بعد شهرين من عوده البرنامج

[elmasry-mido]

بعد مرور شهرين تقريبا على عوده البرنامج ما تقييمك للبرنامج الان ؟

[elmasry-mido]

اولا انا حاسس ان البرنامج اتغير كتير مش هوا دا القاهره اليوم اللى كان مثال للحريه والاحتراف والاحترام فى عهد ما قبل الثوره (ثوره 25 يناير )
ثانيا اقترح تغيير اسم البرنامج الى الوفد اليوم بعد استيلاء شردى على البرنامج
ثالثا اطالب بعوده فقره الصحافه للبرنامج

[Mohamed Kareem]

لسة البرنامج حاسس انه محتاج يبقي اقوي من كدا.. ونفسي اشوف تغيير كبير ونلاقي مثلا نجم اعلامي بجانب عمرو.

[alahly1907]

اولا خلينا نكون صادقين مع انفسنا ده اسوء فترات البرنامج وعمرو خسر كتير من جمهوره بعد الثوره

وللاسف هو اتظلم من النظام السابق اللى قفل البرنامح وظلم هو نفسه بعودته على قناة الحياه والكلام اللى اتاخد عليه وعدم مسنادته الثورة من البداية

وده اللى مخلى بعض الناس يتهموه بالنفاق والتحول رغم ان عمرو مواقفه كانت ضد الفساد والتوريث واضحة كالشمس

المشكلة الثانية ان البرنامج بعض نظام التشفير الجديد فقط مشاهدى الوصلة والشيرنج ودول بيمثلوا القطاع الاكبر من مشاهدى البرنامج

يجب ان يترك عمرو اوربيت فى اقرب فرصة لانه كده بيخسر جمهور كبير واعتقد ان البرنامج تراجعت شعبيته ويحتاج وجه نسائى وصحفى اخر بجانب شردى

انا اسف بس بزعل لما بشوف العاشرة مساء ولا بلدنا بالمصرى ولاحتى الحياه اليوم بقوا اكتر مشاهدة حتى شكل الصورة والتكنيك والجرافيك افضل

انا من محبى عمرو وصديقك من اصدقك القول

[Raslan]

البرنامج لسه يدوب بعد فترة توقف وكمان الثورة يعنى خبطتين فى الراس توجع ده من ناحية
ناحية تانية ساعات بحس فى بعض الحلقات ان الضيوف مبيعرفوش يوضحوا وجهة نظرهم واحيانا التضييق عليهم واخذ الحوار فى اتجاه محدد سلفا
من اشد المعجبين بالقاهرة اليوم واشتركت فاوربيت عشان البرنامج ده

[Nashwan]

نا احد محبي ومتابعي البرنامج العرب واسكن مملكة السويد البرنامج هبط كثيراً بعد رجوعه واصبح يتعثر يوما بعد يوم بتغيير المقدمين المساعدين لعمرو اديب مثل الست شافكي المنيري لم تتمكن من التقديم بشكل مقبول وبنفس ايقاع عمروا اديب عكس الاستاذة امال عثمان كانت تتناغم بشكل افضل مع ايقاع عمروا اديب وفقرة الصحافة فقرة جيدة تم الاستغناء عنها واعتقد ان البرنامج ان استمر بنفس الايقاع سوف يتراجع تدريجياً مع كل الحب والتقدير لاسرة البرنامج وللرائع عمرو اديب