تخيل مصر لو عندنا هيئة الامر بالمعروف زي اللي في السعودية

[Mohamed Kareem]

حد متخيل ياجماعة الوضع لو كان عندنا هئية الامر بالمعروف زي اللى موجودة في السعودية ؟؟ عارفين ايه اللى حيحصل
أولا البلد كلها هتتقفل وقت الصلاة
مفيش ولد ولا بنت هيمشي في الشارع بعد 12
مفيش سينما هتتفتح في مصر
مفيش طبعا لا ديسكوهات ولا الحاجات دي كلها
هتتفتش في اى وقت واى مكان
ممكن تعتقل لو ظبطوك ماشي في الشارع وقت صلاة
ممكن يعتقلوا اى واحدة لو مكنتش محجبة ومغطية شعرها
وكل طرق القمع والذل هترتكب بقي متخيلين الوضع ازاي
تتمني تيجي عندنا ولا لا بقي
:p
دا بيان توقيف من السلطات السعودية لناس في الهيئة دي عشان قتلوا واحد من الضرب
http://www.alarabiya.net/files/image/large_4934_35130.jpg

[AshraF]

هي بتعمل الصح يامحمد واللى الاسلام أمر بيه
وكون واحد مات من الضرب في مره ف دي غلطه يعني مش هنعممها

أنا عموما مع الجامعات دي _ مع دور توعيه يكون موازي ليها

عشان كل موااطن يقتنع ان ده الصح وده الحلال _ ماتبقااش المسأله جاايه غصب
ويحصل بعد كده اللى بنشوفه من الخليجيين لما ينزلوا مصر هنا :p _ والمليطه تبدأ

أينعم الوااحد هيتحرم من الباديهات والبنطلونات والشعور السايحه ومسيحانا معاهاا _ بس برضو الوااحد هيستحمل

وهو من دلوقتي نلحق ننزل نصور كاام صوره كده في الشووارع ينفعوا في الاياام الزنقه اللى جاايه دي :wub:

شكرا ياكيموزتى :wub:

[Hima4]

ربنا يبعدهم عنا
دانت في الصورة اللى منزلها مكتوب فيها خادوة من الشارع عشان مركب واحدة اجنبية في العربية
يعني واضح النفس الزيادة عندهم بعقاب

[BasseM]

وهو من دلوقتي نلحق ننزل نصور كاام صوره كده في الشووارع ينفعوا في الاياام الزنقه اللى جاايه دي :wub:






ههههههه
ايوه يا عم نحوش عشان يكون عندنا فائض احتياطي
استراتيجي في المنطقه

شكرا يا كيموززوزوزوزوزوزوزوزوزوززوووززووززز:p

[توتي محمد]

المشكله مش في الفكره المشكله التطبيق
يعني عارفين انه في الهيئه دي بيشغلو ناس معندهاش شهاده غير الابتدائيه
كل الحاجه الكويسه اللي فيه انه حافظ قراءن
وبعد كده ينزل في خلق الله تخويف وبطش
يا ريت يخلوهم ناس محترمه دارسه شريعه وعقيده وتجادل الناس ب اللتي هيه احسن
والحمد الله انا عيشه في الامارات
مليش دعوه

[RasheeD]

نفس راي اشرف وتوتي بالظبط
هي مساله تنفيذ وتطبيق ... ولازم فعلا يكون في توعيه لكل الناس عشان الكل يقتنع بالتغيير ده

[توتي محمد]

واي تغير ... يعني انا مسلمه ربنا امرني اتحجب واستر جسمي و الحجات دي طيب لما انا ما اعملش ده ... ومخافش من ربنا .. حخاف من السجن ولا من رجل هيئه بيشخط .. غطي وشك يا مرا؟؟؟؟؟؟ ماكان اولي اخاف من ربنا اللي خالقني

[Sniper]

واي تغير ... يعني انا مسلمه ربنا امرني اتحجب واستر جسمي و الحجات دي طيب لما انا ما اعملش ده ... ومخافش من ربنا .. حخاف من السجن ولا من رجل هيئه بيشخط .. غطي وشك يا مرا؟؟؟؟؟؟ ماكان اولي اخاف من ربنا اللي خالقني

