انا بعشقها و مخبي و هيا كمان مخبيه

[Mona]

السلام عليكم و رحمه الله و بركاته
مساء الورد
بجد انا كنت مفتقده جدا الكلام معاكم
و النهارده عملت توبيك صغير جدا و مستنيه رايكم فيه
هل شايف ان اعلان الحب احسن..و لا يفضل سر بين الاتنين دول
بمعني
لو انت مرتبط بانسانه معاك في الجامعه مثلا..او معاك في الشغل
هل بعد ما تبدأ قصه حبكم هتعرفوا اصحابكم و كل الناس اللي يعرفوكم
تجنبا لان حد يعجب بيه او حد يعجب بيها ..او حتي عشان الناس تبقي عارفه
و لا تفضل يفضل سر بينكم
علي اساس ان المجتمعات المقفوله دي بيبقي غالبا الناس ملهاش كلام غير عن بعض
و اكيد لا انت و لا هيا هتكونوا حابين ان الناس تتكلم عليكم
مستنيه رايكم

[pasi]

انا بفضل أعلنه قدام الدنيا كلها
لأنه مش عيب يعني وما فيش حاجة غلط
خصوصا عندنا المجتمعات المقفولة زي ما قلتي بجد ما فيش حاجة ورا الناس غير انها تتكلم على بعضها

يبقى ليه هنجيب الكلام لنفسنا :D

والظروف احنا عايشين فيها كمان اكيد ليها دور
يعني ممكن تكون في ظروف معينة مثلا رفض من الأهل
ساعتها هخبي حبي ليه

وكل حالة فيهم ليها طعم خاص :D
يعني لو كنت معلنه حبي ليه
وقتها هيبقا ليا الفخر اني اقول للدنيا كلها ان ده حبيبي

ولو اضطرينا اننا نخبي حبنا
برضو احساس جميل انا احنا رغم الحاجات اللي حاولت تفرقنا بس برضو بنحب بعض حتى لو كنا مخبيين عن الناس اللي حولينا


شكرا منى
موضوع جامد بجد

[Salma]

kol elnas t3raf a7san ya Mona
w el2hl kaman 3ashan el3elaka tekon 2aema 3al oss salema
keda yeb2a a7san l kol el 2traf ana , hoa , elnas w elahl
thanxs Mona :)

[bero]

بصى يا منى انا الاول اكيد هقول لاهلى الاول
واذا وافقوا بيه اكيد كل الناس هتعرف
لكن متهيألى انى ماينفعش انى اعلنه للكل كدة الا للمقربين اوى ليا
دة رايى

[MIZO]

ماحنا خبينا يامنى وبرضو مانفعش :D
حبينا جرحونا :D
واللهي يامني اللي بيحب من قلبه هيحافظ على حبه مهما كان بقا ومهما حصل
مش هيهمه الناس ولا كلامهم
المهم ان الواد يلاقي واحد يحبه من قلبه ويخاف هليه مش طبل وزمر وضحك على بعض :D

[AshraF]

حسب الظروف والله يامني
أناا مريت بتجربه وكانت في السر بيني وبينهاا ومااحدش كاان يعرف _ لكن لو الكلام ده حصل مع بنتي هزعل واشوف ده غلط
عشاان كده المفروض العلاقه بين الولد والبنت تقوم على أسس سليمه
شكراا منى

[EMY]

ana shaydfa eno mayenfa3sh ne5aby
w law 7ad bey7eb bgad fa akid hayertebto rasmy b ba3d law mesh adrin yertebto fa ana shayfa eno momken el wa7ed ye5aby bas 3anb el ,nas elly malhash sira ghir el namima
bs bardo el e3lan 3an el 7ob 7aga 7elwa

[dr.maged]

اجمل حاجه فى الحب انه يبقى سر
يبقى حاجه بينى و بينها بس حتى اصحابى ميعرفوش الا القريبين اوى
الاهل طبعا لازم يعرفوا عشان يبقى الموضوع رسمى
بس بينى و بينك يا منى انا لما حبيت كان سر بينى و بينها بس حتى لا اهلى ولا اهلها عرفوا
ده جمال الحب مع انه مش صح لا ليا ولا ليها

[لـــولا]

ما فيش حاجة اسمها حب في السر والا ميبقاش حب

[saidhwry]

انا اتفق معاكى يا لولا