عالموضوع
bero
06-03-2007, 12:38 AM
الأغنيه كأغنيه جميله جدا
لحنها جميل جدا و جديد للبدرى كلباش الى بتعجبنى الحانه جدا خاصة الحانه فى البوم حميد الشاعرى الأخير (Y)
و لحنه لأغنية ولا ليله لعمرو دياب فى البوم اكتر واحد..
و احساس عمرو فى الأغنيه جميل و عالى اوى ..و توزيع فهد بردو كويس رغم ان فهد عنده احسن من كده يعمله ..
و الأغنيه خدت فى بدايتها الطابع الخليجى الجديد على عمرو
شكرا عالموضوع



وانا معاك فى الرأى دة
mido4nona
06-03-2007, 11:36 PM
معلش يا جماعه هو عمرو غنى الاغنيه دي فين وبمناسبه ايه

ولو عند حد يحملها هنا
adham dodo
06-03-2007, 11:59 PM
معلش يا جماعه هو عمرو غنى الاغنيه دي فين وبمناسبه ايه

ولو عند حد يحملها هنا

اهى الاغنيه يا ميدو
اسمها الله عليها
غناها لريم بنت الوليد فى فرحها
حمل من هنا (http://www.up4world.com/download3.php?id=lea2vEC1Camv6pT0vJhk)
mido4nona
07-03-2007, 12:14 AM
اهى الاغنيه يا ميدو
اسمها الله عليها
غناها لريم بنت الوليد فى فرحها
حمل من هنا (http://www.up4world.com/download3.php?id=lea2vEC1Camv6pT0vJhk)


شكرا يا ادهم يا حبيبي
EMY
07-03-2007, 12:57 AM
la7n tawzi3 kalam 7elwa bas eno yghaniha l7ad mo3ayan da yedaye2
FaroQ
07-03-2007, 02:47 AM
بغض النظر يا جماعة الاغنية معمولة لمين بصراحة انا شايفها حلوة اوى
كلماتها مع انها خفيفة بس تحبها ولحنها بصراحة جديد على ودانى التوزيع
انا شايف منسجم مع روح الاغنية وبساطتها بس طبعا فهد اكيد عندة اعلى من كدة
بس التوزيع عاجبنى لسبب ان بسيط اوى
زى كلام ولحن الاغنية
Mr.Totti
07-03-2007, 02:50 AM
الاغنيه كليمات اداء من عمرو
توزيع لحن تعبان اوي

بغض النظر لمين ولفين :D
zizoamer
07-03-2007, 08:19 PM
غلطة كبيرة قوي قوي لعمرو دياب لان مش عمرو اللي يعمل كده
عمرو ماغناش اغنية وطنية بمعني الكلمة عشان يغني لبنت الوليد اللي مضيع المطربين المصريين اصلا
عمرو اتسأل مرة ليه مش بيغني اغاني وطنية ؟..رد وقال انا محتاج حاجة تستفزني عشان اغني اغنية للوطن زي مثلا لما الريس اتعرض للاغتيال ده حدث استفزني وخلاني اغني لو فين هتروح تلاقي انما الغنا عمال علي بطال كده ماينفعش

ده كلام عمرو في احد الحوارات ومش عارف بقي ايه اللي استفزه في ريم دي عشان يغنلها ..هو للاسف استفز جمهوره بس..دي حتي ماتعرضتش للاغتيال دي اتعرضت للجواز يعني عيب قوي علي عمرو انه يغني اغنية زي دي

اغنية ملاكي وسقطة لعمرو وخانه فيها ذكائه اللي بدأ يخونه كتير قوي في الفترة الاخيرة
MIZO
07-03-2007, 08:27 PM
واللهي الاغنيه حلوه
انا مش حتعب دماغي ببنتت صاحب الشركه ولا لا
انا بسمع الاغنيه وخلاص وهي واللهي اغنيه حلوه
Lama
07-03-2007, 10:16 PM
el 3'eniyi 7elwi tab3an mtl kll shi bey3'annih amr :cool:
bass ya3ni msh bi mostawa ennha tenzal bl album el gdid ..
ya3ni 7elwi bass tab3an met3awdin mn amr a7la mn hek ..
w kamen elli ktir ma 7abayto enno 3'anneha la Reem :S


thank you
BasseM
08-03-2007, 11:34 AM
شكرا يا جماعه
و الاختلاف في الرأي لا يفسد للود قضيه
M£ĐHAT
08-03-2007, 12:46 PM
غلطه طبعا كبيره في حقه وحق تاريخه

والله العظيم بجد انا اتضايقت جدا من اللى حصل ده ، مش عمرو دياب ابدا اللي يعمل كده
ويشترك في لعب العيال ده عشان خاطر واحد مع زكيبه فلوس عايز يحرك الناس زي ماهوه عايز

مش روتانا دي اللى كانت بتتحابا لناس على حساب عمرو دياب ؟؟؟
مش إدعت ان اليسا اعلي المبيعات ؟ وبناءا عليها أخدت الاورد ؟؟؟
مش روتانا دي برضو اللى كانت بتتجاهل وعن تعمد مطرب يعتبر أهم مطرب عربي ؟؟؟
بعد ده كله عمرو دياب يشترك في لعب العيال ده ويغني أغنيه لبنت الوليد ابن طلال

حرام عليك بجد ياعمرو اللى انتا عملته ده
حرام في حق نفسك واسمك وتاريخك واخيرا جمهورك

أنت قلت اللى انا عايز أقوله يا أشرف
وكمان بجد..انا أتصدمت
أنا بحب عمرو أه..لكن فى اللى حصل ده..مستحيل أقف و أسقف و أقعد أقوله الله يا عموره و أبقا عامل زى .............مش ينفع أقول

بغض النظر الأغنية هتنزل أو مش هتنزل..ولا أتعملت لحاجه مخصوص او لا
بس..بجد حرام اللى عمله عمرو
فى واحد صاحبى قال كلمه و بجد الوصف مناسب جدا
عمرو فى الأغنية دى كان عامل زى عبده الحامولى اللى بيغنى لبنت الخديوى