المفروووووووض اللى عملوا الهيئة يقولوا لنفسهم الكلام دا
انا حاسس انهم عاملين زي البوليس السياسي اللى كان في مصر
وطلعت اخبار ان حسني مبارك رفض جسر شرم الشيخ عشان رجال الهيئة ميدخلوش شرم
:mfr_lol:

[hormentado]

السلام عليكم
يا جماعة لازم لما نحب نقول رأينا فى موضوع او مسألة نفكر الأول ونحضر كويس للموضوع الى هنحط رأينا فيه عشان كلنا نستفيد بالنسبة لموضوع الهيئة دول ناس بينفذوا امر ربنا ومش بيضربوا حد زى ما هو مكتوب ومش معنا ان واحد مات يبقى مات من الضرب ويا ريت مصر يكون فيها هيئة حتى للأمر بالمعروف ومش النهى عن المنكر وتكون تابعة للشرطة يعنى مثلا يكون هناك طلاب شرطة يدرسوا علوم شرعية بالازهر او العكس طلاب ازهر ويدرسوا او ياخدوا دورة علوم شرطية وياريت لو نتناول المسألة دى سواء بالقبول او الرفض ولكم جزيل الشكر.:bstwish:

[توتي محمد]

لا يا عم بيضربو
وانا لما كنت في العمره رمضان اللي فات جه واحد وشخط عليا وقال لي غطي وشك ..؟؟
وكلمته وقلت ازاي وانا حصلي ....؟؟
قال مالوش دعوه؟؟؟
وشفتهم بعيني بيضربو الناس
خصوصا الهنود.. وقت الصلاه

[penar]

هتبقى سبوبة لاي حد ياخد اي حد وقمة القمع والظلم ولسه برضه بنقارن ما بيننا وما بين ورانا بدل ما نبص اوي لقدام
بحترم جدا تونس لانها محترمه في تشريعها مثلا بترفض الزواج اكتر من مره صحيح الشرع يسمح بس الدوله متسمحش والعكس غير صحيح زي واحد عنده مبدأ رافض لجواز اتنين
نرجع تاني للامر بالمعروف والنهي عن المنكر مستحيل يحصل مصر مش كلها مسلمين والمسيحيين ليهم حق علينا :furious:

[ADEEBwbs]

هتبقى سبوبة لاي حد ياخد اي حد وقمة القمع والظلم ولسه برضه بنقارن ما بيننا وما بين ورانا بدل ما نبص اوي لقدام
بحترم جدا تونس لانها محترمه في تشريعها مثلا بترفض الزواج اكتر من مره صحيح الشرع يسمح بس الدوله متسمحش والعكس غير صحيح زي واحد عنده مبدأ رافض لجواز اتنين
نرجع تاني للامر بالمعروف والنهي عن المنكر مستحيل يحصل مصر مش كلها مسلمين والمسيحيين ليهم حق علينا :furious:
لا دولة تمنع الشرع دي حاجة مش كويسة وربنا هيحاسب الحاكم دا

[islam_3011]

مصر محتاجة للوزارات دي بعد مراح تاثير الازهر والجوامع على الناس
وبعدين انا عارف الناس دي بتتصرف الزاي مفيش حاجة اسمها يعتقلو واحد عشان مصلاش او ماشي في الشارع وقت الصلاة انا كنت في السعودية وعارف كويس

[محمد شريف]

التطبيق هو الي بيخلق المشكله
يعني لو الناس دي مش ناس محترمه هنشوف العجب وهنشوف الذل
انما لو ناس محترمين هينظموا البلد كويس وهيقللوا من الانحلال والتسيب الموجود
دا احيانا المدام بتاعتي هي الي بتبص علي بنات وتقولي دول ازاي يخرجوا من بيوتهم بلمنظر ده
حقيقي التوعيه الدينيه مطلوبه جدا
وهدانا وهداهم الله